PDA

Դիտել ողջ տարբերակը : Նոր օրհներգի ընտրություն



Վազգեն
30.08.2006, 03:41
ՀՀ օրհներգի երաժշտության և տեքստի ընտրության մրցույթի երկրորդ փուլ 5 երգ են անցել։ Այստեղ այդ երգերի բառերը կդնեմ։ Հետաքրքիր է, եթե միայն երգից բառերից դատենք, դուք ո՞րը կնտրեիք։

ԵՐԳ ՄԵԿ

Երաժշտությունը` Տիգրան Մանսուրյանի, տեքստը` Եղիշե Չարենցի



Ես իմ անուշ Հայաստանի արեւահամ բառն են սիրում,

Մեր հին սազի ողբանվագ, լացակումած լարն եմ սիրում,

Արնանման ծաղիկների ու վարդերի բույրը վառման,

Ու նաիրյան աղջիկների հեզաճկուն պարն եմ սիրում:

կրկներգ

Աշխարհ անցիր` Արարատի նման ճերմակ գագաթ չկա,

Ինչպես անհաս փառքի ճամփա` ես իմ Մասիս սարն եմ սիրում (կրկնել)

Ուր էլ լինեմ - չեմ մոռանա ես ողբաձայն երգերը մեր

Չեմ մոռանա աղոթք դարձած երկաթագիր գրքերը մեր,

Ինչքան էլ սուր սիրտս խոցեն արյունաքամ վերքերը մեր -

Էլի ես որբ ու արնավառ իմ Հայաստան-յարն եմ սիրում:

կրկներգ

Աշխարհ անցիր` Արարատի նման ճերմակ գագաթ չկա,

Ինչպես անհաս փառքի ճամփա` ես իմ Մասիս սարն եմ սիրում (կրկնել)

Իմ կարոտած սրտի համար ոչ մի ուրիշ հեքիաթ չկա.

Նարեկացու, Քուչակի պես լուսապսակ ճակատ չկա.

Աշխարհ անցիր` Արարատի նման ճերմակ գագաթ չկա.

Ինչպես անհաս փառքի ճամփա ես իմ Մասիս սարն եմ սիրում:

կրկներգ

Աշխարհ անցիր` Արարատի նման ճերմակ գագաթ չկա,

Ինչպես անհաս փառքի ճամփա` ես իմ Մասիս սարն եմ սիրում (կրկնել)




ԵՐԳ ԵՐԿՈՒ

Երաժշտությունը` Երվանդ Երզնկյանի, տեքստը` Արարատ Բ-ի



Օրհներգ

Հայոց աշխարհ մեր հպարտ,

Դրախտ երկիր, տուն հզոր,

Պաշտպան լինենք մենք քո կյանքին

Ցնծա, ցնծա այսօր:



Գնանք առաջ ու առաջ,

Պահենք ոգին վեհ ու քաջ,

Գնանք, հայեր

Գնանք, հայեր

Միշտ աննահանջ:



Մենք որդիք քո ցնծալի.

Մեր փառքի հետ անցյալի,

Կկերտենք մի դրախտ Երկիր-Ոստան

Մեր արեւով, հոգով, Արարատով`

Նոր Հայաստան



Դու իմ երկիր Նաիրյան,

Տիրոջ կամքով հաստատված,

Պաշտպան ունես դու քաջերիդ

Ու մի հզոր Աստված:



Դու իմ հզոր Հայրենիք,

Օրրան դու ողջ հայության,

Քայլիր ազատ

Քայլիր հպարտ

Իմ Հայաստան:



ԵՐԳ ԵՐԵՔ

Երաժշտությունը` Էդգար Հովհաննիսյանի, տեքստը` Վահագն Դավթյանի



ՄԱՅՐ ՀԱՅԱՍՏԱՆ

կրկ. Մայր Հայաստան, երկիր հավերժող,

Փառք քեզ, փառք իմ հող,

Փառք հավիտյան,

Քո որդիներին, քաջորդիներին,

Մայր իմ Հայաստան:



Մաքառեցին քո որդիք, ընկան սրահար:

Նրանց արյամբ մկրտված`

Դու ելար, խոյացար, վեհացար,

Երկիր հայրենի:



կրկ. Մայր Հայաստան, երկիր հավերժող,

Փառք քեզ, փառք իմ հող,

Փառք հավիտյան,

Քո որդիներին, քաջորդիներին,

Մայր իմ Հայաստան:

Ավարայրի սուրբ դաշտով` դարեր սուրացին,

Շիրիմներից քաջերի շողաց լույս,

Արշալույս, երգ ու հույս,

Ոգի հրածին:



կրկ. Մայր Հայաստան, երկիր հավերժող,

Փառք քեզ, փառք իմ հող,

Փառք հավիտյան,

Քո որդիներին, քաջորդիներին,

Մայր իմ Հայաստան:

Նրանց հոգին մեր սրտում ապրեց դարերով,

Արծվի նման թեւաբաց,

Սավառնեց մեր հպարտ,

Ձյունապատ, անպարտ լեռներով:



կրկ. Մայր Հայաստան, երկիր հավերժող,

Փառք քեզ, փառք իմ հող,

Փառք հավիտյան,

Քո որդիներին, քաջորդիներին,

Մայր իմ Հայաստան:

ՓԱՌՔ ՀԱՎԻՏՅԱՆ


ԵՐԳ ՉՈՐՍ

Երաժշտությունը` Արամ Խաչատրյանի, տեքստը` Արսեն Սողոմոնյանի



ՕՐՀՆԵՐԳ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

I

Ազա՛տ, անկա՛խ, նախնյաց պատգամ Հայաստա՛ն,

Հայոց ազգի դարեր կերտած դու ոստա՛ն,

Մագաղաթյա մեր պատմության նոր մատյա՛ն,

Դու նորօրյա Մայր Հայրենիք հայությա՛ն:

Կրկներգ

Փա՛ռք քե՛զ, մի՛շտ փա՛ռք, Աստծո օրհնյա՛լ Հայաստա՛ն,

Որդիներիդ ահեղ բազկով անսասա՛ն,

Երկաթագիր քո տառերով մեսրոպյան

Դու կերտում ես հայոց պայծառ ապագա՛ն:

II

Վահա՛գն աստված քեզ հուրն անշեջ պարգեւե՛ց,

Լուսավորչի հավատքը քեզ լույս տվե՛ց,

Նարեկով էր Խաչիդ ճամփան տեւակա՛ն,

Արարատն է դարձիդ ճամփան վերջնակա՛ն:

Կրկներգ

Փա՛ռք քե՛զ, մի՛շտ փա՛ռք, Աստծո օրհնյա՛լ Հայաստա՛ն,

Որդիներիդ ահեղ բազկով անսասա՛ն,

Երկաթագիր քո տառերով մեսրոպյան

Դու կերտում ես հայոց պայծառ ապագա՛ն:

III

Արքա՛, ռազմի՛կ, քերթողահա՛յր, շինակա՛ն,

Արարեցին պատմությունդ նաիրյա՛ն:

Ծիրանագույն արտերից արեւահա՛մ

Ալիքվեց քո եռագույնը հաղթակա՛ն:

Կրկներգ

Փա՛ռք քե՛զ, մի՛շտ փա՛ռք, Աստծո օրհնյա՛լ Հայաստա՛ն,

Որդիներիդ ահեղ բազկով անսասա՛ն,

Երկաթագիր քո տառերով մեսրոպյան

Դու կերտում ես հայոց պայծառ ապագա՛ն:



ԵՐԳ ՀԻՆԳ

Երաժշտությունը` Ռոբերտ Ամիրխանյանի, տեքստը` Լյուդվիգ Դուրյանի



ՕՐՀՆԵՐԳ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Մեր հայրենիք, բյուր դարեր կանգուն ես

Հայկյան շուքով դյուցազնական,

Տեսել ես մահ, ավեր, սանձել ես մութ հողմեր,

Թեժ մարտերում կոփել ես կամք հաղթական:

Մեր Հայրենիք, սրբազան լույսի տաճար ես,

Հավերժ կապրի շենշող հանճարը քո,

Աստվածաշունչ մայր Երկիր,

Հավատ մեր եւ փրկիչ:



Քո Արարատ լեռան լանջին

Կծնվեն ազատ երգեր օրորի,

Չի լռի Զանգը Հաղթության կանչիդ,

Կավետի նոր Մայիսներ փառքի:



Փառք քեզ, Երկիր, անվախճան է երթդ,

Պիտի ապրենք ու կերտենք

Վերածնված Հայրենիք,

Հավաքազոր, հար ու Հզոր, Հայաստան:

Մելիք
30.08.2006, 08:36
Իմ կարծիքով ներկայացվածներից հիմնի համար համեմատաբար հարմար է Լ. Դուրյանի տարբերակը:

Արշակ
30.08.2006, 10:15
Առանց երաժշտության մի քիչ դժվար է պատկերացնելը, բայց տեքստերից ոչ մեկը դուրս չեկավ։ Օրհներգի նկատմամբ իմ ունեցած պահանջներին ոչ մեկն էլ չէր բավարարում։:(
Բայց առաջին տպավորությամբ գուցե մեջներից 4-րդը`Արսեն Սողոմոնյանի բառերովը կընտրեի։

otar
30.08.2006, 10:20
Իմ կարծիքով ներկայացվածներից հիմնի համար համեմատաբար հարմար է Լ. Դուրյանի տարբերակը:
:hands :B համաձայն եմ

Yellow Raven
30.08.2006, 10:56
Ինձ էլ 4-րդը դուր եկավ,չնայած կատարյալ չէր:

_DEATH_
30.08.2006, 10:58
Երաժշտությունը` Տիգրան Մանսուրյանի, տեքստը` Եղիշե Չարենցի
կամ
Երաժշտությունը` Արամ Խաչատրյանի, տեքստը` Արսեն Սողոմոնյանի
Եղիշե Չարենցի տեքստն եմ շատ սիրում:love , մեկ էլ Արամ Խաչատրյանի երաժշտությունը:love :hands , բոլոր երկրների հիմները լսեցի և իմ կարծիքով, եթե ԵՐԳ ՉՈՐՍ–ը ընտրվի, մենք աշխարհի ամենահզոր երաժշտությամբ հիմնը կունենանք;)
Այդ 2 տարբերակներից որն էլ ընտրեն շատ կուրախանամ:ok
Իսկ Լ. Դուրյանի տեքստը շատ լավն է:hands , բայց երաժշտությունը դուրս չեկավ:(

John
30.08.2006, 12:32
Չորրորդը միանշանակ ավելի հարմար է որպես Օրհներգ

Artgeo
16.10.2006, 21:19
Ես տենց էլ չհասկացա ինչ տեղի ունեցավ: Այս հարցը տենց էլ մեռա՞վ

Sergey
16.10.2006, 22:00
Ես տենց էլ չհասկացա ինչ տեղի ունեցավ: Այս հարցը տենց էլ մեռա՞վ

Ասում են իշխանությունները որոշում են կայացրել սառեցնել այս հարցը։ Եվ շատ էլ ճիշտ են արել:ok

Sergey
23.10.2006, 21:31
Վերջն ընտրեցին էլի Խաչատրյանի երաժշտությունը, սկզբում ճիշտ էլ ենթադրել էի, իրենց կուշտ ու կոմերիտական երիտասարդությանն ամենահարազատը դա էր:(

Artgeo
23.10.2006, 21:42
Ո՞նց ընտրեցին, բա ասիք սառեցվել ա :o

StrangeLittleGirl
23.10.2006, 21:43
Հանձնաժողովն ընտրել է, իսկ օրենքը ԱԺ-ն է ընդունելու:

Աբելյան
22.11.2006, 16:10
Ամեն ինչ Հայաստանում հոյակապ էր, մենակ էդ հիմնը իշխանություններին դուր չէր գալի, որոշեցին փոխել...

Դժվար ա ասել որ մեկն ա հիմն լինելուն ավելի արժանի:

Գոռ Ջան - Հայ
22.11.2006, 16:43
Ընդունել են, սովետական Հյաստանի հիմնի երաժշտությունը բայց բառեր չունենք:D :D :D
Պատկերացրեք հանկարծ առանց բառերի ստիպեն նվագել, ասենք ֆուտբոլի մեր հավաքականի հանդիպման ժամանակ:D :D :D

Նորմարդ
22.11.2006, 20:12
Ամեն ինչ Հայաստանում հոյակապ էր, մենակ էդ հիմնը իշխանություններին դուր չէր գալի, որոշեցին փոխել...
Չգիտեմ ում դուրն էր գալիս ումը չէր գալիս, բայց իմ կարծիքով հիմնը արժեր փոխել
ամեն անգամ հիմնը երգելիս <<Ազատ, անկախ>> բառերի տեղը ակամայից Նալբանդյանի <<Թշվառ, անտեր>> բառերն էին միտս գալիս:

Ընդունել են, սովետական Հյաստանի հիմնի երաժշտությունը բայց բառեր չունենք:D :D :D
Պատկերացրեք հանկարծ առանց բառերի ստիպեն նվագել, ասենք ֆուտբոլի մեր հավաքականի հանդիպման ժամանակ:D :D :D
Մի անհանգստացիր մինչև ՀՀ ազգային հավաքականի մյուս խաղը, հավանաբար բառերը կգրեն:)

Գոռ Ջան - Հայ
22.11.2006, 20:26
Ինչ էլ որ լինի, ինչն էլ փոխեին, հիմնին չպիտի ձեռք տային:angry
Հիմնը խաղալիք չի, ինչպես գերբը ու դրոշը,իմիջայլոց գերբն էլ են առաջարկում փոխել:
Սենց որ գնա Հայաստանի անւնն էլ կփոխեն:angry
Հիմնը ստեղծվել է անկախության հետ, ու դարձել է մեր երկրի այցեքարտը, ո՞նց կարելի է անկապ տեղից բռնել ու փոխել՞:o :[

քաղաքացի
29.12.2006, 13:44
Հայկական Սովետական Սոցիալիստական Հանրապետության Պետական Հիմնը
Խոսքերի հեղինակ՝ Սարմեն (չեմ ճանաչում)
Երաժշտությունը՝ Ա. Խաչատրյան

Սովետական ազատ աշխարհ Հայաստան,
Բազում դարեր դաժան ճամփա դու անցար,
Քաջ որդիք քո մաքառեցին քեզ համար,
Որ դառնաս դու մայր հայրենիք հայության։

Փառք քեզ, միշտ փառք, Սովետական Հայաստան,
Աշխատասեր, ճարտարագործ-շինարար,
Ժողովրդոց սուրբ դաշինքով անսասան՝
Դու ծաղկում ես և կերտում լույս ապագադ։

Լենինն անմահ մեզ հուրն անշեջ պարգևեց,
Մեր դեմ շողաց երջանկաբեր այգաբաց,
Հոկտեմբերը կործանումից մեզ փրկեց
Եվ տվեց մեզ նոր, պայծառ կյանք փառապանծ։

Փառք քեզ, միշտ փառք, Սովետական Հայաստան,
Աշխատասեր, ճարտարագործ-շինարար,
Ժողովրդոց սուրբ դաշինքով անսասան՝
Դու ծաղկում ես և կերտում լույս ապագադ։

Մեծ Ռուսիան մեզ եղբայրության ձեռք մեկնեց,
Մենք կերտեցինք ամրակուռ նոր պետություն,
Լենինյան մեր կուսակցությունն իմաստուն
Հաղթորեն մեզ դեպ կոմունիզմ է տանում։

Փառք քեզ, միշտ փառք, Սովետական Հայաստան,
Աշխատասեր, ճարտարագործ-շինարար,
Ժողովրդոց սուրբ դաշինքով անսասան՝
Դու ծաղկում ես և կերտում լույս ապագադ։

Լացս գալիս է :cry
Հիմա եթե Ա. Խաչատրյանի երաժշտությունը լսեմ չեմ կարողանա երգել: Ինչքան էլ բառերը փոխված լինեն այս խոսքերը կհիշեմ ու… :[

Srtik
29.12.2006, 13:56
Ինչ էլ որ լինի, ինչն էլ փոխեին, հիմնին չպիտի ձեռք տային:angry
Հիմնը խաղալիք չի, ինչպես գերբը ու դրոշը,իմիջայլոց գերբն էլ են առաջարկում փոխել:
Հիմնը ստեղծվել է անկախության հետ, ու դարձել է մեր երկրի այցեքարտը, ո՞նց կարելի է անկապ տեղից բռնել ու փոխել՞:o :[

Համաձայն եմ ձեզ հետ::(

Highordy
10.02.2007, 00:04
Առանց երաժշտության մի քիչ դժվար է պատկերացնելը, բայց տեքստերից ոչ մեկը դուրս չեկավ։ Օրհներգի նկատմամբ իմ ունեցած պահանջներին ոչ մեկն էլ չէր բավարարում։:(
Բայց առաջին տպավորությամբ գուցե մեջներից 4-րդը`Արսեն Սողոմոնյանի բառերովը կընտրեի։


Միանգամայն համաձայն եմ:

Ազգային օրհներգը պետք է ոգեշնչի, կանչի սխրանքների, ամոքի վիրավոր հոգիները և, միևնույն ժամանակ ազգի անկախության և աշխարհում նրա գրաված պատվավոր տեղի գաղափար ներշնչի:

Օրհներգը պետք է լինի մի կողմից ռազմի երգերի նման, մյուս կողմից հավատ ներշնչի վաղվա, ոչ թե «վաղը-չէ-մյուս-օրվա», այլ հենց վաղը վրա հասնող պայծառ օրերի նկատմամբ:

Օրհներգի տեքստը պետք է լինի այնպիսին, որ առաջին իսկ «ակկորդները» հնչելուց հոգիդ այրվի ու ոտքի կանգնես ոչ թե «պրոտոկոլի» այլ ոգու կանչով:

Սա է իմ համոզմունքը:

Իսկ ի՞նչ կասես սրա մասին… Օրհներգի տեքստի քո պատկերացումներին համընկնում է թե ոչ…

Երաժշտությունը Ա. Խաչատուրյանի (Խորհրդային Հայաստանի օրհներգի երաժշտությունը), տեքստ՝ Մ. Բաբայանի

Ուրեմն այսպես…

ՏՈւՆ 1
Աշխարհաստեղծ երկնածովից արարված,
Ազատատենչ, հպարտ արյաց բուն օրրան,
Վիշապախեղդ գոռ Վահագնի հայրենիք,
Արևաշող, արևածին Հայաստան:

ԿՐԿՆԵՐԳ
Փառք քեզ, փառք քեզ վերածնված Հայաստան,
Մեր նորացած, հզորացած հայրենիք,
Թող աստղերը երկնից իջնեն՝ լույս սփռեն
Հաղթանակիդ ճանապարհին քո գալիք

ՏՈւՆ 2
Քո ցասումից թշնամիներդ դողան,
Թող զայրութիդ բոցերի մեջ ածխանան,
Արյունարբու ոսոխի դեմ կուռ վահան՝
Արարատյան արյաց ոստան Հայաստան

ԿՐԿՆԵՐԳ
Փառք քեզ, փառք քեզ վերածնված Հայաստան,
Մեր նորացած, հզորացած հայրենիք,
Թող աստղերը երկնից իջնեն՝ լույս սփռեն
Հաղթանակիդ ճանապարհին քո գալիք

ՏՈւՆ 3
Դու՝ հայր Մաշտոց, Շիրակացի ու Նարեկ,
Դավիթ անհաղթ, տիեզերքի առաջնեկ,
Լույսի կերոն ու հավատքի շտեմարան,
Դու՝ արծվաթև, առյուծաձև Հայաստան

ԿՐԿՆԵՐԳ
Փառք քեզ, փառք քեզ վերածնված Հայաստան,
Մեր նորացած, հզորացած հայրենիք,
Թող աստղերը երկնից իջնեն՝ լույս սփռեն
Հաղթանակիդ ճանապարհին քո գալիք

Մի երկու բառ գրիր: Ինձ քո կարծիքը հետաքրքիր է: Նմանապես՝ նաև Անահիտ-Ուլուանայի:) կարծիքը…

Highordy
10.02.2007, 00:34
Ինչ էլ որ լինի, ինչն էլ փոխեին, հիմնին չպիտի ձեռք տային:angry
Հիմնը խաղալիք չի, ինչպես գերբը ու դրոշը,իմիջայլոց գերբն էլ են առաջարկում փոխել:
Սենց որ գնա Հայաստանի անւնն էլ կփոխեն:angry
Հիմնը ստեղծվել է անկախության հետ, ու դարձել է մեր երկրի այցեքարտը, ո՞նց կարելի է անկապ տեղից բռնել ու փոխել՞:o :[

Բոլորովին համաձայն չեմ…

Բայց նախ մոդերատորներից խնդրեմ, որ այս գրությունս օֆֆթոպ չհամարեն, որովհետև անհամաձայնությունս հիմնավորելու համար մի երկու բառ ավել եմ գրելու: Հայցում եմ մոդերատորների ներողամտությունը :)

Իհարկ է հիմնը, զինանշանը և դրոշը խաղալիք չեն, բայց եթե ինչ-որ մեկի կիսագրագետ ձեռքով քեզ ստիպում են կանգնել քո հայրենիքը որպես «թշվառ» ու «անտեր» որոշիչներով «գովերգող» բառերի ու իմաստ չունեցող երեք գույնի դրոշի ներքո… դուք չգիտեմ ինչպես, բայց իմ հոգին ըմբոստանում է:

Իսկ ինչ վերաբերվում է զինանշանին, ասեմ, որ այն հրաշալի է, ուղղակի խոսք չունեմ, բացառությամբ մի բանի, այնէ՝ Արծվի և Առյուծի տեղերը… Չե՞ք կռահում… Ասեմ… Արծիվը՝ դա ծագող արևի, իսկ Առյուծը մայր մտնող արևի իմաստներն են պարունակում: Երկուսն էլ Վահագնի փոխանորդն են Երկրի վրա: Սակայն նրանց դասավորվածությունը պետք է փոխել՝ Արծիվը աջից, Առյուծը ձախից:

Դառնանք դրոշի գույներին: Ով է ասել, որ դրանք արտացոլում են մեր ազգի իմաստը: Իսկական դրոշի գույները պետք է լինեն՝ Կարմիր, Սպիտակ, Սև: Այսինքն՝ տիեզերալեռան գույները (կարող եք տեղեկություններ ստանալ Ա. Վարպետյանի աշխատություններից): Նայեք իմ ավատարին… Տգետները հնարավորէ, որ այն համարեն «ֆաշիստի նշան»… Մի քիչ ավելին իմացողները (բայց միայն մի քիչ) կասեն, որ դա հնդկական, չինական կամ եսիմ էլ ինչական նշան է, որ խորհրդանշում է հավերժություն և այլն... Բայց դա միայն տգետները և դրանցից մի փոքր ավելին իմացողները: Գիտակ մարդը անմիջապես կհաստատի, որ դա հայկական կեռխաչն է, մեր էպոսում կոչվում էր «խաչ պատերազմին»… Հիշու՞մ եք՝ «Խաչ Պատերազմին իր ձախ բազկին»: Ինչու եմ ընդգծել ձախ կողմը: Ուզում եմ հիշեք, որ ֆաշիստներն էլ էին այն կրում հենց ձախ թևին… Եվ դա արվում էր հատուկ մտածված նպատակով… Ապականեցին արիության գաղափարը: Ատում եմ ֆաշիստներին և նրանց պարագլուխ Հիտլերին, որը բոլորովին էլ արիացի չէր, այլ ընդհակառակը՝ սեմական: Այդ կեռխաչը կրելու նույնիսկ գենետիկական իրավունք չուներ: Հասավ նրան, որ այսօր մարդիք տարբերություն չեն տեսնում ֆաշիստի և ցեղակրոնի միջև…

Ավարտելով՝ ասեմ, որ կեռխաչը «Խաչ Պատերազմին» կոչվելուց բացի անվանվել է նաև Վահագնախաչ», «Արևախաչ», «Տիեզերախա», «Պարույրախաչ» և այլն…

Խնդրում եմ օֆֆտոպ չհամարել այս փոքրիկ «լիրիկական»:) , բայց իրականում կարևոր պատմական էքսկուրսը:

Ներողություն մասնակի օֆֆտոպի համար:

Ներսես_AM
10.02.2007, 00:41
Իսկ ի՞նչ կասես սրա մասին… Օրհներգի տեքստի քո պատկերացումներին համընկնում է թե ոչ…

Երաժշտությունը Ա. Խաչատուրյանի (Խորհրդային Հայաստանի օրհներգի երաժշտությունը), տեքստ՝ Մ. Բաբայանի
..........

Մի երկու բառ գրիր: Ինձ քո կարծիքը հետաքրքիր է: Նմանապես՝ նաև Անահիտ-Ուլուանայի:) կարծիքը…


Ինձանից չէին հարցրել, բայց ըստ իս շատ են խուճուճ-մուճուճ, քիչ օգտագործվող, նաև շատերին երևի թե անհասկանալի բառերը։ Իմ համար միգուցե և լավ կարող է լինել (ասում եմ կարող է, որովհետև չեմ կարողանում երաժշտությունը հիշել ու համադրել տեքստի հետ, քիչ եմ լսել), բայց այ հասարակ գյուղացին երևի չի էլ հասկանա ինչի մասին է հիմնը, չի էլ կարողանա երգել։ Երևի պետք է ավելի պարզ լինի։ :think Չնայած այդպես էլ դժվար է ոգեշնչող ինչ որ բան գրել։ :think

Հ.Գ. Հայորդի նայիր այստեղhttp://akumb.am/showpost.php?p=181269&postcount=39

Highordy
10.02.2007, 19:35
Ինձանից չէին հարցրել, բայց ըստ իս շատ են խուճուճ-մուճուճ, քիչ օգտագործվող, նաև շատերին երևի թե անհասկանալի բառերը։ Իմ համար միգուցե և լավ կարող է լինել (ասում եմ կարող է, որովհետև չեմ կարողանում երաժշտությունը հիշել ու համադրել տեքստի հետ, քիչ եմ լսել), բայց այ հասարակ գյուղացին երևի չի էլ հասկանա ինչի մասին է հիմնը, չի էլ կարողանա երգել։ Երևի պետք է ավելի պարզ լինի։ Չնայած այդպես էլ դժվար է ոգեշնչող ինչ որ բան գրել։



Շնորհակալություն feedback-ի համար: Նկատի կունենամ:

Միայն մի դիտողություն. ի՞նչ է նշանակում «հասարակ գյուղացի»: Եթե նկատի ունես անգրագետ մարդ - ապա ասեմ, որ նման բաները չեն գրվում անգրագետ մարդու համար: Եվ ընդհանրապես, անգրագետի համար ամեն ինչն էլ անհասկանալի է, նույնիսկ խոհանոցում ծորակից վազող ջրի «հայտնվելու» երևույթը, կամ «պատը կմճտելով սենյակը լուսավորելու» գաղափարը… Ուրեմն ի՞նչ… անգրագետին զուրկ պահենք այս ամենից, որովհետև նա չի՞ հասկանա… Ընդհակառակը ! Տուր նրան այն ամենը ինչ լավ է կրթվածին, հասցրու «անգրագետին» «կրթվածի» մակարդակին: Կրթիր նրան նաև օրհներգով:

Սա ասում եմ, իհարկե եթե «հասարակ գյուղացի» ասելով նկատի ունես «անկիրթ», կամ «թերուս» անձանց: Այլապես՝ ներողություն::oy

Սակայն, եթե «հասարակ գյուղացի» արտահայտությունդ չունի վերը ասածս իմաստը, ապա ի՞նչ «կցուցանէ» քո ասածը: Եվ ինչու՞ մեր «հասարակ գյուղացիները» դուրս են մնում համազգային օրհներգը «հասկացողների» շարքերից… Չեմ կարողանում պատասխան գտնել :think , մանավանդ համոզված եմ, որ այդ «հասարակ գյուղացին» հաստատ չգիտե «յուր» կամ «արդ» կամ այլ արտահայտությունները, որոնք առկա են մեր այժմյան օրհներգում:

Ներսես ջան, գրառումս «պատերազմ» մի համարիր, խնդրում եմ: Ուղղակի իսկապես ուզում եմ հասկանալ «բոլորին հավասար մտավոր ունակություններ» գաղափարի տրամաբանությունը, այսինքն՝ եթե մեկը համակարգչից օգտվել չգիտե - համակարգիչ երևույթը վերացնենք մեր կյանքից: Չէ՞ որ «հասարակ գյուղացին» դա չի հասկանում: Քանի որ դու մոդերատորես՝ բերեմ այլ օրինակ. ես, ինչքան էլ որ «հասկանամ» համակարգչից, դժվար թե քո չափ իմացություններ ունենամ HTML կամ PHP ցանցային ծրագրերից որոնցով դու ստեղծել ես այս համացանցը: Ես չափազանց աղոտ պատկերացում ունեմ ծրագրավորումից և համարյա թե գաղափար չունեմ, թե փոփոխականը որտեղ ինչ արժեք է ստանում, ինչու է ստանում, ստանալուց հետո ինչ է լինում և ում-ինչ է անում, որ ծրագիրը աշխատում է: Փաստորեն այս կայքը պետք է գոյություն չունենար քանի որ ես չեմ հասկանում նրա աշխատանքի սկզբունքները: Բայց ես կարողանում եմ օգտվել դրանից: Դա բարիք է ինձ համար: Դե թող «հասարակ գյուղացին» էլ օգտվի օրհներգից՝ երգելով շպռտի հայերի լավը չուզողի երեսին:

Հնարավոր չէ՞ արդյոք այդ «հասարակ գյուղացուն» բացատրել և սովորեցնել այդ նույն համակարգչից օգտվել: Այսինքն ձգենք վերև և ոչ թե մյուսներին էլ իջեցնենք նույն մակարդակին: Շատ նման է «Խորհրդային իդեոլոգիային»՝ բոլորը հավասար աղքատ: Իսկ ինչու՞ ոչ հավասար հարուստ…


:D այ մարդ, ինչ գրում եմ՝ օֆֆթոպի հոտ է փչում :D

Հազար ներողություն եմ խնդրում:hands :hands :) :hands

Ներսես_AM
13.02.2007, 01:26
Highordy

Ճիշտն ասած, երբ գրում էի նածորդ գրառումը, ահավոր քունս տանում էր ու չափից դուրս բարդ էր թվացել այն ժամանակ։ Կիսաքնած լավ չէի ընկալել, թվացել էր, որ բարդ է։ Հիմա մեկ անգամ էլ կարդացի, դուրս եկավ։ հատուկ ճարեցի նաև երաժշտությունը, որ տեսնեմ երաժշտության հետ ինչպես է համադրվում։ Տների մասը շատ լավ էր, միայն կրկներգի մեջ մի տեսակ լավ չէր ստացվում։

