PDA

Դիտել ողջ տարբերակը : Զարգացում



PoeT
21.08.2006, 13:18
Այսօր մեր մոլորակը զարգանում է։ Զարգանում է շատ արագ, երկրաչափական պրոգրեսիայով։ Խոսքը տեխնիկաի մասին է։ Երբ մտածում ես ապագայի մասին, ռոբոտներ, թռչով մարդիկ ինչ որ արհեստական թևերով, մարդիկ որոնք ինչ որ ապարատների շնորհիվ դառնում են ուրվականներ, գործիքներ որոնց միջոցով վարկյանների ընթացքում կարելի է տեղափոխվել մի երկրից մյուսը։

Արդյոք սա այն է ինչի մասին երազում ենք։ Արդյոք այս ամենը կարող է երջանկացնել մարդուն, արդյոք մենք ուզում ենք այս ամենը։

Կարծում եմ, որ կենցաղային պրոբլեմները լուծող սարքավորումները, երբեք չեն երջանկացնի մարդկանց։

Չնայած նրան, որ դա անհնար է՝ ինչպես արևի վրայով քայլելը, ես կուզեի կանգնեցնել զարգացումը։ Կարծում եմ մեզ այլևս ոչ մի գյուտ պետք չէ։

Համաձայն եմ գուցե զարգացման հետևանքով մարդիկ հնարավորություն ունենան բուժել բոլոր հիվանդներին, բայց միևնույնն է կարծում եմ, որ դրանից մարդիկ ավելի երջանիկ չեն լինի՝ կծագեն ուրիշ բնույթի պրոբլմներ։

Գուցե մեզնից 1000 տարի առաջ ավելի դժվար է եղել կյանքը։ Չկար ինքնաթիռ, չկար հեռախոս, չկար հեռուստացույց և համակարգիչ, բժշկությունը զարգացած չէր։

Կարծում եք մարդիկ այն ժամանակ ավելի դժբախտ են ապրել։

Չէի ասի, նույիսկ բարեկամի մահը կարծում եմ ավելի հանգիստ են տարել քան հիմա, այն ժամանակ ավելի սառնասիրտ են եղել մարդու մահվան նկատմամբ։ Չկար հեռուստացույց, բայց մարդիկ երեկոյան հավաքվում որսի էին գնում։ Կարծու՞մ եք հեռուստացույցից պակաս զբաղվումնք է, իհարկե ՈՉ։ Չկար ինքնաթիռ, ու իրանց պետք էլ չեր, իրանք բարեկամներով հեռու չէին գնում իրարից։ Չկար համակարգիչ, որպեսզի խաղեր խաղային երեխաները։ ԱՎԵԼԻ ԼԱՎ չկար։ Իրանք իրանց համար դրսում նետ էին սարքում, ու սկսում էին ծառին կրակել, համ էլ աչքերը վարի չէին տալիս։

Քանի հազար տարի էլ անցնի մարդու բնույթը նույնն է մնալու։ Մարդ չի կարող ամբողջ կյանքը ժպտալ և լինել ուրախ։

Ես կարծում եմ, որ ամեն ինչ կշեռքի վրա է դրված, մի նժարին դնենք հիմիկվա կյանքը, մյուսին այն ժամանակվա։ Կտեսնենք, որ
նժարները նույն մակարդակի վրա են։ Մի կողմից մարդիկ մահանում էն միջինը 70-80 տարեկանում, մյուս կողմից 50-60 տարեկանում։ Բայց միևնույնն է նժարները հավասար են, քանի որ այն ժամանակ մարդկանց կյանքը ավելի հետաքրքիր է անցել։

Իսկ ինչ վերաներվում է պատերազմներին, դավաճանություններին, սիրոն, գեղեցկության ընկալմանը, սրանք մարդու բնույթն են, և երբեք չեն փոխվի։ Այս հասկացությունները միշտ նույնն են մնալու։ Միշտ մարդը մարդու է սպանելու, միշտ մարդիկ իրար խաբելու, դավաճանելու են։ Սերը միշտ նույն զգացմունքն է մնալու։

Ի՞նչ եք մտածում այս թեմայի շուրջ։ Ինձ շատ հետաքրքիր է ձեր կարծիքը։

Arisol
21.08.2006, 15:06
Շատ եմ մտածել այս թեմայի շուրջը և շատ անգամ եմ երազել, որ ապրեմ այնպես, ինչպես, ասենք, ապրում են հիմա Աֆրիկայի ցեղախմբերում… Կամ էլ մեկ այլ ժամանակաշրջանում, երբ դեռ այսքան զարգացաք չէինք: Այո՛, հիմիկվա մեր զարգացվածության աստիճանը բավականին բարձր է, ավելի մեծ հնարավորություն կա կյանքը երկարացնելու, ավելի լավ կենցաղային պայմաններ ստեղծելու, ավելի հարմարավետ ու հեշտ ապրելու կենցաղում, բայց չեմ կարծում, որ դա երջանիկ լինելու համար բավական է: Օրինակ հիմա շատերը, ովքեր կենցաղային հարմարավետ տեխնիկա չունեն, որը կթեթևացներ իրենց հոքսերը, կարծում են, որ եթե այդ ամենը լիներ՝ նրանք կլինեին երջանիկ: Այո՛, միգուցե և այդպես է, բայց միևնույն է երջանիկ լինելու համար դա բավական չէ: Ինչ է, չկա՞ն այնպիսի մարդիկ, որ ԱՄԵՆ ԻՆՉ ՈՒՆԵՆ երջանիկ լինելու համար, բայց միևնույն է երջանիկ չեն… Ամեն մեկի համար երջանկություն բառը տարբեր ձևով է հասկացվում: Դե բայց սա այլ թեմա է…
Կարծում եմ, որ առաջ մարդիկ ավելի առողջ էին, քան հիմա, քանի որ բնության հետ ավելի շատ էին շփվում, իսկ հիմա նախընտրում են այլ բաներ, որոնք առողջությանը մեծ վնասներ են հասցնում: Նաև կասեի, որ առաջ մարդկանց ուղեղն ավելի լավ էր «աշխատում», քան հիմա, քանի որ այն ժամանակ չկային հաշվիչներ, չկային այլ նման բաներ և մարդիկ ստիպված էին ուղեղն «աշխատեցնել», ոչ թե սեխմել կոճերի վրա ու սպասել պատասխանին…
Հիմա ուղեղս բթացած է, չեմ կարող գրել այն ամենը, ինչ ցանկանում եմ: Միգուցե մի ուրիշ օր ավելի լավ կգրեմ…;)

Լէգնա
21.08.2006, 15:14
կարճ.
ինչքան զարգանում է աշխարհը,այնքան մեծանում է այն փաստը,որ մեր իսկ ձեռքերով մեզ մի դագաղում ենք տեղավորում,որից հետո ոչ մի հարություն չի փրկի…
Զարգացումը մարդու վերջն է իր իսկ բերում…

Ուլուանա
21.08.2006, 15:58
Առայժմ միայն կասեմ, որ երեքիդ հետ էլ ընդհանուր առմամբ համաձայն եմ, մենակ թե Լեգնայի գրառումը մի քիչ հոռետեսական էր::(
Հետո ավելի ծավալուն կարտահայտեմ կարծիքս::P

Լէգնա
21.08.2006, 16:08
Լեգնայի գրառումը մի քիչ հոռետեսական էր::(

մի տարբերակ էլ ...
Լեգնայի գրածը կամ անհասկանալի է,կամ հոռետեսական:(
ուղղակի Ան ջան,լուրջ ջղայնանում եմ,որ ամեն գյուտից հետո տեսնում եմ մարդիկ ոնց են ուրախանում...էլ չեն ասում,,մոտենում ենք....հա չասեմ:(

Արշակ
21.08.2006, 16:37
Գտնում եմ, որ տեխնոլոգիական զարգացումը դեպի կործանում է տանում: ՈՒ բանն այն է, որ տեխնոլոգիական քաղաքակրթությունը առաջ տանողները մեզ ամեն կերպ ներշնչում են որ դա է ճիշտ զարգացումը ու որ դրանից հրաժարումը նշանակում է վայրենի, անասնական կյանքով, ամբողջ օրը նետ-աղեղով որս անելով ապրելը: Չէ՛, այդպես չէ իրականում: Մարդը բնության հետ ներդաշնակ ապրելով՝ կարող է շատ ավելի կուլտուրական, բարձր մակարդակի կյանքով ապրել: Բոլոր այն հնարավորությունները, որոնք մեզ տալիս է տեխնիկան, մարդու մեջ կան ավելի կատարյալ ձևով: Բնության հետ ներդաշնակ ապրելով ու կատարելագործելով իր ներքին թաքնված ունակությունները, մարդը տիրապետում է տեխնիկայի տված բոլոր հնարովորություններին առանց տեխնիկայի առաջացրած բացասական հետևանքների: Իսկ մենք մոռացած մեր ներքին ունակությունների մասին ընկել ենք տեխնիկական գյուտերի հետևից ու վերածվել ենք այդ ամենից կախված խղճուկ արարածների։
Հենց թեկուզ հեռախոսի, հեռուստացույցի, ինտերնետի և այլն տված բոլոր հնարավորություններն ապահովող ունակությունները շատ ավելի կատարյալ ձևով կան մարդու մեջ: Հենց դրանք զարգացնելու ուղղությամբ է պետք գնալ։ Այ դա է իսկական զարգացումը։

