PDA

Դիտել ողջ տարբերակը : 10. Ակնթարթ



Chuk
10.06.2007, 18:43
10. Ակնթարթ

Ակնթարթը ժամանակի հաստատուն միավոր չէ: Ժամանակի հաստատուն միավոր է վայրկյանը, րոպեն, ժամը, օրը, շաբաթը, ամիսը, տարին, դարը, հազարամյակն ու էլի չգիտեմ ինչը: Իսկ ակնթարթը հաստատուն չէ: Սովորաբար ակնթարթը ասոցացվում է վայրկյանի հետ, այդպես չէ:
Ակնթարթը ամենակարճ ժամանակի միավորն է, բայց և, միաժամանակ, կարող է լինել չափազանց երկար: Եվ որքան էլ երկար լինի, այն միևնույն է շատ կարճ է: Մի ակնթարթը երբեմն կարող է բավարարել միայն մեկ արտաբերված հնչյուն լսելու համար, իսկ երբեմն կյանքի մի ամբողջ փուլ անցկացնելու, որի ընթացքում լսածդ բոլոր հնչյունները եթե հաշվես, կհասնես մի թվի, որի անունն անգամ չգիտես:
Ակնթարթ մարդու կյանքում հաճախ է լինում: Յուրաքանչյուր մարդ ապրում է բազմաթիվ ակնթարթներ: Այդ ակնթարթները եթե արտահայտենք հաստատուն ժամանակի միավորներով, ապա իրար հավասար չեն լինի: Այսինքն ակնթարթը նույնիսկ մեկ անձի համար հաստատուն ժամանակի միավոր չէ...
Ի՞նչ եմ խոսում: Հիմա կասեք. «Ի՞նչ եմ գլուխ տանում, ակնթարթն ի՞նչ կապ ունի բանակի հետ»: Ճիշտ կասեք: Բանակային ծառայության տարիները երբեք չեն կարող ասոցացվել ակնթարթի հետ: Գուցե հետագայում, խոր ծերության վիճակում ընկած հիշողությունների անդունը մեծագույն երանությամբ կարելի լինել հիշել «ակնթարթի» պես անցած բանակային ծառայության տարիները, որի ընթացքում «կյանք են ապրել», բայց դա միայն խոր ծերության տարիներին և միայն ինքնախաբեության տեսքով: Որովհետև ակնթարթն ակնթարթ է, եթե տվյալ ակնթարթին է ակնթարթ: Դուք իհարկե ասածներիցս բան չհասկացաք, որովհետև դուրս եմ տալիս ու սպասում եք իմ հիմնավորմանը, կամ ակնթարթը բանակիին կապելուն:
Այսպիսով բանակ: Արձակուրդ: Տասն օրով՝ գերազանց ծառայության համար, խրախուսանքի կարգով: Տասն օր զորամասից հեռու, տասն օր ինքդ քո խոհերի հետ, տասն օր ինքդ քո գլխի տերը, տասն օր հարազատներիդ կողքին, տասն օր ընկերներիդ ընկերակցությամբ, տասն օր...
Տասն օր, որ յուրաքանչյուր զինվորի համար կլինի մեկ ակնթարթ: Չես հասցնի աչքերդ ճպել, ու կտեսնես, որ թռել է տասն օրը: Կանցնի ակնթարթը, ու հանկարծ զարմացած կմտածես, թե այդ մեկ ակնթարթում այդքան բան տեսնել, այդ գործ անել, այդքան հանգստանալ, այդքան ապրել ու խորհել, սիրել ու սիրվել, վազել ու քրտնել, քնել ու զարթնել ախր ե՞րբ հասցրեցիր:
Ակնթա՛րթ, ախր ե՞րբ անցար:

Selene
10.06.2007, 21:47
Chuk, չնայած բոլոր գրվածքներդ էլ յուրատիպ են, հետաքրքիր, կարդացել եմ մեկ շնչով, բայց այս մեկը խորհելու տեղիք տվեց:ok Լավն էր շատ, ապրես:)
Հ.Գ. Ուրախ եմ, որ ես էլ ունեցա չուկչա լինելու հնարավորությունը:)

kiki
10.06.2007, 22:58
Արտա՞կ, փաստորեն լավ փիլիսոփա էլ ես պարզվում է...:)

հ.գ. ամեն ինչ էլ պարզ էր գրված, ու հասկանալի...

Երվանդ
14.06.2007, 10:06
Լավ էր:)

Chuk
05.08.2007, 01:03
Շնորհակալություն Ձեր ոգևորիչ խոսքերով ինձ հիասքանչ ակնթարթներ նվիրելու համար :)

otar
05.08.2007, 11:55
ինչ-որ ասում ա որ քեզ վարկանիշ չեմ կարող տալ :angry

Ծով
12.08.2007, 02:37
Ակնթարթ էր, ի՞նչ էր կարդացի, բայց ակնթարթի մասին մտածելիս, ասածներդ կհիշեմ...:)
Ապրես...

Apsara
13.09.2007, 01:10
եթե կյանքը ապրում ես այն հավասար է ակնթարթի,
Չէ, իրոք այն ուղղակի մի ակնթարթ է:)

Գալաթեա
17.02.2008, 02:15
Լինում են կյանքում րոպեներ, երբ ամեն ինչ ակնթարթն է որոշում, եւ դա կարող է ժամեր տեւել .. :)
Չեմ հիշում` ով է ասել, բայց ինչ լավ կհասկայիք իրար :)

Moon
03.05.2008, 10:11
Լավն էր Չուկ ջան, մենակ սկիզբը շատ սենտեմենտալ էր, ես չեմ սիրում սենտեմենտալություն, հա լավ կլիներ, որ այստեղից սկսեիր՝
Ի՞նչ եմ խոսում: Հիմա կասեք. «Ի՞նչ եմ գլուխ տանում, ակնթարթն ի՞նչ կապ ունի բանակի հետ»:

WArmanW
03.05.2008, 12:42
Մքիչ էլ ես խոսամ: Կյանքը էտապներովա սաղս էլ գիտենք: Ամեն էտապ մտնելիս հեռանում ենք նախորդից, այսինքն ավելի կարճ է թվում այն երբ փորձում ենք հիշել: Որքան շատ էտապ է ընկած հիշվող ու ներկա էտապների արանքում, այնքան ավելի կարճ է թվում՝ հիշվողը: Դե կան բացառություններ յուրահատուկ անցած էտապների համար:

Lion
03.09.2008, 20:16
Ես այն բացառիկ զինծառայողներից էի, որ ծառայությանս ՈՐ ՊԱՀԻՆ որ հարցնեին, կարող էի ասել, թե ես քանի օր եմ ծառայել ու քանի օր էլ դեռ կծառայեմ: Ինձնով դեմբելները իրանց մնացած օրերն էին ճշտում: Մի անգամ նույնիսկ գռազ եմ կրել - մեկին հազիվ համոզեցի, որ այ ընկեր ջան, մարդ իր ծառայության տարվա մի օրվանից /ասենք մարտի 7-ից/ միշտ ունենումա ընդամենը 2 հատ, ոչ ավել: Կարծես հասկացավ, մեկ էլ մի օր առավոտ կրակեց.
- Ես բանակ եմ եկել ապրիլի 22-ին... մեկին եկել եմ, մեկը անցկացրել եմ, մեկին էլ զորացրվելու եմ: Ուրեմն 3 հատա???

Չուկ ջան, կարաս լուծես այս հանելուկը?

Chuk
03.09.2008, 20:31
Բոլորին շնորհակալություն կարծիքների համար :)

Lion, չգիտեմ թե գրածդ ի՞նչ կապ ուներ այս թեմայի հետ (;)), բայց ամեն դեպքում ասեմ, որ խաբելով ես գրազը կրել, օրինակ ես իմ ծառայության ընթացքում փետրվարի 29 եմ ունեցել, և ընդամենը 1 հատ, ոչ 2 ;)

Lion
04.09.2008, 12:24
Բոլորին շնորհակալություն կարծիքների համար :)

Lion, չգիտեմ թե գրածդ ի՞նչ կապ ուներ այս թեմայի հետ (;)), բայց ամեն դեպքում ասեմ, որ խաբելով ես գրազը կրել, օրինակ ես իմ ծառայության ընթացքում փետրվարի 29 եմ ունեցել, և ընդամենը 1 հատ, ոչ 2 ;)

Գրածս վերաբերվում էր բանակային ժամանակին: Իսկ փետրվարի 29-ը հաշիվ չի:) Համենայն դեպս - 2 տարվա ընթացքում անհնար է 3 հատ նույն օրից ունենալ...

Ֆոտոն
25.07.2009, 20:47
Lion, չգիտեմ թե գրածդ ի՞նչ կապ ուներ այս թեմայի հետ (;)), բայց ամեն դեպքում ասեմ, որ խաբելով ես գրազը կրել, օրինակ ես իմ ծառայության ընթացքում փետրվարի 29 եմ ունեցել, և ընդամենը 1 հատ, ոչ 2 ;)
Չուկ, մարդ կա էդ մեկն էլ չի ունեցել::)
Էդ կատակ:
Բայց ակնթարթի մասին այդքան երկար չարժեր ձգձգել: Երևի քեզ շատ է հուզել այդ միտքը:

PoeT
23.08.2009, 08:10
Բանակում ցանկացած բարին ու գեղեցիկը անկախ նրա տևողությունից (րոպե,ժամ) վերջանում է ակնթարթորեն: Լինի դա արձակուրդ, ազատ արձակում, թե սնիկերս: