PDA

Դիտել ողջ տարբերակը : Զգուշացեք, համաճարակ է



impression
26.07.2007, 20:34
Նայում եմ բազմաչարչար, սակայն բարձրագոչ "Ստեղծագործողի՜ (մեղա՜, մեղա՜) անկյուն" անվանումով այս բաժինն ու ջղաձգվում… Կույրաղիքս սկսում է ցավել, քանի որ տնքամկան չունեմ: Ո՜նց.... չգիտեք, թե ի՞նչ է տնքամկանը.... Հմմ... Բացատրեմ:
Ամեն մարդ ունի կույրաղիք: Այն երբեմն բորբոքվում է, ու դա հեռացնում են.... Ամեն "ստեղծագործող" ունի իր ուրույն կույրաղիքը՝ այն կոչվում է տնքամկան: Դրա գտնվելու վայրը խիստ անհատական է, ի տարբերություն կույրաղիքի, որը երևակայության պակասից, թե ամոթխածությունից, միշտ նույն տեղում է: Տնքամկանը, կախված իր զարգացածության աստիճանից, մուտացիայից կամ էլ "ստեղծագործողի" կներեք արտահայտությանս` երևակայությունից, կարող է դեգերել ուր ասես.... շատերի մոտ այն հասել է անպատկառության ու անարխիայի այնպիսի բարձունքների, որ տնկվել է ոչ ավել, ոչ պակաս, ուղիղ "ստեղծագործողի" ճակատին: Գումարենք "ստեղծագործողի" մուսա փնտրող թափառուն ու նվաղկոտ հայացքը, սեփական անիմաստությունից զարմացած վեր թռած հոնքերն ու կստանանք տնքամկանի սուր բորբոքումից տառապող "ստեղծագործողի" ճշգրիտ ֆոտոռոբոտը:
Ուշադրություն, ուշադրություն... Փնտրվում է.... Հույժ վտանգավոր.... տարածում է անիմաստ ու առավել անիմաստ գրառումներ.... գրառումները բազմանում են սարսափելի արագությամբ.... դրա դեմ ոչ մի հակաթույն չի գործում.... Ազդում է միանգամից ընթերցողի ուղեղի վրա, կամ էլ ներթափանցում նյարդային համակարգ ու մի ակնթարթում ոչնչացնում միլիարդավոր կարգապահ ու օգտակար բջիջներ....
Արտաքին նշանները նկարագրված են վերևում... Զգուշացե՛ք.... Միակ փրկությունը, ի դեպ՝ թե՛ քո, թե՛ նրա, տնքամկանի արագ ու հնարավորինս ցավոտ հեռացումն է.... փրկվեք, և փրկեք ում կարող եք.... տնքամկանային աղետը սպառնում է մեզ բոլորիս....
Վերջ: Գնամ թաղեմ վերջին մի քանի րոպեում անիմաստ նահատակված նյարդային բջիջներիս մի նոր խումբ....

Selene
26.07.2007, 21:29
Ակեղծ ասած՝ սպասում էի նման մի ստեղծագործություն-հայտարարություն հենց քո կողմից;) Վատը չէր:)

Վերջ: Գնամ թաղեմ վերջին մի քանի րոպեում անիմաստ նահատակված նյարդային բջիջներիս մի նոր խումբ....
:8Բայց արժեր սեփական գրվածքից հետո միանգամից այսպես:think

Երվանդ
26.07.2007, 23:27
:DԼիլ բայց մեկ-մեկ չստեղծագործող մարդիկել են ունենում տնքամկան:D

Root
26.07.2007, 23:29
Թեթև տար Լիլս , սաղ քո նման հանճար չեն .. անճար են : :D լից .. լից խմենք ...

StrangeLittleGirl
27.07.2007, 01:21
Լի՛լ, գրածդ մի լուրջ թերություն ունի. շատ մեղմ է:

Grieg
27.07.2007, 12:51
կարծում եմ մեծ դեր ունի հենց ընթերցողի մտավոր և հոգևոր ազատության աստիճանը։
Գտնում եմ որ ցանկացած ստեղծագործություն ունի արժեք իսկ լավն է թե վատ դա արդեն մարդու սուբյհեկտիվ կարծիքնե, ամենքի մեջ ել կա մի կտոր տիեզերք.. և պետք է առաջին հերթին հենց այդ գտնել տողերի մեջ և ոչ ուղղագրական կամ ոճային սխալներ։

Հ.Գ։ ամեն դեպքում եթե հեղինակը իրոք կարծում է որ ակումբում կան "ստեղծագործող"ներ կարծում եմ լավ կլիներ նշել նրանց անուները և ոչ անուղղակիորեն "կպնել" բոլորին ովքեր գրառում են անում "Ստեղծագործողի անկյուն" բաժնում։

Root
27.07.2007, 13:01
Լսել եք ետ անեկդոտը որ մեկը բարձր փողոցում գոռումա "Արաա այ տղաա... "
10 տղաներից 4ը շուռեն գալիս , իսկ մեկը հարցնումա "ետ ինձ ասիր ?" ..
վերջինս ուսերը թոթվելով ասումա ` "դե դու չֆռացիր?"...:D:D:D

impression
27.07.2007, 13:27
կարծում եմ մեծ դեր ունի հենց ընթերցողի մտավոր և հոգևոր ազատության աստիճանը։
Հ.Գ։ ամեն դեպքում եթե հեղինակը իրոք կարծում է որ ակումբում կան "ստեղծագործող"ներ կարծում եմ լավ կլիներ նշել նրանց անուները և ոչ անուղղակիորեն "կպնել" բոլորին ովքեր գրառում են անում "Ստեղծագործողի անկյուն" բաժնում։

Ստեղծագործողի անկյունում բազմաթիվ գրառումներ եմ կատարել նաև ես ինքս, ու եթե այդպես չկարծեի, հաստատ չէի գրի, կգրեի մեկ ուրշ թեմայի մասին, որն ինձ նույնքան կամ մի քիչ ավելի կամ էլ մի փոքր պակաս անհանգստացնում կամ հուզում է: Կարծում եմ՝ ամենալավ քննադատությունն այն է, երբ ինքդ քեզ վեր չես դասում մնացածներից:

Իսկ կոնկրետ անուններ տալը առնվազն անքաղաքավարություն է, ես ինձ թույլ չէի տա իմ գրառման մեջ մեկ-մեկ նշել բոլոր նրանց անուններն, ում անտաղանդ եմ համարում: Ի դեպ, նպատակս չի եղել այն, որ որևէ մեկը գտնի իր անունն ու անցնի բուռն ինքնապաշտպանության: նպատակս էր՝ փորձել խորհուրդ տալ նրանց, ովքեր գրում են, փորձում են գրել.... Ի դեպ, շատ ողջունելի է այն փաստը, որ տվյալ անձը գրում է, ստեղծագործելու պրոցեսում է վատնում իր էներգիան, սակայն եթե զբաղվում ես մի գործով, ուրեմն արժի դա անել լավ, կամ գոնե՝ ոչ վատ:

Ինչ վերաբերվում է կոնկրետ իմ մտավոր ու հոգևոր զարգացածությանն ու ազատությանը, ապա դրանք նաև օժտված են մեծ համբերությամբ ու չափի զգացումով, քանի որ հենց նոր կարդացի վերևի տողերս ու հաստատ ոչ մի վիրավորական կամ էլ ոչ կոռեկտ արտահայտություն չգտա, ի տարբերություն Ձեզ, հարգելի Grieg :)

StrangeLittleGirl
27.07.2007, 14:09
սակայն եթե զբաղվում ես մի գործով, ուրեմն արժի դա անել լավ, կամ գոնե՝ ոչ վատ:
Իսկ եթե վատ ես անում, ուղղակի պետք է խնայել մյուսներին:

Grieg
27.07.2007, 14:19
Իսկ կոնկրետ անուններ տալը առնվազն անքաղաքավարություն է, ես ինձ թույլ չէի տա իմ գրառման մեջ մեկ-մեկ նշել բոլոր նրանց անուններն, ում անտաղանդ եմ համարում:

ՙՄարդ արարածին անտաղանդ /եթե այդպիսիները կան ընդհանրապես/ անվանելու համար պետք է լուրջ հիմքեր ունենալ, մարդիկ բացի գրելուց կարող է շատ ուրիշ տաղանդներ ունենալ և հաճախ նույնիսկ մարդը անձամբ չի իմանում իր տաղանդ ինչ կերպով կարող է գեղեցիկ արտահայտել։


Ի դեպ, նպատակս չի եղել այն, որ որևէ մեկը գտնի իր անունն ու անցնի բուռն ինքնապաշտպանության: նպատակս էր՝ փորձել խորհուրդ տալ նրանց, ովքեր գրում են, փորձում են գրել...