Ուլուանա
21.08.2006, 16:46
Ցավալի է, բայց իրոք այդպես է...:(
Միայն պատկերացրեք, թե ներկայումս մենք բոլորս ինչքան ենք կախված տեխնիկայից։ Այն աստիճանի, որ առանց դրա մեր կյանքն այլևս չենք պատկերացնում, և դա շատ տխուր է... Եվ զարմանալի չէ, որ ինչքան ավելի շատ ենք զարգանում տեխնիկայի առումով, այնքան ավելի շատ ենք հեռանում բնությունից, իսկ դա ամենատխուրն է...:( :think
Հեղափոխություն է պետք անել. բնությունն (բառիս ամենալայն իմաստով) ընդդեմ տեխնիկայի։:P …Լուրջ եմ ասում։:8

Arisol
21.08.2006, 16:53
Գտնում եմ, որ տեխնոլոգիական զարգացումը դեպի կործանում է տանում: ՈՒ բանն այն է, որ տեխնոլոգիական քաղաքակրթությունը առաջ տանողները մեզ ամեն կերպ ներշնչում են որ դա է ճիշտ զարգացումը ու որ դրանից հրաժարումը նշանակում է վայրենի, անասնական կյանքով, ամբողջ օրը նետ-աղեղով որս անելով ապրելը: Չէ՛, այդպես չէ իրականում: Մարդը բնության հետ ներդաշնակ ապրելով՝ կարող է շատ ավելի կուլտուրական, բարձր մակարդակի կյանքով ապրել: Բոլոր այն հնարավորությունները, որոնք մեզ տալիս է տեխնիկան, մարդու մեջ կան ավելի կատարյալ ձևով: Բնության հետ ներդաշնակ ապրելով ու կատարելագործելով իր ներքին թաքնված ունակությունները, մարդը տիրապետում է տեխնիկայի տված բոլոր հնարովորություններին առանց տեխնիկայի առաջացրած բացասական հետևանքների: Իսկ մենք մոռացած մեր ներքին ունակությունների մասին ընկել ենք տեխնիկական գյուտերի հետևից ու վերածվել ենք այդ ամենից կախված խղճուկ արարածների։
Հենց թեկուզ հեռախոսի, հեռուստացույցի, ինտերնետի և այլն տված բոլոր հնարավորություններն ապահովող ունակությունները շատ ավելի կատարյալ ձևով կան մարդու մեջ: Հենց դրանք զարգացնելու ուղղությամբ է պետք գնալ։ Այ դա է իսկական զարգացումը։
Հեհե, Արշակ, դու կարծես իմ մտքերը կարդացիր ու գրեցիր գրագետ ձևով;) Հենց նույնը ես էի ուզում ասել;) Ստորագրում եմ :B

dvgray
21.08.2006, 17:03
Գտնում եմ, որ տեխնոլոգիական զարգացումը դեպի կործանում է տանում: ՈՒ բանն այն է, որ տեխնոլոգիական քաղաքակրթությունը առաջ տանողները մեզ ամեն կերպ ներշնչում են որ դա է ճիշտ զարգացումը ու որ դրանից հրաժարումը նշանակում է վայրենի, անասնական կյանքով, ամբողջ օրը նետ-աղեղով որս անելով ապրելը: Չէ՛, այդպես չէ իրականում: Մարդը բնության հետ ներդաշնակ ապրելով՝ կարող է շատ ավելի կուլտուրական, բարձր մակարդակի կյանքով ապրել: Բոլոր այն հնարավորությունները, որոնք մեզ տալիս է տեխնիկան, մարդու մեջ կան ավելի կատարյալ ձևով: Բնության հետ ներդաշնակ ապրելով ու կատարելագործելով իր ներքին թաքնված ունակությունները, մարդը տիրապետում է տեխնիկայի տված բոլոր հնարովորություններին առանց տեխնիկայի առաջացրած բացասական հետևանքների: Իսկ մենք մոռացած մեր ներքին ունակությունների մասին ընկել ենք տեխնիկական գյուտերի հետևից ու վերածվել ենք այդ ամենից կախված խղճուկ արարածների։
Հենց թեկուզ հեռախոսի, հեռուստացույցի, ինտերնետի և այլն տված բոլոր հնարավորություններն ապահովող ունակությունները շատ ավելի կատարյալ ձևով կան մարդու մեջ: Հենց դրանք զարգացնելու ուղղությամբ է պետք գնալ։ Այ դա է իսկական զարգացումը։

:) Եթե էդպես է, ապա ինչու էք հայհոյում 92-95 թվերը՞… Պարզվում է "կատարյալին" շատ մոտ տարիներ էին՞ :hands

Արշակ
21.08.2006, 17:10
:) Եթե էդպես է, ապա ինչու էք հայհոյում 92-95 թվերը՞… Պարզվում է "կատարյալին" շատ մոտ տարիներ էին՞ :hands
Ի՞նչ կապ ունեն 92-95 թվերը իմ ասածի հետ։:think

Arisol
21.08.2006, 17:12
Ցավալի է, բայց իրոք այդպես է...:(
Միայն պատկերացրեք, թե ներկայումս մենք բոլորս ինչքան ենք կախված տեխնիկայից։ Այն աստիճանի, որ առանց դրա մեր կյանքն այլևս չենք պատկերացնում, և դա շատ տխուր է... Եվ զարմանալի չէ, որ ինչքան ավելի շատ ենք զարգանում տեխնիկայի առումով, այնքան ավելի շատ ենք հեռանում բնությունից, իսկ դա ամենատխուրն է...:( :think
Հեղափոխություն է պետք անել. բնությունն (բառիս ամենալայն իմաստով) ընդդեմ տեխնիկայի։:P …Լուրջ եմ ասում։:8
Այո, այո, հենց այդպես է… Շա՜տ ցավալի է:(
Ես հիմա ձգտում եմ իմ մոտ այդ հեղափոխությունն անեմ;)

Արշակ
21.08.2006, 17:16
Ես հիմա ձգտում եմ իմ մոտ այդ հեղափոխությունն անեմ;)
Բա ես էլ տենց ձգտումներով մարդիկ եմ ման գալիս:8 :hands

dvgray
21.08.2006, 17:18
Ի՞նչ կապ ունեն 92-95 թվերը իմ ասածի հետ։:think
Դե ասեք են կապը, որ էտ թվերին ոչ " տեխնոլոգիական քաղաքակրթությունը" կար ոչ էլ "տեխնոլոգիական քաղաքակրթությունը առաջ տանողները մեզ ամեն կերպ ներշնչում" էին "որ դա է ճիշտ զարգացումը" :
Չունեինք "ինչ որ մի հասարակ լույս", և կյանքը վերածվել եր "դժոխքի" :
Թ՞ե սխալվում եմ:P

StrangeLittleGirl
21.08.2006, 17:21
Կներեք, բոլորիդ կարծիքները կարդալու ժամանակ չունեմ, այնպես որ պարզապես միայն իմ տեսակետը կգրեմ:
Ինձ թվում է՝ տեխնիկայի զարգացումը հեռացնում է մարդուն Աստծուց, որովհետև այդ ամենը տեղի է ունենում Աստծո ստեղծած բնության հաշվին: Վերջերս Աստված ինձ ցույց էր տալիս իր ստեղծածները, իսկ հետո միայն ուղարկում մարդու ստեղծածները նայելու: Ես հասկացա, որ ոչ մի մարդ չի կարող Աստծո նման արարել, և մարդկությունն այսպես դեպի կործանում է գնում:
Ի դեպ, բոլոր հիվանդությունների բուժումը գտնելն անհնար է, որովհետև տեխնիկայի զարգացման հետ նոր խնդիրներ են առաջանում: Գիտե՞ք, թե մեր դարում մարդիկ ինչ հիվանդություններից են ամենաշատը մեռնում: Դրանք սիրտ-անոթային հիվանդություններն են, որոնց պատճառներից է նաև թերշարժունությունը: Հիմա մարդիկ յուրաքանչյուր քայլի համար որևէ բանից են օգտվում, ալարում են ինքնուրույն որևէ քայլ անել: Շուտով զուգարան գնալու համար էլ հատուկ հարմարանքներ կստեղծվեն: Մեր դասախոսներից մեկը, որն ի դեպ ութսունն անց է, բայց ինձնից ու շատ այլ երիտասարդներից առողջ է, զարմանում է, թե ինչպես է ուսանողությունը մետրոյով դասի գնալիս կանգնում շարժասանդուղքի վրա կանգնած, մինչդեռ ինքն իր սեփական ոտքերով է բարձրանում:
Թերշարժունությունը մի օրինակ է տեխնիկայի զարգացման հասցրած վնասների: Մնացածը հետո կգրեմ:

Արշակ
21.08.2006, 17:28
Դե ասեք են կապը, որ էտ թվերին ոչ " տեխնոլոգիական քաղաքակրթությունը" կար ոչ էլ "տեխնոլոգիական քաղաքակրթությունը առաջ տանողները մեզ ամեն կերպ ներշնչում" էին "որ դա է ճիշտ զարգացումը" :
Չունեինք "ինչ որ մի հասարակ լույս", և կյանքը վերածվել եր "դժոխքի" :
Թ՞ե սխալվում եմ:P
Ես իմ գրառման մեջ կարծիք հայտնեցի մարդկության զարգացման 2 տարբեր ուղղությունների մասին՝ տեխնոլոգիական և բնության հետ ներդաշնակ մարդու ներքին ունակությունների զարգացումը։
Բանն այն է, որ 90-ական թվականներին երկու առումով էլ ցածր մակարդակ ու դեգրադացիա էր տիրում ու զարգացում չկար։ Դրա համար էլ կյանքը դժոխքի էր վերածվել։ 90-ականների կյանքը կապ չուներ իմ ասած զարգացման հետ։

Arisol
21.08.2006, 17:32
Կներեք, բոլորիդ կարծիքները կարդալու ժամանակ չունեմ, այնպես որ պարզապես միայն իմ տեսակետը կգրեմ:
Ինձ թվում է՝ տեխնիկայի զարգացումը հեռացնում է մարդուն Աստծուց, որովհետև այդ ամենը տեղի է ունենում Աստծո ստեղծած բնության հաշվին: Վերջերս Աստված ինձ ցույց էր տալիս իր ստեղծածները, իսկ հետո միայն ուղարկում մարդու ստեղծածները նայելու: Ես հասկացա, որ ոչ մի մարդ չի կարող Աստծո նման արարել, և մարդկությունն այսպես դեպի կործանում է գնում:
Ի դեպ, բոլոր հիվանդությունների բուժումը գտնելն անհնար է, որովհետև տեխնիկայի զարգացման հետ նոր խնդիրներ են առաջանում: Գիտե՞ք, թե մեր դարում մարդիկ ինչ հիվանդություններից են ամենաշատը մեռնում: Դրանք սիրտ-անոթային հիվանդություններն են, որոնց պատճառներից է նաև թերշարժունությունը: Հիմա մարդիկ յուրաքանչյուր քայլի համար որևէ բանից են օգտվում, ալարում են ինքնուրույն որևէ քայլ անել: Շուտով զուգարան գնալու համար էլ հատուկ հարմարանքներ կստեղծվեն: Մեր դասախոսներից մեկը, որն ի դեպ ութսունն անց է, բայց ինձնից ու շատ այլ երիտասարդներից առողջ է, զարմանում է, թե ինչպես է ուսանողությունը մետրոյով դասի գնալիս կանգնում շարժասանդուղքի վրա կանգնած, մինչդեռ ինքն իր սեփական ոտքերով է բարձրանում:
Թերշարժունությունը մի օրինակ է տեխնիկայի զարգացման հասցրած վնասների: Մնացածը հետո կգրեմ:
Համամիտ եմ քեզ հետ, Բյու՛ր ջան: Ես էլ հենց դա ի նկատի ունեի (գրե՞լ եմ,թե՞ մտքումս եմ ասել…)

Ուլուանա
21.08.2006, 17:34
Ես էլ եմ լրիվ համաձայն::hands

dvgray
21.08.2006, 17:47
Ես իմ գրառման մեջ կարծիք հայտնեցի մարդկության զարգացման 2 տարբեր ուղղությունների մասին՝ տեխնոլոգիական և բնության հետ ներդաշնակ մարդու ներքին ունակությունների զարգացումը։
Բանն այն է, որ 90-ական թվականներին երկու առումով էլ ցածր մակարդակ ու դեգրադացիա էր տիրում ու զարգացում չկար։ Դրա համար էլ կյանքը դժոխքի էր վերածվել։ 90-ականների կյանքը կապ չուներ իմ ասած զարգացման հետ։

Իսկ ինչու ես համարում, որ պատճառը "տեխնոլոգիան" է՞:
չէ որ ասենք դեր էն ժամանակ, երբ որ Ադամն ու Եվան պոկեցին «Խնձորը»,դեռևս ոչ մի գիտնական կամ ինժեներ չկար, ու "չէր պղտորել մարդկանց հոգիները":
Կամ երբ ասենք այժմ աֆրիկյան ցեղերը ինենց նմանին են ուտում , չեն օգտվում Բոշ ֆիրմայի դանակներից ու մսաղացներից

Arisol
21.08.2006, 17:54
Բա ես էլ տենց ձգտումներով մարդիկ եմ ման գալիս:8 :hands
Ինձ թվում է՝ այդպիսի մարդիկ շատ կան:
Кто ищет - тот найдет!;)

Արշակ
21.08.2006, 18:04
Ինձ թվում է՝ այդպիսի մարդիկ շատ կան:
Кто ищет - тот найдет!;)
Համոզված եմ, որ շատ կան:) , բայց համախմբված չեն ու աշխարհը շարունակում է տեխնոլոգիական «զարգացման» ուղով գնալ:(

Arisol
21.08.2006, 18:11
Համոզված եմ, որ շատ կան:) , բայց համախմբված չեն ու աշխարհը շարունակում է տեխնոլոգիական «զարգացման» ուղով գնալ:(
Դե ուրեմն ստեղծում ենք նոր թեմա, որտեղ համախմբվում են մեզ նմանները: Բնությունն ընդդեմ տեխնոլոգիայի ;)

StrangeLittleGirl
21.08.2006, 18:25
Միանում եմ ;)
Արշակ, դու կարո՞ղ ես գոնե մի օր առանց համակարգչի դիմանալ: :'

Արշակ
21.08.2006, 18:35
Իսկ ինչու ես համարում, որ պատճառը "տեխնոլոգիան" է՞:
չէ որ ասենք դեր էն ժամանակ, երբ որ Ադամն ու Եվան պոկեցին «Խնձորը»,դեռևս ոչ մի գիտնական կամ ինժեներ չկար, ու "չէր պղտորել մարդկանց հոգիները":
Կամ երբ ասենք այժմ աֆրիկյան ցեղերը ինենց նմանին են ուտում , չեն օգտվում Բոշ ֆիրմայի դանակներից ու մսաղացներից
Նախ, ես չեմ ասում, որ ընդհանրապես գիտությունը վատ բան է։ Ուղղակի այժմյան գիտությունը հիմնականում սխալ ուղղությամբ է գնում։ Ո՞վ ասաց, թե պետք չէ աշխարհն ուսումնասիրել ու նոր բան ստեղծել։ Ընդհակառակը՝ պետք է աշխարհն ու մարդուն ուսումնասիրել ու զբաղվել ստեղծագործական աշխատանքով։ Բայց ոչ թե նստել տեխնոլոգիական խղճուկ սարքեր հնարել։ Հենց օրինակ բջջային հեռախոսը մարդու մեջ եղած ունակության պրիմիտիվ նմանակն է։ Մարդիկ ունեն հեռավորության վրա իրար մտքեր հայտնելու ունակություն, որը շատ ավելի կատարյալ է ֆունկցիոնալ առումով, ձրի ու առանց վնասակար հետևանքների։ Ուղղակի այդ ունակության մասին մարդիկ մոռացել են, ընկել են մեխանիկական սարքերի հետևից ու գրեթե կորցրել են իրենց այդ ունակությունը։
Ինչ վերաբերում է Ադամ-Եվային, ապա ասեմ, որ այդ պատմությունը երևի այլաբանություն է, դրա համար չենք կարող որպես փաստ դիտարկել։ Համ էլ ըստ Աստվածաշնչյան պատմությանԱդամն ու Եվան շատ էլ երջանիկ էին ապրում ու ոչ մի բանի կարիք չունեին։ Գուցե դրախտից վտարումը հենց այդ տեխնոլոգիական զարգացման ուղին բռնե՞լն էր։:think
Իսկ ինչ վերաբերում է աֆրիկյան ցեղերին, ապա էլի եմ ասում. բնության հետ ներդաշնակ ապրելը չի նշանակում անասնական, վայրենի կյանքով ապրել ու ամբողջ որը գազանների հետևից վազել։

