Դիտել ողջ տարբերակը : Քաղաքակիրթ բանավեճ
Ակումբի հարգելի ղեկավարություն
Առաջարկում եմ ստեղծել մի թեմա, որտեղ կկարողանանք անցկացնել իսկական բանավեճ պահպանելով բանավեճի բոլոր նորմերը:
Արդեն ահագին ժամանակ է կարդում եմ ակումբի գրառումները և քաղաքական բաժնում համարյա միշտ բանավեճը վերածվում է անձնականի:
Խնդրում եմ ստեղծեք հնարավորություն, որպեսզի բանավեճի մասնակցիները կարողանան նախախես գրանցվել մասնակցելու համար, իսկ մնացածը ուղակի հետևեն դրան: Առաջարկում եմ բանավեճն ունենա հատուկ օրեր, ժամեր և վարող, որը կվերահսկի բանավեճի ամբողջ ընթացքը:
Եթե նման առաջարկ նախկինում եղել է և որևէ լուծում տրվել կամ չի տրվել, ապա ես նախապես հայցում եմ բոլորիդ ներողամտությունը առաջարկը կրկնելու համար:
StrangeLittleGirl
28.08.2007, 13:15
Վա՜խ, շատ լավ միտք է :)
Առաջարկում եմ նաև, որ լինի բանավեճը վարող, որը թեմայից շեղվելու, անձնական վեճի անցնելու և այլնի դեպքում ամեն ինչ կկարգավորի, ինչպես նաև կսրացնի հարցերը, որպեսզի բանավեճը հնարավորինս թեժ լինի: :)
Վա՜խ, շատ լավ միտք է :)
Առաջարկում եմ նաև, որ լինի բանավեճը վարող, որը թեմայից շեղվելու, անձնական վեճի անցնելու և այլնի դեպքում ամեն ինչ կկարգավորի, ինչպես նաև կսրացնի հարցերը, որպեսզի բանավեճը հնարավորինս թեժ լինի: :)
Ենթադրում եմ, որ արդեն ունենք վարողի թեկնածու:
Տեսնենք ակումբի ղեկավարությունը ինչ է կարծում, չնայած կարծեմ Դուք նույնպես ղեկավար կազմից եք: ;)
Եթե առաջարկս ընդունվի և պսակվի հաջողությամբ ես կաշխատեմ նաև իրական քաղաքական գործիչներ հրավիրել եթե իհարկե դեմ չեք
StrangeLittleGirl
28.08.2007, 13:23
Տեսնենք ակումբի ղեկավարությունը ինչ է կարծում, չնայած կարծեմ Դուք նույնպես ղեկավար կազմից եք:
Նման որոշումներ կայացնելու լիազորություն չունեմ ես:
Այնքան էլ չհասկացա, թե ինչո՞վ պիտի տարբերվի այն ֆորումական սովորական բանավեճերից։ Թեմայից շեղվելը, անձնական վեճի անցնելը սենց թե նենց չի ընդունվում ֆորումում։ Ու այդ կարգը պահպանելու համար ադմինիստրացիա կա։ Եթե կարծում եք, որ այս կարգը ֆորումում բավարար չափով չի պահպանվում, ապա ի՞նչ երաշխիք կա, որ անունը «քաղաքակիրթ բանավեճ» դնելու դեպքում կպահպանվի։
Ի դեպ, ադմինիստրացիայի սիրած հարցը տամ. եթե կարծում եք, որ քաղաքակիրթ քննարկումների կարգը ֆորումում չի պահպանվում, ապա ինչու՞ կոնկրետ դեպքերում դրա մասին չեք ահազանգում ադմինիստրացիային։ Ի վերջո, դրա համար հատուկ մեխանիզմ կա մշակված։ Յուրաքանչյուր գրառման ձախ կողմում, գրառումն անողի ավատարի տակ կա http://www.akumb.am/images/dargarun/buttons/report.gif նշանով կոճակ։ Եթե համարում եք, որ տվյալ գրառումը բարեկիրթ բանավեճի կուլտուրայի խախտում է պարունակում, ապա, այդ կոճակի վրա սեղմելով, կարող եք ադմինիստրացիային տեղեկացնել դրա մասին։ Ադմինիստրացիան էլ հավանաբար համապատասխան քայլեր կձեռնարկի։
Ինչ վերաբերում է քննարկումը սրելուն, ապա քննարկումը հարցադրումներով, գրառումներով սրել յուրաքանչյուրն էլ կարող է ներկայիս ֆորումական բանավեճերի ընթացքում։ Ի՞նչ տարբերություն։ Որևէ մեկը ձեզ արգելու՞մ է։ Ի՞նչ առավելություն պիտի ունենա այս տարբերակը։
Իսկ քննարկումների օրեր, ժամեր սահմանափակելը, նախորոք գրանցվել պարտադրելը իմ կարծիքով իզուր տեղը կսահմանափակի քննարկումներին մասնակցելու հնարավորությունը, հետևաբար քննարկումներն էլ ավելի պասիվ կդառնան։ Նման սահմանափակումներ դնելու իմաստը ո՞րն է։
Չգիտեմ, գուցե ինչ–որ բան սխալ եմ հասկացել։ Հուսանք, որ առաջարկը դեռևս կմանրամասնեք։
Խոսքը գնում է իրական բանավեճի այլ ոչ թե սուր ու անկոտրուն կարծիքների քննարկման մասին:
Իրական բանավեճի նպատակը խնդրի կոնկրետ լուծում գտնելն է, որը ցավոք հիմնականում չի կիրառվում քննարկումների ժամանակ:
Այն մտավախությունը, որ կլինի նույն քննարկումը և նույնիսկ կարող է խանգառել քննարկումների ընթացքին կարծում եմ չկա:
Ես առաջարկում եմ ստեղծել մի այնպիսի բանավիճողների ճամբար, որի արդյունքում հնարավոր կլինի իսկապես կոնկրետ եզրահանգումների գալ և կոնկրետ առաջարկներ ներկայացնել:
Egern.net
28.08.2007, 15:45
ինչքան հասկանում եմ, խոսքը նոր ֆորմատի մասին է: Այսինքն, դա միգուցե ֆորումի սահմաններից դուրս պետք է արվի: Ինչ-որ բլոգի նման, միգուցե հենց ֆորումի հիմքի վրա, բայց նոր իմիջով, ուրիշ անվան տակ ...
Vishapakah
28.08.2007, 15:55
Անկեղծ ասաց չհասկացա ինչպիսի բանավեճի մասին է խոսքը, որովհետեւ ցանկացած թեմայում էլ կարելի է բանավիճել եւ չեմ կարծում թե մոդերատորների միջամտության կարիք լինի. Տեղի յուզերները բավականին ցիվիլ հասարակություն են.
Չնայած վերը նշված իմ տեսակետի, կարծում եմ կարելի է Moj-ին հնարավորություն տալ գախափարը ի կատար ածելու. Նախ մենք այդքան էլ լավ չենք պատկերացնում առաջարկվող բանավեճի տեսակը, երկրորդն էլ, որտեղից իմանաք առաջարկի ոչ պետքական լինելը, եթե գործնականու դրա կիրառությունը չի եղել.
Այդ պատճառով կարելի է փորձաշրջան անցկացնել, եթե իրոք ծրագիրը անհետաքրքիր լինի, նա առանց որեւիցե միջամտության իրեն կսպառի. Հետաքրքիր լինելու դեպքում, կհարստացնի ֆորումը, ավելի շատ մարդիկ գրավելով այստեղ.
Moj-ը խոսեց հնարավոր հրավիրվող իրական քաղաքական գործիչների մասին, ըստ ինձ, նման ձեռնարկը արդեն հեաքրքիր է. Քաղաքական գործիչների ժամանակ առ ժամանակ առկայության դեպքում, իրոք Ակումբը կվերածվի ոչ միայն հզոր ֆորումի, այլեւ արժանի հասարակական կառույցի, որտեղ քնարկումները անցկացվում են ամենաբարձր մակարդակով.
Հ. Գ.
Կարծիքս խիստ անհատական է, գուցէ եւ սխալվեմ, այս պատճառով գոնը գործնական փորձաշրջան պետք է. Ով գիտի, ինչի կարող է վերածվել փոքրիկ ձեռնարկը.
Համաձայն եմ Vishapakah-ի հետ:
Ու այնուամենայնիվ այնքան էլ լավ չեմ պատկերացնում առաջարկի էությունը։ Կարո՞ղ եք կոնկրետ ասել, թե հիմա ի՞նչ ադմինիստրատիվ կամ ոչ ադմինիստրատիվ քայլեր են անհրաժեշտ Ձեր առաջարկած բանավեճը փորձելու համար։
Խոսքը գնում է իրական բանավեճի այլ ոչ թե սուր ու անկոտրուն կարծիքների քննարկման մասին:
Իրական բանավեճի նպատակը խնդրի կոնկրետ լուծում գտնելն է
…
Լիովին համաձայն եմ Ձեզ հետ ու ողջունում եմ քննարկումների կուլտուրան բարձրացնելու Ձեր կոչը, բայց խնդիրն այն է, որ բանավիճելիս Ձեր նշած բացասական երևույթների պատճառը երևի ոչ թե բանավեճի տեխնիկական իմաստով ֆորմատն է, այլ մեր մեջ բանավիճելու կուլտուրայի պակասը։ Հետևաբար քննարկմանը մասնակցող յուրաքանչյուր մարդ պիտի ինքն իր բանավիճելու կուլտուրայի վրա չաշխատի, դիմացինին հարգել ու հասկանալ սովորի։ Քննարկմանը մասնակցելը պիտի միայն ընդհանուրին հուզող խնդրի լուծումը գտելու նպատակ ունենա։
Արդյոք քննարկումների Ձեր առաջարկած ֆորմատը այս իմաստով ինչ–որ բան կփոխի՞։ Չէ՞ որ ամեն դեպքում, որքան հասկացա, քննարկումներին մասնակցողները էլի ֆորումի անդամներն են լինելու ու քննարկումների կուլտուրան հենց իրենք են ցածր կամ բարձր մակարդակի բերելու։ Այսինքն, ենթադրում եմ, որ շեշտը պիտի լինի ոչ թե ինչ–որ տեխնիկական սահմանափակումներ մտցնելու, այլ յուրաքանչյուրիս անձնական կուլտուրան բարձրացնելու վրա։ Չգիտեմ, գուցե առաջինով երկրորդի՞ն հասնենք։:think
Ինչևէ, հուսով եմ, որ այս առաջարկն ու քննարկումը ինչ–որ լավ բանի այնուամենայնիվ կբերեն։ :)
ինչքան հասկանում եմ, խոսքը նոր ֆորմատի մասին է: Այսինքն, դա միգուցե ֆորումի սահմաններից դուրս պետք է արվի: Ինչ-որ բլոգի նման, միգուցե հենց ֆորումի հիմքի վրա, բայց նոր իմիջով, ուրիշ անվան տակ ...