Անձամբ ես չնկատեցի որևիցե մեկին ով բուռն ինքնապաշտպանության դիմեց։Ես թեմա չեմ ստեղծել այդ բաժնում և ինքնապաշտպանվելու նպատակ չեմ կարող հետապնդել ։


. Ի դեպ, շատ ողջունելի է այն փաստը, որ տվյալ անձը գրում է, ստեղծագործելու պրոցեսում է վատնում իր էներգիան, սակայն եթե զբաղվում ես մի գործով, ուրեմն արժի դա անել լավ, կամ գոնե՝ ոչ վատ:

իմ կարծիքով ստեղծագործաման ընթացքը դա նման չե օրինակ բանվորի աշխատանքին որ լավ կամ վատը նկատվի, իմ համար այդ ընթացքը ներքին աշխարհի արտապատկերումն է..հույզերի և ապրումների պոռթկում։ Ինչևէ դուք ստեղծագործությունների ձեր գնահատման սկզբունքը ունեք իսկ ես իմ։


Ինչ վերաբերվում է կոնկրետ իմ մտավոր ու հոգևոր զարգացածությանն ու ազատությանը, ապա դրանք նաև օժտված են մեծ համբերությամբ ու չափի զգացումով, քանի որ հենց նոր կարդացի վերևի տողերս ու հաստատ ոչ մի վիրավորական կամ էլ ոչ կոռեկտ արտահայտություն չգտա, ի տարբերություն Ձեզ, հարգելի Grieg :)

փաստորեն "ստեղծագործող" և "անտաղանդ" բառերը կոռեկտ են :8


Իսկ եթե վատ ես անում, ուղղակի պետք է խնայել մյուսներին:

Ոչ ոք ձեզ չի ստիպում կարդալ , եթե ցանկանում եք խնայել նյարդերը ուղղակի կարողեք չկարդալ։

Մանոն
27.07.2007, 14:48
impression ջան քեզ էլ, քո ստեղծագործություններն էլ շատ եմ սիրում, բայց այս պարագայում Grieg-ը ճիշտ է: Յուրաքանչյուրն իրավունք ունի ստեղծագործելու, ինքնաարտահայտվելու, անգամ եթե դա իր մոտ այդքան էլ լավ չի ստացվում: Իսկ ում դուր չի գալիս կարող է չկարդալ ու չարտահայտվել, եթե դա համարում է ժամանակի զուր կորուստ: Բայց ինչ-որ մեկի անհաջող գրվածքը դիտել որպես անտաղանդություն ու առավել ևս համարել վարակիչ համաճարակ, կներես, բայց ես դա ճիշտ չեմ համարում::P

Arisol
27.07.2007, 15:12
Համամիտ եմ Grieg-ի հետ:
Յուրաքանչյուրն էլ ունի տաղանդ ու կախված չի, թե որտեղ ա էդ տաղանդը դրսևորվում: Այո՛, կարելի ա մարդու ստեղծագործությունը համարել անտաղանդ, բայց ոչ այդ մարդուն: Համ էլ ճաշակին ընկեր չկա. կարող ա տվյալ բանն ինձ դուր չգա ու ես դա անտաղանդ բան համարեմ, բայց մեկ ուրիշը դրա մեջ մի նենց հանճարեղ բան տեսնի, որ ինձ անհասանելի ա:

Հա՛, հնարավոր ա մեծամասնությունը համարի տվյալ բանն անտաղանդություն, ասենք մեծն գրողներ և հանճարներ, բայց դա չափանիշ չի, որպեսզի մարդուն անվանեն անտաղանդ: Քեզ համար անտաղանդ ա, ինձ համար՝ հանճար:

Այո՛, այսօրվա օրով շատերն են մի երկու տող բան գրում ու հայտարարում դա որպես ստեղծագործություն, սակայն եթե ստեղծագործողի աչքերով նայելիս այդ գրածում ոչինչ ստեղծագործական չկա, բայց եթե մարդը գրել ա դա, եթե մարդը ներա դրել այդ գործում իրենից ինչ-որ մասնիկ, ուրեմն նա իրավազոր ա համարել իր գրածը ստեղծագործություն, ինչքան էլ մյուսները ժխտեն դա: Իր գրածն իր համար ստեղծագործություն ա ու թքած, թե ուրիշները դա ինչ կհամարեն, էդ մարդու պատկերացմամբ ստեղծագործությունը դա ա:


Ի դեպ, շատ ողջունելի է այն փաստը, որ տվյալ անձը գրում է, ստեղծագործելու պրոցեսում է վատնում իր էներգիան, սակայն եթե զբաղվում ես մի գործով, ուրեմն արժի դա անել լավ, կամ գոնե՝ ոչ վատ:

Եթե մարդն իրեն ամբողջությամբ չի նվիրում ստեղծագործելու գործին, այլ հոբբի պես մի բան ա նրա համար դա, ապա չի կարելի պահանջել նրանից ավելին: Իսկ եթե ինչ-որ մեկի գրածները դուրդ չեն գալիս, ապա մի կարդա :) :

StrangeLittleGirl
27.07.2007, 15:46
էրեխե՛ք, ես ձեզ հետ համաձայն չեմ: Այդ թույլ (չասենք անտաղանդ, որ ոչ ոք չնեղանա) գործերի օվկիանոսում լավերը կորում են, ու երբ ինչ-որ նոր մարդ, որը բավականաչափ գլուխ է հանում գրականությունից, մտնում է այս բաժինը, ուղղակի հիասթափվում է:

Ասեմ, որ ուրիշ ֆորումներում մարդիկ վախվխելով են տեղադրում իրենց ստեղծագործությունները, հաստատ համոզվում են, որ լավն է, հետո են նոր թեմա բացում, ու էլի առողջ քննադատությունն անպակաս է լինում: Իսկ ինչպե՞ս է մեզ մոտ: Ով ինչ հասցնում է, երբ հասցնում է, ոնց հասցնում է, տեղադրում է ֆորումում: Մեզ մոտ քննադատությունը շատ ցածր մակարդակի վրա է: Դրա համար էլ ոչ ոք իրեն հաշիվ չի տալիս, թե ինչ է տեղադրում ֆորումում. միևնույն է, բոլորը մտնելու են, ասեն, որ շատ լավ է: Իսկ Լիլիթի այս ստեղծագործությունն ասես քայլ լինի, որ մարդիկ որևէ բան ֆորումում տեղադրելուց առաջ մի քիչ մտածեն, կողքից նայեն իրենց գրածներին, մշակեն կամ միայն լավագույններն ընտրեն ու տեղադրեն:

Բարեկամ
27.07.2007, 15:53
Իմպրսիոնի վերաբերմունքը հասկանալի ա. նման ա, երբ վատ կերակուր են մատուցում, ու երբ բողոքում ես, ասում են՝ է չուտեիր: Բայց պիտի ուտեիր չէ՞, որ իմանայիր վատն ա: Ու արդյունքում ստամոքսդ փչացնում ես: Իմ կարծիքով կենցաղային ամենամեծ ու վտանգավոր junk-ը վատ գրականությունն ա, քանի որ այն վատնում ա ամենակարևորն ու անվերականգնելին ՝ ժամանակը:
Մի ինտերվյուում Ջիգարխանյանն ասել ա. ես շատ բացասական եմ վերաբերվում հիմիկվա մետրո-ային գրականությանը. հեղինակն ինձ չի հարգում, շատ ցածր կարծիքի ա իմ մասին, իսկ ինձ դուր են գալիս վարպետները, քանի որ նրանք հարգում են ինձ՝ մատուցելով խորը, որակյալ գործեր: Նրանց հետ զրուցելն ինձ հետաքրքիր է:

Arisol
27.07.2007, 15:55
Բյու՛ր, դա արդեն գալիս ա կարդացողներից: Ինչի՞ ա մարդ գրում "շատ լավ ա", եթե իրականում իրա դուրը չի գալիս: Քծնվելու համա՞ր, համապատասխան տեղ մտնելու համա՞ր: Էդ տեղադրողը մեղավոր չի, մեղավորը կարդացողներն են: Եթե դուր չի գալիս, թող ասեն, թող քննադատեն, քանի որ յուրաքանչյուրը տեղադրելուց առաջ հոգեպես պատրաստվում ա դրան ու ոչ ոք չի մեղադրի քննադատողին, դա յուրաքանչյուրի իրավունքն ա՝ կարծիք արտահայտելը:

Ուստի պետք չի քննադատել, որ ով ասես բռնում ինչ ասես տեղադրում ա: Դուրներդ չի գալիս՝ բարի եղեք արտահայտեք ձեր մտքի եղածը:

StrangeLittleGirl
27.07.2007, 16:09
Բյու՛ր, դա արդեն գալիս ա կարդացողներից: Ինչի՞ ա մարդ գրում "շատ լավ ա", եթե իրականում իրա դուրը չի գալիս: Քծնվելու համա՞ր, համապատասխան տեղ մտնելու համա՞ր: Էդ տեղադրողը մեղավոր չի, մեղավորը կարդացողներն են: Եթե դուր չի գալիս, թող ասեն, թող քննադատեն, քանի որ յուրաքանչյուրը տեղադրելուց առաջ հոգեպես պատրաստվում ա դրան ու ոչ ոք չի մեղադրի քննադատողին, դա յուրաքանչյուրի իրավունքն ա՝ կարծիք արտահայտելը:
Ես ի՞նչ իմանամ ինչու են նման կարծիքներ հայտնում: Անձամբ ես կա՛մ լռում եմ, կա՛մ մի երկու «լավ» խոսք ասում: Բայց փաստը մնում է փաստ: Իսկ տեղադրելուց առաջ շատերը հոգեպես չեն պատրաստվում քննադատության, քանզի տեսնում են, որ ինչ զիբիլ էլ դնեն, գովասանքի են արժանանալու: Դա դեռ բավական չէ, կարծում են, թե իրենց զիբիլը գլուխգործոց է: Ինչ վերաբերում է ընթերցողին մեղադրելուն, ապա ուշադիր կարդա Բարեկամի գրածը: Ավելացնելու ոչինչ չունեմ:


Իմպրսիոնի վերաբերմունքը հասկանալի ա. նման ա, երբ վատ կերակուր են մատուցում, ու երբ բողոքում ես, ասում են՝ է չուտեիր: Բայց պիտի ուտեիր չէ՞, որ իմանայիր վատն ա: Ու արդյունքում ստամոքսդ փչացնում ես: Իմ կարծիքով կենցաղային ամենամեծ ու վտանգավոր junk-ը վատ գրականությունն ա, քանի որ այն վատնում ա ամենակարևորն ու անվերականգնելին ՝ ժամանակը:
Մի ինտերվյուում Ջիգարխանյանն ասել ա. ես շատ բացասական եմ վերաբերվում հիմիկվա մետրո-ային գրականությանը. հեղինակն ինձ չի հարգում, շատ ցածր կարծիքի ա իմ մասին, իսկ ինձ դուր են գալիս վարպետները, քանի որ նրանք հարգում են ինձ՝ մատուցելով խորը, որակյալ գործեր: Նրանց հետ զրուցելն ինձ հետաքրքիր է:

Ուլուանա
27.07.2007, 16:11
Համամիտ եմ Grieg-ի հետ:
Յուրաքանչյուրն էլ ունի տաղանդ ու կախված չի, թե որտեղ ա էդ տաղանդը դրսևորվում: Այո՛, կարելի ա մարդու ստեղծագործությունը համարել անտաղանդ, բայց ոչ այդ մարդուն: Համ էլ ճաշակին ընկեր չկա. կարող ա տվյալ բանն ինձ դուր չգա ու ես դա անտաղանդ բան համարեմ, բայց մեկ ուրիշը դրա մեջ մի նենց հանճարեղ բան տեսնի, որ ինձ անհասանելի ա:
Նար, կարելի է համարել, որ այսինչ մարդը կոնկրետ ոլորտում անտաղանդ է, ու դրա մեջ ոչ մի սարսափելի բան չկա. մեզնից յուրաքանչյուրն էլ գոնե ինչ–որ ոլորտում հաստատ անտաղանդ է, և դա ոչ մի նորմալ մարդ ժխտել չի կարող։ Իսկ ինչ վերաբերում է ստեղծագործելուն, ապա, համաձայն եմ, մեկին կարող է դուր գալ, մյուսին՝ ոչ, բայց բացի սուբյեկտիվ կարծիքներից ու տարբեր մարդկանց ճաշակներից, վերջիվերջո, գոյություն ունեն նաև համընդհանուր գնահատման չափանիշներ, և այդ չափանիշներից ելնելով՝ կարելի է գոնե որոշ չափով որոշել՝ տվյալ ստեղծագործությունը որպես գեղարվեստական գործ արժեքավոր է, թե ոչ։

Այո՛, այսօրվա օրով շատերն են մի երկու տող բան գրում ու հայտարարում դա որպես ստեղծագործություն, սակայն եթե ստեղծագործողի աչքերով նայելիս այդ գրածում ոչինչ ստեղծագործական չկա, բայց եթե մարդը գրել ա դա, եթե մարդը ներա դրել այդ գործում իրենից ինչ-որ մասնիկ, ուրեմն նա իրավազոր ա համարել իր գրածը ստեղծագործություն, ինչքան էլ մյուսները ժխտեն դա: Իր գրածն իր համար ստեղծագործություն ա ու թքած, թե ուրիշները դա ինչ կհամարեն, էդ մարդու պատկերացմամբ ստեղծագործությունը դա ա:

Եթե մարդը որոշում է, որ իր գրածը ստեղծագործություն է, բայց շատերի կարծիքով նա շատ վատ է ստեղծագործում, ապա նա չպետք է նեղանա, երբ իրեն ասում են այդ մասին, այսինքն՝ եթե մարդն իր որևէ ստեղծագործություն դնում է Ակումբում, ապա պիտի պատրաստ լինի լսել ոչ միայն գովեստներ, այլև քննադատություն, և չպետք է վիրավորվի քննադատությունից։ Խոսքը, բնականաբար, առողջ ու հիմնավորված քննադատության մասին է, ոչ թե անձնական հակակրանքն արտահայտելու առիթ փնտրող մարդկանց կպնողական ու անհիմն արտահայտությունների։ Իսկ եթե պիտի վիրավորվի, ապա ավելի լավ է ընդհանրապես չներկայացնի իր ստեղծագործությունները։ Ուղղակի այստեղ շատ կարևոր է քննադատելու ձևը, դա անպայման պետք է հաշվի առնվի։



Եթե մարդն իրեն ամբողջությամբ չի նվիրում ստեղծագործելու գործին, այլ հոբբի պես մի բան ա նրա համար դա, ապա չի կարելի պահանջել նրանից ավելին: Իսկ եթե ինչ-որ մեկի գրածները դուրդ չեն գալիս, ապա մի կարդա :) :
Դա կախված է նրանից, թե որքանով ենք լուրջ մոտենում «Ստեղծագործողի անկյուն» հասկացությանն ու բաժնին։ Եթե ուզում ենք, որ այն իսկապես համապատասխանի իր անվանը, ապա դրա համար պետք է լուրջ մոտենալ հարցին ու որոշ միջոցներ ձեռնարկել, որոնք գուցե ոչ բոլորին դուր կգան, բայց ստեղծագործողներին արգելել ստեղծագործել հաստատ ոչ ոք իրավունք չունի՝ անկախ նրանից, թե ինչ չափի ստեղծագործական տաղանդ են դրսևորում, պարզապես դրանց գնահատման համակարգ է պետք մշակել, ինչը, հնարավոր է որ արվի մոտ ապագայում։ Ամեն դեպքում, ամեն ինչ պիտի կազմակերպի այնպես, որ մարդիկ վիրավորվելու պատճառ չունենան։

Բարեկամ
27.07.2007, 16:18
Մի բան ավելացնեմ. ես դա գրել էի գրականության մասին :)
Իսկ ստեղծագործողի բաժնում դրված բաները գրականություն չեմ համարում :)
Դե, երբեմն որոշ գործեր մոտենում են գրականությանը, բայց ստեղծագործողի բաժնում դրվածներին բոլորովին գրականություն ստանալու ախորժակով չեմ մոտենում. այստեղ տեսնում եմ ոչ թե գործեր, այլ մարդկանց ՝ դրանց հետևում, ու այդ մարդիկ են ինձ հետաքրքիր, ինչու ա դա գրել, այդպես գրել, կամ ընդհանրապես գրել: Ու հաճախ գրականության հետ մազաչափ անգամ կապ չունեցող գրվածքները շատ ու շատ հետաքրքիր են լինում, այսինքն դրանց հետևում ներկայացվող մարդիկ, նրանց աշխարհը...

Arisol
27.07.2007, 16:22
Եթե մարդը որոշում է, որ իր գրածը ստեղծագործություն է, բայց շատերի կարծիքով նա շատ վատ է ստեղծագործում, ապա նա չպետք է նեղանա, երբ իրեն ասում են այդ մասին, այսինքն՝ եթե մարդն իր որևէ ստեղծագործություն դնում է Ակումբում, ապա պիտի պատրաստ լինի լսել ոչ միայն գովեստներ, այլև քննադատություն, և չպետք է վիրավորվի քննադատությունից։ Խոսքը, բնականաբար, առողջ ու հիմնավորված քննադատության մասին է, ոչ թե անձնական հակակրանքն արտահայտելու առիթ փնտրող մարդկանց կպնողական ու անհիմն արտահայտությունների։ Իսկ եթե պիտի վիրավորվի, ապա ավելի լավ է ընդհանրապես չներկայացնի իր ստեղծագործությունները։ Ուղղակի այստեղ շատ կարևոր է քննադատելու ձևը, դա անպայման պետք է հաշվի առնվի։


Բա իմ ասածն էլ ա էլի էդ:



Դա կախված է նրանից, թե որքանով ենք լուրջ մոտենում «Ստեղծագործողի անկյուն» հասկացությանն ու բաժնին։ Եթե ուզում ենք, որ այն իսկապես համապատասխանի իր անվանը, ապա դրա համար պետք է լուրջ մոտենալ հարցին ու որոշ միջոցներ ձեռնարկել, որոնք գուցե ոչ բոլորին դուր կգան, բայց ստեղծագործողներին արգելել ստեղծագործել հաստատ ոչ ոք իրավունք չունի՝ անկախ նրանից, թե ինչ չափի ստեղծագործական տաղանդ են դրսևորում, պարզապես դրանց գնահատման համակարգ է պետք մշակել, ինչը, հնարավոր է որ արվի մոտ ապագայում։ Ամեն դեպքում ամեն ինչի պիտի կազմակերպի այնպես, որ մարդիկ վիրավորվելու պատճառ չունենան։

Այո՛, ըստ իս պիտի մեկ այլ բաժին բացվի, որտեղ կտեղադրվեն մարդկանց այսպես կոչված մտքերը, որտև լինում ա, որ ինչ-որ բան ես ուզում գրել, բայց դա ստեղծագործություն համարվելու համար շատ թույլ բան ա, բայց քանի որ համապատասխան թեմա, բաժին չկա, ուստի ստիպված ես լինում "Ստեղագործողի անկյուն" բաժնում բացել այդ թեման:

Կարծում եմ հարկավոր ա քննարկել նոր բաժին բացելու գաղափարը…

StrangeLittleGirl
27.07.2007, 16:30
Այո՛, ըստ իս պիտի մեկ այլ բաժին բացվի, որտեղ կտեղադրվեն մարդկանց այսպես կոչված մտքերը, որտև լինում ա, որ ինչ-որ բան ես ուզում գրել, բայց դա ստեղծագործություն համարվելու համար շատ թույլ բան ա, բայց քանի որ համապատասխան թեմա, բաժին չկա, ուստի ստիպված ես լինում "Ստեղագործողի անկյուն" բաժնում բացել այդ թեման:
Կարծեմ Անահիտը նոր բաժին բացելու մասին չէր էլ ակնարկել: Անձամբ ես դեմ եմ դրան: Եթե մեկի գրածը հեռու է ստեղծագործություն կոչվելուց, թող պարզապես չտեղադրվի ֆորումում: Ես հավատացած եմ, որ բոլոր լավ գրողներն էլ լիքը զիբիլ ունեն գրած, որը ոչ ոքի ցույց չեն տալիս:

Root
27.07.2007, 16:32
Ուստի պետք չի քննադատել, որ ով ասես բռնում ինչ ասես տեղադրում ա: Դուրներդ չի գալիս՝ բարի եղեք արտահայտեք ձեր մտքի եղածը:

Ճիշտա ասում Ստոլը, խոսքի ազատություն դեմոկրատիա ու տենց բաներ , մարդիկ իրավունք ունեն պատշաճ ձևի ինքնաարտահայտվելու , սահմանադրություն ու տենց ֆլան ֆստան:

Ես ամեն ինչը կարելիա համեմատել լրագրողության հետ ... մեկ մեկ կարդում եք լրագիր /մանավանդ քաղաքական / ու անկախ ձեզանից գոռում եք "Ես ինչես գրել այ ապուշ" , սխալ եմ ասում ? Ի հարկե ոչ : Լրագրողության մեջ փոքր այլ է, էնտեղ կա թյուր և հավաստի ինֆորմացիա , իսկ ստեղծագործությունների մեջ բնականաբար տանելի ՈՒ ԱՆՆտանելի:
Հինա ենթադրենք որևէ նոր անդամ մտնում է ակումբ.ամ ֆորում /ինչես ոչ մի նոր ընթերցող ձեռքն է վերցնում ինչ որ լրագիր/ ու կարդում ....եթե մեր այդ բաժնում 80% անտանելի է (նմանապես որ լրագրի մեջ շատ շատ անհավաստի ու անհետաքրքիր ինֆորմացիա կա)... այդ մարդը ոչ միայն հաջորդ անգամ չի մտնի ֆորում(գնի լրագիր) այլև հակագովազդի նոր բաղկացուցիչ մաս կդառնա , որը կհանգեցնի ֆորումի /լրագրի / ամբողջական վարկանիշի անկմանը ` ամեն տեսանկյունից: Այստեղ ոչ թե խոսքի ազատության քամ քննադատության խնդիր է այլ Ակումբ.ամ-ի քաղաքականության , պատրաստեք արդյոք Ձեր դռները բացել ԲՈԼՈՐԻ առաջ թե գերադասում եք շարժառիթ մնացած տաղանդավորներին ստեղծագործելու համար:

Ամեն դեպքում ես շատ կուզենայի հենց այստեղ ես պահին
գրել իմ կողմից շատ սիրված մեծագույն հայի և հայրենասեր գրող քաղաքական գործիչ ու պետական մտածողներից մեկի բանաստեղծությունը կրճատումերով:

"Ծիտիկ ծիտիկ մոտ արի"
"Քեզ տամ ցորեն ու գարի"
"Չվախենաս չփախչես"
"Ես չեմ ուզում բռնել քեզ"


Վ. Սիրադեղյան

Grieg
27.07.2007, 16:56
ինձ թվում է որ ստեղծագործողի անկյունում այդքան ել հաճախ նոր թեմաներ չեն ստեղծվում և նպատակահարմար չե որևիցե սահմանափակում դնել։ Բացի դրանից օրինակ ինձ մոտ կես րոպե է անհրաժեշտ գնահտալեու համար թե ինչքան հարազատ է ինձ ստեղծագործությանը և ցանկանում եմ այն կարդալ թե ոչ։
Թերթ կարդալուց ես ընտրում եմ թերթի մեջից ինձ հետաքրքող թեմաներ հոդվածներ, բայց դա չի նշանակում որ եթե թերթում ես հանդիպեմ ինձ չհետաքրքող թեմայով հոդված ապա այն վատն է հեղինակներնը անտաղանդ են և թերթը պետք է վառել , կամ սրճարանում պատվիրում եմ այնպիսի բան որը գիտեմ որ համով է բայց եթե կողքի սեղանին ուրիշ բան են ուտում ես չեմ մոտիկանում և սեղանը պտտում ասելով որ անտաղանդ բաներեք պատվիրել :)։

Մանոն
27.07.2007, 16:59
Եթե մեկի գրածը հեռու է ստեղծագործություն կոչվելուց, թող պարզապես չտեղադրվի ֆորումում:
Իսկ ո՞վ է դա որոշելու, գրվածքը ստեղծագործություն կարող է համարվել թե ոչ: Մի՞թե ֆորումում մենք ունենք պրոֆեսիոնալ գրականագետներ: Այստեղ ամենքն էլ սիրողական գրողներ են, ու մեկի գրածը մյուսի համար կարող է լավը լինել, մյուսի համար՝ տափակ մի բան: Բարեկամը ճիշտ նկատեց, որ սա գրականության հետ պետք չի շփոթել: Մարդիկ ընդամենը փորձում են իրենց մտքերը ձևակերպել ու ակումբցիների դատին արժանացնել: Կտեսնեն արձագանքներ չկան՝ էլ չեն տեղադրի:

Հինա ենթադրենք որևէ նոր անդամ մտնում է ակումբ.ամ ֆորում /ինչես ոչ մի նոր ընթերցող ձեռքն է վերցնում ինչ որ լրագիր/ ու կարդում ....եթե մեր այդ բաժնում 80% անտանելի է (նմանապես որ լրագրի մեջ շատ շատ անհավաստի ու անհետաքրքիր ինֆորմացիա կա)... այդ մարդը ոչ միայն հաջորդ անգամ չի մտնի ֆորում(գնի լրագիր) այլև հակագովազդի նոր բաղկացուցիչ մաս կդառնա , որը կհանգեցնի ֆորումի /լրագրի / ամբողջական վարկանիշի անկմանը ` ամեն տեսանկյունից: Այստեղ ոչ թե խոսքի ազատության քամ քննադատության խնդիր է այլ Ակումբ.ամ-ի քաղաքականության , պատրաստեք արդյոք Ձեր դռները բացել ԲՈԼՈՐԻ առաջ թե գերադասում եք շարժառիթ մնացած տաղանդավորներին ստեղծագործելու համար:
Իսկ ի՞նչ տարբերություն ակումբ.ամ վարկանիշը ընկնի նոր եկող մեկի աչքերում, թե արդեն այդ ակումբի անդամ մեկի աչքերում, ում ստեղծագործությունը համարել են անպիտան մի բան:

StrangeLittleGirl
27.07.2007, 17:07
Իսկ ո՞վ է դա որոշելու, գրվածքը ստեղծագործություն կարող է համարվել թե ոչ: Մի՞թե ֆորումում մենք ունենք պրոֆեսիոնալ գրականագետներ: Այստեղ ամենքն էլ սիրողական գրողներ են, ու մեկի գրածը մյուսի համար կարող է լավը լինել, մյուսի համար՝ տափակ մի բան: Բարեկամը ճիշտ նկատեց, որ սա գրականության հետ պետք չի շփոթել: Մարդիկ ընդամենը փորձում են իրենց մտքերը ձևակերպել ու ակումբցիների դատին արժանացնել: Կտեսնեն արձագանքներ չկան՝ էլ չեն տեղադրի:
Ստեղծագործողն ինքը թող որոշի: Եթե մարդը կարողանում է կողքից նայել իր գործերին, ապա ցանկացած գրականագետից լավ քննադատ է դառնում: Իսկ եթե անարձագանք մնա ստեղծագործությունը, շատ լավ կլինի: Ցավոք, հաճախ որակյալ գործերի մասին ոչինչ չեն ասում: Իսկ անորակ բաների հասցեին գովասանքի խոսքերն անպակաս են:


ինձ թվում է որ ստեղծագործողի անկյունում այդքան ել հաճախ նոր թեմաներ չեն ստեղծվում և նպատակահարմար չե որևիցե սահմանափակում դնել։ Բացի դրանից օրինակ ինձ մոտ կես րոպե է անհրաժեշտ գնահտալեու համար թե ինչքան հարազատ է ինձ ստեղծագործությանը և ցանկանում եմ այն կարդալ թե ոչ։
Ի՞նչ… Գուցե մյուս բաժինների համեմատ հաճախ չէ, բայց չափից շատ է: Դու պատկերացրու տասնյակ կես րոպեներն իրար գումարելով ինչ կդառնա… Գոնե ինձ համար:


սրճարանում պատվիրում եմ այնպիսի բան որը գիտեմ որ համով է բայց եթե կողքի սեղանին ուրիշ բան են ուտում ես չեմ մոտիկանում և սեղանը պտտում ասելով որ անտաղանդ բաներեք պատվիրել
Բայց սրճարանում քո ուզածը մաքուր են բերում, չէ՞: Քո չուզածի հետ չեն բերում: Նույնն էլ այստեղ է: Հատուկենտ լավ գործերը կորում են տասնյակ վատ գործերի մեջ:

Երվանդ
28.07.2007, 00:31
Ուրեմն ցանկացած մարդ իրավունք ունի արտահայտելու իր կարծիքը, ես արտահայտելով իմ կարծիքը՝ասում եմ, չէ ավելի ճիշտ գրում եմ, որ ակումբի «ստեղծագործողի անկյուն» ում դրված ստեղծագործությունների մեծ մասը աղբա, ես կարամ հերթով դնեմ ու գրականությունից մի քիչ հասկացող մարդուն բացատրեմ ու ապացուցեմ դա(չնայած գրականության մասին դաժե աղոտ պատկերացում ունեցող մարդուն կարիք չի լինի ապացուցել ոչինչ), իսկ այդ այդ «ստեղծագործությունների» հեղինակների, ապրումները ինձ ընդհանրապես չեն հետաքրքրում, մարդիկ գրում են գործեր ամիսներով վախենում են մարդու ցույց տան , ստե սաղ տաղանդ են, կարդում կարդում ես մտածում ես դե մարդա կարողա մարդկային մի միտք ճարես, կարդում ես ու հետո մինիմումը 2 օր չես մտնում տվյալ բաժին, դե արի էտ գրող ու ցավի ապրումները հարգի, մոդայա դառել ստեղծագործելը ով քնից շուտ հելավ ստեղծագործումա ասա միհատ աչքերներիտ արտահայտությունը տեսել եք հայելու մեջ որ ստեղծագործում եք, աաա սկսում եմ ջոգել իսկականից տնքամկանը որնա:D

Մարիաննա
28.07.2007, 01:14
Միայն նա է հարստացնում մարդկությանը, ով խորացնում է նրա ստեղծագործական ինքնագիտակցությունը, օգնում ճանաչել ինքն իրեն ... Անշուշտ Manon-ի և Grieg-ի անհանգստությունն էլ իր տեղիքն ունի, եթե նկատել եք:

Ծով
28.07.2007, 21:03
Շատերիդ համար գաղտնիք չէ, որ ես Ակումբից /կարծում եմ ժամանակավոր/ հեռացել եմ…Դրա համար ես իմ պատճառներն ունեմ կամ չունեմ. Dա կարևոր չէ…:B
Չեմ կարող թաքցնել, սակայն, որ սիրում եմ Ակումբը և այս մեծ ընտանիքից շատ շատերին :loveու անտարբեր մնալ չկարողացա…
Չնայած վաղուց արդեն չեմ կատարում պարտականություններս:oy, բայց սա առանձնահատուկ դեպք է, և ինձ չեմ ների, եթե չխոսեմ…;)
Ուրեմն այսպես…:think
Անտարբեր չմնացի, որովհետև միմյանց վարպետորեն, շատ գեղեցիկ, սարսափելիորեն տպավորիչ ձևակերպված վիրավորանքների համաճարակ եմ նկատում…ցավալի է…:(
Ինքս էլ հանդիսանալով այս փոքրիկ ու համենայնդեպս ինձ համար գեղեցիկ անկյունի երբեմնի ստեղծագործողներից մեկը` վիրավորվում եմ /ես հպարտ եմ/ ոչ ինձ համար, այլ ուրիշների…ինքս էլ չիմանալով թե հենց ում…
Ուրեմն այսպես…ես մտադիր չեմ պաշտպանել ստեղծագործողներին, չստեղծագործեղներին, տաղանդներին, անտաղանդներին, ինձ, քեզ, կամ մեկ ուրիշին…:okինձ այնքան էլ հետաքրքիր չէ թե հենց ում նկատի ունեք…
Պարզապես խնդրում եմ, որ անկեղծ լինեք, հնարավորինս պարզ ու նաև զգույշ…:8
Եթե ստեղծագործողի անկյունում ըստ որոշ մարդկանց աղբ է կուտակվել, ուրեմն փրկե’ք ձեր ստեղծագործությունները և աքսորեք ասենք Գրականության էջ:D…Իսկ եթե այնտեղ հանդիպեք Պարույր Սևակին:love, խորհուրդ կտայի ցավագին չտանել այդ փաստը:cry…Ես առկա երևույթների հիմքի վրա եմ ակնարկում…հեգնում եմ արդեն…ճար չկա…:kiss
Եթե խոսքը առողջ քննադատության, անկեղծության, քաղաքակրթության գոնե կողքով հոսեր, վիրավորական ակնարկների լճացում տեղի չէր ունենա…:(
Եվս մի անկեղծ, ներողամիտ ու ժպտադեմ ակնարկ իմ կողմից…:angry
Էս ամառ օրով, էս շոգին ու տապին ես մտա <<Ստեղծագործողի անկյուն>> ու…զարմանալի է` աղբի հոտ չառա…:P
Ես Ձեզ սիրում եմ…:kiss Alize_etoilik…
ԴԵ ԺՊՏԱՑԵ'ք....վաաաաաաաայ :angry :) :love

Մանոն
28.07.2007, 21:28
Էս ամառ օրով, էս շոգին ու տապին ես մտա <<Ստեղծագործողի անկյուն>> ու…զարմանալի է` աղբի հոտ չառա…:P

