PDA

Դիտել ողջ տարբերակը : Հայաստանում պիտի նորմալ դեսպաններ նշանակվեն



Djavaxhq
22.06.2007, 10:19
Ռ. Հոգլանդին դեսպան նշանակելու փաստը մեծ դժգոհություն առաջացրեց հայ հասարակության մեջ եւ մեզ համար անընդունելի այդ անձին դիվանագիտական առաքելության համար Հայաստան ուղարկելու լուրերը կրկին ակտիվանում են, որը համոզված եմ նորից հուզումների առիթ է հանդիսանալու…
Ստորեւ բերում եմ Հայ Արիական Միաբանության «Ոգու պահապաններ» ՈՒԵԿ-ի հայտարարությունը, եւ ակնկալում անհատների ու կազմակերպությունների ակտիվ աջակցությունը «Ոգու Պահապաններ»-ին այս արատավոր երեւույթի դեմ պայքարում





Հայաստանում պիտի նորմալ դեսպաններ նշանակվեն
Գրել է Ոգու Պահապաններ
24-05-2007
ԱՄՆ նախագահն ամեն կերպ փորձում է Հայաստանում դեսպան ,,տեղավորել,, Ռ. Հոգլանդին, որի ներկայությունը մենք համարում ենք վարկաբեկիչ ինչպես քաղաքական, այնպես էլ բարոյական տեսանկյունից: Եվ հայությանը կոչ ենք անում լինել աչալուրջ, մինչև ԱՄՆ նախագահը կհասկանա, որ նորմալ ու բարոյական մարդ պիտի լինի իրենց դեսպանը: Սա նաև ԱՄՆ շահերից է բխում:

Ուստի, բոլորին վերհիշեցնում ենք մեր 12.09.06թ. հայտարարությունը:



Հ ա յ տ ա ր ա ր ու թ յ ու ն


Մենք մեր վրդովմունքն ու բողոքն ենք հայտնում ՀՀ-ում ԱՄՆ դեսպան Ջոն Էվանսի հետկանչման կապակցությամբ: Ջոն Էվանսը ԱՄՆ այն բացառիկ պաշտոնյաներից էր, որ կարողացավ ճշմարտությունն ասել 1886-1923թթ. Թուրքիայի կողմից իրականացված հայոց ցեղասպանության մասին: Ճշմարտությունն ասելով այդ ոճրագործ քաղաքականության մասին` Ջոն Էվանսը մեծ հեղինակություն ձեռք բերեց հայ քաղաքական կյանքում և ընդհանրապես հայ հասարակության շրջանում, ինչի պատճառով նա կարող էր առավելագույնս նպաստել հայ-ամերիկյան երկկողմ հարաբերությունների զարգացմանը: Հետ կանչելով Էվանսին` պաշտոնական Վաշինգտոնը ցուցաբերեց բացասական վերաբերմունք ՀՀ-ի, ԱՄՆ հայ համայնքի և աշխարհասփյուռ հայության նկատմամբ` ստորադասելով հայոց ցեղասպանության փաստը (հետևաբար` ճշմարտությունն ու արդարությունը) ոճրագործ Թուրքիայի հետ ունեցած իր տնտեսական ու ռազմա-քաղաքական շահերին:



Ի հավելումն սրան. ԱՄՆ-ն այսօր փորձում է որպես դեսպան Հայաստան գործուղել համասեռամոլ Ռիչարդ Հոգլանդին, ով, ի տարբերություն Էվանսի, հայոց ցեղասպանության փաստը չի ընդունում` գործածելով «ոճրագործություն, վայրագություն» և այլ արտահայտություններ:

Մենք, որպես ավանդապաշտ հայ ազգը ներկայացնող երիտասարդություն, անընդունելի և զազրելի ենք համարում համասեռամոլ դեսպանին բարոյական տե-սանկյունից, ով նաև կանխակալ դիրքորոշում ունի հայոց ցեղասպանության փաստի նկատմամբ:

Ուստի, կոչ ենք անում ԱՄՆ իշխանություններին. ելնելով հայ-ամերիկյան դիվանագիտական հարաբերությունների բնականոն զարգացման ընդհանուր շահերից` չհաստատել Ռիչարդ Հոգլանդի թեկնածությունը:

Դիմում ենք ՀՀ իշխանություններին և, մասնավորապես, ՀՀ նախագահ Ռոբերտ Քոչարյանին` օգտվել իր լիազորություններից և չընդունել Ռիչարդ Հոգլանդի հավատարմագիրը` ԱՄՆ իշխանություններից պահանջելով Հայաստան ուղարկել այլ դեսպանի:

Հակառակ դեպքում, որպես արժանապատիվ երիտասարդություն, որը խիստ վիրավորված է ԱՄՆ-ի կառավարության և Հոգլանդի կողմից Հայոց ցեղասպանության փաստի և Հայ Դատի նկատմամբ ցուցաբերած ոչ պատշաճ դիրքորոշումից, օգտվելով Սահմանադրությամբ մեզ ընձեռված իրավունքներից` կկազմակերպենք բողոքի ցույցեր, դասադուլներ և հրապարակային բողոքի գործողություններ: Թույլ չենք տա հայոց ցեղասպանության փաստը չընդունող և անբարո վարքով Հոգլանդին իրականացնել դիվանագիտական աշխատանք Հայաստանում:



Հայ Արիական Միաբանության «Ոգու Պահապաններ»

ուսանողական և երիտասարդության կազմակերպության խորհուրդ

12.09.2006թ.