Ինչ վերաբերում է նրան թե հիմնը ինչպիսին պիտի լինի։ Կարծիքս մնում է նույնը, այն է հիմնը պիտի լինի պարզ, որ այն լինի հասկանալի, ընդունելի հոգեհարազատ առանց սովորեցնելու։ Ասածս այն է, որ եթե հիմնը հագեցած լինի քիչ օգտագործվող բառերով, ապա այդ հիմնը կմնա թղթի վրա, 90% այդ հիմնը չի հասկանա և չի էլ հիշի։ Բայց միևնուն ժամանակ ան չպիտի լինի ներկայիս հիմնի նման, կարծես մանկական բանաստեղծություն լինի այնքան պարզ է։ Հատուկ հիմնի համար դասընթացներ հո չենք կազմակերպելու, որ մարդիկ իմանան որ բառն ինչ է նշանակում։ Կրթելու համար, հասցնելու համար «կրթվածի» մակարդակին պետք է ծառայի կրթական համակարգը։ Դպրոցները մասնավորապես։ Չեմ կարծում, որ հիմնը պիտի մարդկանց դպրոցնեում չսովորած հայոց լեզուն սովորեցնի։ Հիմնը պիտի ոգեշնչի մարդկանց, հայրենասիրություն քարոզի, հայրենիքը գովերգի։ Այն պիտի հասու լինի բոլորին, այո, այո նույնիսկ անգրագետին։ Հիմա ես կամ դուք չենք մեղավոր, որ բնակչություն կրթվածությունը այսքան է, Երևի թե այսքանը։

Հ.Գ. Ըստ իս Խաչատրյանի երաժշտությունը համապատասխանում է մեր հիմնի դերին ... մնում է նրա հանճարեղությանը համախատասխան բառեր գրվեն։

Հ.Հ.Գ. Չեմ հասկանում թե ինչի էն մարդիկ այդպես «հուշտ» լինում այդ երաշժտությունից։ Իբր սովետական է, և այլն։ Հարգոլիներս, բայց ինչու եք դեմ, լավն է չէ՞։ Ինչու ջնջենք, ոչնչացնենք այն ինչ ունեինք։ Միթե այդպես մենք չենք կրկնում մոտավորապես նույնը ինչ տեղի ունեցավ քրիստոնեության մուտքով Հայաստան։ Ոչնչացնենք հինը, ստեղծենք նորը։ Բայց մեր պատմությունը, մեր հարուստ մշակույթը ոչնչացվեց, չէ՞։

Philosopher
13.02.2007, 08:41
ՏՈւՆ 1
Աշխարհաստեղծ երկնածովից արարված,
Ազատատենչ, հպարտ արյաց բուն օրրան,
Վիշապախեղդ գոռ Վահագնի հայրենիք,
Արևաշող, արևածին Հայաստան:

ԿՐԿՆԵՐԳ
Փառք քեզ, փառք քեզ վերածնված Հայաստան,
Մեր նորացած, հզորացած հայրենիք,
Թող աստղերը երկնից իջնեն՝ լույս սփռեն
Հաղթանակիդ ճանապարհին քո գալիք

ՏՈւՆ 1
Քո ցասումից թշնամիներդ դողան,
Թող զայրութիդ բոցերի մեջ ածխանան,
Արյունարբու ոսոխի դեմ կուռ վահան՝
Արարատյան արյաց ոստան Հայաստան

ԿՐԿՆԵՐԳ
Փառք քեզ, փառք քեզ վերածնված Հայաստան,
Մեր նորացած, հզորացած հայրենիք,
Թող աստղերը երկնից իջնեն՝ լույս սփռեն
Հաղթանակիդ ճանապարհին քո գալիք

ՏՈւՆ 1
Դու՝ հայր Մաշտոց, Շիրակացի ու Նարեկ,
Դավիթ անհաղթ, տիեզերքի առաջնեկ,
Լույսի կերոն ու հավատքի շտեմարան,
Դու՝ արծվաթև, առյուծաձև Հայաստան

ԿՐԿՆԵՐԳ
Փառք քեզ, փառք քեզ վերածնված Հայաստան,
Մեր նորացած, հզորացած հայրենիք,
Թող աստղերը երկնից իջնեն՝ լույս սփռեն
Հաղթանակիդ ճանապարհին քո գալիք

Չգիտեմ, թե ով է Մ. Բաբայանը, բայց հաստատ գիտեմ, թե ինչպիսի մտածողություն պետք է ունենա մարդը այսպիսի տողեր գրելու համար։ Այսօր, երբ առավել էական է դառնում, ինչպես առանձին անհատի, այնպես էլ հավաքականությունների կյանքում, սեփական գոյության սթափ գնահատումը ու ապագա ճանապարհների իրական տեսլականի պատկերացումը, որոշ ազգեր՝ գոնե իրենց մեծամասնությամբ, մնում են սեփական պատմության, ավելի ճիշտ՝ դրա՝ ընտրովի հիշողության արդյունքում՝ խիստ զտված ու սրբացված պատկերի առաջ ծնկի եկած և շարունակում են իրենց այդ ծնկածալումներով սպանել իրենց կյանքն ու առաջընթացի կարողությունները։ Որևէ պետության հիմնը առավել չափով պետք է միտված լինի դեպի ապագա և առավել քիչ չափով դեպի անցյալ, այն էլ այնպիսի անցյալ, որը այդ ժողովրդի մտածողության մեջ տպավորվել է իբրև ցեղասպանությունների շարք։ Պետությունը գերեզմանոց չէ, որտեղ պետք է օրնիբուն պատարագներ մատուցվեն անցյալի զոհերի հոգիներ համար, այլ խանձարուր, որտեղ պիտի ծնվեն նոր մանուկներ։ Առաջին հայացքից վերը բերված տեքստը այնքան էլ վատատեսական չէ։ Սակայն դա միայն առաջին հայացքից. սեփական ազգի, նրա պատմության ու ապագայի այդպիսի նարցիսիտական նկարագրությունները ցույց են տալիս, որ հայերի հոգում դեռ հոգեհանիգիստ է, որը սպանում է բոլոր հոգեկան ուժերը ու դեմքին միայն գծվում է մի ծուռ ժպիտ՝ իբր ապագայի հույսով ու իբր ապագայի լավ ելքի վստահությամբ։ Այս և այսպիսի հիմները ու բանաստեղծություններն ու երգերը ընդհանրապես հենց այդպիսի ծուռ ժպիտ են, որի տակից երևում է հավաքականության խեղված հոգին։ Ծանր է, բայց այդպես է։

Highordy
13.02.2007, 10:03
Չգիտեմ, թե ով է Մ. Բաբայանը, բայց հաստատ գիտեմ, թե ինչպիսի մտածողություն պետք է ունենա մարդը այսպիսի տողեր գրելու համար։
Մ. Բաբայանը ես եմ, սակայն տեքստում ինչքան էլ որ փնտրեցի իմ մտածողության Ձեր նկարագրումը՝ ապարդյուն: Կկիսվե՞ք:)