Էս նախադասությունդ մենակ՝ ամեն ինչ արժեր: Ապրես Alize_etoilik

Եթե ստեղծագործողի անկյունում ըստ որոշ մարդկանց աղբ է կուտակվել, ուրեմն փրկե’ք ձեր ստեղծագործությունները և աքսորեք ասենք Գրականության էջ…Իսկ եթե այնտեղ հանդիպեք Պարույր Սևակին, խորհուրդ կտայի ցավագին չտանել այդ փաստը
Իսկ այս տողերդ ամեն ինչ իր տեղը դրեցին ;)
Շատ ափսոս, որ հեռացել ես ակումբից և ուշ-ուշ ես գրում:love

impression
28.07.2007, 21:55
Կարծում եմ՝ ժամանակն է, որ այս ամենի մեղավորը, այսինքն՝ ես, փորձեմ պատճառաբանել, թե ինչու հենց այսպես գրվեց այն, ինչը գրվեց, ու թե ինչ նպատակ էր այն հետապնդում: Նպատակը, որքան էլ որ տարօրինակ հնչի, սիրելի ակումբցիներ, բնավ էլ որևէ մեկին վիրավորելը չէր: Պարզապես, ոչ միայն Ակումբում, այլև ողջ Հայաստանում անտանելի չափերի է հասնում դիլետանտությունը՝ ամեն ինչում: Տեսել եք՝ ինչ է կատարվում մեր հեռուստաընկերություններում, ցանկացած եթերում, թերթերում: Անգրագիտությունն իշխում է ամենուր, այն հասել է այնպիսի չափերի, որ արդեն գրեթե անհնար է դարձել դրա դեմ որևէ կերպ պայքարելը… Իհարկե, ես հասկանում եմ, որ ծիծաղելի է ենթադրել, որ եթե Ակումբում տեղադրում ես գործերդ, ու մի քանի հատ :hands ես ստանում, ապա կարող ես ինքդ քեզ համարել ստեղծագործող: Բայց ունեմ մտավախություն, որ քչերն են նույն կարծիքին:
Իսկ այն, որ Ակումբում կան թույլ հեղինակներ, կարելի է անգամ չկասկածել, քանի որ այդ չափերի հասնող ստեղծագործությունները չեն կարող միանվագ լավը լինել կամ վատը: Ես չեմ ասում՝ մի գրի, ու չունեմ էլ այդ իրավունքը՝ որևէ մեկի նման բան ասելու: Պարզապես թե հեղինակներից շատերը, թե ընթերցողներից ոմանք պարզապես գրում են՝ գրած լինելու համար: Իմ այս գրածն ուղղված չէ կոնկրետ որևէ մեկին, այն ուղղված է բոլորին, ովքեր երբևէ գրելու փորձ են արել կամ գրում են Ակումբում: Այն, առաջին հերթին, ուղղված է հենց ինձ՝ որ հանկարծ ինձ մոտ էլ տնքամկան չառաջանա ու չզարգանա:
Գուցե միմյանց վիրավորելու համաճարակը, որի մասին գրվել էր վերևում, իրոք կա Ակումբում, բայց սա այդ նպատակով չի գրվել ;) Պարզապես այն այդպես ընկալվում է կամ էլ չի ընկալվում, կախված նրանից, թե ինչ տրամադրությամբ եք մոտենում...

Երվանդ
28.07.2007, 23:12
Որոշ մարդիկ զգում են աղբի հոտը, բայց չեն արտահայտվում, մյուսները զգում են և արտահայտվում, երրորդները ուղղակի չեն զգում, կարելիա նաև անձնավորված առանձին առանձին ասել ուղղակի էտքան հավես ու ժամանակ չկա, հետոլ ինչ տարբերություն աղբի քանի մասնիկից ու կամ մասերիցա բաղկացած չեմ կարծում էտքան կարևոր, հնարավորա նաև ես եմ սխալ հասկանում, իրականում ինչը որ ես աղբ եմ համարում դա աղբ չի, դա նույնպես չեմ բացառում, ուղղակի ես արտահայտում եմ իմ կարծիքը, սլաքը ուղղելով ԲՈԼՈՐ անտաղանդ(մեղմ ասած) գրողներին, իսկ ում ամեն ինչ ստեղ դուրա գալիս թող մտնի ու ամեն ինչ կարդա , ոչ մեկը ոչ մեկին ինչ որ բան չի պարտադրում, իսկ ուրիշների տեղը Alize_etoilik-ին խորհուրդ եմ տալիս չվիրավորվել, իրա տեղը թող ամեն մեկը վիրավորվի, ով որ իրան անտաղանդ ու թույլ ստեղծագործողա համարում ինքնել տող իրա տեղը վիրավորվի:

Երվանդ
28.07.2007, 23:44
Բոլոր նրանց ովքեր իրանց անտաղանդ ու թույլ ստեղծագործող են համարում, բայց իրականում տենց չեն:kiss, համել ես մինչև այսօր մտածում էի շոգը ավելիա ուժեղացնում նեխահոտը:), պարզվումա տենց չի, չնայած ով գիտի գուցե ամբող հարցը հոտառության մեջա:D

Ավելացվել է 3 րոպե անց
lol էս ամեն ինչի մեջ գոնե մի քիչ թե շատ օգտակար բան կար:)(մեկը անտաղանդները էլի կգրեն ու ավելի շատ), երկարատև ընդմիջումից հետո գրառում արեց ակումբի իսկական անդամներից մեկը:)

Ավելացվել է 8 րոպե անց
Միհատել բան ու վերջ:), առաջարկում եմ «Ստեղծագործողի անկյուն»-ը վերանվանել «Ոչ միայն ստեղծագործողի անկյուն»:D

Artgeo
29.07.2007, 00:03
Լիլ, ես վաղուց ա նույնիսկ փորձեր չեմ անում ստեղծագործելու :) Նամանավանդ չափածո: Իսկ ինչ վերաբերվում է իմ արձակին, ապա դրանք երբեք չեմ համարել ստեղծագործություն

Երվանդ
29.07.2007, 00:32
Լօլ , էս ինչ զարմանալի օրինաչափությունա:), բոլոր նորմալ մարդիկ մտածում են որ հնարավորա իրանց նույնպես խոսքը վերաբերվումա:D, իսկ իրական անտաղանդները կարծում են որ իրանք հանճարներ են ու խոսքը հաստատ իրանց մասին չի:D

Բայց քո գրածները չեմ կարդացել Արտ, հետաքրքիրա անտաղանդ ես թե տաղանդավոր:D

Chuk
29.07.2007, 01:15
Դուք հիմա կասեք. «Ի՞նչ է եղել որ, քննարկում ենք, էլի՛....»
Իսկ ես կասեմ. «Չեք քննարկում, «Դար» ակումբի կանոնադրությունն եք խախտում»:

Ու՞ր է այստեղ ստեղծագործության քննարկում: Ու՞ր է, ցույց տվեք:
Դուք քննարկում եք Ձեզ հուզող կամ չհուզող թեման, բայց ոչ ստեղծագործությունը: Դա ունի հայտնի անում, կոչվում է՝ ՆՈՐԻՆ ՕԾՈՒԹՅՈՒՆ ՕՖՖՏՈՊ:
Ու՞ր է ձեր քննարկումը: Որտեղ է Ձեզնից մեկնումեկն ասել. «Գիտես, Լիլ, իմ կարծիքով այստեղ գրական արժեք չկա, բառերի, գուցե և գեղեցիկ բառերի համադրմամբ շարված միտք է, ակումբական հոդված, ոչ ավելին...»
կամ. «Հրաշալի է, Լիլ, կարողացել ես քեզ հուզող, առաջին հայացքից գրական ստեղծագործության հետ կապ չունեցող մտքերն շարադրել խիստ գրական, տալով նրան գեղարվեստական հրաշալի երանգ...»


Ու՞ր է ստեղծագործության քնարկումը, հարգելի ընթերցող :o

Վարպետ
29.07.2007, 01:34
Ապրես Լիլ, համարձակ էր ու հիմնավորված: Հոգուն վրա հասավ, փաստորեն: Ես, բոլոր նրանց, ովքեր խորհուրդ են տալիս ուղղակի չկարդալ էդ խզբզանքները, խոստանում եմ արձակուրդս վերցնելուն պես (մեկ շաբաթից) ողջ "ստեղծագործողի անկյունը", իհարկե կանոնադրության շրջանակներում, սիրելի Չուկ եւ մյուս սիրելի ադմիններ եւ մոդերներ, հեղեղել այնպիսի ծացրաճաշակ եւ զզվելի, բայց "իմ տիեզերքից պոկված ու ապրումներիցս ծնված պոեզիայով", որ սրտներդ խառնի, մեծն հումանիստներ: ՈՒ փորձեք չկարդալ, երբ յուրաքանչյուր երկրորդ պոստը կլինի նոր "ստեղծագործություն"...

Chuk
29.07.2007, 01:37
Չի հաջողվի, հարգելի Վարպետ, որովհետև հոգուն վրա հասավ ու առաջացած խնդրի լուծումն էլ գտնվեց:

Վարպետ
29.07.2007, 01:40
Ու՞ր է ստեղծագործության քնարկումը, հարգելի ընթերցող :o

Եթե որեւէ մեկը այստեղ գտնի որեւէ տող, որը ոչ մի աղերս չունի Լիլիթի գրվածքի հետ, թող առաջինը ինձ վրա քար նետի: Ի վերջո, որպես դիպլոմավորված գրաքննադատ, պետք է ասեմ, որ գրեթե բոլոր ռեցենզիաներում, գոնե հայկական իրականության մեջ, միշտ էլ տեղ են գտել մտքեր ոչ միայն գրվածքի ոճի, ձեւի, այլ նաեւ, նույնիսկ ավելի շատ, բովանդակության մասին, այն իրականության մասին, որը պատկերված է գրվածքում: Էնպես որ, վստահ եմ, կանոնադրության խախտում այս թրեդում չի եղել, ու ես մեծ ցավ կապրեի, եթե իմ կողմից շատ հարգված Չուկը շարունակեր սուբյեկտիվիզմ դրսեւորել:

Ավելացվել է 4 րոպե անց

Չի հաջողվի, հարգելի Վարպետ, որովհետև հոգուն վրա հասավ ու առաջացած խնդրի լուծումն էլ գտնվեց:

Ամենամեծ ուրախությունը ես կապրեմ, հարգելիս, որովհետեւ ծանր մտորումների մեջ էի, թե ոնց եմ պատվով դուրս գալու էդ ստանձնածս կեղտոտագույն գործի տակից:

Chuk
29.07.2007, 01:49
Սուբյեկտիվիզմ ձևավորելու դեպքում թեման կա՛մ փակված կլիներ, կա՛մ տեղափոխված կլիներ ասենք «Ակումբի անցուդարձ» բաժին: Ու այնուամենայնիվ, Վարպետ, եթե ուշադիր կարդաս, կնկատես, որ այստեղ ընդամենը գնացել է ինչ-որ հուզող (կամ չհուզող) հարցի քննարկում, իրականում ստեղծագործության հետ կապ չունեցող: Ճիշտ նույն քննարկումը, ինչը կլիներ, եթե «Առաջարկություններ» բաժնում «Ստեղծագործությունների որակ» թեմա բացվելու դեպքում կլիներ: Իսկ ի՞նչ է, չկար Impression-ի ստեղծագործության մասին ասելու բան: Օրինակ «տնքական» ներմուծված հասկացողության՝ գրական գյուտի քննարկումն ու՞ր ա: Միթե ստեղծագործությունն այնքան թույլ էր, որ հենց նրա մասին ոչ մի բան չէր կարելի գրել: Եթե առաջարկված ստեղծագործությունը այլ հուզող հարցերի մասին խոսելու առիթ է տալիս, ի սեր Աստծու, համապատասխան բաժնում բացեք էդ թեման, քննարկեք: Ի՞նչ խնդիր կա: Իսկ ես, որպես շարքային ակումբցի, ստեղծագործություն կարդալիս ուզում եմ նրա մասին քննարկում կարդալ, այլ ոչ թե մի քանի էջանոց ձեզ հուզող հարցի:

Վարպետ
29.07.2007, 02:24
Շատ բարի:) Այ հիմա արդեն ամեն ինչ իր տեղում է: Իսկ տնքմկանը իրոք ընտիր բառ ա, պետք ա հաճախ օգտագործել:)

Սամվել
29.07.2007, 10:02
Ժողովուրդ չեմ հասկանում այդ ոնց եք մտածում…
Ամեն ստեղծագործողի համար իր ստեղծագործությունը իր երեխայի նման բան է…իմ կարծիքով արդար չի լինի նրան ասել, որ գիտես այսինչ ջան դու քո "երեխաներից" ընտրի լավագույններին և նոր տպագրի…մյուս կողմից Հարգելիներս, որ այդքան քննադատում եք ակումբի նմացած ստեղծագործողներին այդքան համոզված եք, որ դուք ինքներտ այդքան լավ եք ստեղծագործում ու ձեր գրածը բոլորին դուր է գալիս…այսինքն դուք տաղանդավոր եք իսկ մնացածը անտաղանդ…Համարյա բոլոր ստեղծագործողներն էլ իրենց գործերը սիրում են ու գնահատում…այլ հարց է, որ տեղադրվում է այդ ստեղծագործությունը ակումբում մեր քննությանը ապա կարելի է քննադատել ինչքան սիրտներտ ուզի…այնպես, որ չեմ հիշում կարծեմ երեկ հենց այդպես էլ որոշվեց կարծում եմ արդար կլինի պարզապես մեծամասնության կարծիքով լավագույն ստեղծագործությունները տեղափոխվեն որևէ նոր բաժին, որը փակ կլինի նոր թեմաներ ստեղծելուց…այդքանով բոլորն էլ կկարողանան իրենց ստեղծագործությունները տեղադրել հանրության քննությանը, իսկ նրանցից լավագույնները կարժանանան լավագույնների շարքում հայտնվելու պատվին…Ավելացնեմ, որ կյանքում չեմ ստեղծագործել ավելի ճիշտ իմ ստեղծագործությունները այս ոլորտից չեն և ակումբումբում չեմ տեղադրել այսինքն ես ինձ կամ, որևէ ուրիշի չեմ պաշտպանում այլ պարզապես ասում եմ իմ կարծիքը…

Հ.Գ. Խնդրում եմ չվիրավորվել, որ օրինակ բերեցի ձեր ստեղծագործությունների վրա ես պարզապես իմ կարծիքն էի ասում և դա կոնկրետ նրանց չէր վերաբերվում այլ ասված էր ընդհանուր առմամբ հաշվի չառնելով այս կամ այն ստեղծագործության որակը …

Երվանդ
29.07.2007, 10:04
Դուք հիմա կասեք. «Ի՞նչ է եղել որ, քննարկում ենք, էլի՛....»
Իսկ ես կասեմ. «Չեք քննարկում, «Դար» ակումբի կանոնադրությունն եք խախտում»:

Ու՞ր է այստեղ ստեղծագործության քննարկում: Ու՞ր է, ցույց տվեք:
Դուք քննարկում եք Ձեզ հուզող կամ չհուզող թեման, բայց ոչ ստեղծագործությունը: Դա ունի հայտնի անում, կոչվում է՝ ՆՈՐԻՆ ՕԾՈՒԹՅՈՒՆ ՕՖՖՏՈՊ:
Ու՞ր է ձեր քննարկումը: Որտեղ է Ձեզնից մեկնումեկն ասել. «Գիտես, Լիլ, իմ կարծիքով այստեղ գրական արժեք չկա, բառերի, գուցե և գեղեցիկ բառերի համադրմամբ շարված միտք է, ակումբական հոդված, ոչ ավելին...»
կամ. «Հրաշալի է, Լիլ, կարողացել ես քեզ հուզող, առաջին հայացքից գրական ստեղծագործության հետ կապ չունեցող մտքերն շարադրել խիստ գրական, տալով նրան գեղարվեստական հրաշալի երանգ...»


Ու՞ր է ստեղծագործության քնարկումը, հարգելի ընթերցող :o

1.
Ցանկացած գրական ստեղծագործություն մարդու մեջ առաջացնում է ինչ ինչ հարցերի մասին խորհելու անհրաժեշտություն, ու երբ բանավիճում կամ վիճում ես նաև ստեղծագործության ազդեցության տակ հրատապ դարձած հարցից, չեմ կարծում թե դա շեղում է թեմայից ու բովանդակությունից, տենց կլիներ եթե մենք ստեղ քննարկեինք ոչ թե «Ստեղծագործողի անկյուն» բաժնում, անտաղանդ ,և գրելու հետ ընդհանրապես կապ չունեցող մարդկանց կողմից տեղադրված նյութերի ազդեցությունը մեր տնքամկանների առաջացման կամ կծկման վրա:), այլ ասենք Մարիամ Աստվածածնի բարոյական կերպարը դա կլիներ իսկապես թեմայից շեղում, իմ էս գրածը շատ ավելի թեմայից շեղում է քան մինչ Chuk-ի գրառումը տեղի ունեցող քննարկումը կամ կարծիքների բախումը, ուղղակի ցանկացած մարդ ունի համապատասխան թեմայում նաև իրեն վերաբերվող գրառման պատասխանելու հնարավորություն, որը և ես արել եմ:

Ավելացվել է 11 րոպե անց
2.
Չնայած այս մասին իմ կարծիքին՝ որը արտահայտեցի վերևում, ես պատրաստ եմ ընդհունել, մոդերատորների կամ ադմինների կողմից ընդունված ցանկացած որոշում, եթե իրանք գտնում են որ այնուամենայնիվ քննարկումը շեղում էր կանոնադրությունից, թող քննարկմանը մասնակցած ու նորին մեծություն օֆտոպով զբաղված:) անդամներին ուղղարկվեն համապատասխան զգուշացումներ: Քանի որ ես համաձայնվել եմ կանոնադրությանը հետևաբար ընդհունել եմ այստեղի խաղի կանոնները, բայց եթե կան խաղի կանոններ՝ դրանք պետք է գործեն բոլոր դեպքերում, և ոչ թե երբեմն երբեմն, իսկ դեպքեր կան և ոչ քիչ երբ կանոնադրության որևէ հստակ ձևակերպված կանոնի վրա «աչք է փակվում» կամ խաղի կանոները փոխեք թող նենց լինի որ տվյալ բաժնի մոդերատորը ինք որոշման ավելի մեծ հնարավորություն ունենա, կամ թող ԲՈԼՈՐ կետերում օրենքը(կանոնադրություն) գործի:

Chuk
29.07.2007, 15:15
Kiborg, քո ասածն ապացուցեց, որ ադմինիստրացիայի քննարումը «շարքային» անդամների մոտ, սխալ էր: Եթե նկատեցիր, մեզնից ոչ մեկը քննարկման որոշման մասին դեռ չէր խոսել, միայն ակնարկվել էր որոշակի լուծման մասին: Ցավոք, քննարկման ժամանակ ես ծանոթ չէի այս թեմային: Դա իրական լուծում չի: Մեզնից ոչ մեկը իրավունք չունի իրական դասակարգում տալու՝ լավ ու վատ ստեղծագործությունների: Մենք կարող ենք անել սուբյեկտիվ դասակարգում ու ընտրել «ակումբի ընտրանին՝ որոշակի մարդկանց կարծիքով», ոչ ավելին: Դրանով իրականում չենք զտի լավը վատից:

Ervand, ես քո ասածները շատ լավ հասկանում ու ընդունում եմ: Սակայն վրդովում եմ այս թեմայում «արհեստական» ստեղծված լարված իրավիճակից: Այստեղ քո, կամ առանձին վերցրած ուրիշի գրառումները կապ չունեն:

Սամվել
30.07.2007, 00:03
Kiborg, քո ասածն ապացուցեց, որ ադմինիստրացիայի քննարումը «շարքային» անդամների մոտ, սխալ էր: Եթե նկատեցիր, մեզնից ոչ մեկը քննարկման որոշման մասին դեռ չէր խոսել, միայն ակնարկվել էր որոշակի լուծման մասին: Ցավոք, քննարկման ժամանակ ես ծանոթ չէի այս թեմային: Դա իրական լուծում չի: Մեզնից ոչ մեկը իրավունք չունի իրական դասակարգում տալու՝ լավ ու վատ ստեղծագործությունների: Մենք կարող ենք անել սուբյեկտիվ դասակարգում ու ընտրել «ակումբի ընտրանին՝ որոշակի մարդկանց կարծիքով», ոչ ավելին: Դրանով իրականում չենք զտի լավը վատից:

Հարգելի Chuk ընդունում եմ մեղքս սակայն իրանակնում ես այդքան էլ տեղյակ չէի ինչ եք որոշել …այնքան որ ինձ դուր էր եկել այդ միտքը հետո մի կարծիքով ավելի լավ կլիներ յուրաքանչյուր ստեղծագործությունը ունենար որոշակի հնարավորություն գնահատվելու ցանակացած ընթերցողի կողմից թե լավ թե վատ իմաստով և արդյունքը իմ կարծիքով պետք է որ քիչ թե շատ օբյեկտիվ լինի…ինչևէ ես չեմ որոշում կայացնողը ուղակի ինձ դուր եկած միտքն էի գրել որի համար ևս մեկ անգամ ներողություն եմ ասում… :oy …Պարզապես իրոք չկարողացա հանդուրժել այն փաստը որ որոշ ստեղծագործողներ իրենց ստեղծածները ավելի բարձր դասեցին /կամ փորձում էին/ քան մնացածինը…արդյունքում փորձեցի այդ հարցի մասին իմ տեսակետը արտահայտել որի մեջ ինձ այդքան դուր եկած միտքը գրեցի, չհասկանալով որ պետք չէր ժամանակից շուտ գրել այդ մասին…կներեք ևս մեկ անգամ :oy

Վարպետ
30.07.2007, 01:15
Պարզապես իրոք չկարողացա հանդուրժել այն փաստը որ որոշ ստեղծագործողներ իրենց ստեղծածները ավելի բարձր դասեցին /կամ փորձում էին/ քան մնացածինը…

Հա, բայց դժվար ա գիտակցել, որ իրոք ոմանց ստեղծագործությունները անհամեմատ ավելի լավն են, քան շատերի խզբզանքները, ես չեմ հասկանում? Ոնց կարելի է ցանկացած հանգավորված բան (ախր ցավն էն ա, որ երբեմն նույնիսկ հանգեր կազմելու հավես էլ չեն անում) անվանել ստեղծագործություն?

Նենց մի արեք, որ Նարգիզ Տերունցի ստեղծագործությունները սկսեմ էստեղ շարել հերթով: Ի դեպ, դրանք տպագրված են հաստափոր գրքի տեսքով, բավական մեծ տպաքանակով, էպիգրաֆներով, գրախոսականներով, բանով, բոլոր ինստիտուցիոնալ նրբությունները հաշվի են առնված, ուստի ես մեծ հաճույքով նույնսիկ թրեդ կբացեմ "Գրականություն" բաժնում` "Նարգիզ Տերունց. կին, որը ստեղծագործում է": Ու դուք կսկսեք ավելի հաճախ այցելել դեղատուն` կարվալոլ-վալերիանաների հետեւից: Իսկ էդ գիրքը հետեւանք է այ հենց նրա, որը Դուք անվանում եք "ընթերցողների քվեարկություն", որովհետեւ էդ խեղճ տարեց, ապաշնորհ, բայց գուցեեւ լավ մայր ու տնային տնտեսուհի կնոջը բոլոր հարեւաններն անխտիր ասել են, որ ինքը հայ գրականության նորագույն շրջանի կորիֆեյներից է: Ի պաշլո-պայեխալո~...

Սամվել
30.07.2007, 09:49
Հա, բայց դժվար ա գիտակցել, որ իրոք ոմանց ստեղծագործությունները անհամեմատ ավելի լավն են, քան շատերի խզբզանքները, ես չեմ հասկանում? Ոնց կարելի է ցանկացած հանգավորված բան (ախր ցավն էն ա, որ երբեմն նույնիսկ հանգեր կազմելու հավես էլ չեն անում) անվանել ստեղծագործություն?

Հարգելիս նորից եմ կրկնում, որ յուրաքանչյուր մարդ իր ստեղծագործությունները բնականաբար չի կարող բավակնին խիստ քննադատել և ինքը իր ստեղծագործությունները կհամարի լավը …և սխալ կլինի նրան արգելել տպագրել իր ստեղծագործությունները…այլ հարց է որ ստեղծագործությունը տպագրելուց հետո այն արժանանա գիտակ մարդկանց առողջ քննադատմանը…:8…Ամբողջ հարցը նա է որ որոշ ստեղծագործողներ բարոյական իրավունք չունեն ( Նույնիսկ եթե հաշվի առնենք, որ նրանք ինքները բավականին լավ են ստեղծագործում ) մնացածի ստեղծագործությունները քննադատել ընդհանուր ֆոնի վրա նրանց քննադատել առանձին բաժնում, այլ պետք էր քննադատել նրանց հենց իրենց ստեղծագործած թեմայում…:think

StrangeLittleGirl
30.07.2007, 10:13
Հարգելիս նորից եմ կրկնում, որ յուրաքանչյուր մարդ իր ստեղծագործությունները բնականաբար չի կարող բավակնին խիստ քննադատել և ինքը իր ստեղծագործությունները կհամարի լավը …և սխալ կլինի նրան արգելել տպագրել իր ստեղծագործությունները…այ
Էդ քեզ է թվում: Ավելի շատ շրջապատող մարդկանցից է դա գալիս: Եթե նրանք նորմալ չեն քննադատում, հեղինակը չի կարողանում կողքից նայել իր գրածներին:
Ի դեպ, եթե ես բավականաչափ խիստ չլինեի իմ գրածների հանդեպ, հավատացնում եմ, մի քանի տոննա զիբիլ էլ իմ կողմից կստանայիք:

Սամվել
30.07.2007, 10:23
Էդ քեզ է թվում: Ավելի շատ շրջապատող մարդկանցից է դա գալիս: Եթե նրանք նորմալ չեն քննադատում, հեղինակը չի կարողանում կողքից նայել իր գրածներին:

Այ դա արդեն ուրիշ խնդիր է …սրա լուծումը ինձ թվում է ճիշտ կլինի ինչ որ օբյեկտիվ քննադատների խումբ ստեղծելով…եսիմ է էս ինչ եմ խորացել…:think