Շատ ճիշտ է, որովհետև բանավեճ վարող, երկու կողմեր, ետի ուժե կդառնա Չաթ: Դրահամառ հատուկ սկրիպտ "ՊԽՊ ԲԱՆԱՎԵՃ" կամ ել ինչ որ բլոգի վրա::(
Զրուցարանում անցկացրեք :hands
VIP սրա՞հ եք պատրաստվում հիմնել :):
Ավելացվել է 5 րոպե անց
Քննարկմանը մասնակցելը պիտի միայն ընդհանուրին հուզող խնդրի լուծումը գտելու նպատակ ունենա։
Իսկ բացառվու՞մ է, որ ակումբակիցը պրոֆեսիոնալ չէ ասենք քաղաքականության մեջ, ու արտահայտում է իր "սուբեկտիվ" կարծիքը: Կամ արտահայտում է իր վերաբերմունքը ու գնահատականը տվյալ երևույթին որպես մարդ /քաղաքացի/:
Ինչու եք համարում, որ "Ակումբ"-ը ՝ դա էքսպերտների ժողով է, որոնք հավաքվել են ինչ-ինչ համապետական /կամ այլ/ խնդիրներ լուծելու համար:B:
Պանդուխտ
28.08.2007, 21:11
VIP սրա՞հ եք պատրաստվում հիմնել :):
Ավելացվել է 5 րոպե անց
Իսկ բացառվու՞մ է, որ ակումբակիցը պրոֆեսիոնալ չէ ասենք քաղաքականության մեջ, ու արտահայտում է իր "սուբեկտիվ" կարծիքը: Կամ արտահայտում է իր վերաբերմունքը ու գնահատականը տվյալ երևույթին որպես մարդ /քաղաքացի/:
Ինչու եք համարում, որ "Ակումբ"-ը ՝ դա էքսպերտների ժողով է, որոնք հավաքվել են ինչ-ինչ համապետական /կամ այլ/ խնդիրներ լուծելու համար:B:
Նպատակը խաղող ուտելն է, եւ ոչ պարտիզպան ծեծելը:
Նպատակը խաղող ուտելն է, եւ ոչ պարտիզպան ծեծելը:
Շատ դիպուկ է ասված:
Իսկապես, այստեղ մենք խնդիր չունենք կոնկրետ քաղաքականություն վարել, այլ ուղակի ցանկալի է լինի այնպիսի հնարավորություն, որ մասնակիցները բանավիճեն ուղիղ թեմայի շուրջ հասկանալով, որ այլ դեպքում նրանք ուղակի հարմար չեն բանավիճելու համար:
Իմ փորձը այս ֆորումի շրջանակներում քննարկմանը մասնակցելու շատ անհաջող ստացվեց, ես ուղիղ հարց տվեցի կապված նախագահի զեկուցման հետ իսկ պատասխան ստացա, որով ուղակի փորձ արվեց քննարկումը բազարի վերածելու (չնայած ես դրան սպասում էի):
Լիովին համաձայն եմ այն մտքին, որ մենք մեր մեջ պետք է բանավիճելու կուլտուրա զարգացնենք, բայց դրա համար հարկավոր է ինչ որ զսպողական մեխանիզմ:
Երբ բանավիճում են քաղաքական գործիչները հեռուստատեսությամբ կամ այլ ֆորմատում նրանք գիտակցում են, որ ցանկացած անձնական խոսք կարող է բերել հեղինակազրման, ուզում եմ, որ այս ակումբում ևս լինեն հեղինակություններ և հասկանան, որ ցանկացած անօրակ քննարկման հիմքում ընկած է իրենց իսկ հեղինակության ու մակարդակի աստիճանը:
Մի գուցե քաղաքակիրթ բանավեճին հասնելու նպատակի լուծումը գտնենք ոչ թե տեխնիկական հնարավորություններով այլ ուղակի քաղաքակիրթ բանավեճ քարոզելով:
Ես չունեմ կոնկրետ առաջարկներ, այլ ցանկանում եմ միասին հասնենք այդ խնդրի լուծմանը:
Ավելացվել է 7 րոպե անց
VIP սրա՞հ եք պատրաստվում հիմնել :):
Ավելացվել է 5 րոպե անց
Իսկ բացառվու՞մ է, որ ակումբակիցը պրոֆեսիոնալ չէ ասենք քաղաքականության մեջ, ու արտահայտում է իր "սուբեկտիվ" կարծիքը: Կամ արտահայտում է իր վերաբերմունքը ու գնահատականը տվյալ երևույթին որպես մարդ /քաղաքացի/:
Ինչու եք համարում, որ "Ակումբ"-ը ՝ դա էքսպերտների ժողով է, որոնք հավաքվել են ինչ-ինչ համապետական /կամ այլ/ խնդիրներ լուծելու համար:B:
Ցանկացած ոք, անկախ պրոֆեսիոնալության աստիճանից, քննարկումների ժամանակ արտահայտում է իր սուբյեկտիվ կարծիքը, ես ենթադրում եմ, որ իմ առաջարկը պետք է հանգեցնի նրան, որ այդ սուբյեկտիվ կարծիքների արանքներից հանվի իրական օբյեկտիվը:
Ձեր այս տողերը ինձ հուշեցին խնդրի լուծման մեկ տարբերակ
կարելի է ստեղծել մի թեմա, որում քննարկումների կարող են մասնակցել միայն հատուկ թույլտվություն ունեցողները, որոնք ընթացքում որևէ կերպ կընտրվեն, իսկ մնացածը ուղակի հետևեն և մեկ այլ թեմայում փորձեն պարզել պրոֆեսիոնալ խմբի կարծիքների ճշմարտացիությունը' ետ չմնալով քննարկումներից:
Մոտավորապես առաջարկում եմ ակումբում ունենալ քաղաքականությունում պրոֆեսիոնալ հայացքներ ունեցողների մի խումբ:
Իսկ բացառվու՞մ է, որ ակումբակիցը պրոֆեսիոնալ չէ ասենք քաղաքականության մեջ, ու արտահայտում է իր "սուբեկտիվ" կարծիքը: Կամ արտահայտում է իր վերաբերմունքը ու գնահատականը տվյալ երևույթին որպես մարդ /քաղաքացի/:
Ինչու եք համարում, որ "Ակումբ"-ը ՝ դա էքսպերտների ժողով է, որոնք հավաքվել են ինչ-ինչ համապետական /կամ այլ/ խնդիրներ լուծելու համար:B:
Իհարկե, ամեն մեկն արտահայտում է իր սուբյեկտիվ կարծիքը, բայց ցանկացած թեմա, հարցադրում պատասխան փնտրելու նպատակ ունի, չէ՞։ Թեկուզ եթե այդ ամենի մեջ սուբյեկտիվության մեծ բաժին լինի։ Ի վերջո, հո՞ ժամանակ սպանելու համար չենք քննարկում։ Կարծիքների փոխանակության, քննարկումների արդյունքում փորձում ենք գտնել մեզ հուզող հարցերի պատասխանները։ Ասածիցս չի նշանակում, թե Ակումբը որպես էքսպերտների ժողով եմ ընկալում, որը պիտի քննարկման արդյունքում ինչ–որ պաշտոնական արդյունք ներկայացնի։
Լիովին համաձայն եմ այն մտքին, որ մենք մեր մեջ պետք է բանավիճելու կուլտուրա զարգացնենք, բայց դրա համար հարկավոր է ինչ որ զսպողական մեխանիզմ:
Երբ բանավիճում են քաղաքական գործիչները հեռուստատեսությամբ կամ այլ ֆորմատում նրանք գիտակցում են, որ ցանկացած անձնական խոսք կարող է բերել հեղինակազրման, ուզում եմ, որ այս ակումբում ևս լինեն հեղինակություններ և հասկանան, որ ցանկացած անօրակ քննարկման հիմքում ընկած է իրենց իսկ հեղինակության ու մակարդակի աստիճանը:
Կարծում եմ, որ ֆորումի ընդհանուր կանոններն ու ադմինիստրացիան ապահովում են Ձեր նշած զսպող մեխանիզմը։
Հեղինակության առումով էլ, այսպես թե այնպես, յուրաքանչյուր ոք իր գրառումներով ակումբում որոշակի հեղինակություն է ձևավորում մյուսների մոտ նույն ձևով, ինչ քաղաքական գործիչը՝ հեռուստատեսային ելույթով։
Ի վերջո, ֆորումում գործում է վարկանիշների մեխանիզմ՝ ամեն մեկը ստանում է իր վարկանիշային գնահատականը։ Իսկ այդ գնահատականը ձևավորվում է ֆորումի մասնակիցների կարծիքների հիման վրա։ Տե՛ս «Վարկանիշ» (http://www.akumb.am/showthread.php?t=72) թեման։
Մի գուցե քաղաքակիրթ բանավեճին հասնելու նպատակի լուծումը գտնենք ոչ թե տեխնիկական հնարավորություններով այլ ուղակի քաղաքակիրթ բանավեճ քարոզելով:Կարծում եմ, որ քննարկումների մակարդակը բարձրացնելուն նպաստող տեխնիկական կողմն արդեն ստեղծված է ֆորումում։ Այդ առումով ավելացնելու բան առայժմ չեմ տեսնում։ Մինչդեռ բանավիճելու կուլտուրան բարձրացնելու տեղ միշտ էլ կա։ :)
Ձեր այս տողերը ինձ հուշեցին խնդրի լուծման մեկ տարբերակ
կարելի է ստեղծել մի թեմա, որում քննարկումների կարող են մասնակցել միայն հատուկ թույլտվություն ունեցողները, որոնք ընթացքում որևէ կերպ կընտրվեն, իսկ մնացածը ուղակի հետևեն և մեկ այլ թեմայում փորձեն պարզել պրոֆեսիոնալ խմբի կարծիքների ճշմարտացիությունը' ետ չմնալով քննարկումներից:
Մոտավորապես առաջարկում եմ ակումբում ունենալ քաղաքականությունում պրոֆեսիոնալ հայացքներ ունեցողների մի խումբ:
Չգիտեմ, կարծում եմ, որ նման դասակարգումն ու սահմանափակումներ մտցնելը խիստ սուբյեկտիվ կլինի, հետևաբար նաև վիրավորական՝ այդ դասակարգումից դուրս մնացածների համար։
Գտնում եմ, որ ֆորումի առավելություններից մեկն էլ այն է, որ այստեղ չկան արհեստականորեն ստեղծված հեղինակություններ ու դասակարգումներ։ Յուրաքանչյուրն ազատ է իր կարծիքն ունենալու ու դրանք արտահայտելու(իհարկե բարեկիրթ քննարկումներ կարգը չխախտելու պայմանով)։ Ոչ ոքի կարծիքը չի դիտարկվում որպես էքսպերտի հայտնած բացարձակ ճշմարտություն, իսկ մյուսներինը նսեմացվում։ Ամեն մեկը մադկային առումով գնահատվում է իր ակումբակիցների կողմից իր իսկ գրառումների հիման վրա։
Ավելացվել է 18 րոպե անց
Ֆորումում այսօր էլ կան մի շարք մասնակիցներ, որոնք ֆորումի կոնկրետ բաժիններում մյուսների համար պրոֆեսիոնալի կարգավիճակ ունեն։ Բայց այդ կարգավիճակներն առաջանում են բնական ձևով։ Օրինակ, Պողոսի կարծիքն ինձ համար մեծ արժեք, կարևորություն կարող է ունենալ գրականության բաժնում, մի ուրիշինը՝ ծրագրավորման բաժնում, որովհետև նախկին գրառումներից արդեն նկատել եմ տվյալ ոլորտում նրա պրոֆեսիոնալիզմը։
Ու այս ձևով ֆորումի յուրաքանչյուր մասնակից կարող է հեղինակություն ձեռք բերել կամ էլ հակառակը։
Չէ՞ք կարծում, որ այսպիսի մեխանիզմն ավելի ճկուն, արդար ու արդյունավետ է։
StrangeLittleGirl
31.08.2007, 15:38
Ես խոսեմ իմ պատկերացրած բանավեճի մասին:
Ժամանակին ինչու՞ էինք «Ի՞նչ, որտե՞ղ, ե՞րբ» անցկացնում: Կարող էինք թողնել հարցերը, մի քանի օրվա ընթացքում մարդիկ պատասխանեին և այլն… Բայց էդպես չէր, չէ՞: Խաղի հետաքրքրությունը հենց դրա ինտերակտվիության մեջ էր:
Նույն կերպ և բանավեճը… Տարբեր թեմաներում տեսնում ենք բանավեճի բնավ չնմանվող քննարկումներ: Ինչու՞: Որովհետև թեման նման է քամուն հանձնված նավի, և որ կողմ փչի քամին, այն կողմ էլ կգնա, հետևաբար պետք է մեկը, որը նավին ուղղություն կտա, կոնկրետ տեղ կտանի: Բացի դրանից, հաճախ անձնական վիրավորանքները սկսվում են, շարունակվում, և հետո միայն մոդերատորը նկատում է, խմբագրում կամ ջնջում: Այդ ժամանակ արդեն թեման ուրիշ ուղղություն է ստացած լինում, ու հետո շարունակելը մի քիչ դժվար է լինում: Բանավեճի դեպքում վարողը միշտ այնտեղ է, վիրավորական մեկ տառն անմիջապես կտրում է, թույլ չի տալիս, որ շարունակվի: Վերջիվերջո, վարողն է խոսքի հնարավորություն տալիս այդ պահին ասելիք ունեցողին: Իսկ նախօրոք գրանցվելն էլ նրանով է լավ, որ բանավեճը սկսում ես նույն մարդկանցով ու նույնով ավարտում: Ֆորումի թեմաներում հաճախ հայտնվում են «բանից բեխաբար» մարդիկ, ոչ բոլոր գրառումներն են կարդում, և ամեն ինչ նորից է սկսվում:
Բայց պրոֆեսիոնալների խումբ ստեղծելուն միանշանակ դեմ եմ:
Ի դեպ, կարծում եմ, որ բանավեճը ֆորումում անցկացնելն, այնուամենայնիվ, որոշակի դժվարությունների հետ է կապված: Եթե դրան մասնակցելու 1-2 ժամ ժամանակ ունենք, ինչու՞ չհավաքվենք, ռեալում անցկացնենք:
Բացի դրանից, կարելի է բանավեճեր կազմակերպել նաև մյուս բաժինների թեմաների շուրջ:
Իսկական բանավեճը կանոններ ունի...եթե ուզում եք, կասեմ, կսկսենք խաղալ,թիմերի պիտի բաժանվենք, ժյուրի պիտի ընտրենք ու live խաղանք...բայց ինչպես Ի՞նչ, որտե՞ղ, ե՞րբ-ում, սրա համար էլ պիտի ժամանակ դնենք...
Մի խոսքով, եթե հետաքրքիր ա, մի երկու բան ճշտեմ, կասեմ...ծ
Ես դպրոցական ժամանակ մրցումների եմ մասնակցել նույնիսկ, մեր թիմն էլ գրավել ա առաջին տեղը /դպրոցների մեջ էր խաղը/
ՀԻմա ուղղակի մի երկու բան լավ չեմ հիշում, բայց շատ հետաքրքիր կլինի...
StrangeLittleGirl
31.08.2007, 15:59
Ծո՛վ, կանոնները մենք ենք որոշում: Ես էլ եմ բազմաթիվ բանավեճերի մասնակցել, անգամ՝ վարել: Ամեն անգամ նոր կանոններ էի մշակում: Մի անգամ նույնիսկ երկու հոգով ենք վարել:
Վախ,ես էլ կմասնակցեմ հաճույքով…:)
Դպրոցայինին մի տարի մասնակցել եմ,ու առաջին տեղ ենք բռնել:)
Աչքիս մեր բանավեճը քիչ–քիչ տուն–տունիկի է վերածվում։ :hands :D
Ուխ, վաղուց չեմ խաղացել։ :yahoo
Դե եկե'ք մի հատ ես իմ իմացածը առաջադրեմ, տեսեք ոնց ա...
1.Ընտրվում է ժյուրի / ցանկալի է երեքը, բայց էս նեղ ակումբում գոնե երկու հոգի պիտի լինեն/:
2.Ժյուրին առաջադրում է թեմա, բայց թեմայի ընտրության հարցում կարող են և անդամները օգնել:
3. Ժյուրին կազմում է թիմեր իհարկե այնյ անդամներից, ովքեր ցանկություն կհայտնեն խաղալ;
4.Թիմերը պետք է հավասար քանակությամբ անդամներ ունենան;
5. Յուրաքանչյուր թիմ պետք է ունենա իր ավագը;
6.Ժյուրին որոշում է, թե թիմերից որն է լինելու դեմ կողմը, որը` Կողմ կողմը /:Dսորտ ստացվեց/;
7.Անդամներից յուրաքանչյուրը մի կողմ է դնում իր սուբյեկտիվ վերաբերմունքը թեմային, եթե այն չի համապատասխանում իր դերին;
/ Հեսա օրինակը կասեմ/
Ասենք...
Թեման հետևյալն է` Ռուսամետությունը Հայաստանում
.Կողմ
.Դեմ
1.Կողմ թիմին տրվում է ժամանակ հնարավորինս լակոնիկ ներկայացնել թեմայի վերաբերյալ ունեցած նախաբանը /այսինքն ինչու են կողմ, որ լինի ռուսամետություն Հայաստանում/առավելագույնը 3-ից 5 րոպե ժամանակ/; Խոսում է թիմի ավագը:
2.Սկսվում է հարցային երկխոսություն: Այսինքն Դեմ թիմը գրոհում է, իսկ կողմ թիմը պատասխանում է հարցերին:/ Հարցին հարցով պատասխանել չի թույլատրվում/: Առավելագույնը 3-ից 5 րոպե:
3.Դեմ թիմին տրվում է ժամանակ հնարավորինս լակոնիկ ներկայացնել թեմայի վերաբերյալ ունեցած նախաբանը /այսինքն ինչու են դեմ, որ լինի ռուսամետություն Հայաստանում/առավելագույնը 3-ից 5 րոպե ժամանակ/: Խոսում է թիմի ավագը:
4.Սկսվում է հարցային երկխոսություն: Այս անգամ Կողմ թիմը գրոհում է, իսկ դեմ թիմը պատասխանում է հարցերին:/ Հարցին հարցով պատասխանել չի թույլատրվում/: Առավելագույնը 3-ից 5 րոպե:
5.Եզրափակիչ փուլ: Կողմ թիմը ասում է, թե դեմի ասածներից ինչ եզրակացություն ունեցավ, որ կետերին համաձայն չէ՝ համապատասխան հիմնավորումներով, հակառակորդի վրիպակներն ու թերությունները խաղի ընթացքում և իր կողմի առանցքային մասն ու դիրքորոշման կոնցեպցիան:
6.Եզրափակիչ փուլ: Դեմ թիմը ասում է, թե կողմի ասածներից ինչ եզրակացություն ունեցավ, որ կետերին համաձայն չէ՝ համապատասխան հիմնավորումներով, հակառակորդի վրիպակներն ու թերությունները խաղի ընթացքում և իր կողմի առանցքային մասն ու դիրքորոշմանկոնցեպցիան:
...