StrangeLittleGirl
21.08.2006, 18:41
Ես էլ դեմ չեմ գիտության զարգացմանը: Այն թող զարգանա առանց ԲՆԱԿԱՆԸ վնասելու: Խոսքս և՛ մարդու մեջ եղած բնականի մասին է, և՛ բնության մասին ընդհանրապես:

Հ.Գ. Արդեն բջջային հեռախոսից հրաժարվելու մասին եմ մտածում, որովհետև հաճախ ուզում եմ հեռանալ բոլորից, բայց այդ անիծյալ սարքի պատճառով չի ստացվում:

Արշակ
21.08.2006, 18:55
Միանում եմ ;)
Արշակ, դու կարո՞ղ ես գոնե մի օր առանց համակարգչի դիմանալ: :'
Է՜հ, երբ ամբողջ աշխարհն այս ուղով է գնում, ես ի՞նչպես կարող եմ այլ կերպ ապրել։:( :'
Ի դեպ ասեմ, որ ես չեմ ասում, թե պետք է այժմյան տեխնոլոգիական զարգացման բոլոր արդյունքները միանգամից կործանել։ Եթե արդեն ստեղծվել են, ու մենք էլ այնքան ենք կախված դառել դրանցից, որ առանց դրանց չենք կարող ապրել, ապա հիմա դրանց կործանումը կնշանակի նաև մարդկության կործանում։ Ուղղակի պետք է, ուսումնասիրելով ու զարգացնելով մարդու թաքնված ունակություններն ու մոտենալով բնությանը, քիչ-քիչ ազատվենք տեխնիկայից կախվածությունից ու հրաժարվենք այդ ուղուց։ Ընդ որում, այդ ընթացքում, քանի դեռ չենք տիրապետում բնական միջոցներին, կարելի է օգտագործել արդեն ստեղծված տեխնիկայի հնարավորությունները։
Ես երազում եմ այն օրվա մասին, երբ մարդկությունը չի զգա համակարգչի կարիքը։ :)
Իսկ մինչ այդ, օգտագործելով համակարգչի ու ինտերնետի ընձեռած հնարավորությունները, ֆորումում պատմում եմ ձեզ երազանքներիս մասին ու համախոհներ եմ գտնում :P

kiki
21.08.2006, 19:23
Չէ հարգելիներս, այս անգամ էնքան էլ հետներդ համաձայն չեմ...
չեմ կարծում, որ եթե չլինեին նույն այդ համակարգիչներն ու հոռախոսները մարդիկ ավելի երջանիկ կլինեին...երջանկությունը միայն դրանից չի կախված...
ես ինքս գտնում եմ, որ մարդկության ամենալավ գյուտերից են մեքենան ու հեռախոսը, որոնք շատ մեծ կարևորություն ունեն, եթե իհարկե ճիշտ են ընկալվում և օգտագործում...Բյուր ջան, եթե ուզում ես մենակ լինել , անջատի որոշ ժամանակով հեռախոսդ , այդ ֆունկցիան լավ էլ գործում է...
Աստված բացի բնությունեից, մեզ խելք էլ է տվել, որ աշխատի...չէմ ասում որ բոլոր մարդկային գյուտերը լավն են..օրինակ նույն այդ ատոմային ռումբը...բայց դե դա արդեն մարդու հիմարության ու ագահության արդյունք է...
բայց պատկերացրեք, որ որոշ ժամանակ հետո , երբ բնության կլիմաի փոփոխության պատճառով կյանքն անհնար լինի , մարդուն պետք կգա մեկ այլ մոլորակ տեղափոխվելը, իսկ ինչպե՞ս դա անել առանց ուսումնասիրության... այսինքն, անհրաժեշտ են բարձր տեղնոլոգիաներ, որ լավ ուսումնասիրվի տիեզերքը...
համաձայն եմ, որ այդ ամենը վատ կողմեր էլ ունի...բայց ի՞նչը չունի վատ կողմեր որ...
իհարկե մարդկնց առողջության վրա էլ ազդեցություն է ունենում...
Բյուր, քո գրածները կարդլիս գիտե՞ս ինչ հիեցի...այն տեսահոլովակը, չգիտեմ, տեսել եք թե չէ, որտեղ մարդը մի հաստլիկ ու կեղտոտ, նստած է բազմոցին, ավելի ճիշտ պարկած, ու ռոբոտն է ամեն ինչ անում իր համար ՝ ձվաձեղ պատրաստում, ատամները մաքրում..ու էդ ուտելիքը բերելու ժամանակ ճանապարհին ընկնում է, ու սա փոխանակ մի քայլ անի ու վերցնի, ձգվու մէ, ջգվում, չի հասնում, ու ընկած գետնին, ձեռքը տանում է ու մի հին, փոշոտված սնիկերս գետնից վերցնում ուտում է...
բայց հարգելիներս, սա արդեն մարդու բնույթից է գալիս, եթե մեկը ալարկոտ ու անբան է, իհարկե նրա վրա վատ կազդեն , բայց խելացի մարդը կարող է այդ տեղնոլոգիական զարգացումը իր շահերի համար ճիշտ օգտագործել ու զահել դրանից ...
մի խոսքով , պետք չէ այդ աստիճան վատ վերաբերվել ...
իրականում ես էլ եմ մեկ մեկ ուզում ապրել միջնադարում, երբ լավն շրջազգեստներ էին հագնում ու նամակային կապի միջոցով իրար հետ շփվում, կառքերով ման գալիս...բայց դա ավելի շատ ռոմանտիզմի ու մարդկանցից հոգնելու արդյունք է...:)

մեկ էլ, նույն այդ աֆրիկական երկրներում ապրողները, հատկապես կանայք, ձեր կարծիքով երջանի՞կ են...ոչ, հարգելիներս, դրա համար հիմա բոլորը զբաղված են աֆրիկական երկրներում գոնե ջրատար խողովակներ պատրաստել, որ կանայք ստիպված չլինեն օրը 3 ժամ գնալ, մի էդքան էլ հետ գալ, ու մի կուժ խմելու ջուր բերել...իսկ էդ ճանապարհի վրա նրանք անցկացնում են իրենց կյանքի 30 տոկոսը, կարծեմ անգամ ավել... բա դա լա՞վ է ձեր կարծիքո...թե կարծում եք այդ նույն կանայք չէին ցանկանա մեքենայով գնալ, որ շոգին ու կրակին չուշաթափվեն...ու կյանքի կեսը չանցկացնեն անկապ ճանապարհի վրա...


Հենց թեկուզ հեռախոսի, հեռուստացույցի, ինտերնետի և այլն տված բոլոր հնարավորություններն ապահովող ունակությունները շատ ավելի կատարյալ ձևով կան մարդու մեջ: Հենց դրանք զարգացնելու ուղղությամբ է պետք գնալ։ Այ դա է իսկական զարգացումը։
Արշակ ջան, մի քիչ չե՞ս մանրամասինի...էնքան էլ չեմ հասկանում...

Մարդիկ ունեն հեռավորության վրա իրար մտքեր հայտնելու ունակություն, որը շատ ավելի կատարյալ է ֆունկցիոնալ առումով, ձրի ու առանց վնասակար հետևանքների։ Ուղղակի այդ ունակության մասին մարդիկ մոռացել են, ընկել են մեխանիկական սարքերի հետևից ու գրեթե կորցրել են իրենց այդ ունակությունը։
եթե սա նկատի ունես, ապա ասեմ քեզ, եթե հնարավորություն լիներ, հաստատ մարդիկ դա կանեին, հավատա...հնարավոր է դեռ մենք չենք հասել այդ աստիճանին, երբ կկարողանանք մեր ուղեղի մեծ մասն օգտագործել...բայց հավատա, եթե հնարավորություն լինի, մարդիկ դա կանեն, ու հաստատ կօգտագործեն դա...
հնարավոր է այդ տեղնիկական զարգացումներն էլ մեզ հնարավորություն տան դա անելու...

StrangeLittleGirl
21.08.2006, 19:25
Բյուր ջան, եթե ուզում ես մենակ լինել , անջատի որոշ ժամանակով հեռախոսդ , այդ ֆունկցիան լավ էլ գործում է...
Ա՛յ, հենց դա է սարսափելին: Երբ հեռախոսս անջատած է լինում, մարդիկ ինձ են փնտրում ու չեն գտնում: Ոմանք սկսում են անհանգստանալ, ինչ ասես չմտածել, ինչքան էլ զգուշացնեմ, որ շատ հնարավոր է, որ հեռախոսս անջատեմ:

բայց պատկերացրեք, որ որոշ ժամանակ հետո , երբ բնության կլիմաի փոփոխության պատճառով կյանքն անհնար լինի
Բնության կլիման հիմնականում մարդու պատճառով է փոխվում:

PoeT
21.08.2006, 19:49
Չէի սպասում, որ 3-4 ժամում 3 էջ գրառումներ կհայտնվեն, շատ լավ է։ :hands

dvgray ջան իսկ դու քանի՞ տարեկան ես։

Հարգելիներս, ուղղակի ուզում եմ մի բան ավելացնել։ Պետք չի մտածել, որ մարդիկ տեխնիկայից, կկործանվեն։ Ամենևին ոչ։

Երկրի վրա կան նաև բժիշկներ, որոնք մտածում են այս հարցի շուրջ։ Համոզված եղեք, որ մի բան կանեն։ :ok

kiki
21.08.2006, 19:51
Չե, հասկանում, ինչու՞ իմ պոստի կեսը չկա...
ես բավական երկար էի գրել...

