Սեր քույր ու եղբոր միջև. անոմալիա՞, թե՞ նորմալ երևույթ

[Աթեիստ]

Հ.Գ. Հարգելի Աթեիստ, Mephistopheles, Նաիրուհի և impression, քանի որ ձեր գրառումների նկատմամբ տարակարծություն առաջացավ John-ի ու իմ միջև, խնդրում եմ հստակեցնել. դուք կո՞ղմ եք (=դեմ չե՞ք) այնպիսի երևույթին, ինչպիսին սեռական հարաբերություններն են ազգականների մինչև (հարազատների և «դվոյուրոդնիների»)։

Իմ համար մարդը առաջին հերթին կենդանի ա, հետո նոր հասարակական էակ։ Էն ինչ բնական ա կենդանիների մոտ, պետք ա թույլատրվի մարդկանց մոտ, մի քիչ հաշվի առնելով հասարակության գործոնը։ Իսկ գործոնը պետք ա որոշվի ոչ թե «դուր չի գալիս, ուրեմն չի կարելի», այլ «վնաս ա տալիս, ուրեմն չի կարելի» սկզբունքով։ Էն ինչը մարդկանց մի խումբը (ազգը, ժողովուրդը) համարում ա անընդունելի, մեկ այլ խումբ համարում ա բնական (վայրի ցեղերի մեջ լիքը տենց «անընդունելի» բաներ կան)։ Հենց Եվրոպայի կողմ ենք նայում, սաղ նշում են, որ մեզ տենց զարգացումը պետք չի։ Բայց որ համեմատես պակաս զարգացած վայրենիների հետ, ու առաջարկես էդ ուղղությամբ գնալ, էլի դեմ են։

Կարճ ասած, ես կողմ եմ նույնիսկ հարազատ քույր-եղբայր երջանիկ հարաբերություններին, եթե հասարակությունը սովորի քիթը չխցկել ուրիշի անկողին։ Քանի դեռ դա չկա, հարաբերությունները երջանիկ լինել չեն կարող, իսկ այդպիսի հարաբերություն ես ոչ մեկին չէի ցանկանա։

Հ.Գ.
Հարաբերությունների մեջ ենթադրում եմ նաև սեքս։

[impression]

Արս ջան, պարզ ասել եմ, եթե ոչ ոքի չի վնասում, ինչի՞ պետք ա դեմ լինեմ
ինձ նենց մեկ ա ով ինչ ա անում, ում հետ ա անում ու դրա համար ինչ դրդապատճառներ ունի
միգուցե ես ոչ թե տոլերանտ եմ, այլ ընդամենը անտարբեր, բայց դե սա ա իմ դիրքորոշումը

[Chuk]

Ինձ զարմացնում է քո և այն մարդկանց զարմանքը, ովքեր (անուղղակիորեն) ասում են՝ բայց ո՞վ է սեքսի մասին խոսել (կամ՝ ինչու ես թեման շուռ տալիս սեքսին), խոսքը սիրո մասին էր։ Պարզ է, որ պարզապես սիրահարվելը, ռոմանտիկ զգացումներ ունենալը (ընդհանրապես, և ազգակցի նակտամամբ՝ մասնավորապես) ինքնաբուխ երևույթներ են, և գործնականում անհնար է դրանք նախապես կանխելը, ու ոչ ոք դրան դեմ չի արտահայտվում։ Դեմ եմ արտահայտվում գիտակցված արյունապղծությանը՝ ազգակիցների միջև սեռական կապերին։ Ըստ որում, մինչև 7-րդ պորտը։ Ելնում եմ իմ կրոնական-բարոյական և տրամաբանական-առողջապահական հայացքներից։ Հստա՞կ է։

Շնորհակալ եմ հարցիս պատասխանելու համար։ Այդուամենայնիվ, շնորահակալ կլինեմ, եթե պատասխանեն նաև նրանք, ում հարցս ուղղել էի։

Արս ջան, մինչև գրելը պետք է խնդրեմ, որ հանկարծ օգտագործածս տերմիններից չվիրավորվես: Ինչքան էլ որ դրանք քեզ պատասխանելուց ու քո գրածի մասին եմ գրելու, բայց դրանք քեզ ուղղված չեն, այլ ուղղակի կփորձեմ նաև էդ տերմինների կիրառմամբ ցույց տալ, թե ինչն եմ անընդունելի համարում:


Արս, ես բացարձակ չեմ զարմացել, որ սեքսի մասին խոսվել: Ավելին, իմ համար ավելի քան ակնհայտ էր, որ որևէ մեկը կամ մի քանիսը անպայման փորձելու են թեման շուռ տալ էդ ուղղությամբ, մեկը դա կանի իր կրոնական-բարոյական հայացքներից ելնելով, մյուսն այլ՝ էական չէ: Ես ընդամենը դա համարում եմ ԷԺԱՆ ՏՐՅՈՒԿ թեման շեղելու այլ ուղղությամբ, մարդկանց մեջ առաջացնելու բացասական ասոցացիաներ, որովհետև ոչ իմ ու ոչ էլ քո համար գաղտնիք չի, որ սեքսի մասին խոսելուց մեր մոտ լրիվ այլ ազդակներ են առաջանում, մեր առաջ այլ պատկերներ են գալիս ու թեման անմիջապես փոխվում է զգայական ուղղությամբ: Ես հստակ գրել էի, որ դա համարում եմ պրովոկացիա ու համարում եմ տգեղ երևույթ, ու որևէ ակնարկ չկար որևէ զարմանքի մասին:

Արս, իհարկե երբ երկու անձեր իրար հետ կյանք եմ կապում, դառնում են զույգ, իհարկե նաև դրան հաջորդում է սեռական հարաբերությունները: Բայց մենք երբևէ մեր բարոյական, կրոնական-բարոյական, տրամաբանական-առողջապահական կամ այլ հանգամանքներից ելնելով չենք գնում ասում. «Ապ, սեքս արեցի՞ր իրա հետ»: Ոչ մեկը ամուսնական զույգին չի հարցնում. «Հը՞, սեքս արեցիք, լա՞վ ստացվեց, իրա՞ր հետ պրծաք» կամ նման ուրիշ բան: Որովհետև էդ երկուսի հարաբերությունները, ինտիմ հարաբերությունը մեր գործը չի, քիթը դրա մեջ խոթելն անշնորհքություն ա, անբարոյականություն ա: Մի հատ տենց ավանդույթ կա իհարկե, ոչ ուղղակի, բայց դե առնչվող, «Կարմիր խնձոր» ա կոչվում, նույն պատճառներով դրան եմ դեմ, որտև որևէ մեկի շնային գործը չի իրանց ինտիմ հարաբերությունները:

Մարդկանց ամուսնությունը հրապարակային, հասարակական ակտ ա, ու դա քննարկելը, հետևաբար, բավական նորմալ ա: Իսկ այդ մարդկանց սեռական հարաբերությունները բոլորովին հասարական ու հրապարակային ակտ չեն, այլ զուտ նեղանձնական, ինտիմ, ու որևէ մեկը իրավունք չունի դա քննարկել: Սա ա իմ սկզբունքը:

Ու հիմա էլ էլի կարելի ա քննարկել, ու քննարկվում ա, թե ինչքանով առողջ կարող են լինել ազգակցականների երեխեքը, բայց դա սկսել քննարկել իրանց ինտիմ կյանքի մեջ մտնելով, «դու կո՞ղմ ես իրանց սեքսին» հարցադրումներով, մեղմ ասած կոռեկտ չի: Ու կրկնում եմ, դա ընդամենը տրյուկ ա, թեման շուռ տալու համար ավելի զգացական մակարդակ, որտեղ մարդը մտքում պատկերացնելով քույր ու եղբոր սեռական հարաբերություն անմիջապես կենտրոնանում է զուտ սեռակտի վրա ու մնացած ինչ ասում է, ասում է զգացական, ոչ տրամանաբանական, ոչ իմացական հարթությունում:

Արս, ես վստահ եմ, որ դու այդ տրյուկը չես ուզել անել: Բայց մտածիր էս ասածներիս մասին:

[Ռուֆուս]

Կառլոս 2-ի օրինակն էի ուզում բերել, էն էլ Moonwalker-ն ինձանից առաջ ընկավ:

Քույր-եղբայր, ծնող-երեխա հարաբերություններին դեմ եմ, թե բարոյական տեսակետից, թե գենետիկ: Իմ սիրած ֆիլմերից մեկը՝ Shame-ը հենց քույր-եղբայր ինցեստային հարաբերությունների ու դրա հետագա շատ ծանր հետևանքների մասին ա:

Իսկ ավելի հեռու բարեկամների մեջ եղած սիրային կապերին վերաբերվում եմ չեզոք, եթե մարդիկ իրար սիրում են ու հասկանում ու գիտակցում են իրենց սիրո բոլոր ռիսկերն ու միևնույնն է, ցանկանում են հարաբերությունները ուրիշ մակարդակի բարձրացնել, թող իրենք իրենց անելիքը որոշեն: Հա, ես տոլերանտ եմ…

Մեկ էլ մի ասեք էլի, որ նման կապերը «հայեցի» չի: Ամեն ինչը հայեցի լինել/չլինելով հո չեն դատում: Տիգրան 6-րդ թագավորը չէ՞ր, որ քրոջ՝ Էրատոյի հետ էր ամուսնացել, թե՞ որ 2000 տարի առաջ էր եղել, իրենք հայ չէին: Ու կարծեմ մինչև էս վերջերս էլ հեռավոր գյուղերում ազգականների մեջ ամուսնությունը նորմալ է դիտվել:

[ivy]

Իմ սիրած ֆիլմերից մեկը՝ Shame-ը հենց քույր-եղբայր ինցեստային հարաբերությունների ու դրա հետագա շատ ծանր հետևանքների մասին ա:

Էդ մեր վարկածը չէ՞ր ընդամենը, թե արդեն հաստատվել ա՞, որ իրենք իրար հետ հաստատ մի բան ունեցել էին

[impression]

ես էլ եմ գրել, որ հայ տղաները իրենց քույրերին որպես անսեռ էակներ են վերաբերվում, բայց դա չգիտեմ ինչքանով էր թեման սեքսին շեղելու փորձ, եթե նույնիսկ տենց էլ էր, պատահաբար եմ արել, ներող եղեք

[Ռուֆուս]

Էդ մեր վարկածը չէ՞ր ընդամենը, թե արդեն հաստատվել ա՞, որ իրենք իրար հետ հաստատ մի բան ունեցել էին

Չէ, մեր վարկածն ա, որն իմ կարծիքով ֆսյո տակի ճիշտ ա

[StrangeLittleGirl]

Արս, գիտե՞ս ես էտ հարցը ինիչի էի տվել։

36-39 գրառումներում խոսվում ա գենետիկայի մասին ոչ թե բարոյականության։ Իսկ քո նշած «արյունապղծությունը» ես ընկալում եմ որպես բարոյական բնութագիր։

Որովհետև էն ինչ Աստվածաշունչը կոչում ա «արյունապղծություն» պարզվում ա, որ նույն բանը ընդամենը մի քանի հազար տարի առաջ համարվել ա հրահանգ Աստծուց։ Տենց չի՞։ Ադամի Եվայի ժամանակ Աստծու հրահանգն էր, որ Ադամի ու Եվայի երեխաները միմյանց հետ կատարեին բազմացման պրոցեսը։ Այսինքն գաղափարը Աստծու համար պիղծ չի եղել։ Հիմա պիղծ ա։ Հետաքրքիր ա։ Ու քրիստոնեական եկեղեցիները դա պիղծ համարում են ոչ առողջապահական պատճառներով՝ գենետիկա, առողջ սերունդ և այլն, այլ հենց բարոյականության տեսակետից են պղծություն համարում գիտակցաբար աչք փակելով էն ՓԱՍՏԻ վրա, որ էտ գաղափարը ժամանակին Աստվածն ա առաջ քաշել։

Սուտը համարվում ա մեղքերից մեկը, բայց համաձայն Աստվածաշնչի պետք եղած ժամանակ Աստված ինքն ա հրեշտակներին հարցնում թե ով կխաբի մարգարեներից մեկին։
Սպանությունը մեղք ա, բայց հանուն Իսրայել ազգի բարորության ամբողջ ազգ ոչնչացնել սուրբ ծառայություն ա համարվում ըստ Աստվածաշնչի։

Հիմնվելով այս և նմանատիպ այլ երևույթների վրա ես ոչ կոռեկտ եմ համարում նման հարցերում Աստվածաշնչի վրա հիմնվելը, որովհետև Աստվածաշնչյան բարոյականությունը կարելի ա բնութագրել որպես փոփոխական և արհեստական։ Աստվածաշունչը ինքը տեղ չի թողնում իրան որպես բացարձակ արժեք ընդունելու։

Ժառ, Արսն արդեն ասեց, բայց մի հատ էլ ես ասեմ, որտև սիրում եմ իմն ասել Ուրեմն էն, ինչ ըստ Աստվածաշնչի արգելված ա կամ մեղք ա կամ Աստծո կամքով չի կամ բարոյական չի, իրականում լավ չի հենց տվյալ անձի համար: Իհարկե, եկեղեցին բռնել, առանց հասկանալու բարոյականությունը սարքել ա օրինակ ու անընդհատ բարձրաձայնում ա: Նայի, թողնենք ինցեստը, վերցնենք մի ուրիշ «անբարոյական» բան, այն է՝ ամուսնությունից առաջ սեքս ունենալը (ի դեպ, դա երկու սեռերին էլ վերաբերում ա, բայց չգիտես ինչու մեր հայ քրիստոնյա մուսուլմանները կարծում են, թե դա մենակ կնոջ համար ա): Էդ անբարոյականություննն առաջին հերթին վատ ա ամուսնությունից առաջ սեքս անողների համար, որովհետև կարա անցանկալի հղիություն լինի կամ էլ սեռավարակ կպցնի զույգերից մեկը: Էսօրվա օրով հակաբեղմնավորիչներ կան, պահպանակ կա, ու հեշտությամբ կարելի ա էս խնդիրներից խուսափել: Բայց արի ու տես ազգականների հետ ամուսնանալիս խնդիրը դեռ չի լուծվում: Ընդամենը կա գենետիկ անալիզ, որը կարա պոտենցիալ ռիսկերի մասին հայտնի, էն էլ շա՜տ թանկ ա: Հետևաբար էն, ինչ եկեղեցին սարքել ա անբարոյական, ընդամենը վնաս ա կոնկրետ զույգի համար:

Արտ, ես էլ ասում եմ՝ ախր էս թեման շատ ծանոթ ա: Լավ ա, մտա դրածդ հղումով, շունչս տեղն էկավ: Փաստորեն, վերջին վեց տարվա ընթացքում մտքերս հեչ չեն փոխվել Անգամ Աստվածաշնչից մեջբերումն ա նույն տեղից, ուղղակի ուրիշ լեզվով:

[Վահե-91]

Իմ կարծիքով քրոջ և եղբոր միջև ամուսնության միակ խանգարող հանգամանքը գենետիկան է, որ կարող են ծնվել հիվանդ երեխաներ: Այդ իսկ պատճառով պետք է սպանել նման զգացմունքները: Բացի կենսաբանականից, ուրիշ ինչ-որ բարոյական կողմեր չեմ տեսնում էս հարցում

[ars83]

Ու հիմա էլ էլի կարելի ա քննարկել, ու քննարկվում ա, թե ինչքանով առողջ կարող են լինել ազգակցականների երեխեքը, բայց դա սկսել քննարկել իրանց ինտիմ կյանքի մեջ մտնելով, «դու կո՞ղմ ես իրանց սեքսին» հարցադրումներով, մեղմ ասած կոռեկտ չի:

Բանը նրանում է, որ մենք բավական տարբեր ենք վերաբերում երևույթին: Ինձ համար արյունակիցների գիտակցված երեխա ունենալը (ինչպես նաև առանց երեխա ունենալու սեռական հարաբերություններ ունենալը) անբարոյական արարք է, որը կոչում ենք արյունապղծություն: Գրեթե այնքան անընդունելի, որքան մանկապղծությունն է, օրինակ: Այդ պատճառով ես չեմ կարծում, որ այն կարող է լինել մասնակից կողմերի անձնական գործ կամ նրանց փոխադարձ համաձայնության հարց, ինչպես որ դա այդպես չի կարող լինել մանկապղծության հարցում: Հետևաբար, բացասական վերաբերմունքս արտահայտելու համար ստիպված եմ հարցը քննարկել այն հարթության մեջ, որն առաջացնում է իմ այդպիսի վերաբերմունքը։ Ես հասկանում եմ, որ քեզ համար դրանք կարող են միանգամայն տարբեր ու անհամեմատելի երևույթներ լինել:

Անառողջ սերնդի հարցը շատ լուրջ եմ համարում, քանի որ խոսքը գնում է գենային փոփոխության մասին, որը կարող է փոխանցվել և տարածվել առանց այդ էլ փոքր և առողջական խնդիրներ ունեցող ազգի մեջ։ Ուստի, որպես ազգային, այլ ոչ անձնական նշանակության երևույթ, պետք է քրեորեն պատժելի լինի ըստ իս, որպեսզի չտարածվի։ Նույն կերպ նաև անառողջ սերունդ ունենալու հնարավորություն ստեղծելու գիտակցված հնարավորությունը՝ արյունապղծությունն ընդհանրապես։ Բարոյական կողմին չեմ անդրադառնում։

[Chuk]

Արս, իսկ դու գիտակցու՞մ ես, որ էս թեմայում լիքը մարդիկ խոսել ու պատմել են իրենց ինչ-ինչ ծանոթների ու ազգականների մասին, ովքեր նման կապեր են ունեցել (հեռավոր ազգակցականներ): Արս, դու գիտակցում ես քո արարքի լրջությունը նրանց անբարոյական անվանելուց: Արս, դու մտածու՞մ ես, որ գուցե տաբու է եղել էդ թեմաները մեյդան չհանել, բայց մեծ հավանականությամբ դու էլ եթե քո ազգուտակը փորփրես տենց ազգակցականներ ես գտնելու: Դրա համար ես կոչ եմ անում մոռանալ նման պիտակումները, ու սառը քննարկել հարցը, փորձել գտնել սահմանը: Օրինակ գուցե ինքդ էլ գաս նրան, որ ինչ-որ ճյուղերի քանակի դեպքում (այսքան պորտ այնկողմ) էդ սարսափելի երևույթ չի:

Արս, իմ պապն ու տատն իրար ազգակից են եղել, հեռավոր, էնքան որ հիմա չենք էլ կարողանում գտնել կապը, հաշվել «պորտերը»: Էդ մասին պարզել են շատ ուշ, ամուսնանալուց տարիներ անց: Դրանից հետո էլ շարունակել են ապրել երջանիկ, մինչև տատիս՝ բավական երիտասարդ հասակում մահանալը (այդ կնոջը, ում ամբողջ ցեղում որպես աստվածապաշտ, չափազնանց բարի ու բարոյականության էտալոն մարդ էին հարգում, ես չեմ էլ տեսել, իմ ծնվելուց շատ տարիներ առաջ է մահացել): Արս, ես ամենայն պատասխանատվությամբ եմ ասում, ով հանկարծ կհանդգնի իրանց անբարոյական անվանել, հենց ինքն ա անբարոյական:

[keyboard]

Բանը նրանում է, որ մենք բավական տարբեր ենք վերաբերում երևույթին: Ինձ համար արյունակիցների գիտակցված երեխա ունենալը (ինչպես նաև առանց երեխա ունենալու սեռական հարաբերություններ ունենալը) անբարոյական արարք է, որը կոչում ենք արյունապղծություն: Գրեթե այնքան անընդունելի, որքան մանկապղծությունն է, օրինակ: Այդ պատճառով ես չեմ կարծում, որ այն կարող է լինել մասնակից կողմերի անձնական գործ կամ նրանց փոխադարձ համաձայնության հարց, ինչպես որ դա այդպես չի կարող լինել մանկապղծության հարցում: Հետևաբար, բացասական վերաբերմունքս արտահայտելու համար ստիպված եմ հարցը քննարկել այն հարթության մեջ, որն առաջացնում է իմ այդպիսի վերաբերմունքը։ Ես հասկանում եմ, որ քեզ համար դրանք կարող են միանգամայն տարբեր ու անհամեմատելի երևույթներ լինել:

Անառողջ սերնդի հարցը շատ լուրջ եմ համարում, քանի որ խոսքը գնում է գենային փոփոխության մասին, որը կարող է փոխանցվել և տարածվել առանց այդ էլ փոքր և առողջական խնդիրներ ունեցող ազգի մեջ։ Ուստի, որպես ազգային, այլ ոչ անձնական նշանակության երևույթ, պետք է քրեորեն պատժելի լինի ըստ իս, որպեսզի չտարածվի։ Նույն կերպ նաև անառողջ սերունդ ունենալու հնարավորություն ստեղծելու գիտակցված հնարավորությունը՝ արյունապղծությունն ընդհանրապես։ Բարոյական կողմին չեմ անդրադառնում։

Արս ջան, միանշանակ ճիշտ ես, բայց մանկապղծության դեպքում երկկողմանի համաձայնությամբ հարաբերությունները անհնար են, որտև հենց բառն ասում ա, որ մանուկ ա մի կոմղը և հետևաբար չի կարա ունենա համաձայնություն, կարողա խաբվի ու համոզվի որ գնա էդ քայլին, բայց չի կարա համաձայնվի ոչմիկերպ:
Ստեղ հարցն ուրիշ ա, ստեղ հարցը գիտակցված, այսինքն երկու չափահաս, սեռահասուն ազգականների մասին ա, ովքեր գիտակցաբար որոշում են մտնել անկողին:
Այնուամենայնիվ օրենքի, որպես պատժամիջող ընդունելը ճիշտ կլինի, որ գոնե նման հարաբերությունները չպրոպագանդվեն, սակայն ինչպես ասում էին սովետական կարգորում ու սովետում սեքս չկա, բայց մեծամասամբ հղի էին հարս գնում կամ արդեն հարևաններոի ու ծանոթների հետ ամեն ինչ փորձած էին լինում, հիմա նույն վիճակն էլ սա է ստացվում, քանի որ անգամ եթե լռում են դրա մասին կամ թաքցնում, դա միևնունն է կա

[StrangeLittleGirl]

Արս, իսկ դու գիտակցու՞մ ես, որ էս թեմայում լիքը մարդիկ խոսել ու պատմել են իրենց ինչ-ինչ ծանոթների ու ազգականների մասին, ովքեր նման կապեր են ունեցել (հեռավոր ազգակցականներ): Արս, դու գիտակցում ես քո արարքի լրջությունը նրանց անբարոյական անվանելուց: Արս, դու մտածու՞մ ես, որ գուցե տաբու է եղել էդ թեմաները մեյդան չհանել, բայց մեծ հավանականությամբ դու էլ եթե քո ազգուտակը փորփրես տենց ազգակցականներ ես գտնելու: Դրա համար ես կոչ եմ անում մոռանալ նման պիտակումները, ու սառը քննարկել հարցը, փորձել գտնել սահմանը: Օրինակ գուցե ինքդ էլ գաս նրան, որ ինչ-որ ճյուղերի քանակի դեպքում (այսքան պորտ այնկողմ) էդ սարսափելի երևույթ չի:

Արտ, ինչ վերաբերում ա երևույթի տաբու լինելուն, ասեմ, որ մամայիս կողմի օրինակները որ բերեցի, իրանք Ղարաբաղից են, ու իրանց կողմերում դա բավական նորմալ, բարոյական երևույթ ա համարվել գոնե քառասուն տարի առաջ: Այսինքն, ոչ մի դեպքում չի կարելի ասել, թե սա արևմուտքից ներմուծված երևույթ ա: Ընդամենը հին հայկական ավանդույթ ա:

Իսկ օրենք ընդունելուն... հըմ, գուցե կարելի ա 50 և ավելի տոկոսն արգելել, բայց դրանից պակասը երևի չէ: Հենց թեկուզ էն պատճառով, որ աշխարհով մեկ սփռված են, ու կարող ա բանը բանից անցած լինի, մինչև պարզես, որ ազգակցական կապ կա:

Ի դեպ, Էդիպյան ու Էլեկտրայի կոմպլեքսի մասին էլ Ֆրոյդ ձյան ա խոսել (թե՞ Էլեկտրան իրանը չէր, արդեն չեմ հիշում), էն ա, որ տենց արդեն թեման շեղում ենք դեպի որդու կամ դստեր սեռական ցանկություն (հա, Ֆրոյդը փիսն ա, իրա մոտ սաղ սեքսի վրա ա էղել, ոչ թե սիրո) հակառակ սեռի ծնողի նկատմամբ:

[ars83]

Արս, իսկ դու գիտակցու՞մ ես, որ էս թեմայում լիքը մարդիկ խոսել ու պատմել են իրենց ինչ-ինչ ծանոթների ու ազգականների մասին, ովքեր նման կապեր են ունեցել (հեռավոր ազգակցականներ): Արս, դու գիտակցում ես քո արարքի լրջությունը նրանց անբարոյական անվանելուց: Արս, դու մտածու՞մ ես, որ գուցե տաբու է եղել էդ թեմաները մեյդան չհանել, բայց մեծ հավանականությամբ դու էլ եթե քո ազգուտակը փորփրես տենց ազգակցականներ ես գտնելու: Դրա համար ես կոչ եմ անում մոռանալ նման պիտակումները, ու սառը քննարկել հարցը, փորձել գտնել սահմանը:

Արտ, ինձ համար երևույթն իր էությունը կամ բնույթը չի կարող փոխել՝ կախված հանգամանքներից։ Եթե ես ինքս արյունապղծություն գործեի, ինքս ինձ անբարո կհամարեի։ Այնպես որ իմ «պիտակումն» առանց որևէ խտրականության է ու վերաբերում է բոլորին, այդ թվում և ինձ։ Հետագայում կխուսափեմ այս թեմայում «անբարո(յական)» բառն օգտագործել, որպեսզի այլևս լարվածություն չառաջացնեմ։ Եվս մեկ բան՝ իմ բացասական վերաբերմունքը երևույթի, այլ ոչ մարդկանց վերաբերյալ է, քրեականորեն պատժելին էլ որ ասում եմ, ի նկատի ունեմ մի քանի տարվա ազատազրկում՝ համապատասխան հոգեբանական օգնության հետ միասին, ավելի շատ որպես կանխարգելիչ միջոց, ոչ թե պատժիչ, ուղղված անցանկալի երևույթի դեմ։

Օրինակ գուցե ինքդ էլ գաս նրան, որ ինչ-որ ճյուղերի քանակի դեպքում (այսքան պորտ այնկողմ) էդ սարսափելի երևույթ չի:

Ես հիմա էլ եմ այն կարծիքին, որ 7 և ավելի պորտ այն կողմ սարսափելի բան չէ։

[Chuk]

Արս, նախ շնորհակալություն, որ գոնե էնքանով իմ ասածն ընդունեցիր, որ հետագայում կխուսափես նման պիտակումներից: Ես ամենաշատը ուզում եմ նման պիտակումներից զերծ պահել քննարկումը, ու նաև էդ ա պատճառը, որ թեկուզ էնքան էլ հաճելի չի, բայց բերում եմ նաև սեփական օրինակս: Հաճելի չի, որտև իմ քննարկումն էլ ա երևույթի, այլ ոչ թե կոնկրետ դեպքերի ու կոնկրետ անձանց մասին:

Արս, հիմա պետք ա խնդրեմ, որ հիմնավորես յոթ պորտը: Ընդ որում ակնկալում եմ հիմնավորման մի քանի ուղություն
- Կրոնա-դավաբանական
- Մշակութային
- Բարոյական
- Գիտական, վերլուծական
- Կենցաղա-փորձնական