Հայարիացի
23.06.2007, 11:41
Մի վհուկ կար Անգլիայի դեսպանուհի, նա նույնպես իրեն թույլ էր տվել ոչ կոռեկտ արտահայտություններ, բայց մեր իշխանավորները լավ էլ շուքով ճանապարհեցին դրան ու կարծեմ դրան մեդալ էլ տվեցին: Եթե մեր իշխանությունները մի քիչ թասիբ հասկացություն ունենան ու ամեն անցող դարձողին մեդալներ չտան կարծում եմ, որ բոլորն էլ ավելի զգուշավոր կլինեն դեսպաններ նշանակելիս:

քաղաքացի
23.06.2007, 17:15
Առաջին հերթին պետք է Հայաստանից նորմալ դեսպաններ ուղարկեն համապատասխան երկիր: Եթե X երկրում Հայաստանի դեսպանը իրեն պահում է «ոչ կոռեկտ», ապա այդ X պետությունից ուղարկում են հայաստան համապատասխան դեսպան: Ռուսաստանում Հայաստանի դեսպան Ա. Սմբատյանը, որը նախկինում ԵՊ կոնսերվատորիայի ռեկտորն էր, զբաղվում է միայն ու միայն մշակութային հարցերով: Երբեք չի եղել մի դեպք, որ Սմբատյանը գոնե միքիչ հետաքրքրվի «գազանային սպանության (http://www.akumb.am/showthread.php?t=3393)» մասին: Դեսպանը երբեք չի արձագանքում մամուլում, բացի եթե մշակույթի հետ կապ կա: Օրինակ իր շնորհիվ, Հայաստան է գալիս Վ. Կրանիևը, ով համերգ է տալիս Ս. Ա. Սմբատյանի՝ ՌԴ-ում ՀՀ-ի դեսպանի տղայի հետ: Հայաստանից նշանակված դեսպանները հիմնականում լինում են «ծանոթ բարեկամ» լինելու շնորհիվ/պատճառով: Ուկրանիայում Հայաստանի դեսպանն է նախին ԱԺ նախագահ Ա. Խաչատրյանը: Նա կամավոր կամ ստիպված հրաժարական էր տվել ԱԺ նախագահի պաշտոնից և աղմուկ չառաջացնելու համար իշխանությունները իրեն նշանակեցին Ուկրանիայում Հայաստանի դեսպան (նրանից էլ ձայն-ձույն չկա, գոնե այդ մարդն էլ մշակութային ուղղություն ունենար):
Ես շատ ուրախ եմ այն արտերկրացի դեսպաններից, որոնք իրենց կարծիքը հայտնում են առանց որևէ մեկից վախենալով: Նրանք ասում են այն ինչ տեսել են: Եթե ՀՀ-ում կոռուպցիա է տեսնում, ապա ասում է, եթե չի տեսնում՝ չի ասում: Ես չեմ սիրում, երբ այդպիսի կարևոր բաների վրա աչք են փակում և ասում. «Իմ դեսպանության ժամանակ, ես համոզվեցի, որ հայերը հին ազգ են, հայերը ունեն մշակույթ, հայերը քրիստոնյա են…» և անպայման զգույշ մնալով, որ հանկարծ չօգտագործեն «ցեղասպանություն» բառը: Եթե մեկը իր դեսպանության ժամանակի ընթացքում նկատել է միայն այն, որ «հայկական գինին շատ լավն է», ապա թող գնա ու… «գինի խմի»:
Հայ դեսպաններից լավերը կան, երևի շատ են, բայց միշտ վախ ունեն, որ որևէ սխալ արտահայտությունից կհեռացվեն պաշտոնից, դրա համար էլ լուռ են մնում:

Vishapakah
23.06.2007, 17:54
Այնուամենայնիվ թեման ԱՄՆ-ի կողմից նշանակվող դեսպան Հոգլանդի մասին է. Իհարկե մեր դեսպաների մեջ էլ շատ ապազգայիններ կան, ինչի հետ չի կարելի վիճել, բայց կարծում եմ այդ մասին արժի խոսել համապատասխան թեմայում, որը չկա.:)

Ինչպես նաեւ արժի նշել, որ ինչքան էլ մեր դեսպանները վատը լինեն, գոնե օտարի երկրում, օտարին հարգել գիտեն, հակառակ դեպքում այդ օտարը տվյալ դեսպանին գլխնիվայր հավերժ հանգստի կուղարկեր դեպի մայր Հայրենիք, ինչը մենք «ողնաշար» չունեցանք անել ոմն «վհուկի» հանդեպ. Մինչեւ հիմա հիշելիս ատամներ սխմվում են.:sad

Չեմ կարծում թե՛ Հոգլանդը այնքան լկտի կգտնվի, որքան անպարկեշտ գտնվեց անգլիական դաստիրակությունը, բայց դե՛ միայն «ջարդ» բառը օգտագործելն էլ Հայկական պետությանը չի կարող բավարարել. Օրինակ արդեն այսօր (Հպարտությամբ եմ ասում) Եվրոպայում Ցեղասպանություն չճանաչելու դեպքում, կարելի է բանտում հայտնվել, անգամ ամենաազդեցիկ գործիչները չեն խուսափում տուգանքից, Նիդերլանդներում քիչ մնաց մի քանի պառլամենտականների մանդատից զրկեն, իսկ ԱՄՆ-ն դեսպան է ուղարկում իրողության հանդեպ սխալ բառապաշարով.

Հավանաբար ԱՄՆ-ում իրոք տեղյակ չեն վերջին աշխարհագրական զարգացումներին. Սրտանց ցավում եմ ամերիկայի ժողովուրդի համար, որ այդպիսի «բանիմաց» ղեկավարություն ունի.

Djavaxhq
23.06.2007, 23:27
Բացի նրանից որ նա ցեղասպանությունը չի ընդունում կա նաեւ բարոյականության հարց, պատկերացրեք ամնի նորանշանակ դեսպանն այցելում է որեւէ դպրոց իր «Տիկնոջ»հետ, որը «տղամարդ» է ինչ են ասելու ուսուցիչները երեխաներին լավ ասենք մի բան խաբեցին բա դա մեզ հարիր է՞
չգիտեմ կարելի է խելագարվել այս ամենից
ես չեմ ուզում որ իմ երեխան համասեռամոլ լինի, ապազգային լինի ես ուզում եմ ապրել արժանապատիվ երկրում, որը մենք ենք կերտելու

քաղաքացի
24.06.2007, 00:36
Բացի նրանից որ նա ցեղասպանությունը չի ընդունում կա նաեւ բարոյականության հարց, պատկերացրեք ամնի նորանշանակ դեսպանն այցելում է որեւէ դպրոց իր «Տիկնոջ»հետ, որը «տղամարդ» է ինչ են ասելու ուսուցիչները երեխաներին լավ ասենք մի բան խաբեցին բա դա մեզ հարիր է՞
չգիտեմ կարելի է խելագարվել այս ամենից
ես չեմ ուզում որ իմ երեխան համասեռամոլ լինի, ապազգային լինի ես ուզում եմ ապրել արժանապատիվ երկրում, որը մենք ենք կերտելու

Քո երեխան համասեռամոլ չի լինի, եթե դու կարողանում ես քո երեխային բացատրել և հասկացնել, թե ինչու է այդպես ստացվում, որ կինը տղամարդ է: Հետո ի՞նչ կապ ունի, հո մենք չենք թելադրելու դեսպաններին, թե ինչպես ներկայանան կամ ինչպես ելույթ ունենան, դա նրանց կարծիքն է և նրանց խոսքի ազատությունը, որը չի արգելում ՀՀ օրենսդրությունը (թու-թու-թու): Հիմա ի՞նչ, ինչ-որ պատգամավորի կամ թիքնապահի սխալները անտեսենք ու քննարկենք, թե ինչու՞ դեսպանն իրեն կորեկտ չի պահում: Ի՞նչ անենք, որ արտասահմանցի դեսպանների «մեջքին մարդ չկա կանգնած», ուրեմն պիտի վարկաբեկե՞ք և ամբողջ ուժով խայտռա՞կ անեք: :unsure

Djavaxhq
24.06.2007, 01:52
Քո երեխան համասեռամոլ չի լինի, եթե դու կարողանում ես քո երեխային բացատրել և հասկացնել, թե ինչու է այդպես ստացվում, որ կինը տղամարդ է: Հետո ի՞նչ կապ ունի, հո մենք չենք թելադրելու դեսպաններին, թե ինչպես ներկայանան կամ ինչպես ելույթ ունենան, դա նրանց կարծիքն է և նրանց խոսքի ազատությունը, որը չի արգելում ՀՀ օրենսդրությունը (թու-թու-թու): Հիմա ի՞նչ, ինչ-որ պատգամավորի կամ թիքնապահի սխալները անտեսենք ու քննարկենք, թե ինչու՞ դեսպանն իրեն կորեկտ չի պահում: Ի՞նչ անենք, որ արտասահմանցի դեսպանների «մեջքին մարդ չկա կանգնած», ուրեմն պիտի վարկաբեկե՞ք և ամբողջ ուժով խայտռա՞կ անեք: :unsure

Հարցը մենակ իմ երեխային չի վերաբերվում իմ երեխան միայն իմն է, իսկ հայ երեխաները մեր ազգի ապագան, ես մտահոգված եմ մեր ազգի ապագայով, իսկ ուրիշը թող ապրի այնպես ինչպես ուզում է միայն իր երկրում, իսկ քո ասած սխալվողներին էլ ենք քննադատում ու ուժերիս ներածի չափով պայքարում նրանց դեմ, այլ հարց է որ հենց մեր պասիվությամբ մենք թողնում ենք որ նրանք չափն անցնեն, Հայաստանը ոչ մեկի սեփականությունը չի, բռնի ուժով իրենց կամքը թելադրողները երկար չեն դիմագրավի եթե մենք համընդհանուր պայքարենք նրանց դեմ, մենք իրավունք չունենք անտարբեր լինել, ոչ մի հարցում ու չնայենք թե ում մեջքին ով է կանգնած:

Artgeo
28.06.2007, 00:01
ԱՄՆ-ի դեսպանի հետ կապված պատությունը այնքան զավեշտալի է, որ ակամայից չգիտես ծիծաղե՞ս, թե՞ լաս...

Djavaxhq
28.06.2007, 10:42
Զավեշտը նրանում է, ասենք ոնց ենք դիմելու, տիկին եվ տիկին դեսպան, թե ասենք տեր եւ տեր դեսպան՝ պատկերացրեք ներկայացնում են: Տաճիկները՝ Հոգլանդի ազատումից հետո, նա այնտեղ էր դեսպան, ուրախության յոթերրորդ երկնքում էին, այնտեղ նրան չկարողանալով պահել ԱՄՆ-ը փորձում է նրան պարտադրել մեզ, Ինչու դեսպան չի ուղարկու Հոլանդիա, լավ էլ կընդունեն նրան այնտեղ:
Կոչ եմ անում բոլոր ամերիկահայ հայրենակիցներիս, հատկապես երիտասարդությանը ակտիվ պայքար ծավալեն Ռ. Հոգլանդին Հայաստան չթողնելու համար, փորձենք չարիքը, գոնե մեկ անգամ հենց ծնվելու պահին վերացնենք, եթե Հոգլանդը ժամանեց Երեւան մենք նրա անձի անվտանգության համար պատասխանատու չենք, բացի այդ մեծ հուզումներ ու բողոքի ալիք կբարձրանա,
Եթե լինեն մարդիկ ովքեր կկազմակերպեն նրա նշանակման դեմ պայքարը կարող ենք կապ պահպանել եւ մենք համաձայնեցված այստեղից սատարենք նրանց:

Հ,Գ. Ակնկալում եմ բարձր ակտիվություն

Artgeo
28.06.2007, 10:55
Ռ. Հոգլանդին դեսպան նշանակելու փաստը մեծ դժգոհություն առաջացրեց հայ հասարակության մեջ
Հայ հասարակությա՞ն։ Կներես էլի, դաշնակներն ու արիացիները հայ հասարակության ընդամենը մի մասն են ու ոչ ավելին։ Եթե նրանք դժգոհ են, ամենևին չի հետևում, որ հայ հասարակությունն է դժգոհ։

եւ մեզ համար անընդունելի այդ անձին դիվանագիտական առաքելության համար Հայաստան ուղարկելու լուրերը կրկին ակտիվանում են
Չեն ակտիվանում է, զորով ուզում եք ակտիվացնել, էն էլ չի ստացվում։
Անձամբ ավելի խայտառակ եմ համարում դեսպան չունենալը։ Սովորական պրակտիկա է միջազգային դիվանագիտության մեջ դեսպաններին հետ կանչելու, երբ երկրի հետ ինչ-որ խնդիրներ կան։ Դրա նման մի բան էլ այսօր ԱՄՆ-Հայաստան հարաբերություններում է ստացվում։ Էս էլ Հայաստանի միջազգային դիվանագիտությունը...

Philosopher
28.06.2007, 11:14
Հոգլանդի հետ կապված պատմությունը հայկական մարգինալ մտածողության ու էսթաբլիշմենթի ամենամեծ աբսուրդներից է: Այս խնդիրը ունի երկու կարևոր բաղադրիչ, առանց որոնց Հոգլանդի պատմությունը մնում է նույնքան անհասկանալի ու խորհրդավոր, որքան թամպլիերների պատմությունն է: Այդ բաղադրիչներն են.
1. Պարզվում է, որ Հայ դատի խնդիրը Հոգլանդի ուսերին է ու նա պետք է ճանաչի հայոց ցեղասպանությունը, այն պարագայում, երբ նա իրավունք չունի ճանաչել այն, քանի որ դա նրա իրավասություններից դուրս է. հայոց ցեղասպանությունը կարող են ճանաչել ԱՄՆ Սենատը, Համայնքների պալատը կամ գոնե նախագահը, իսկ դեսպանը այդպիսի գործառույթ չունի և չպետք է ունենա: Այսինքն` չճանաչելով հայոց ցեղասպանությունը` Հոգլանդը պարզապես դուրս չի գալիս իր լիազորությունների շրջանակներից և չի մտնում իրավասությունների այն ոլորտ, որոնք պատկանում են պառլամենտին կամ նախագահին:
2. Յուրաքանչյուր պետություն, երկիր, համաձայնելով դիվանագիտական հարաբերություններ ունենալ մեկ այլ երկրի հետ, պարտավորվում է հարգել այդ երկրի որոշումները, այդ թվում` այն հարցում, թե որ իրադարձությունը ինչպես է մեկնաբանում այդ երկիրը և թե ով է ներկայացնելու տվյալ երկիրը մեկ այլ երկրում: Այս պահին ակնհայտ է երկու բան. ա. ԱՄՆ-ն որպես պետություն չի ճանաչում Հայոց ցեղասպանությունը, բ. ԱՄՆ-ն, որպես պետություն, որոշել է, որ իր երկիրը Հայաստանում ներկայացնելու է Հոգլանդը: Սրանք օբյեկտիվ փաստեր են: Մնացածը հայ հանրության գիտակցության մետամորֆոզներն են, իսկ մետամորֆոզներից ամենահանճարեղն այն է, որ Հայաստանը չի ցանկանում ընդունել այդ դեսպանին` պահանջելով նրան ճանաչել իր պետական քաղաքականության կողմից չընդունված փաստեր, մեկ էլ էքստերն կարգով փոխել իր սեռական կողմնորոշումը այն համապատասխանեցնելով միակ ճշմարիտ հայկական սեռական կողմնորոշմանը: Մինչդեռ իրականում մեկ այլ երկրի հետ դիվանագիտական հարաբերություններ ունեցող նորմալ, բանականության գոնե որոշ պարամետրերի համապատասխանող երկիրը, այս դեպքում Հայաստանը չունի այլ հնարավորություն, քան` կա'մ ընդունել ԱՄՆ-ի քաղաքականությունը որպես փաստ ու ընդունել նրա դեսպանին, որի սեռական կողմնորոշումը որևէ քաղաքագիտական կանոնով չի կարող լինել քննարկման առարկա, կա'մ հրաժարվել ԱՄՆ-ի հետ դիվանագիտական հարաբերություններից` ազատվելով և' գլխից, և' գլխացավից: Ընտրությունը Հայաստանինն է, ընտրությունը անում է Հայաստանը, որը պետք է որոշի` իր համար առավել կարևոր է Հոգլանդի սեռական կողմնորոշումը, թե ԱՄՆ-ի հետ դիվանագիտական հարաբերությունները: Վերջ: Մնացածը զգացմունքներ են ու անվերջ միֆեր, ինչպես կասեր Չարենցը, "գուցե միֆ է երկիր Նաիրին, ուղեղային մորմոք, սրտի հիվանդություն": Այսպիսին է Հոգլանդին չընդունող երկիր Նաիրին... Եվ սա մեր ողբերգությունն է, հայկական ողբերգությունն է, հայ մտածողության ողբերգությունն է և բոլորովին ոչ-ամերիկյան: Ամերիկան իր ողբերգությունները լավ գիտի, մնում է, որ Հայաստանն էլ իմանա իր ողբերգությունները: Մնացածը լռություն է ու ինքն իր մեջ իր ողբերգությունների պատճառները փնտրելու անայլընտրանք ճանապարհ...

Վարպետ
28.06.2007, 11:28
"Պայքարել" բառի հաշվեհարդարային ու ագրեսիվ իմաստի չափազանց շատ կիրառումը արժեզրկում է այդ հրաշալի իդեան արմատապես: Հարգելի Djavaxhq, միթե Դուք "պայքարի" այլ, ավելի արժեքավոր ու նշանակալից սուբյեկտ չեք գտնում? Առավել եւս, եթե կարելի է պայքարել հանուն, այլ ոչ թե ընդդեմ: Սկսեք Ձեր պայքարը Ձեր բակից, թեկուզ հանուն Ձեր մուտքի մաքրության: Վստահեցնում եմ, դա շատ ավելի նշանակալի ներդրում կլինի մեր պետականության եւ քաղաքացիական հասարակության կայացման գործում, քան դոնկիխոտյան "պայքարը"` ուղղված հոմոսեքսուալիստների դեմ ընդհանրապես եւ Հոգլանդի դեմ մասնավորապես:

dvgray
28.06.2007, 11:55
եթե Հոգլանդը ժամանեց Երեւան մենք նրա անձի անվտանգության համար պատասխանատու չենք

:D Ու՞մ անձի համար պատասխանատու չես: Երևի գիտես, թե ԱՄՆ դեսպանի անձի պաշտպանությունը խնդիրները ՀՅԴ կուսակցության ուսերի՞ն է դրված :D:



Հ,Գ. Ակնկալում եմ բարձր ակտիվություն

Հ.Գ. Տուրգենևը մի լավ պատմվածք ունի, նման դեպքերի մանրամասն վերլուծությամբ: ;)

Vishapakah
28.06.2007, 18:31
Սիրելի Հայրենակիցներ, ինչքան էլ Djavaxhq-ի ներկայացրած դիրքորոշումը Ձեզ համար անընդունելի լինի եւ ԱՄՆ-ի հետ դիվանագիտական հարաբերություններ ունենալը Ձեզ համար ավելի կարեւոր, քան (Պատկերացնում եմ Հոգլանդի ապրումները ԱՄՆ-ում, երբ լսում է թե իր մասին Հայաստանում ինչ են մտածում.) խեղճ Հոգլանդի օրիենտացիան, ապա Դուք պարտավոր եք հասկանալ մի շատ պարզ բան, որը կոչվում է Հարգանք. Եվ ոչ թե մենք պետք է հարգենք իրողության մերժումը, այլ իրողություն մերժողը, պետք է հարգի իրողությունը. ԱՄՆ-ն իր օրենքները կարող է կիրառել ԱՄՆ-ի տարացքում, իսկ Հայաստանում, բոլորը պարտավոր են ենթարկվել Հայկականին օրենսդրությանը.

Պատկերացրեք Հայաստանը դեսպան է ուղարկում Իսրայել, իսկ Հայաստանը Իսրայելի հոլոքոստը չի ճանաչել եւ Հայ դեսպանը Երուսաղեմում հարգելով ՀՀ մերժողական քաղաքականությունը, սկսում է խախտել տվյալ պետության օրենքները, վիրավորելով 6 միլիոն զոհերի հիշատակը.

Այսօր ընդունել Հոգլանդին իր մերժողականությամբ, դա նշանակում է տեղի տալ ՀՀ տարացքում վոտնահարել եւ վիրավորել անմեղ զոհերի հիշատակը. Պարոն Հոգլանդը, եթե նույն այդ Հոլանդիայում (Նիդերլանդներ) նշանակվի ԱՄՆ-ի դեսպան եւ հանկարծ նշի որ Հայոց Ցեղասպանությունը չի չանաչում, ապա դա կդիտվի որպես Նիդերլանդների Թագավորության օրինախախտում եւ նույնը նրա հետ կանեն Ֆրանսիայում, Շվեյցարիայում, տուգանելով նրան մոտ 50 հազար եվրո եւ կրկնման դեպքում զրկելով նրան որպես քաղաքացի մուտք գործել առհասարակ Եվրոպա, տվյալ պետությունների օրենքները չհարգելու համար.

Եվ Դուք ցանկանում եք, որ Հայաստանը նրան ընդունի, նախապես իմանալով նրա հանցագործ դիրքորոշման մասին. Եվ դրանից հետո ինչ կմտածեն Ցեղասպանություն ճանաչած երկրները, Ցեղասպանություն պահանջող երկրի մասին. Նրանք անգամ օրենք ունեն չճանաչման դեպքում մինչեւ կալանք, իսկ այդ նույն ցեղասպանված ազգի պետությունը գրկաբաց ըստ Ձեզ պետք է ընդունի հանցագործին.

Իհարկե ԱՄՆ-ն հանցագործ չէ, այլ Եվրոպայից խորամանկ եւ նրանք ուղղակի ուզում են համուզվել, ինչքան ամուր է Հայկական դիրքորոշումը Ցեղասպանության հարցում. Նրանց պետք է ամուր դաշնակից, ամուր երաշխիքներով, որ մենք մեր դիրքորոշումների մեջ կայուն կլինենք. Ինքներտ մտածեք, ԱՄՆ-ի համար դժվար չէ համասեռամոլին փոխել մեկ ուրիշով եւ իր դեսպանին նախապես սովորացնի, որ այնտեղ կճանաչես, իսկ արդյունքում ԱՄՆ պետությունը չի ճանաչի երբեք, բայց եթե Դուք նկատել եք, ԱՄՆ-ն դա չի անում, մտածեք ինչու? Նույն այդ ԱՄՆ-ն չի էլ խոչնդոտում որպեսզի իր 40 նահանգներում Ցեղասպանությունը ճանաչվի.

Պատճառները պարզ են, Հայաստանը հիմա անցնում է ԱՄՆ-ի կողմից արհեստածին ստեղծված փորձությունները. Հայաստանի Ցեղասպանությունը միջազգային մակարդակով ճանաչվելու դեպքում, մեր երկիրը ստանում է շատ մեծ «կոզրներ» եւ նրանք պետկ է վստահ լինեն, որ այդ «կոզրները» վստահվում են ամուր երկրի, ոչ թե Կարսից փախչողների սերունդներին. Այս ամենը հասկացողը կհասկանա, իսկ չհասկացողն էլ, չի հասկանա. Ամենակարեւորը այս ամենը հասկացողները այսօր Հայաստանում իշխում են եւ այս քաղաքականությամբ մենք միայն շահելու ենք, որովհետեւ արեւմուտքում միայն խոսքերով են կոչեր անում զիճողականության, բայց միշտ հարգում ուժեղներին.

Վարպետ
28.06.2007, 18:48
Պատճառները պարզ են, Հայաստանը հիմա անցնում է ԱՄՆ-ի կողմից արհեստածին ստեղծված փորձությունները. Հայաստանի Ցեղասպանությունը միջազգային մակարդակով ճանաչվելու դեպքում, մեր երկիրը ստանում է շատ մեծ «կոզրներ» եւ նրանք պետկ է վստահ լինեն, որ այդ «կոզրները» վստահվում են ամուր երկրի, ոչ թե Կարսից փախչողների սերունդներին. Այս ամենը հասկացողը կհասկանա, իսկ չհասկացողն էլ, չի հասկանա. Ամենակարեւորը այս ամենը հասկացողները այսօր Հայաստանում իշխում են եւ այս քաղաքականությամբ մենք միայն շահելու ենք, որովհետեւ արեւմուտքում միայն խոսքերով են կոչեր անում զիճողականության, բայց միշտ հարգում ուժեղներին.

Իդեան լավն էր, դուրս եկավ: Երանի թե էդպես լիներ: Համենայն դեպս համոզիչ փաստարկ կարող է հանդիսանալ Ձեր տեսակետը կրողների կողմից հակառակ կողմին հրամցնելու համար:

Artgeo
28.06.2007, 20:06
ԱՄՆ-ն իր օրենքները կարող է կիրառել ԱՄՆ-ի տարացքում, իսկ Հայաստանում, բոլորը պարտավոր են ենթարկվել Հայկականին օրենսդրությանը.

Հայաստանի օրենքների որևէ կետ գոյություն չունի ցեղասպանությանը վերաբերվող, ըստ այդմ օրենքի մասին խոսելն աբսուրդ է: Բացի դրանից, դեսպանատան տարածքը այն երկրի տարածք է համարվում, որ երկրի դեսպանատունն է:

Vishapakah
28.06.2007, 22:44
Իդեան լավն էր, դուրս եկավ: Երանի թե էդպես լիներ: Համենայն դեպս համոզիչ փաստարկ կարող է հանդիսանալ Ձեր տեսակետը կրողների կողմից հակառակ կողմին հրամցնելու համար:

Շնորհակալ եմ Հարգելիս. Ինձ համար յուրաքանչյուրի գնահատականը, շատ մեծ նշանակություն ունի.


Հայաստանի օրենքների որևէ կետ գոյություն չունի ցեղասպանությանը վերաբերվող, ըստ այդմ օրենքի մասին խոսելն աբսուրդ է:

Ճիշտ ես, չկա. Դա կարելի է ընդունել որպես կոպիտ իրավական բացթողում. Հավանաբար մտածում են, նման օրենք ընդունելու դեպքում, Հայաստանում այնպիսի մարդ կարող է չնդունել Ցեղասպանությունը, որից պատասխան պահանջել, կամ պատժամիջոցներ նրա հանդեպ կիրառել չեն կարողանա եւ զերծ են մնում իրենց ուժերից վեր օրենք մշակել, ինչը ես սխալ եմ համարում. Այդպիսի օրենք Հայաստանում պետք է լինի. Ցեղասպանություն ճանաչած երկրում հերքողին ձերբակալում են, իսկ Ցեղասպանություն պահանջող երկրում հերքողին շքանշան են տալիս. Այսպիսի իրողությունը իրոք աբսուրդ է, միանշանակ.


Բացի դրանից, դեսպանատան տարածքը այն երկրի տարածք է համարվում, որ երկրի դեսպանատունն է:

Այսինքն, եթե նման օրենք Հայաստանում ընդունեն, հերքողների հանդեպ պատժամիջոց տուգանք 50 հազար եվրոյին համարժեք դրամ կամ 5 տարի ազատազրկում, ապա հերքող երկրի դեսպանը, լրագրողների ներկայությամբ, իր դեսպանատանը հանգիստ նստած կհերքի, իսկ դեսպանատնից դուրս, կընդունի իրողությունը.
Անկեղծ ասաց զվարճալի պատմություն է ստացվում. Ես գիտեմ որ դեսպանատան շենքը տվյալ պետության տարացք է համարվում, ժամանակավոր վարձակալմամբ, բայց ամեն դեպքում ապրելով տվյալ պետությունում շատ դժվար կլինի ունենալ դիրքորոշում, որը հակասում է տվյալ երկրի օրենսդրությանը եւ տվյալ դեսպանին իր ասածները մեկ այլ վայրում կստիպեն կրկնել այն, ինչ խոսում էր իր երկրի տարացք համարվող տարացքում.

Արշակ եւ Շապուհ թագավորների հայտնի պատմությունն է ստացվում.:)

wagamaffia
28.06.2007, 23:00
Հայաստանը ասելիք չունի օտար ազգի դեսպանի նշանակման մասին:

Հայաստանը պիտի բոլոր երկրների հետ փորձի դիվանագիտական կապեր հաստատել և դեսպանատներ բացել:


Vishapakah-ի խոսքերից
ԱՄՆ-ն իր օրենքները կարող է կիրառել ԱՄՆ-ի տարացքում, իսկ Հայաստանում, բոլորը պարտավոր են ենթարկվել Հայկականին օրենսդրությանը.

:oԴեսպանները ունեն դիպլոմատիկ անձնագիր... իրենք կարող են անգամ առանձ ստուգման նստել ինքնաթիռ… Դու ԱՄՆ-ի քաղաքացուն և պետություն ներկայացնող կառույցին մի խառնի իրար:

Հիմա ասենք ԱՄՆ չի ճանաչում Եղեռնը, ՀՀ-ն իր դեսպանին հետ կկանչի՞. երբե՛ք: Իսկ ճանաչելու դեպքում Թուրքիան կանի դա:

ԱՄՆ-ն աշխարհի միջնակետը չի, նա ունի նույն Թուրքիայի քաղաքականությունն ու բնավորությունը: Գրավել ինչը իրենը չի, հարձակվել անօգնական ազգերի վրա: Օրինակ հնդկացիներ, կամ ավել նոր՝ Իրաք:

Vishapakah
28.06.2007, 23:38
wagamaffia

Չեմ ցանկանում մեր զրույցը վերածել գիտելիքների փոխանակման թեմայի, թե ով ինչ գիտի դեսպանների լիազորության մասին.

Ամբողջ ասածս այն էր, որ կհարգվենք, եթե ամուր «կաղին» գտնվենք. Դիվանագիտության խաղերում հախտում են նրանք, ովքեր դիմանում են ճնշումներին.

Մենք չենք կարող ոտնահարել մեր շահը, գոհացնելով օտարի գոմիկին. Հայաստանը դիվանագիտական հարաբերություններ կունենա ԱՄՆ-ի հետ, ինչին ձգտում են հենց իրենք ամերիկացիները ցանկացած պետության հետ, բայց դրա հետ մեկ տեղ, ամերիկացիները որպես դաշնակից, սիրում են ընտրել ուժեղներին, որը այսօր մենք ենք տարածաշրջանում միակ երկիրը, որտեղ քաղաքական զգալի ցնցումներ չեն լինում.

Հայաստանը իր ողջ պատմության ընթացկում, այնքան թույլ է եղել, որ սկզբնական շրջանում շատ քիչ պետություններ են համարձակվում մեր վրա «խաղադրույք» դնել, համաշխարհային դիվանագիտության «ռուլետկայում»

Հայաստանը այլեւս վասալ պետություն չէ, որ տերը կարողանա իր գաղութը զիճել մեկ այլ գեր հզոր գազանի. Հայաստանի քաղաքականության ուղին այլեւս կոմլիմենտար է եւ Հայաստանին իրենց դաշնակիցների ցանկում տեսնելու համար, պետք է նվաճեն Հայաստանի կողքին գտնվելու իրավունքը եւ ինչ որ դեսպան իր լիազորություններով չի կարող մի ամբողջ պետության թելադրել, ոտնահարվել սեփական երկրում 1,5 միլիոն զոհերի հիշատակը.

ԱՄՆ-ի 40 նահանգներում իրողությունը ճանաչված է, կճանաչվի նաեւ մնացած տասում. Եթե չեն ցանկանում ճանաչել միանգամից, ապա մենք մեր իրավունքը կնվաճենք նահանգ առ նահանգ, սենատոր առ սենատոր, բայց նրանց մեր նախնիների թափված արյունից ավել չենք կարեւորի, իրենց անհամ «կոկա-կոլաիով» սրտխառնոց «փոփկոռնով» կամ երեխաների սարսափ «միկի մաուսով»

Artgeo
29.06.2007, 00:53
Ամբողջ ասածս այն էր, որ կհարգվենք, եթե ամուր «կաղին» գտնվենք. Դիվանագիտության խաղերում հախտում են նրանք, ովքեր դիմանում են ճնշումներին.
Հաստատ այդ դեպքերից չի։ Կրկին էներգիան սխալ ուղղությամբ է ուղղված։ Դեսպանն ընդհանուր առմամբ այդքան էլ կարևոր չէ։

Մենք չենք կարող ոտնահարել մեր շահը, գոհացնելով օտարի գոմիկին.
Խնդիրը նրանում է, որ նա ոչ ավանդական սեռական կողմնորոշում ունի՞, թե՞ որ չի ընդունում ցեղասպանությունը։ Ի դեպ երկու դեպքն էլ ինձ համար աբսուրդային է։


Հայաստանը դիվանագիտական հարաբերություններ կունենա ԱՄՆ-ի հետ,
Չի կարող չունենալ։ ԱՄՆ-ն Հայաստանի հետ կարող է չունենալ, իսկ հակառակը՝ ոչ։ Ֆինանսական ամենամեծ հոսքը ԱՄՆ-ից է, պատկերացրու մի քանի օրով այդ հոսքը փակեն :)

սիրում են ընտրել ուժեղներին, որը այսօր մենք ենք տարածաշրջանում միակ երկիրը, որտեղ քաղաքական զգալի ցնցումներ չեն լինում.

Մի՞թե։

Հայաստանը իր ողջ պատմության ընթացկում, այնքան թույլ է եղել, որ սկզբնական շրջանում շատ քիչ պետություններ են համարձակվում մեր վրա «խաղադրույք» դնել, համաշխարհային դիվանագիտության «ռուլետկայում»
Այսօր դիվանագիտական տեսանկյունից Հայաստանի դիրքերը թույլ են, ինչպես երբեք։ Այսօր միջազգային տարատեսակ կառույցներում Հայաստանը ներկայացնում է սփյուռքը, որտեղ հնչեցնում է իր խնդիրները, հաճախ անտեսելով ՀՀ-ի շահերը։ Սփյուռքի լոբիստական աշխատանքը նույնպես ուղղված է նույն սփյուռքի խնդիրները լուծելուն։


Հայաստանը այլեւս վասալ պետություն չէ,
Չարաչար սխալվում ես։ Բա Ռուսաստանը ո՞ւր կորավ։ Թե՞ լռում ենք այն մասին, թե որտեղից են հրահանգներ ստանում ՀՀ-ի իշխանիկները։

Հայաստանի քաղաքականության ուղին այլեւս կոմլիմենտար է
Էդ բառը լավ են անգիր արել։ Ափսոս բուն իմաստը չեն հասկանում...

եւ Հայաստանին իրենց դաշնակիցների ցանկում տեսնելու համար, պետք է նվաճեն Հայաստանի կողքին գտնվելու իրավունքը
:D

ապա մենք մեր իրավունքը կնվաճենք
Կներեք, ի՞նչ իրավունքի մասին է խոսքը։ Իրավունք առ ի՞նչ


իրենց անհամ «կոկա-կոլաիով» սրտխառնոց «փոփկոռնով» կամ երեխաների սարսափ «միկի մաուսով»
Ուհու, մենք կխմենք մեր «Հայ-կոլան», կուտենք հայկական փաթեթավորմամբ իրանական ու թուրքական հավիկները, բոլորի վրա մեծ-մեծ կխոսանք, նույնիսկ աշխարհի առաջին տնտեսության, ինքներս լինելով նույնպես առաջին տեղերում, պարզապես վերջերից։

Djavaxhq
29.06.2007, 13:56
Հոգլանդի համասեռամոլ լինելը միայն պատճառ չի նրան չընդունելու համար, նա չի ճանաչում նաեւ Հայոց ցեղասպանությունը՝ ինչու մենք հայերս օրենք չունենք, որով կդատեինք նման անձանց, այ ֆրանսիան ժխտողներին դատում է, բա մենք՞

Mari
29.06.2007, 14:09
Միջազգային դիվանագիտական պրակտիկայում ընդունված է, որ մինչև դիվանագիտական ներկայացուցչի՝ դեսպանի նշանակումը, հավատարմագրող երկիրը պետք է ստանա նստավայր պետության կառավարության համաձայնությունը՝ ագրեմանը, այդ պաշտոնին հավակնող թեկնածուի համար: Այդ նպատակով դեսպան նշանակող երկիրը հաղորդում է իր դիվանագիտական ներկայացուցչի մասին կենսագրական հակիրճ տվյալներ: Սովորաբար այդ տեղեկությունը փոխքնցվում է դիվանագիտական խողովակով: Դեսպանընկալ երկրի կառավարությունն ագրեմանի հարցումն ստանալուց հետո քննարկում է տվյալ թեկնածության ընդունման նպատակահարմարությունը և պատասխանում սովորաբար մեկ ամսվա ընթացքում գրավոր /վերբալ նոտայով/: Յուրաքանչյուր պետություն իրավունք ունի մերժել կամ ընդունել այս կամ այն դիվանագիտական ներկայացուցչին, նկատի ունենալով նրա անձնական հատկանիշները , սակայն ագրեմանի հարցում պետք է հաշվի առնվեն տվյալ թեկնածուի անցյալը, , հատկապես, եթե հայտնի է, որ նա ժամանակին թշնամական տրամադրվածություն է ունեցել այն երկրի նկատմամբ, որտեղ ենթադրվում է նրա հավատարմագրումը:
1961թ-ի Վիեննայի կոնվենցիայի 4-րդ հոդվածի համաձայն, նստավայր պետությունը պարտավոր չէ հավատարմագրող պետությանը հայտնել ագրեման տալու մերժման դրդապատճառները: Դիվանագիտական վարվեցողությունը պահանջում է նույնիսկ չհայտարարել ագրեմանի հարցման մասին, քանի որ բացասական պատասխանի դեպքում կարող է բարդություն առաջանալ 2 երկրների փոխհարաբերություններում:
Երեկ հայտարարվեց, որ ԱՄՆ-ն պատրաստվում է գործերի նոր ժամանակավոր հավատարմատար նշանակել Ռուդոլֆ Փերինային: Ինչպես նշում է Ա. Բորունկովը՝ «Հավատարմագրող երկրի կառավարությունը կարող է երկար ժամանակ պաշտոնը թափուր թողնել, և դեսպանությունը ղեկավարում է գլխավոր գործերի ժամանակավոր հավատարմատարը, այս հանգամանքն էլ դիտվում է որպես 2 պետությունների միջև հարաբերությունների մակարդակի իջեցում»:

Vishapakah
29.06.2007, 16:16
Կներեք, ի՞նչ իրավունքի մասին է խոսքը։ Իրավունք առ ի՞նչ

Իմ նախկին գրառման մեջ, ինչի վերաբերյալ այս մեջբերումտ բերել ես, հանգամանորեն ներկայացված է որ իրավունքի մասին է խոսքը.:)

Կներես, բայց այլ հարցերիտ չեմ անրադառնա, որովհետեւ տեկստը գրված է հեգնանքով եւ ինքնին հարցերով տալիս ես պատասխաններ եւ ոչ հարցեր.

Ամենալավ Ցանկություններով.:bye