հա, հիմա նորմալ է Արշակ ջան ...

StrangeLittleGirl
21.08.2006, 19:54
եթե սա նկատի ունես, ապա ասեմ քեզ, եթե հնարավորություն լիներ, հաստատ մարդիկ դա կանեին, հավատա...հնարավոր է դեռ մենք չենք հասել այդ աստիճանին, երբ կկարողանանք մեր ուղեղի մեծ մասն օգտագործել...բայց հավատա, եթե հնարավորություն լինի, մարդիկ դա կանեն, ու հաստատ կօգտագործեն դա...
Ես ունեմ այդ հնարավորությունը: Դա ինչ-որ եսիմինչ չի, յուրաքանչյուրն էլ կարող է ունենալ:

kiki
21.08.2006, 20:11
Ա՛յ, հենց դա է սարսափելին: Երբ հեռախոսս անջատած է լինում, մարդիկ ինձ են փնտրում ու չեն գտնում: Ոմանք սկսում են անհանգստանալ, ինչ ասես չմտածել, ինչքան էլ զգուշացնեմ, որ շատ հնարավոր է, որ հեռախոսս անջատեմ:

Բնության կլիման հիմնականում մարդու պատճառով է փոխվում:
Բյուր, բայց քո կարծիքով եթե հեռախոս չունենաիր չէ՞ին անհանգստանա ...
համ էլ դու իրավունք ունես ընտրության, կրող ես չօգտագործել հեռախոս , ես մի ծանոթ ունեմ, նա չի օգտագործում, ասում է ինձ պետք չի և վերջ...

Ի սկ Բնության կլիման հիմնականում ոչ միայն մարդու պատճառով է փոփոխվում, շատ պատճառներ կան...իհարկե մարդն էլ իր ներդրումն ունի, բայց դե ոչ հիմնականը...

kiki
21.08.2006, 20:14
Ես ունեմ այդ հնարավորությունը: Դա ինչ-որ եսիմինչ չի, յուրաքանչյուրն էլ կարող է ունենալ:
լու՞րջ...:o
դե հիմա կարո՞ղ ես մտովի ինձ հետ կապնվել... :)
չէ Բյուր, արի իրատեսորեն նայենք սրան, մենք դեռ չենք կարողանում, էքստրասենս կոչվածները փորձում են ինչ որ ձևով ազդել մեզ վրա, բայց դա էնքան էլ զարգացած չի, չնայած առաջին քայլերն արվում են....

dvgray
22.08.2006, 11:09
Նախ, ես չեմ ասում, որ ընդհանրապես գիտությունը վատ բան է։ Ուղղակի այժմյան գիտությունը հիմնականում սխալ ուղղությամբ է գնում։ Ո՞վ ասաց, թե պետք չէ աշխարհն ուսումնասիրել ու նոր բան ստեղծել։ Ընդհակառակը՝ պետք է աշխարհն ու մարդուն ուսումնասիրել ու զբաղվել ստեղծագործական աշխատանքով։ Բայց ոչ թե նստել տեխնոլոգիական խղճուկ սարքեր հնարել։ Հենց օրինակ բջջային հեռախոսը մարդու մեջ եղած ունակության պրիմիտիվ նմանակն է։
Հարգելիս. Գիտուտյունը չի կարոգ գնալ սխալ ուղղությամբ: Այլ հարց է, որ մեզ պետք է ունենալ բավականաչափ մակարդակ, էտ ամենից միմիայն դրական իմաստով օգուտ ստանալու համար : Այ դրա (մակարդակ ունենալու) վրա իրոք պետք է աշխատել :

Իսկ ընդհանուր առմամբ գիտությունը իհարկե նմանակում է բնությանը - դա է նրա իմաստը - հայտնագործել և բացահայտել բնության օրինաչափությունները և դրանց մոդելները ինժեներների օգնությամբ փորձել վերարտադրել կյանքում :

Կարճ ասած հօգեկան անհավասարակշիռ վիճակի համար մեղավորներին լրիվ ուրիշ տեղ եք ման գալիս:)

Լէգնա
22.08.2006, 11:52
Կարճ ասած հօգեկան անհավասարակշիռ վիճակի համար մեղավորներին լրիվ ուրիշ տեղ եք ման գալիս:)
:think կարծում ես

dvgray
22.08.2006, 12:29
:think կարծում ես
:think Համոզված եմ:
հարցը են է, որ մեր հոգեկան աշխարը լինում է շատ հեռու էտ ամենը լավագույնս օգտագործելուց: Սակայն մարդկանց որոշ խումբ (պայմանականորեն անվանենք էլիտա) ունեն էտ մակարդակը և տեխնիկան ու գիտությունը օգտագործում են բնությանը (աստծուն - հավասարակշռությանը) ավելի մոտենալու և մերձենալու համար.
Օրինակ - մարդ կա ինտերնետում մտնում ե միայն 'պորնօ'- ի համար, մարդ էլ կա դիտում ե ուղիղ եթերում Բեռլինի Սիմֆոնիկ նվագախմբի ելույթը:
Իհարկե "Պրոլետարիատը" քանակապես ավելի շատ ե, և մեկ մեկ կարողանում է ջարդել փշրել ամեն ինչ, համարելով ,որ ոչ թե ինքը պետք է զարգանա, այլ ամեն ինչ պետք է իրեն մակարդակին հավասարացնի: Սա է ցավալի ռեալությունը, որը առկա է նաև Հայաստանում :

Լէգնա
22.08.2006, 13:03
:think Համոզված եմ:
հարցը են է, որ մեր հոգեկան աշխարը լինում է շատ հեռու էտ ամենը լավագույնս օգտագործելուց: Սակայն մարդկանց որոշ խումբ (պայմանականորեն անվանենք էլիտա) ունեն էտ մակարդակը և տեխնիկան ու գիտությունը օգտագործում են բնությանը (աստծուն - հավասարակշռությանը) ավելի մոտենալու և մերձենալու համար.
Օրինակ - մարդ կա ինտերնետում մտնում ե միայն 'պորնօ'- ի համար, մարդ էլ կա դիտում ե ուղիղ եթերում Բեռլինի Սիմֆոնիկ նվագախմբի ելույթը:
Իհարկե "Պրոլետարիատը" քանակապես ավելի շատ ե, և մեկ մեկ կարողանում է ջարդել փշրել ամեն ինչ, համարելով ,որ ոչ թե ինքը պետք է զարգանա, այլ ամեն ինչ պետք է իրեն մակարդակին հավասարացնի: Սա է ցավալի ռեալությունը, որը առկա է նաև Հայաստանում :
դու արդեն ուրիշ կողմից պատասխանդ ներկայացրիր:P
վերևում


Կարճ ասած հօգեկան անհավասարակշիռ վիճակի համար մեղավորներին լրիվ ուրիշ տեղ եք ման գալիս
շեշտել եմ ...նկատի ունես ակումբի ուզեռներին՞
ու դա էի ուզում ասել,ակումբի մարդկանց կարծում ես հոգեկեպես անհավասարակշիռ:think

Արշակ
22.08.2006, 16:33
Չէ հարգելիներս, այս անգամ էնքան էլ հետներդ համաձայն չեմ...
չեմ կարծում, որ եթե չլինեին նույն այդ համակարգիչներն ու հոռախոսները մարդիկ ավելի երջանիկ կլինեին...երջանկությունը միայն դրանից չի կախված...
ես ինքս գտնում եմ, որ մարդկության ամենալավ գյուտերից են մեքենան ու հեռախոսը, որոնք շատ մեծ կարևորություն ունեն, եթե իհարկե ճիշտ են ընկալվում և օգտագործում...
Բնականաբար երջանկությունը միայն դրանից չի կախված, կարծում եմ, որ հիմնականում այն կախված է մարդու ու նրա շրջապատի գիտակցական ու հոգևոր, բարոյական մակարդակից, բայց այժմյան տեխնիկական զարգացումը հիմնականում մարդուն հեռացնում է մարդկայինից, բնությունից, հոգևորից, մարդուն ռոբոտ է դարձնում ու դրանով էլ ավելի դժբախտացնում: Բայց մեզ ամեն որ ներշնչում են, որ այդ ամենը մեզ երջանկացնելու համար է ու համոզում են, որ առանց տեխնիկայի մարդը կորած է ու կվերածվի ստորակարգ կենդանու։:nea

Աստված բացի բնությունեից, մեզ խելք էլ է տվել, որ աշխատի...չէմ ասում որ բոլոր մարդկային գյուտերը լավն են..օրինակ նույն այդ ատոմային ռումբը...բայց դե դա արդեն մարդու հիմարության ու ագահության արդյունք է...
Հենց հարցն էլ նրանումն է, որ տեխնիկայի զարգացմանը զուգընթաց մարդու մտավոր և այլ ունակությունները դեգրադացիայի են ենթարկվում ու պրիմիտիվանում են։ Թե հատկապես ինչու՞ է այդպես լինում, կարող եմ բազմաթիվ օրինակներ բերել։


բայց պատկերացրեք, որ որոշ ժամանակ հետո , երբ բնության կլիմաի փոփոխության պատճառով կյանքն անհնար լինի , մարդուն պետք կգա մեկ այլ մոլորակ տեղափոխվելը, իսկ ինչպե՞ս դա անել առանց ուսումնասիրության... այսինքն, անհրաժեշտ են բարձր տեղնոլոգիաներ, որ լավ ուսումնասիրվի տիեզերքը...
Կիկի ջան, ցանկացած էկոլոգի հարցրու, ու նա քեզ կասի, որ երկրագնդի կլիմայի ընդհանուր վատացման գլխավոր մեղավորը հենց մարդն է իր տեխնիկական «առաջընթացով»։ Ու ի՞նչ է ստացվում. մարդը վերածվում է սարսափ կինոների միջի ամեն ինչ լափող, անապատացնող գազանի, որը տեղափոխվելով մոլորակից-մոլորակ՝ կործանում է իր ճանապարհին ամեն ինչ։
Իսկ տիեզերքը ուսումնասիրելու համար բոլորովին պարտադիր չեն բարձր տեխնոլոգիաներ։ Օրինակ կարծեմ հազարավոր տարիներ առաջ եգիպտական քրմերը բավականին լավ էին պատկերացնում տիեզերքի կառուցվածքը։ Եվ կարծում եմ, որ նրանց գիտելիքները բոլորովին էլ մարդու հնարավորությունների սահմանագիծը չեն։


համաձայն եմ, որ այդ ամենը վատ կողմեր էլ ունի...բայց ի՞նչը չունի վատ կողմեր որ...
իհարկե մարդկնց առողջության վրա էլ ազդեցություն է ունենում...
Ուղղակի այդ վատ կողմերը շա՜տ-շատ են։ Վնասը շատ ավելի մեծ է, քան օգուտը։

բայց հարգելիներս, սա արդեն մարդու բնույթից է գալիս, եթե մեկը ալարկոտ ու անբան է, իհարկե նրա վրա վատ կազդեն , բայց խելացի մարդը կարող է այդ տեղնոլոգիական զարգացումը իր շահերի համար ճիշտ օգտագործել ու զահել դրանից ...
Բանն այն է, որ այս տեխնիկական զարգացումն է հիմնականում նպաստում մարդու ալարկոտ դառնալուն։ Եթե պետք է, կարող եմ օրինակներ բերել։ Իսկ ինչ վերաբերում է տեխնիկական զարգացումը ի շահ մարդու օգտագործելուն, ապա համաձայն եմ, պետք է արդեն եղածը մարդու շահերին ծառայեցնել։ Օրինակ, կարելի է այն օգտագործել մարդկության սխալը գիտակցելու ու նորից ճիշտ ճամփի վրա կանգնելու համար։


մի խոսքով , պետք չէ այդ աստիճան վատ վերաբերվել ...
իրականում ես էլ եմ մեկ մեկ ուզում ապրել միջնադարում, երբ լավն շրջազգեստներ էին հագնում ու նամակային կապի միջոցով իրար հետ շփվում, կառքերով ման գալիս...բայց դա ավելի շատ ռոմանտիզմի ու մարդկանցից հոգնելու արդյունք է...:)
Կիկի ջան, ինձ մոտ ու կարծում եմ, որ իմ կարծիքը կիսող ֆորումի մյուս անդամների մոտ էլ ոչ թե ինչ-որ միջնադարյան նոստալգիա է, այլ համոզված գիտակցում, որ մարդու տեխնիկական առաջընթացը մարդուն դեպի կործանում է տանում։ Ես չեմ ասում, թե մարդը պիտի անասունի նման ապրի, չպիտի զարգանա, չպիտի մտածի… չէ՛, ընդհակառակը՝ պիտի մտածի, ուսումնասիրի, զարգացնի իր սեփական հնարավորությունները։ Աստված մարդուն անհրաժեշտ ամեն ինչ ստեղծել է բնության մեջ ու մարդուն էլ խելք է տվել, որ ուսումնասիրի ու հասկանա բնության մեջ ամեն ինչի նշանակությունն ու կիրառությունը։ Ու մարդուն էլ շատ ավելի մեծ ունակություններ է տվել, քան մարդը փորձում է ձեռք բերել տեխնիկայի միջոցով։ Ուղղակի պետք է գիտակցել դրանց գոյությունը ու զարգացնելով կատարելագործվել։ Քրիստոսն ասել է. «Կատարյալ եղեք, ինչպես ձեր երկնային հայրն է կատարյալ»։ Հո Քրիստոսը մեզ անհնարին պատգամներ չէ՞ր տա։
Հոգնեցի գրելուց։ Մնացած մասին ավելի ուշ կպատասխանեմ :)

kiki
22.08.2006, 17:12
ես էլ եմ մի քիչ հոգնած, բայց կպատասխանեմ...

Բնականաբար երջանկությունը միայն դրանից չի կախված, կարծում եմ, որ հիմնականում այն կախված է մարդու ու նրա շրջապատի գիտակցական ու հոգևոր, բարոյական մակարդակից ...
ամեն բառիդ հետ համաձայն եմ...:ok

...բայց այժմյան տեխնիկական զարգացումը հիմնականում մարդուն հեռացնում է մարդկայինից, բնությունից, հոգևորից, մարդուն ռոբոտ է դարձնում ու դրանով էլ ավելի դժբախտացնում: Բայց մեզ ամեն որ ներշնչում են, որ այդ ամենը մեզ երջանկացնելու համար է ու համոզում են, որ առանց տեխնիկայի մարդը կորած է ու կվերածվի ստորակարգ կենդանու։:nea
չգիտեմ ինչպես ձեզ, բայց ինձ ոչ մեկը չի ներշնչում նման բան, ու ես ինքն հասկանում ու գիտակցում եմ այս ամենի և՛ լավ , և՛ վատ կողմերը, ու փորձում եմ օգտագործել դա իմ շահերի համար : Ինչքան էլ ես մեծ կարևորություն տամ հեռախոսին աշխատանքի բերումով, կամ մեկ ուիրշ պատճառով, կամ գազօջախին, դա ինձ երբեք չի փոխարինի բնության գրկում 5 րոպե նսատելուն ու խարույկին նայելուն....հավատացեք...

...Հենց հարցն էլ նրանումն է, որ տեխնիկայի զարգացմանը զուգընթաց մարդու մտավոր և այլ ունակությունները դեգրադացիայի են ենթարկվում ու պրիմիտիվանում են։ Թե հատկապես ինչու՞ է այդպես լինում, կարող եմ բազմաթիվ օրինակներ բերել։
Չէ...միանշանակ ասել չի կարելի...եթե դու նկատի ունես ամերիկացիներին, ապա մեծ մասամբ ճիշտ է, բայց ոչ օրինակ հայերի...իսկ օրինակները մասնավոր դեպքեր են, և ընդհանրացնել դրանց հիման վրա չի կարելի...

... Կիկի ջան, ցանկացած էկոլոգի հարցրու, ու նա քեզ կասի, որ երկրագնդի կլիմայի ընդհանուր վատացման գլխավոր մեղավորը հենց մարդն է իր տեխնիկական «առաջընթացով»։ Ու ի՞նչ է ստացվում. մարդը վերածվում է սարսափ կինոների միջի ամեն ինչ լափող, անապատացնող գազանի, որը տեղափոխվելով մոլորակից-մոլորակ՝ կործանում է իր ճանապարհին ամեն ինչ։։
վայ...:o դու էլ հո չասեցիր...սարսափները դնում ենք մի կողմ, ու իրական բաներից ենք խոսում...համաձայն եմ, տեխնիկական առաջընթացը ազդում է երկրի էկոլոգիական վիճակի վրա, բայց ոչ ամբողջովին, միևնույն է, եթե , մենք ապրեինք նետ ու աղեղի ժամանակների նամն , այդ փոփոխությունները լինելու էին, մի 100 տարի ուշ, մի 100 տարի շուտ , ի՞նչ տարբերություն...:D
եթե լուրջ, ապա դինոզավրերի անհետացման մեջ էլ հո մենք մեղավոր չէինք, բայց անհետացան չէ՞ , ու ի՞նչ պատճառով...ապրեք...ճիշտ է...
չնայած ինչ որ տեղ քեզ հետ համաձայն եմ, մարդը դառնում է գազան, բայց ես նկատի ունեմ մարդու դաժան վերաբերմունքը իր իսկ նկատմամբ...:(

...Իսկ տիեզերքը ուսումնասիրելու համար բոլորովին պարտադիր չեն բարձր տեխնոլոգիաներ։ Օրինակ կարծեմ հազարավոր տարիներ առաջ եգիպտական քրմերը բավականին լավ էին պատկերացնում տիեզերքի կառուցվածքը։ Եվ կարծում եմ, որ նրանց գիտելիքները բոլորովին էլ մարդու հնարավորությունների սահմանագիծը չեն։։
Այ այստեղ արդեն կատեգորիկ համաձայն չեմ:nono...տարիներ առաջ եգիպտական քրմերը պատկերացում հնարավոր է որ ունեին, բայց դրանից հետո շատ բան է փոխվել, ու շատ նոր բաներ են իմացվել, ու դա հաստատ չէի լինի, եթե զարգացում տեղի չունենար...թե չէ եթե մնաինք նույն այդ քրմերի գիտելիքների հույսին ... պատկերացնու՞մ ես ինչպես կարող էինք նրանց գիտելիքների հիման վրա ասենք տեղափոխվել մեկ այլ մոլորակ...չէ հարգելիս, պետք է մեքենաներ, որոնք կգնան, կուսումնասիրեն, կհամապատասխանեցնեն...այդ ամենը հաստատ տելեպատիկ ձևով հնարավոր չէ անել, համենայն դեպս դեռ հնարավոր չէ...եկեք ռեալ նայենք ամեն ինչին...

...Ուղղակի այդ վատ կողմերը շա՜տ-շատ են։ Վնասը շատ ավելի մեծ է, քան օգուտը։ ։։
դե սա բավականին հարաբերական ու վիճելի է...

... Իսկ ինչ վերաբերում է տեխնիկական զարգացումը ի շահ մարդու օգտագործելուն, ապա համաձայն եմ, պետք է արդեն եղածը մարդու շահերին ծառայեցնել։ Օրինակ, կարելի է այն օգտագործել մարդկության սխալը գիտակցելու ու նորից ճիշտ ճամփի վրա կանգնելու համար։։։
այ սա լավ միտք է, համաձայն եմ, կարելի է աշխատել այդ ուղղությամբ...

... Կիկի ջան, ինձ մոտ ու կարծում եմ, որ իմ կարծիքը կիսող ֆորումի մյուս անդամների մոտ էլ ոչ թե ինչ-որ միջնադարյան նոստալգիա է, այլ համոզված գիտակցում, որ մարդու տեխնիկական առաջընթացը մարդուն դեպի կործանում է տանում։ Ես չեմ ասում, թե մարդը պիտի անասունի նման ապրի, չպիտի զարգանա, չպիտի մտածի… չէ՛, ընդհակառակը՝ պիտի մտածի, ուսումնասիրի, զարգացնի իր սեփական հնարավորությունները։ Աստված մարդուն անհրաժեշտ ամեն ինչ ստեղծել է բնության մեջ ու մարդուն էլ խելք է տվել, որ ուսումնասիրի ու հասկանա բնության մեջ ամեն ինչի նշանակությունն ու կիրառությունը։
մի քիչ ձեզ հակասում եք, ախր տեսեք , ասում եք որ
մարդու տեխնիկական առաջընթացը մարդուն դեպի կործանում է տանում։ , ու միևնույն ժամանակ ասւոմ
Ես չեմ ասում, թե մարդը պիտի անասունի նման ապրի, չպիտի զարգանա, չպիտի մտածի… չէ՛, ընդհակառակը՝ պիտի մտածի, ուսումնասիրի, զարգացնի իր սեփական հնարավորությունները։
և մեկ էլ ... ինչ որ բանի հասնելու համար, պետք է ինչ որ բանում էլ տուժել...ամեն ինչ իդեալական չի կարող լինել այս աշխարհում..գուցե ցավալի է, բայց փաստ...

Արշակ
22.08.2006, 17:12
մեկ էլ, նույն այդ աֆրիկական երկրներում ապրողները, հատկապես կանայք, ձեր կարծիքով երջանի՞կ են...ոչ, հարգելիներս, դրա համար հիմա բոլորը զբաղված են աֆրիկական երկրներում գոնե ջրատար խողովակներ պատրաստել, որ կանայք ստիպված չլինեն օրը 3 ժամ գնալ, մի էդքան էլ հետ գալ, ու մի կուժ խմելու ջուր բերել...իսկ էդ ճանապարհի վրա նրանք անցկացնում են իրենց կյանքի 30 տոկոսը, կարծեմ անգամ ավել... բա դա լա՞վ է ձեր կարծիքո...թե կարծում եք այդ նույն կանայք չէին ցանկանա մեքենայով գնալ, որ շոգին ու կրակին չուշաթափվեն...ու կյանքի կեսը չանցկացնեն անկապ ճանապարհի վրա...
Ժողովուրդ, դուք անընդհատ էդ աֆրիկյան ցեղերի օրինակն եք բերում, կարծես թե ես ասում եմ, թե պետք է նրանց պես ապրել։ Միթե նաև տեխնիկական «առաջընթացը» մեղավոր չէ, որ Երկիրն օր-օրի անապատի է վերածվում ու մարդու բնակավայրից մի քանի տասնյակ կիլոմետրի վրա ոչ սնունդ կա ոչ ջուր։ Այդ ապրելակերպով ապրող աֆրիկյան ցեղերի գոյությունն էլ մարդու գիտակցության ու բարոյական դեգրադացիայի արդյունք է։ Մի՞թե ես ասել եմ, թե այդպիսի կյանքը լավ է։


Մարդիկ ունեն հեռավորության վրա իրար մտքեր հայտնելու ունակություն, որը շատ ավելի կատարյալ է ֆունկցիոնալ առումով, ձրի ու առանց վնասակար հետևանքների։ Ուղղակի այդ ունակության մասին մարդիկ մոռացել են, ընկել են մեխանիկական սարքերի հետևից ու գրեթե կորցրել են իրենց այդ ունակությունը։
եթե սա նկատի ունես, ապա ասեմ քեզ, եթե հնարավորություն լիներ, հաստատ մարդիկ դա կանեին, հավատա...հնարավոր է դեռ մենք չենք հասել այդ աստիճանին, երբ կկարողանանք մեր ուղեղի մեծ մասն օգտագործել...բայց հավատա, եթե հնարավորություն լինի, մարդիկ դա կանեն, ու հաստատ կօգտագործեն դա...
հնարավոր է այդ տեղնիկական զարգացումներն էլ մեզ հնարավորություն տան դա անելու...
Այդպիսի հնարավորություն կա ու շատ ուրիշ հնարավորություններ էլ կան (պայծառատեսություն, ինտուիցիա, ու մարդկային ուղեղի ու սրտի բազմաթիվ այլ ունակություններ)։ Ուղղակի մարդիկ մոռացել են այդ ունակությունների մասին ու տեխնիկական առաջընթացն էլ նպաստում է այդպիսի ունակությունների դեգրադացիային։ Փոխանակ մարդիկ մտածեն այդպիսի ունակությունների զարգացման մասին, բոլոր ջանքերն ուղղում են տեխնիկայի զարգացմանը։ Կիկի, քեզ մի հարց տամ։ Կյանքումդ քանի՞ անգամ ես մտածել այդպիսի ունակությունների գոյության մասին ու քանի անգամ ես մտածել, թե ինչպես կարող ես զարգացնել դրանք։ Կարծում եմ, որ ընդամենը մի քանի անգամ, այն էլ ռոմանտիկ տրամադրությամբ պահերի՝ առանց այդ ամենին լուրջ վերաբերվելու։ Ես ինքս, երբ սկսեցի գիտակցել այդ ունակությունների գոյությունը ու մի փոքր մտածել դրանք զարգացնելու մասին, որոշ արդյունքների հասա։ Բայց ջանքերս չնչին էին։

Koms
22.08.2006, 17:22
հա, երեւի, էսքան համատարած տեխնիկական զարգացումներից հետո էլ՝ Մարդը գլոբալ տեսանկյունից չի փոխվում՝ օրինակի համար , մարդասպաններ, մանյակներ, նարկոմաններ, ալկոգոլիկներ, մարմնավաճառներ միշտ եղել են ու կլինեն, հա՞,:think