Այսօր, երբ առավել էական է դառնում, ինչպես առանձին անհատի, այնպես էլ հավաքականությունների կյանքում, սեփական գոյության սթափ գնահատումը ու ապագա ճանապարհների իրական տեսլականի պատկերացումը, որոշ ազգեր՝ գոնե իրենց մեծամասնությամբ, մնում են սեփական պատմության, ավելի ճիշտ՝ դրա՝ ընտրովի հիշողության արդյունքում՝ խիստ զտված ու սրբացված պատկերի առաջ ծնկի եկած և շարունակում են իրենց այդ ծնկածալումներով սպանել իրենց կյանքն ու առաջընթացի կարողությունները։
Сегодня, когда космические корабли бороздят Большой Театр... :D Blah...blah...blah...
Նման է չէ՞…

Որևէ պետության հիմնը առավել չափով պետք է միտված լինի դեպի ապագա և առավել քիչ չափով դեպի անցյալ, այն էլ այնպիսի անցյալ, որը այդ ժողովրդի մտածողության մեջ տպավորվել է իբրև ցեղասպանությունների շարք։
Այս տեքստում ո՞րտեղ տեսաք ցեղասպանությունների շարք: Զարմանում եմ…

Ինչ վերաբերվում է անցյալը մոռանալուն և ապագային «միտվելուն» ասեմ, որ պատմություն չունեցող ազգը կայացած ազգ չէ, հետևաբար և օրհներգ ունենալու կարիքը չունի: Դուք, ինչ է, այսօր հպարտ եք Ձեր վաղվա անելիքո՞վ, թե նրանով ինչ արել եք երեկ և այսօր դրա շնորհիվ է, որ կաք:

Իսկ ինչ վերաբերվում է ազգի տված հերոսների և հանճարների անուններով և գործքով սերունդները դաստիարակելուն, ապա այստեղ ես, թերևս ոչ միայն ես, չեմ տեսնում ոչ մի պախարակելի բան… Բա էլ ու՞մ օրինակ բերեմ իմ ազգի հանճարը նկարագրելու համար… Խափշիկի հետնորդ Պուշկինի՞ն… «Համազասպ !… Ինձ զարմացնում ես, եղբայր»…

Պետությունը գերեզմանոց չէ, որտեղ պետք է օրնիբուն պատարագներ մատուցվեն անցյալի զոհերի հոգիներ համար, այլ խանձարուր, որտեղ պիտի ծնվեն նոր մանուկներ։
Իսկ ո՞վ է վիճում և փորձում հակառակը ապացուցել… Բայց, սպասի՜ր... Այդ նոր մանուկներին ինչո՞վ ես դաստիարակելու: Ապագայում ծնվելիք նոր մանուկներո՞վ…

Առաջին հայացքից վերը բերված տեքստը այնքան էլ վատատեսական չէ։ Սակայն դա միայն առաջին հայացքից. սեփական ազգի, նրա պատմության ու ապագայի այդպիսի նարցիսիտական նկարագրությունները ցույց են տալիս, որ հայերի հոգում դեռ հոգեհանիգիստ է, որը սպանում է բոլոր հոգեկան ուժերը…
Ստացվում է, որ նարցիսիզմով տառապող չերևալու համար մենք պետք է ստեղծենք, թողնենք ուրիշին, անցնենք առաջ ու գեթ մեկ անգամ չասենք թե «այ շուն, շան որդի, ո՞նց կարող է խաչքարը քո թուրքական մշակույթի երևույթ հանդիսանալ», կամ ասենք «հա, ջարդեք մշակույթի կոթողները, հալալ լինի, մենք ստեղծել ենք, բայց Philosopher-ն ասաց՝ պետք չի, դա արդեն անցյալ է, առաջ նայեք»: Բացարձակ անպատասխանատու հայտարարություն և հորդորում:

… ու դեմքին միայն գծվում է մի ծուռ ժպիտ՝ իբր ապագայի հույսով ու իբր ապագայի լավ ելքի վստահությամբ։ Այս և այսպիսի հիմները ու բանաստեղծություններն ու երգերը ընդհանրապես հենց այդպիսի ծուռ ժպիտ են, որի տակից երևում է հավաքականության խեղված հոգին։ Ծանր է, բայց այդպես է։
Համաձայն եմ. ծանր է: Հրեաների համար անչափ ծանր է տեսնել հայ ազգի վերածնունդը: Երկու հազար տարի տանջվեցին և ապարդյուն:

Philosopher, եթե Դուք հրեա չեք ազգությամբ, խնդրում եմ մի փորձեք հարել նրանց: Եվ ընդհանրապես, Ձեր մեկնաբանություններից այն տպավորությունն է ստեղծվում, որ դուք բոլորովին ուրիշ տեքստ եք կարդացել:

Ինձ մոտ «նարցիսիզմ» չէ, ինձ մոտ «նացիզմ» է (ցեղակրոնություն). և հավատացնեմ, որ ես դրանով ոչ թե «տառապում» եմ այլ ուժ ստանում ազգիս արտաքին թշնամիների և ազգուրացների դեմ պայքարելու (այ այստեղ արդեն համաձայն եմ) ապագայում գնահատվելիք գործի իրականացման համար:

Ապագան կերտում ենք այսօր և վաղը «այսօր»-ը դառնալու է անցյալ: Փորձիր ջնջել անցյալդ… Տեսնենք վաղվա օրը կգա՞…

Highordy
13.02.2007, 10:53
Highordy

Ճիշտն ասած, երբ գրում էի նածորդ գրառումը, ահավոր քունս տանում էր ու չափից դուրս բարդ էր թվացել այն ժամանակ։ Կիսաքնած լավ չէի ընկալել, թվացել էր, որ բարդ է։ Հիմա մեկ անգամ էլ կարդացի, դուրս եկավ։ հատուկ ճարեցի նաև երաժշտությունը, որ տեսնեմ երաժշտության հետ ինչպես է համադրվում։ Տների մասը շատ լավ էր, միայն կրկներգի մեջ մի տեսակ լավ չէր ստացվում։
Շնորհակալություն: Միայն ասեմ, որ կրկներգը հաջող չէր ստացվում, որովհետև այնտեղ «երկարացման» և «կարճացման» տեղեր կան (բառերով դժվարանում եմ բացատրել):

Ինչ վերաբերում է նրան թե հիմնը ինչպիսին պիտի լինի։ Կարծիքս մնում է նույնը, այն է հիմնը պիտի լինի պարզ, որ այն լինի հասկանալի, ընդունելի հոգեհարազատ առանց սովորեցնելու։ Ասածս այն է, որ եթե հիմնը հագեցած լինի քիչ օգտագործվող բառերով, ապա այդ հիմնը կմնա թղթի վրա, 90% այդ հիմնը չի հասկանա և չի էլ հիշի։ Բայց միևնուն ժամանակ ան չպիտի լինի ներկայիս հիմնի նման, կարծես մանկական բանաստեղծություն լինի այնքան պարզ է։ Հատուկ հիմնի համար դասընթացներ հո չենք կազմակերպելու, որ մարդիկ իմանան որ բառն ինչ է նշանակում։ Կրթելու համար, հասցնելու համար «կրթվածի» մակարդակին պետք է ծառայի կրթական համակարգը։ Դպրոցները մասնավորապես։ Չեմ կարծում, որ հիմնը պիտի մարդկանց դպրոցնեում չսովորած հայոց լեզուն սովորեցնի։
Հիմնը պետք է սովորեն հենց դպրոցում, կրթական գործընթացին զուգահեռ: Հաջորդ սերունդը այլևս չի ունենա նման «բարդություններ»:

Հիմնը պիտի ոգեշնչի մարդկանց, հայրենասիրություն քարոզի, հայրենիքը գովերգի։
Ինչ էլ անում է ներկայացրածս տեքստը:

Այն պիտի հասու լինի բոլորին, այո, այո նույնիսկ անգրագետին։ Հիմա ես կամ դուք չենք մեղավոր, որ բնակչություն կրթվածությունը այսքան է, Երևի թե այսքանը։
Համաձայն եմ, բայց հետ չեմ կանգնում այն թեզիցս, որ հասարակության շարքերում առկա «թեր-գրագետ» կամ թերուս (անվանեք ինչպես կուզեք) անդամների «խաթեր» Ազգային Օրհներգը վերջիններիս համար առավել ըմբռնելի դարձնելու համար տեքստը պետք է հասցվի պրիմիտիվիզմի: Վերջապես, ի՞նչ կասեն կողքից… Սա՞ է հայերի մտքի հանճարի արտացոլումը ՊԵՏԱԿԱՆ ԱԶԳԱՅԻՆ ՕՐՀՆԵՐԳՈւՄ… Ներեցեք, բայց այս կետում համաձայն չեմ Ձեզ հետ::think

Հ.Հ.Գ. Չեմ հասկանում թե ինչի էն մարդիկ այդպես «հուշտ» լինում այդ երաշժտությունից։ Իբր սովետական է, և այլն։ Հարգոլիներս, բայց ինչու եք դեմ, լավն է չէ՞։ Ինչու ջնջենք, ոչնչացնենք այն ինչ ունեինք։ Միթե այդպես մենք չենք կրկնում մոտավորապես նույնը ինչ տեղի ունեցավ քրիստոնեության մուտքով Հայաստան։ Ոչնչացնենք հինը, ստեղծենք նորը։ Բայց մեր պատմությունը, մեր հարուստ մշակույթը ոչնչացվեց, չէ՞։
Մի վայրկյան իսկ չեմ կասկածում Ձեր բառերի անկեղծության և «ճշտության» հարցում: Ամբողջ հոգով համաձայն եմ և պատրաստ եմ սատար կանգնել այդ հարցում: Ավելացնեմ բոլշևիկ-կոմունիստների հայտնի երգից մի կտոր՝ …
Весь мир…(չեմ հիշում ոնց էր) мы разрушим
До основания, а потом
Мы наш, мы новый мир построим,
Кто был «ни кем» тот станет «всем»…

Այդպես էլ եղավ… «Ոչինչ»-ները դարձան «Ամեն ինչ», հակասելով նյութի պահպանման օրենքին::angry

Ներսես_AM
13.02.2007, 21:59
Շնորհակալություն: Միայն ասեմ, որ կրկներգը հաջող չէր ստացվում, որովհետև այնտեղ «երկարացման» և «կարճացման» տեղեր կան (բառերով դժվարանում եմ բացատրել):


Այ հենց այդ երկարացումների մասը լավ չէր ստացվում: ;) Մանավանդ 2-րդ տողի վերջում:



Համաձայն եմ, բայց հետ չեմ կանգնում այն թեզիցս, որ հասարակության շարքերում առկա «թեր-գրագետ» կամ թերուս (անվանեք ինչպես կուզեք) անդամների «խաթեր» Ազգային Օրհներգը վերջիններիս համար առավել ըմբռնելի դարձնելու համար տեքստը պետք է հասցվի պրիմիտիվիզմի: Վերջապես, ի՞նչ կասեն կողքից… Սա՞ է հայերի մտքի հանճարի արտացոլումը ՊԵՏԱԿԱՆ ԱԶԳԱՅԻՆ ՕՐՀՆԵՐԳՈւՄ… Ներեցեք, բայց այս կետում համաձայն չեմ Ձեզ հետ::think



Չէ ինձ սխալ մի հասկացեք: Ես չեմ ասում հասցնել այժմյան հիմնի մանկապարտեզային պարզության: Ուղղակի լավ կլինի հնարավորինս խուսափել անիմաստ բարդացումներից:

Highordy
13.02.2007, 23:05
Այ հենց այդ երկարացումների մասը լավ չէր ստացվում: ;) Մանավանդ 2-րդ տողի վերջում:



Չէ ինձ սխալ մի հասկացեք: Ես չեմ ասում հասցնել այժմյան հիմնի մանկապարտեզային պարզության: Ուղղակի լավ կլինի հնարավորինս խուսափել անիմաստ բարդացումներից:


Լավ էլի՝, Ներսես… Ի՞նչ բարդություններ…առավել ևս անիմաստ: Այնտեղ ամեն մի բառը իմաստ ունի: Հենց էնպես չեմ ասում: Կարող եմ «լիքը-լիքը» բացատրություն տամ ամեն տողի համար (իհարկե ոչ ինտեռնետում): Նույնիսկ պատմական էքսկուրս: Չկարծեք թե կատակում եմ: Լուրջ եմ ասում:

Հա… Ամեն անգամ մոռանում եմ հարցնել. ավատարի վերաբերյալ գրառումս կարդացե՞լ ես:

Եվ մի բան էլ. Ես «still available» եմ *.doc ֆորմատով ֆայլերը կարիքի դեպքում փոխանցելու համար: Առաջարկս այստեղ (http://akumb.am/showthread.php?p=182937#post182937) էր գրված:

Ներսես_AM
13.02.2007, 23:41
Լավ էլի՝, Ներսես… Ի՞նչ բարդություններ…առավել ևս անիմաստ: Այնտեղ ամեն մի բառը իմաստ ունի: Հենց էնպես չեմ ասում: Կարող եմ «լիքը-լիքը» բացատրություն տամ ամեն տողի համար (իհարկե ոչ ինտեռնետում): Նույնիսկ պատմական էքսկուրս: Չկարծեք թե կատակում եմ: Լուրջ եմ ասում:

Հա… Ամեն անգամ մոռանում եմ հարցնել. ավատարի վերաբերյալ գրառումս կարդացե՞լ ես:

Եվ մի բան էլ. Ես «still available» եմ *.doc ֆորմատով ֆայլերը կարիքի դեպքում փոխանցելու համար: Առաջարկս այստեղ (http://akumb.am/showthread.php?p=182937#post182937) էր գրված:
Ես քո գրածի համար չեմ ասում... ասում եմ թե իմ կարծիքով հիմնը ինչպիսին պիտի լինի:

Կարդացի, բայց թռուցիկ: Որ ժամանակ լինի կնայեմ մի անգամ էլ, կգրեմ:

Հ.Գ. իսկ այդ «Ուխտագիրքը» ո՞վ է գրել: Նժդեհը՞: Հիմա ԱյՍիՔյու կմտնես ուղարկես ֆայլը: Ուղղակի ժամանակս չի ներում, այդ պատճառով չուզեցի վերցնել, բայց համենայնդեպս վերցնեմ երբ ազատ ժամանակ ունենամ կկարդամ: ;)

Ուլուանա
14.02.2007, 10:06
Մոդերատորական։ Highordy և Philosopher, ձեր վիճաբանությունն արդեն լրիվ շեղվել է քննարվող թեմայից և վերածվել անձնական հարաբերությունների պարզաբանման՝ համեմված փոխադարձ վիրավորանքներով, ինչը կարելի էր անել նամակների միջոցով։ Եվս մեկ նմանատիպ գրառում, և ես ստիպված կլինեմ այս թեմայում արած ձեր բոլոր նմանատիպ գրառումները ջնջել։ Բայց հուսով եմ, որ բանը դրան չի հասնի։

Highordy, ուզում էի նաև ասել, որ չեմ մոռացել, որ ինձ խնդրել էիր կարծիք հայտնել քո գրած հիմնի վերաբերյալ, պարզապես դեռ կարգին չեմ նայել, նախորդ հիմներն էլ բոլորը չեմ կարդացել, այս պահին էլ ժամանակ չունեմ, բայց անպայման կգրեմ։ ;)

Արշակ
14.02.2007, 12:03
Մոդերատորական։ Թեմայից շեղված, անձնական վիրավորանքներով վեճը տեղափոխվել է «Օֆֆտոպանոց կամ թեմայից դուրս 7» (http://www.akumb.am/showthread.php?t=5597)։ Վեճը կարող եք այնտեղ քննարկել, բայց զգուշացնում եմ, որ անձնական վիրավորանքները շարունակելու դեպքում ավելի խիստ միջոցներ կձեռնարկվեն։ Կարծում եմ, որ կարելի է ցանկացած հարցի շուրջ վիճել ու պաշտպանել սեփական տեսակետը, առանց մեկը մյուսի մասին կոպիտ ու վիրավորական գնահատականներ տալու։

Հայորդի, հիմնի վերաբերյալ քո ու Ներսեսի քննարկմանը ես էլ կուզեի մասնակցել ու կարծիքս հայտնել։ Ուղղակի հիմա ժամանակս չի հերիքում, բայց հետո կգրեմ։

Highordy
14.02.2007, 14:26
Կարդացի, բայց թռուցիկ: Որ ժամանակ լինի կնայեմ մի անգամ էլ, կգրեմ:

Հ.Գ. իսկ այդ «Ուխտագիրքը» ո՞վ է գրել: Նժդեհը՞: Հիմա ԱյՍիՔյու կմտնես ուղարկես ֆայլը: Ուղղակի ժամանակս չի ներում, այդ պատճառով չուզեցի վերցնել, բայց համենայնդեպս վերցնեմ երբ ազատ ժամանակ ունենամ կկարդամ: ;)

Ներսես ջան.

Որքան ինձ հիշում եմ, միշտ նույն հարցն եմ ինքս ինձ տվել՝ «բա որ էդքան հին ենք, ինչու՞ դիցաբանություն չունենք»:

Չնայած, այս հարցը այնքան էլ չեր տանջում ինձ՝ հաստատ համոզված էի, որ ունենք… Ավելի շատ հուզում էր «ինչու՞ դրա մասին չգիտենք» հարցը:

Հիմա, երբ մի քանի անգամ կարդացել եմ Ուխտագիրքը, նման հարցեր էլ չեն ծագում. արդեն գիտեմ, որ ունենք (այն էլ ինչպիսի՜ դիցաբանություն) և հաստատ գիտեմ, թե ովքեր և ինչու էին թաքցնում այն մեզանից: Հասկացել եմ, թե «ում էր դա ձեռնատու»:

Ուխտագիրքը չի գրվել, այլ խմբագրվել և հրատարակվել է երջանկահիշատակ Սլակ Կակոսյանի կողմից: Չնայած Նժդեհն էլ էր արժանի այդ պատվաբեր գործին ծառայելուն, եթե չլինեին պատերազմի արհավիրքները, հետո էլ ստալինյան «ռեպրեսսիաները»:

Ինչ վերաբերվում է ֆայլերին, ասեմ, որ դրանք մի քանիսն են (ըստ գրքի բաժինների): Մոտ ժամանակներս անպայման կուղարկեմ: :)

Ուլուանա
19.02.2007, 17:39
Ազգային օրհներգը պետք է ոգեշնչի, կանչի սխրանքների, ամոքի վիրավոր հոգիները և, միևնույն ժամանակ ազգի անկախության և աշխարհում նրա գրաված պատվավոր տեղի գաղափար ներշնչի:

Օրհներգը պետք է լինի մի կողմից ռազմի երգերի նման, մյուս կողմից հավատ ներշնչի վաղվա, ոչ թե «վաղը-չէ-մյուս-օրվա», այլ հենց վաղը վրա հասնող պայծառ օրերի նկատմամբ:

Օրհներգի տեքստը պետք է լինի այնպիսին, որ առաջին իսկ «ակկորդները» հնչելուց հոգիդ այրվի ու ոտքի կանգնես ոչ թե «պրոտոկոլի» այլ ոգու կանչով:

Սա է իմ համոզմունքը:

Մի երկու բառ գրիր: Ինձ քո կարծիքը հետաքրքիր է: Նմանապես՝ նաև Անահիտ-Ուլուանայի:) կարծիքը…
Ասածիդ ավելացնեմ, որ, իմ կարծիքով, օրհներգը պետք է լինի նաև պարզ (բայց ոչ պարզունակ), տպավորվող ու հեշտությամբ հիշվող, ինչը չեմ կարող ասել քո գրած հիմնի մասին։ :oy Որպեսզի երկար-բարակ չգրեմ ու չկրկնեմ արդեն ասված մտքերը, միանգամից ասեմ, որ ընդհանուր առմամբ համաձայն եմ Ներսեսի հետ։ ;)


ՏՈւՆ 1
Աշխարհաստեղծ երկնածովից արարված,
Ազատատենչ, հպարտ արյաց բուն օրրան,
Վիշապախեղդ գոռ Վահագնի հայրենիք,
Արևաշող, արևածին Հայաստան:
Իմ կարծիքով, բառերը մի քիչ շատ են «խուճուճ»։


ԿՐԿՆԵՐԳ
Փառք քեզ, փառք քեզ վերածնված Հայաստան,
Մեր նորացած, հզորացած հայրենիք,
Թող աստղերը երկնից իջնեն՝ լույս սփռեն
Հաղթանակիդ ճանապարհին քո գալիք
Կրկներգը հավանում եմ։ :ok


ՏՈւՆ 2
Քո ցասումից թշնամիներդ դողան,
Թող զայրութիդ բոցերի մեջ ածխանան,
Արյունարբու ոսոխի դեմ կուռ վահան՝
Արարատյան արյաց ոստան Հայաստան։
Մի քիչ շատ է ագրեսիվ... :diablo


ՏՈւՆ 3
Դու՝ հայր Մաշտոց, Շիրակացի ու Նարեկ,
Դավիթ անհաղթ, տիեզերքի առաջնեկ,
Լույսի կերոն ու հավատքի շտեմարան,
Դու՝ արծվաթև, առյուծաձև Հայաստան։
Վատ չէր լինի, իհարկե, եթե մենք տիեզերքի առաջնեկը լինեինք, բայց, ցավոք, գոնե ինձ այդպիսի բան հայտնի չէ... :think

Ընդհանրապես մինչև հիմա այնպիսի օրհներգ չեմ կարդացել, որ ասեմ՝ հենց էս է, որ կա։ :( Միշտ գոնե մի բան էն չի լինում. կամ պարզունակ են, կամ հանգած են (ոչ մի հույզ չեն արթնացնում), կամ էլ չափազանց վերամբարձ տոնով գրված, ճոռոմ-ճոռոմ բառերի կույտ են հիշեցնում... Մի խոսքով, չգիտեմ։ :unsure

Highordy
19.02.2007, 21:00
Վատ չէր լինի, իհարկե, եթե մենք տիեզերքի առաջնեկը լինեինք, բայց, ցավոք, գոնե ինձ այդպիսի բան հայտնի չէ... :think
«ԾՆՆԴՈՑ» Ալեքսանդր Արորդի Վարպետյան

Ընդհանրապես մինչև հիմա այնպիսի օրհներգ չեմ կարդացել, որ ասեմ՝ հենց էս է, որ կա։ :( Միշտ գոնե մի բան էն չի լինում. կամ պարզունակ են, կամ հանգած են (ոչ մի հույզ չեն արթնացնում), կամ էլ չափազանց վերամբարձ տոնով գրված, ճոռոմ-ճոռոմ բառերի կույտ են հիշեցնում... Մի խոսքով, չգիտեմ։ :unsureԱյս մեկը ո՞րչափ է համապատասխանում քո պատկերացումներին:

Հա… ասեմ, որ «խուճուճ-մուճուճ» :hands չէին կարող չլինել, որովհետև անհրաժեշտ էր ամեն ինչ իր տեղը դնել:

Ուլուանա
19.02.2007, 21:20
Այս մեկը ո՞րչափ է համապատասխանում քո պատկերացումներին:
Ինձ թվում է՝ իմ վերջին գրառման մեջ արդեն արտահայտել եմ կարծիքս...