PDA

Դիտել ողջ տարբերակը : ՀՅԴ Անցած Ուղին



Նորմարդ
18.06.2007, 20:11
Ինչպես արդեն նկատել եմ հատկապես այս կուսակցության և նրա նցած ուղու նկատմամբ այս ֆորումում յուրատեսակ մոտեցում կա:)
Եկեք այստեղ վերլուծենք ՀՅԴ անցած ուղին նշենք բացթողումները, սխալները դրվատենք հայապահպան ու հայանպաստ գործունեությունը;
Այլ թեմաներից այստեղ կաշխատեմ տեղափոխել բոլոր այն գրառումները, որոնք վերաբերում են այս թեմային;

Հ.Գ. Հուսով եմ այս թեմայի բացումից հետո այլևս այլ թեմաներում ստիպված չեմ լինի ջնջել դաշնակցության վերաբերյալ գրառումները:)
Մաղթում եմ քաղաքակիրթ քննարկում;)

Նորմարդ
18.06.2007, 20:35
Այստեղ շատ հարցեր մութ են ինձ համար: Օրինակ «օսմանեան կայսրութիւն» կոչուած սպանդանոցում Հ.Յ.Դ գալիս է հայ ժողովուրդին համոզելու հնազանդ գտնուել, զինուորագրուել, պարէնով մթերքով մատակարարել ոսոխմանեան բանակը, միս կողմից՝ թիֆլիսում ցարական կառավարութիւնը կազմում է հա կամաւորական գնդեր, բայց սահմանափակ քանակով. (ի հարկէ Հ.Յ.Դի անդամ էին Հայ Կամաւորական ջոկատների մեծ մասի հրամանատարները): Ոչ թուրքիան է ուզում հայի լաւութիւնը (Ցեղասպանութիւն), ոչ էլ ցարական Ռուսաստանը իրապէս ուզում է փրկել հայութիւնը (ուշացում, ռուսաստանի քաղաքացի 200 000 հայ զինակոչիկների ուղարկումը գերմանական ճակատ): Մի խօսքով՝ Հայ ժողովուրդը անտէր էր: Իսկ երբ կամաւորական ջոկատները սկսեցին ինքուրոյն խնդիրների լուծումը (որբահաւաք, հայափնտռում, մաքրագործում), իսկոյն ցարական կառավարութիւնը լուծարեց Հայ կամաւորական գունդերը: Հ. կամաւորականներն ովքեր եկել էին ամերիկայից, եւրոպայից. Հարազատներ գտնելու յոյսով, յուսահատ ետ վերադարձան, ուրիշներ անդամագրուեցին ռուսական բանակին:


Ցավոք դաշնակների կենսագրության մեջ միակը չէ էս "մութ" կետը: Նշեմ օրինակ 45-ից հետո սփյուռքում ծավալած սովետի գովերգումը և հայրենադարձության կազմակերպումը /բազմաթիվ ընտանիքների տնաքանդ անելը/ մի կողմից, և սովետի պախարակումը և եկեղեցու տրոհումը մյաուս կողմից: Տրամաբանությունը ասում է, որ նույն գլուխը չի կարող մարմնին միաժամանակ հրաման տալ գնալ և "աջ" և "ձախ": Այսեղից կարող ենք եզրակացություն անել, որ դաշնակցությունը չէ "գլուխը", այլ "գլուխը" ավելի վերեևներում է: Իմ փնտրտուքը հանգեցրել է էն եզրակացության, որ որպես դաշնակցության "գլուխ" պետք է դիտարկել Ցարական Ռուսաստանի / և հետագա իր իրավահաջորդ սովետական Ռուսաստանի , ու Պուտինյան Ռուսաստանի/ հատուկ ծառայություններին: Էս դեպքում կարծես թե ամեն ինչ ընկնում է իր տեղը: Եվ Թուրքիան, և Ռուսաստանը, և Ֆրանսիան, և Լիբաբանն ու Սիրիան...


Ներգաղթը դաշնակցութիւնը չի կազմակերպել:

Ահա այն ինչ գրվել էր այլ թեմաներում, եթե էլի հանդիպեմ կտեղափոխեմ այստեղ:)

Array
18.06.2007, 20:36
Դժվարանում եմ պատասխանել։Դաշնակցությունը չի կարելի ասել,որ հայ ժողովրդի շահերի համար չի գործել։Սակայն դաշնակցության պատմության մեջ շատ են եղել մեղմ ասած խորը չմտածող ղեկավարներ։Բայց ամեն դեպքում,այսօր դաշնակցությունը այն հազվադեպ կուսակցություններից է մեր քաղաքականությունում,որ ունի քաղաքական նպատակ և գաղափարախոսություն։

Նորմարդ
18.06.2007, 20:47
Դժվարանում եմ պատասխանել։Դաշնակցությունը չի կարելի ասել,որ հայ ժողովրդի շահերի համար չի գործել։Սակայն դաշնակցության պատմության մեջ շատ են եղել մեղմ ասած խորը չմտածող ղեկավարներ։Բայց ամեն դեպքում,այսօր դաշնակցությունը այն հազվադեպ կուսակցություններից է մեր քաղաքականությունում,որ ունի քաղաքական նպատակ և գաղափարախոսություն։
Ես էլ հենց այսօրվա Դաշնակցության այդ գաղափարախոսությունը կյանքի կոչելու նպատակներին ծանոթանալուց հետո միանգամից կարծիքս փոխեցի:
Դաշնակցությունը այն քաղաքական ուժերից է, որ պիտի այդ տեսակի սխալներ ինչպիսիք են ընտրությունների կեղծելը չաներ, այս ամենի միջոցով արդեն մեկ անգամ անցավ դաշնակցական կառավարությունը և երկիրը կորցրեց, բայց նրանք նորից շարունակում են նույն սխալները կրկնել:(
Անցած ուղին հարուստ է եղել լի և հայրենանպաստ և ոչ այնքան գործունեություններով, սակայն միշտ էլ դաշնակցությունը առանձնացել է իր կտրուկ հեղափոխական գործելաոճով, սակայն հիմա երբ Հայսատանին առավել քան անհրաժեշտ են կտրում փոփոխությունները, դաշնակցական վերնախավը մեղմ ասած ոչինչ չի անում, իսկ եթե մեղմ չասենք ապա նարնց արածը կարելի է որակել որպես ազգի դավաճանություն:

Marduk
18.06.2007, 23:11
Ընդհանուր առմամբ համարում եմ բացսական: Եվ ընդանրապես կուսակցականությունը համարում եմ շատ վատ երևույթ հայ ազգի համար: Ես լիովին համաձայն եմ Նժդեհի մտքերի հետ, կապված դաշնակցության հետ, ուղղակի դաշնակցությունը դեռ ինչ որ հայապահպան դեր է խաղում / կամ այդպիսի տպավորություն է ստեղծում / սփյուռքում դրա համար էլ ինչ որ ֆինանսներ դրսից դեռ գալիս են: Եթե դրսից օժանդակություն չլինի ներքին ռեսուրսներով դաշնակցությունը որպես երևույթ գոյություն չի ունենա, նա կմասնատվի ու կկլանվի Հանրապետականների կողմից: Չնայած մեր մեեջ ասած այսօր էլ Հայաստանում դաշնակցությունը ընդամենը խաղում է սպասարկու կառույցի դեր: Փորձը ցույց է տալիս որ նա միշտ էլ պատրաստ է ծառայել օլիգարխի-բյուրոկրատական համակարգին մի քանի նախարարական պորտֆելի համար: Սրանից հետո ինչ որ բաներ խոսել կարծում եմ անիմաստ է:
Ի դեպ մի բանի մասին էլ ասեմ: Դաշնակցությունը անվճար գովազդ են անում լիբերալ ուժերը որոնց համար այն դարձել է բոբոյի պես մի բան: Եթե լիբերալները ամեն ազգային միտք չպիտակավորեին որպես դաշնակցական ապա կարծում եմ իրավիճակը ավելի տխուր կլիներ:
Ես անձամբ դաշնակցության հետ ոչ մի հույսեր չեմ կապում ու չեմ էլ կարծում որ նրանք երբևիցե որևէ լուրջ դեր կխաղան Հայաստանում: Ով այսօր ներկա էր Շարմազանով - Հովհաննիսյան երկխոսություն ասուլիսին կհասկանա իմ ասածը: Հանրապետականները միշտ էլ դաշնակներին հնազանդ կպահեն որովհետև միշտ կհիշեցնեն մութ անցյալը ու երբեք չեն թողնի որ նրանք շատ դեր ստանան: Ի վերջո Ցեղակրոնությունը ինչքան էլ այն հիմա դարձել է անգաղափար վերնախավի դրոշակ ավելի մեծ գաղափար է, քան դաշնակցությունը, որը այդպես էլ համարձակություն չունեցավ գնահատական տալու Նժդեհյան ուսմունքին

dvgray
19.06.2007, 00:43
Ես բազմիցս ասել եմ, ու էլի կասեմ, որ էտ կառույցը չեմ համարում ազգային: Էտ կառույցը շատ կարճ ժամանակահատված անտեր մնալով, /1918-1919/ փորձեց վերցնել իր վրա ազգային-պետական պատասխանատվություն: Սակայն "հյուսիսային վիրավոր արջի" կազդուևվելուն զուգընթաց վերադարձավ իր ակունքներին:

Ինչ վերաբերվում է կառույցի գաղափարական հենքին, ապա դա մեր կուսակցությունների համար որքան էլ տարօրինակ է, սակայն ոչ մի կապ էլ չունի: Երևի նրանց անդամներից շատերը չեն էլ կարդացել սեփական գաղափարախոսությունը:

Հ.Գ. Պատկերացնում եմ սոցիալիստ Վահան Հովանիսյանին ու իր կուսակիցներին իրենց կաֆեներով ու ռեստորաններով ՝բանվորա-գյուղացիական աշխատավորական խավերի շահերի պաշտպանի դերում :D:
Իմիջիայլոց առաջին Հանրապետությունից առաջ ամբողջ Թուրքիայում և մասամբ Ռուսաստանում նրանք էտ իդեաներն էին քարոզում ;): Ու լավ էլ ապրում էին :Կուշտ, ուրախ, բախտավոր...:angry Սակայն հենց որ եկավ բոլշևիկների ու երիտթուրքերի հետ փողերը կիսելու ժամանակը, էն ժամանակ վերցրին մաուզեռները:

Vishapakah
19.06.2007, 01:34
Իսկ ես դժվարանում եմ պատասխանել եւ հենց այդպես էլ քվյարկել եմ, զուտ այն պատճարով, որ մենք իրականում դաշնակցության մասին, գրեթե ոչինչ չգիտենք.:think

Նրանց գաղափարները շատ լավն են, այդ պատճարով նրանց շարքերը համալրում են շատ հարգարժան մարդիկ, որոնց մենք չենք կարող մեղադրել զուտ այն պատճարով, որ նրանք հին դաշնակցականների վրիպումներին մասնակից չեն եղել եւ մեզանից լավ են հասկանում անցյալի բացթողումները եւ չեն էլ թակցնում դրանք.

Իսկ Դուք գիտեք? որ վրաստանում եւ ադրբեջանում այն կարծիքին են, որ ինչպիսին է Հայ դաշնակցությունը, այդպիսի կուսակցություն վրաստանը եւ ադրբեջանը երբեք չեն ունեցել, սա՛ ասում են լավ իմաստով, հրաշալի ծանոթ լինելով դաշնակցության գաղափարախոսությանը.

Իհարկե հին դաշնակցության գործունեության մեջ, շատ հայտնի եւ անհայտ ապազգային քայլեր են եղել, բայց նման հիմարությունները հատուկ են եղել, գրեթե բոլոր Հայկական շրջանակներին, որպես կրկնվող Հայկական հիվանդության սինդրոմ, ինչում մեղավոր էր ոչ թե՛ դաշնակցությունը, այլ դեռ չկազմավորված Հայ ոգին, որում մեղավոր ենք մենք բոլորս.

Դաշնակների ամենամեծ պարտությունը, Կարսի անկումն էր, բայց դա՛ բոլորիս պարտությունն էր եւ մեղավորությունը. Նույն դաշնակցությանը կերտել է ժամանակի ազգային ոգին, մեծամասնական մտքի միասնականությունը. Ես էլ դաշնակներից շատ ժամանակ բողոքում եմ, հասկանալով որ դաշնակցությունը 20-երորդ դարասկզբի հայկական միտքն է եւ ես քնադատում եմ նաեւ դրանով ինձ, որովհետեւ լինելով Հայ արյան կրող, նախորդ դարում ապրած իմ նախնիների իրավահաջորդն եմ.

Եվ վերջապես, եկեք ներկա դաշնակցության գործունեությունը Հայաստանի տարածքում չքնադատենք, նրանք չեն այսօր Հայաստանի իշխանությունը եւ այդ պատճարով ստիպված են եւ հաճոյանալ ներկա տերերին եւ լինել կարգազանց, ետ չմնալու մոլուցքով. Որպես իշխանության ձգտող ուժ, նրանց ներկա վարքը բնական եմ համարում եւ ընտրություն կեղծել չկեղծելուց շատ մի կառչեք, դա՛ մեկը մյուսին փնովող քաղաքական գործիչների զբաղմունքն է եւ Դուք որպես տվյալ երկերի որդիներ պերք է հասկանաք, որ ոչ՛ մի երկրում, ժողովուրդը չի ընտրում, դրանից հետեւություն, դաշնակները չկեղծեն, մեկ ուրիշը կկեղծի, իրենցից առաջ անցնելով.

Հիմա համառոտ անրադառնամ դաշնակների միջազգային գործունեությանը.
Դա շատ լավ է, որ նրանք կարողացել են աշխարհով մեկ կապեր ստեղծել տարբեր հայտնի եւ անհայտ ուժերի հետ, ավել դաշնակիցները «Փոր Չեն Ծակի» եւ նրանք հակված են այդ կապերը բանեցնել ազգի շահին. Օրինակ Ցեղասպանության ներկա քարոզչության գործում, դաշնակների գործունեությունը անգնահատելի արժեք ունի.

Հ. Գ.
Մենակ չկարծեք թե՛ ես դաշնակ եմ, ուղղակի շարունակական քնադատությունները Հայկական հիվանդության սինդրոմներից մեկն եմ համարում. Եղեք լավատես եւ սովորեք ներել ինձ, Ձեզ, կողքինին եւ հավատացեք, ապագան մերը կլինի.

Artgeo
28.06.2007, 10:49
շարունակական քնադատությունները Հայկական հիվանդության սինդրոմներից մեկն եմ համարում
Այսինքն քննադատողներն են մեղավոր դաշնակցության շարունակական գոյության մեջ :o

Darkened
28.06.2007, 18:53
Մենակ կասեմ, որ առայժմս նրանք են ամենահզոր օղակը, որ Հայաստանը կապում են Սփյուռքին:

Artgeo
28.06.2007, 19:58
Մենակ կասեմ, որ առայժմս նրանք են ամենահզոր օղակը, որ Հայաստանը կապում են Սփյուռքին:
Իսկ հակառակը կպնդեմ: Եթե կարելի է հիմնավորիր;

Darkened
28.06.2007, 20:05
Ճիշտն ասած ես քվեարկել եմ «Բացասական», ու առայժմս չեմ տեսնում եվս մեկ կառույց, որն այդքան ծավալված է ամբողջ աշխարհի հայկական սփյուռքում, եվ հիմնավորված, քան նա: Եթե կա՝ խնդրեմ, ասա :

Vishapakah
28.06.2007, 22:07
Այսինքն քննադատողներն են մեղավոր դաշնակցության շարունակական գոյության մեջ :o

Ոչ բարեկամ. Եթե քննադատողներին մեղադրես, ինքտ կլինես քննադատող եւ Հայկական հիվանդության սինդրոմի ժառանգող.

Դաշնակցությունը կգոյատեւի թե ոչ, դա միայն ու միայն դաշնակների հայացողության հետ է պայմանավորված եւ թող քննադատողները իրենց հետաքրքրող գործերով զբաղվեն, դաշնակներինը թողնելով դաշնակներին.

Artgeo
28.06.2007, 22:46
Ոչ բարեկամ. Եթե քննադատողներին մեղադրես, ինքտ կլինես քննադատող եւ Հայկական հիվանդության սինդրոմի ժառանգող.
Դաշնակնե՞րն են քննադատող: :o


Դաշնակցությունը կգոյատեւի թե ոչ, դա միայն ու միայն դաշնակների հայացողության հետ է պայմանավորված եւ թող քննադատողները իրենց հետաքրքրող գործերով զբաղվեն, դաշնակներինը թողնելով դաշնակներին.
ես հանգիստ կթողնեի նրանց, ինչպես հանգիստ եմ թողել մարքսիստներին ու կոմունիստներին, եթե նրանք Հայաստանին չվնասեին: ;)

Vishapakah
28.06.2007, 22:53
Դաշնակնե՞րն են քննադատող: :o

Ի նկատի ունեի դաշնակների քննադատողներին քննադատելը. Այսինքն ցանկացած քննադատություն մեր հասարակության մեջ վերածվել է հիվանդության, անգործունակության եւ բամբասանքի մոլուցքի պատճառով. Հիմնականում այդպիսի վարք դրսեւորում են, քաղաքականության մեջ հաջողության չհասածները, իրենց թույլության պատճառը իրենց մեջ գտնելու փոխարեն, պատրաստ են քննադատել ում ասես, անգամ հիշելով պատմությունը, որի հետ ժամանակակից դաշնակները կապ չունեն.



ես հանգիստ կթողնեի նրանց, ինչպես հանգիստ եմ թողել մարքսիստներին ու կոմունիստներին, եթե նրանք Հայաստանին չվնասեին: ;)

Դաշնակները պայքարել են Հայաստանին նույն այդ վնասող բոլշեւիկների դեմ եւ ցավոք պարտվել են.

Ի դեպ, հիմա բոլշեւիկները կարելի է ասել բնաջնջվել են, իսկ Դաշնակցությունը ապրում է.

Նորմարդ
29.06.2007, 10:52
Դաշնակները պայքարել են Հայաստանին նույն այդ վնասող բոլշեւիկների դեմ եւ ցավոք պարտվել են.

Ի դեպ, հիմա բոլշեւիկները կարելի է ասել բնաջնջվել են, իսկ Դաշնակցությունը ապրում է.
Այո, եղբա'յր դաշնակցությունը ապրում է, սակայն սա միայն աղոտ տեսիլն է այն Դաշնակցության, որը պայքարում էր Օսմանյան Թուրքիայի դեմ :(
Դաշնակներից միայն ստվերն ու անունն է մնացել :(

Պանդուխտ
29.06.2007, 19:28
Պանդուխտ-ի խոսքերից
Այստեղ շատ հարցեր մութ են ինձ համար:
Դաշնակցութիւնը այն ժամանակ երկու բիւրո (ղեկավար մարմինի գրասենեակ) ունէր: Կարծում եմ, արեւմտեան բիւրոյի դաշնակցական ղեկավարները գիտէին հայութեան գլխուն գալիքը, բայց ճարահատ էին, տկար էին: Առհասարակ շատ քիչ վայրերում ինքնապաշտպանութիւն կազմակերպեցին: Հայ ժողովուրդը բաւարար չէր զինուած: Երբեմն ալ ծով թրքութեան մէջ կորած էր, այնպէս որ ինքնապաշտպանութեան յաջողութեան պարագան իսկ փրկութիւն չէր, քանզի մնացեալ հայերի հետ յաղորդելումիջոց չկար:

DVGRAYՏրամաբանությունը ասում է, որ նույն գլուխը չի կարող մարմնին միաժամանակ հրաման տալ գնալ և "աջ" և "ձախ":
Դաշնակցութիւնը որքան որ գիտեմ. ապակենտրոն կուսակցութիւն է, այսինքն՝ իւրաքանչիւր շրջան (կենտրոնական կոմիտէ) ներքին ինքուրոյն քաղաքականութիւն վարելու իրաւունք ունեցել է:

DvgrayԱյսեղից կարող ենք եզրակացություն անել, որ դաշնակցությունը չէ "գլուխը", այլ "գլուխը" ավելի վերեևներում է: Իմ փնտրտուքը հանգեցրել է էն եզրակացության, որ որպես դաշնակցության "գլուխ" պետք է դիտարկել Ցարական Ռուսաստանի / և հետագա իր իրավահաջորդ սովետական Ռուսաստանի , ու Պուտինյան Ռուսաստանի/ հատուկ ծառայություններին
Չափազանց սխալ տեսակէտ է սա: Դաշնակցութիւնը եւ դաշնակցականները հալածուել են Ցարական կառավարութեան կողմից: Ոմանք աքսորուել են սիբիր: Երկիր գնացող զինատար խումբերը ոչնչացուել են հաւասարապէս. ոսմանցի թուրքերի եւ քուրդերի ձեռքով, ռուս սահմանապահների մատնանշումով: Առաջին աշխարհամարտի սկիզբին Ցարական Ռուսիան 180 աստիճան շրջադարձ կատարեց, օգտուելու համար քանիցս խաբուած հայ ժողովուրդի կարողութիւնից:
Սովետական Ռուսաստան-Հ.Յ.Դ. սերտ կամ ոչ սերտ կապերի մասին խօսելը անհեթեթութիւն է: Իսկ Պուտին-Հ.Յ.Դ. առնչութեան մասին թող գրի Դվգրայը, ես չգիտիմ. ի՞նչ ասիմ:

DvgrayԷս դեպքում կարծես թե ամեն ինչ ընկնում է իր տեղը: Եվ Թուրքիան, և Ռուսաստանը, և Ֆրանսիան, և Լիբաբանն ու Սիրիան
Խնդրում եմ Դվգրայից, Դար ակումբի ղեկավարներից. բացատրութիւն վերեւի մէջբերման մասին: Թէ հասկանայի իմաստը. չէի խնդրի:

ArrayԴժվարանում եմ պատասխանել։Դաշնակցություն ը չի կարելի ասել,որ հայ ժողովրդի շահերի համար չի գործել։
Նմանապէս ես: Դաշնակցութեան անցած ուղին, գործունէութիւնը եւ ղեկավարները քննադատելիս. լաւ կը լինի անջատ դէպքերի եւ անջատ դէմքերի մասին զրուցել: Հ.Յ.Դ. պատմութիւնը սերտօրէն առնչուած է Հայ ժողովուրդի անցնող 110 ամեայ պատմութեան: Պատմութեամբ զբաղ հայ մարդը պէտք է ճանաչի այս կուսակցութեան գործունէութիւնը: Բայց 2 խօսքով կարելի չէ բնութագրել 110 ամեայ կուսակցութիւնը:
Ես խօսեմ ներկայի Հ.Յ.Դի մասին:
-Լաւ գիտի բառնալ հերոսների ուսերին կամ յիշատակին. ժողովուրդի զգացումները շահագործելով քուէ շահելու համար:
-Այժմեան դաշնակցութիւնը անուանապէս խորհրդանշաններով (զինանշան, քայլերգ, որոշ չափով ծրագիր-կանոնագիր) կապ ունի անցեալի դաշնակցութեան հետ: Այլ խօսքով՝ այժմեան Հ.Յ.Դ. շատ տարբեր է ասենք անցեալ դարի 70ասունականներին Լիբանանում գտնուած դաշնակցութիւնից, նմանպէս այդ ժամանակուայ Հ.Յ.Դ. շատ տարբեր է 1940ականներին Եգիպտոսում գտնուած դաշնակցութիւնից: Իւրաքանչիւր սերունդ եւ ժամանակի ոգի իրենց դրոշմը դրել է կուսակցութեան գործունէութեան վրայ:
-Դաշնակցութիւնը ունի լաւ ծրագիր եւ կանոնագիր: Հայ ժողովուրդի լաւագոյն զաւակները անցեալում եւ ներկայում. գտնուել են այդ կուսակցութեան շարքերում: Բայց այդ ամէնը ոչինչ արժէն երբ ղեկավարները անարժան են, կամ լաւը չեն:

Ես լիովին համաձայն եմ Նժդեհի մտքերի հետ, կապված դաշնակցության հետ
Խնդրում եմ հակիրճ ներկայացումը. դաշնակցութեան վերաբերեալ Նժդեհի տեսակէտի:

DvgrayԻմիջիայլոց առաջին Հանրապետությունից առաջ ամբողջ Թուրքիայում և մասամբ Ռուսաստանում նրանք էտ իդեաներն էին քարոզում : Ու լավ էլ ապրում էին :Կուշտ, ուրախ, բախտավոր... Սակայն հենց որ եկավ բոլշևիկների ու երիտթուրքերի հետ փողերը կիսելու ժամանակը, էն ժամանակ վերցրին մաուզեռները:
Ճիշտ չէ՝ Կուշտ, ուրախ, բախտաւոր...Սիրելի Նորմարդ եւ մնացեալք, խնդրում եմ ջնջէ՛ք վերեւի անիմաստ գրառումը: Հարկ չեմ գտնում ժխտելու նրա ասածը, քանզի տրամաբանող որեւէ ակնդիր կը նկատի գրառման աջ ու ձախ նետուած անիմաստ ցեխարձակում լինելը:

Վիշապաքաղ-Իսկ ես դժվարանում եմ պատասխանել եւ հենց այդպես էլ քվյարկել եմ, զուտ այն պատճարով, որ մենք իրականում դաշնակցության մասին, գրեթե ոչինչ չգիտենք
Հետաքրքրւողների համար տեղադրեմ մի քանի դաշնակցական կայքերի հասցէներ:
www.arfd.am
www.hamazkayin.com
www.lemagan.com
www.asbarez.com
www.azator.gr
www.hairenik.org
www.hayashkharh.am
www.yerkir.am
www.anca.org