Արշակ
22.08.2006, 17:27
Է՜հ, Կիկի, ասածներիդ մի մասին համաձայն չեմ, մի մասն էլ ուղղակի դու ասածներս սխալ ես հասկացել ու ինչ-որ հակասություններ տեսել։ Քեզ շատ բաներ հակասություններ կամ անհասկանալի են թվում այն պատճառով, որ կարծում ես, թե կարելի է զարգանալ, աշխարհը ուսումնասիրել, գիտությամբ զբաղվել միայն տեխնիկայի օգնությամբ։ Բայց համոզված եմ, որ իրականում այդպես չի։ Ուղղակի առայժմ համբերությունս չի հերիքում, որ բոլոր ասածներիդ հատ-հատ պատասխանեմ ու ավելի մանրամասն բացատրեմ ամեն մի ասածս։ Բայց հետո ընթացքում կաշխատեմ քիչ-քիչ կպատասխանել։ dvgray, Poet, ձեր հետ էլ դեռ կքննարկենք ամեն ինչ ;)
Է՜, էլի ամեն ինչ թողեցի հետագայի վրա։ Արդեն սովորություն է դառնում:sad :think

Arisol
22.08.2006, 17:31
Է՜հ, Կիկի, ասածներիդ մի մասին համաձայն չեմ, մի մասն էլ ուղղակի դու ասածներս սխալ ես հասկացել ու ինչ-որ հակասություններ տեսել։ Բայց համբերությունս չի հերիքում, որ բոլորին հատ-հատ պատասխանեմ ու ավելի մանրամասն բացատրեմ ամեն մի ասածս։ Բայց հետո ընթացքում կաշխատեմ քիչ-քիչ կպատասխանել։ dvgray, Poet, ձեր հետ էլ դեռ կքննարկենք ամեն ինչ ;)
Է՜, էլի ամեն ինչ թողեցի հետագայի վրա։ Արդեն սովորություն է դառնում:sad :think
Ինձ թվում ա, որ հենց էս պատասխանը հիմք կառաջանա, որ Կիկին մի հատ լավ, հանգիստ, թարմ ուղեղով նստի ու քո գրածը կարդա;) Լիովին համաձայն եմ, որ գրածիդ մի մասը չի հասկացել, որովհետև լրիվ ուրիշ բաներ ա ասում… :think

StrangeLittleGirl
22.08.2006, 17:44
Կիկի, հեռախոս ունենալը նաև փչացնում է մարդուն: Այն ժամանակ չէին անհանգստանում, որովհետև շատ պարտաճանաչ էի, իսկ հեռախոս կոչվածը հենց դա էլ է փչացրել:
Իսկ ինչ վերաբերում է հեռվից հեռու մարդկանց հետ կապվելուն, դրա համար պետք չէ էքստրասենս կամ նմանատիպ ինչ-որ ուրիշ բան լինել: Գիտե՞ս քանի անգամ է եղել, երբ մի կոնկրետ մարդու տեսնելու համար դուրս եմ եկել և կոնկրետ տեղ եմ գնացել առանց նախօրոք հետը պայմանավորվելու կամ իմանալու, որ նա այնտեղ է լինելու: Եթե ուզում ես, մի քանի այդպիսի պատմություն կպատմեմ, որ համոզվես:

kiki
23.08.2006, 01:25
Է՜հ, Կիկի, ասածներիդ մի մասին համաձայն չեմ, մի մասն էլ ուղղակի դու ասածներս սխալ ես հասկացել ու ինչ-որ հակասություններ տեսել։ Քեզ շատ բաներ հակասություններ կամ անհասկանալի են թվում այն պատճառով, որ կարծում ես, թե կարելի է զարգանալ, աշխարհը ուսումնասիրել, գիտությամբ զբաղվել միայն տեխնիկայի օգնությամբ։ Բայց համոզված եմ, որ իրականում այդպես չի։ Ուղղակի առայժմ համբերությունս չի հերիքում, որ բոլոր ասածներիդ հատ-հատ պատասխանեմ ու ավելի մանրամասն բացատրեմ ամեն մի ասածս։ Բայց հետո ընթացքում կաշխատեմ քիչ-քիչ կպատասխանել։ dvgray, Poet, ձեր հետ էլ դեռ կքննարկենք ամեն ինչ ;)
Է՜, էլի ամեն ինչ թողեցի հետագայի վրա։ Արդեն սովորություն է դառնում:sad :think
ես մի արաջարկ ունեմ, ավելի լավ կլինի թողնենք հանդիպմանը, էդպես ավելի արագ կլինի խոսակցությունը, ավելի լավ կբացատրենք իրար ինչ ենք ուզում ասել, թե չէ դու էլ երևի ինձ լավ չես հասկանում...
համ էլ էսքան երկար պոստեր չեն լինի...

kiki
23.08.2006, 01:28
Չէ Բյուր, ավելի լավ է դու կպատմես ինձ Արշակի հետ, թե ինչպես եք անում, կամ օգտագործում այդ կարողությունը, թէ չէ ես ամբողջ կյանքս մտածել եմ ու երազել դրա մասին, իրոք եմ ասում ...

Koms
23.08.2006, 09:55
կարծում եմ, համենայնդեպս, ինճքան էլ զարգացում լինի, մեկ է Մարդն իր էությունը երբեվիցե չի փոխի ,..

PoeT
06.01.2007, 00:34
Եկեք մի քիչ էլ խորանանք։ Ֆորումում նոր անդամներ կան, ու ես նրանց կարծիքն էլ եմ ուզում լսել։

Philosopher
06.01.2007, 10:24
Չնայած նրան, որ դա անհնար է՝ ինչպես արևի վրայով քայլելը, ես կուզեի կանգնեցնել զարգացումը։ Կարծում եմ մեզ այլևս ոչ մի գյուտ պետք չէ։
Իհարկե, կան շատ տեսություններ, որոնք հենց այսպիսի եզրահանգման են գալիս` դիտարկելով այն բոլոր ավերները, որոնք տեղի են ունենում քաղաքակրթության զարգացման ընթացքում: Սակայն այստեղ մի "բայց" կա, որը նրանք ցանկանում են չտեսնելու տալ` փաստերի առատության վրա հույս դնելով: Դա մարդկության զարգացման բնական օրինաչափությունների առկայությունն է: Այս օրինաչփություններից ամենակարևորը, թերևս, քայքայման միջոցով զարգացման հասնելու սկզբունքն է: Այսինքն` եթե մի բան քայքայվում է, մեռնում է, դառնում է սխալ, ապա այն պետք է դառնա այդպիսին ու լինի այդպիսին, որպեսզի մարդը, անցնելով այդ սխալի միջով, հասնի ճշմարտության նոր սահմանի: Ի դեպ, դու չես նշել "զարգացման" արդյունքում ձեռքբերված հիմնական արժեքը` "մարդը", ժամանակակից քաղաքակրությունը բացահայտեց մարդուն: Եվ զարգացումն էլ չի կանգնի այնքան ժամանակ մինչև մենք չասենք, ահա նա, մարդը: Ecce homo-իր ամբողջության մեջ: Այնպես որ զարգացումը պետք չի կանգնեցնել, պետք է պարզպաես շարունակել զարգանալ:

Աբելյան
06.01.2007, 10:43
Նյութականը ինչքան զարգանում ա, հոգևորը էնքան անկում ա ապրում:

Shah
24.08.2010, 21:22
Երևի մարդկությունը հեշտ ճանապահներ փնտրելով իրան դեպի այլ դժվարությունների ա տանում... Նոր գյուտեր, նոր տեխնիկա, նոր հնարավորություններ.. Ի՞նչ իմաստ կա, եթե մարդիկ դրանից ավելի երկար ու ավելի երջանիկ չեն դառնում, մի բան էլ հակառկը` ավելի են "դեկավարելի" դառնում տեխնիկայի կողմից: Ես մի "պատմական շրջանում" եմ ծնվել, երբ ուսանողական տարիներիս բջջային հեռախոսը մենակ ծանոթներիս մոտ էի տեսել... Հարազատներիցս հեռու էի ապրում ու խոսում էինք հեռախոսով, ասենք, շաբաթեկան մի կամ երկու անգամ, արի ու տես կարիք էլ չկար ամեն օր խոսալու ու որպիսությունը հարցնելու, չեմ ասում անիմաստ ա, բայց օդի պես անհրժեշտ էլ չի.. Իսկ հետո արդեն երբ տունն էի ու ունեի բջջային ավելի շուտ-շուտ էի կապնվում, չնայած ակնհայտ կարիքը չկար... Ասածս են ա, որ հասարակ հեռախոսը կախվածություն ա առաջացնում սիգարետներից ուժեղ (քանի որ ավելի շատ մարդիկ են ընդգրկված ու ավելի ուժեղ)) ) Էս վերջերս էլ համակարգչային կախվածության մասին թեման եմ կարդում ու համ զարմանում եմ համ տխրում մեր փոխարեն ախր հարաբերություններն ավելի են կարևոր քան թե տեխնիկան իրա "հարմարավետությամբ"...
Կոնկրետ ես չեմ երջանկանում 21-րդ "թվային" դարից...