Թիմերը պիտի լավ տեղեկացված լինեն թեմայից, կամ գոնե փորձեն խաղից մեկ օր առաջ լավ տնտղել թեման, գտնել դրա բացասական ու դրական կողմերը: ունենալ փատեր...
...
Ժյուրին ողջ ժամանակ հետևում է խաղի ընթացքին, գրանցում է խախտումները, նշումներ է անում և վերջում որոշում, թե ով հաղթեց խաղում: Ո՞վ մինչև վերջ հավատարիմ մնաց իր դիրքորոշմանը, չհակասեց ինքն իրեն ընթացքում՝ հատկապես հարց ու պատսխանի ժամանակ:
Ժյուրին ևս թեմայի նկատմամբ իր ունեցած վերաբերմունքը գցում է դեն...
Որոշումը ևս պիտի ունենա հիմնավորում: Նույնիսկ մեջբերումներ, օրինակներ և այլն...
Տեխնիկական մասի անթերի լինելը պակաս կարևոր չէ: Թիմային աշխատանքը և նույնիսկ դեմագոգիան խրախուսվում են խաղում:
...:D
Էսքան գրեցի ու հասկացա, որ սա հնարավոր չէ խաղալ ակումբում՝ վիրտուալ տարբերակով, այնպես որ դուք որոշեք անտեսել, թե գոնե մի երկու բան էս ամենից քաղել...
իսկ ես ներողություն եմ խնդրում Ալիզիկից:D
Մի ավելացում Ալիզիկի ասածին:)
Եթե ուզում եք ձեր հաղթելու շանսերը ավելացնել,ապա աշխատեք մասնակցել ամբողջ թիմով,պատասխանները նույնպես տալ թիմովի,ոչ թե մասնակցի միայն մեկը:
Եթե անգամ ժամանակի կարիք չունեք,ապա ոչինչ,վերցրեք,թեկուզ ձևական,հավաքվեք իրար գլխի ու եթե արդեն գիտեք ինչ պիտի ասեք,ոչինչ,հավաքվելուց մի թեմա կգտնվի,էնքան որ ժամանակ վերցրեք:D(բայց իրոք լուրջ եմ ասում;) )
Խոսելուց շատ մի օգտագործեք հարգելիս,սիրելիս ու այլ նմանատիպ բառեր:love:oy:8
Մեկ էլ խոսալուց դատավորին մի նայեք/վիրտուալի ժամանակ դատավորի մասին մի մտածեք,նա դա զգում է ու դրանից ձեր աչոկներն են նիհարում:D/
էլի նրբություններ հիշեմ,կասեմ:B
ԱԴՄԻՆՆԵՐ բացում եք բանավեճ ռազդելը: եթե իհաևկե կարելի է:
StrangeLittleGirl
31.08.2007, 21:33
Չէ:, բայց Ծովոյի առաջարկած տարբերակը, որքան էլ հետաքրքիր լինի, խաղ է :(
Ես իսկական թունդ բանավեճի սիրահար եմ :P
լավ չի լավ չի, խաղ չի արի փորձարկենք հա? Կպնում ես հետս?:D
Հարգելի մասնակիցներ
Երբ ես առաջարկում էի քաղաքակիրթ բանավեճ ամենևին չեի առաջարկում այդ բանավեճի արդյունքում խաղալ խաղ, բայց եթե գտնում եք, որ արդեն իսկ այս ակումբում իրականանում է քաղաքակիրթ բանավեճ, ապա խնդրեմ կարող ենք և խաղ խաղալ:
Առաջարկիս արդյունքում ուզում էի տեսնել թիմային աշխատանք և ոչ թե ուղակի ժամանց, բայց կարծում եմ, որ առաջարկված խաղը կարող է օգտակար լինել իմ մտադրություններն իրականացնելու համար:
Խնդրեմ քննարկենք, որոշենք և առաջարկենք ակումբի ղեկավարությանը...
Թեթևակի ծանոթացա թեմայի բովանդակությանը, հետաքրքրեց:
Ավելի մանրամասն կկարդամ բոլորի գրածները և շաբաթ կամ կիրակի օրը, կարծում եմ, որոշակի տարբերակ կառաջարկեմ ու կիրականացնեմ: Որոշակի մտքեր արդեն կան :)
Շնորհակալություն առաջարկի ու առաջարկին արձագանքների համար :redhat
Philosopher
09.09.2007, 20:47
Քաղաքակիրթ բանավեճը իսկապես կարևոր է, և այդպիսի բանավեճեր միշտ եղել են ակումբում ու էլի կլինեն: Բանավեճի համար որոշակի հատուկ ֆորմատի ձևավորումը հետաքրքիր գաղափար է, որը քննարկվեց նաև ակումբի վերջին հանդիպմանը: Որոշ գաղափարներ ու խնդրի լուծման որոշ կոնկրետ ձևեր արդեն կան: Թեև ըստ ամենայնի դրանք կունենա իրենց յուրահատուկ ձևը և գուցե և չհամապատասխանեն թեմայի հեղինակի պատկերացումներին, սակայն արդեն իսկ գաղափարի առկայությունը կարևոր է ու ողջունելի:
Մոտակա շաբաթ-կիրակի օրերին կստեղծվի բանավեճի հետաքրքիր ու հուսանք արդյունավետ ֆորմատ, որը հանարավորություն կտա որոշակի կարգով կազմակերպվող բանավեճեր ու քննարկումներ կազմակերպել` շարունակելով ու ակտիվացնելով ինտելեկտուալ լուրջ բանավեճի ակումբային ավանդույթները:
Քաղաքակիրթ բանավեճը իսկապես կարևոր է, և այդպիսի բանավեճեր միշտ եղել են ակումբում ու էլի կլինեն: Բանավեճի համար որոշակի հատուկ ֆորմատի ձևավորումը հետաքրքիր գաղափար է, որը քննարկվեց նաև ակումբի վերջին հանդիպմանը: Որոշ գաղափարներ ու խնդրի լուծման որոշ կոնկրետ ձևեր արդեն կան: Թեև ըստ ամենայնի դրանք կունենա իրենց յուրահատուկ ձևը և գուցե և չհամապատասխանեն թեմայի հեղինակի պատկերացումներին, սակայն արդեն իսկ գաղափարի առկայությունը կարևոր է ու ողջունելի:
Մոտակա շաբաթ-կիրակի օրերին կստեղծվի բանավեճի հետաքրքիր ու հուսանք արդյունավետ ֆորմատ, որը հանարավորություն կտա որոշակի կարգով կազմակերպվող բանավեճեր ու քննարկումներ կազմակերպել` շարունակելով ու ակտիվացնելով ինտելեկտուալ լուրջ բանավեճի ակումբային ավանդույթները:
:( շաբաթն անցավ, կիրակին նույնպես, բայց...
Մեղապարտ
03.09.2008, 16:07
Թեմայի վրջին գրառումից հասկացա որ բոլոր կողմերին բավարարում է բանավեցճի այն տարբերակը ,որը հիմա կիրառվում է ֆորումում և կոնկրետ քննարկվող թեմաներում:
Ներկայացնեմ իմ կարծիքը , գտնում եմ որ քննարկումներին մասնակցող ցանկացած կողմ կարող է իր կարծիքը հայտնել, իր լեզվական կարողությունների , բնականաբար նորմատիվային լեքսիկայի սահմաններում և հնարավորիս գրական հայերենի շարա դրությամբ :
Կարծես այս մոտեցումը հիմնականում պահպանվում են , սակայն չի պահպանվում հանդուրժողականություն , ինչպես նաև բանավեճը վարելու սկզբնական ձևաչափը , մի քանի մտքերի փոխանակությունից հետո այն հիմնականում շեղվում է քննարկվող նյութից , վերածվելով սրաբանության որը հանգեցնում է վերջին հաշվով անձնական վիրավորանքների կամ այնպիսի գրառումների , որոնք այս ձևաչափի մեջ հավասարվում են անձնական վիրավորանքին, սա անընդունելի է:
Կածիքը հայտնելու համար համոզված եմ որ կարիք չկա օգտագործելու այնպիսի բառեր, որոնք այսպես կոչված «խոսակցական ժարգոնային լեքսիկոնից են » և հարիր չեն քննարկումներին, այն ավելի շատ ընդգծում է քննարկումների մթնոլորտը և նրանց ովքեր ընդունում են քննարկումները նման ձևաչափով և շարունակում են այն:
Հրավիրում եմ առավելագույն ուշարդություն և խուսափել այս երևույթից և քննարկում ների մեջ հնարավորինս քիչ օգտագործել եղանակավոր բառեր և մտքեր որոնք կապված են «ժարգոնային լեքսիկայի հետ»:
Խուսափելով «ժարգոնային լեքսիկայի եղանակավոր բառերից և մտքերից» մենք ևս մեկ քայլ կկատարենք իրար ընդառաջ, քննարկումների ժամանակ ,դարձնելով այն ավելի մարդավայել և հասուն :
Կարծում եմ, որ քննարկումների ժամանակ նաև շատ կարևոր է հետևել սեփական գրառումներին, որպեսզի այն չլինի դժվարընթեռնելի: Մասնավորապես, Վանական, ես կարծում եմ, որ դու քո յուրաքանչյուր գրառումը պետք է ստուգես, որպեսզի նրանում չլինեն երկու կտորով գրված բառեր, ինչպիսիք են «շարա դրությամբ», «քննարկում ների» և այլն: Այսպիսի բացատներով բառեր քո գրառմուների մեջ հաճախ են հանդիպում, դարձնում գրառումը դժվարընթեռնելի, նյարդայնացնող, և ես, որպես ակումբի ադմինիստրատոր, պահանջում եմ մեծ ուշադրություն դարձնել դրան: