Դեյվիդ Բոուի/David Bowie

[Ռուֆուս]

Դեյվիդ Բոուին գլամ ռոքի պապան է, ռոքի պատմության մեջ ամենաազդեցիկ դեմքերից մեկը, մարդ ով իր ավելի քան 50 տարի ձգվող կարիերայի ընթացքում ամեն անգամ նոր ոճով է հանդես եկել, նոր կերպարով ու նոր ձայնով, ինչի համարն էլ ստացել է Ռոքի Քամելեոն մականունը

Բոուիին միանգամից մեծ ճանաչում բերեց 1969թ-ին թողարկված Space Oddity երգը, որը օգտագործվել է Apollo 11-ի լուսնի վրա վայրեջքը հեռարձակելու ժամանակ



Space Oddity ալբոմից հետո Դեյվիդ Բոուին հանդես եկավ անդրոգեն կերպարով - իր ալտեր էգո Զիգգի Ստարդաստը



Ziggy Stardust & The Spiders From Mars կոնցեպտուալ ալոմը Բոուիին էլ ավելի մեծ ճանաչում բերեց: Հետագա ալբոմները գնալով ավելի ամրապնդեցին Բոուիի հռչակը:

Դեյվիդ Բոուին իր կարիերայի ընթացքում շատ տարբեր ոճերում է հանդես եկել - space rock, գլամ ռոք, սոուլ, արտ ռոք, էլեկտրոնային, ինդուստրիալ, փոփ և այլն: Մի խոսքով Բոուիի մասին շատ կարելի է խոսել, բայց ավելի լավ է լսել

[Շինարար]

Երբեք մոլի ռոքասեր չեմ եղել, բայց Դեյվիդ Բոուիի ձայնը միշտ սիրել եմ, դպրոցում անգլերենից շարադրություն էին տվել` "Իմ սիրած երգիչը" վերնագրով, գրել եմ Բոուիի մասին, ապրես լավ թեմայի համար

[Ռուֆուս]

90-00-ականների Բոուին զգալիորեն տարբերվում է «նախորդ» Բոուիներից, թե ոճով, թե ձայնով: Բոուիի բարիտոնը ավելի խորն ու հասուն է դարձել, ոճը ավելի դասական ու էլեկտրոնային

[Ռուֆուս]

Դեյվիդ Բոուին համագործակցել է բազմաթիվ հայտնի երգիչների հետ, նրանց թվում է Queen-ը, որի հետևանքով ծնվեց Under Pressure հանճարեղ երգը



Ջոն Լեննոնի հետ ստեղծվեց Fame երգը



Թինա Թըրները Բոուիի հետ երգեց Tonight երգը



Դեյվիդ Բոուին Իգգի Փոփի մոտ ընկերն է և նրանք շատ անգամներ են համագործակցել, հատկապես Բոուիի այսպես կոչված Բեռլինյան տրիլոգիա ալբոմների ձայնագրման ժամանակ: Մի անգամ, որպեսզի օգնի ֆինանսական վատ դրության մեջ գտնվող ընկերոջը, Բոուին ձայնագրել է Իգգի Փոփի China Girl երգի քավր տարբերակը

[Ռուֆուս]

Բոուին նաև դերասան է, խաղացել է մի շարք ֆիլմերում:

Բոուին քննադատների կողմից գովեստի է արժանացել 1983թ-ին Merry Christmas, Mr. Lawrence ֆիլմում գլխավոր դերը խաղալու համար:

Բոուին համագործակցել է ամերիկացի կուլտային ռեժիսյոր Դեյվիդ Լինչի հետ, խաղացել Լինչի Twin Peaks սերիալում և Twin Peaks, Fire Walk With Me ֆիլմում, Բոուիի I'm Deranged երգը օգտագործվել է The Lost Highway ֆիլմի սաունդթրեքում:

2006թին կրկին գովեստի է արժանացել Քրիստոֆեր Նոլանի «Պրեստիժ» ֆիլմում Նիկոլա Տեսլայի դերի համար:

[AniwaR]

Մմմ, գլե՞մ: Իսկականից չգիտեի:

Հա... Բոուին ահավոր պոպուլյար արտիստ է ամբողջ աշխարհով մեկ. հիշում եմ՝ անցած տարի Ստրասբուրգում մի ձայնասկավառակների սրահ էի գնացել, ուր մի հսկայական շարք, այն էլ ամենա-աչքի-զարնող (էս բառը ո՞նց ա գրվում) տեղում, հատկացված էր նրա դիսկոգրաֆիային (քչերին է այդպիսի բախտ վիճակվում): Բայց Հայաստանում, կարծես, այդքան էլ հայտնի չէ:

Ճիշտն ասած` կոնկրետ ինձ Բոուին էդքան էլ չի հետաքրքրել, որովհետև միշտ մի տեսակ «պապսայոտ» ա թվացել՝ գուցեև հենց էն պատճառով, որ իր վերաբերյալ ինչ-որ կոնկրետ տիպար պատկերացնել չի ստացվել ու... ու... «Բոուի»-ն ինձ մոտ առաջին հերթին ասոցացվում է «շոու-բիզնես»-ի հետ: Իր գործերից մեկը կա, որ շատ եմ սիրում՝ Wild is the Wind-ի իր տարբերակը, էդ երգի քավրներն էի քրքրում, իրենը շատ հավանեցի.



Իսկ օրինակ, իր ալբոմներից ամենահաջողվածները որո՞նք են, որ կարող եմ լսել, ու տպավորությունս հիմնովին կփոխվի: )) Ես մենակ Let's Dance-ն ունեմ, էն էլ Ստիվի Ռեյ Վոանի խաթեր:

[Ռուֆուս]

Երբեք մոլի ռոքասեր չեմ եղել, բայց Դեյվիդ Բոուիի ձայնը միշտ սիրել եմ, դպրոցում անգլերենից շարադրություն էին տվել` "Իմ սիրած երգիչը" վերնագրով, գրել եմ Բոուիի մասին, ապրես լավ թեմայի համար

Բոուիի ձայնի համար ես էլ եմ գժվում, բայց ոչ ջահել ժամանակվանը: Բիձա ժամանակվանը ավելի հետաքրքիր է, խորը, հասուն ու խորհրդավոր

[Ռուֆուս]

Մմմ, գլե՞մ: Իսկականից չգիտեի:

Հա... Բոուին ահավոր պոպուլյար արտիստ է ամբողջ աշխարհով մեկ. հիշում եմ՝ անցած տարի Ստրասբուրգում մի ձայնասկավառակների սրահ էի գնացել, ուր մի հսկայական շարք, այն էլ ամենա-աչքի-զարնող (էս բառը ո՞նց ա գրվում) տեղում, հատկացված էր նրա դիսկոգրաֆիային (քչերին է այդպիսի բախտ վիճակվում): Բայց Հայաստանում, կարծես, այդքան էլ հայտնի չէ:

Ճիշտն ասած` կոնկրետ ինձ Բոուին էդքան էլ չի հետաքրքրել, որովհետև միշտ մի տեսակ «պապսայոտ» ա թվացել՝ գուցեև հենց էն պատճառով, որ իր վերաբերյալ ինչ-որ կոնկրետ տիպար պատկերացնել չի ստացվել ու... ու... «Բոուի»-ն ինձ մոտ առաջին հերթին ասոցացվում է «շոու-բիզնես»-ի հետ: Իր գործերից մեկը կա, որ շատ եմ սիրում՝ Wild is the Wind-ի իր տարբերակը, էդ երգի քավրներն էի քրքրում, իրենը շատ հավանեցի.

Իսկ օրինակ, իր ալբոմներից ամենահաջողվածները որո՞նք են, որ կարող եմ լսել, ու տպավորությունս հիմնովին կփոխվի: )) Ես մենակ Let's Dance-ն ունեմ, էն էլ Ստիվի Ռեյ Վոանի խաթեր:

Վելվետ, իմ կարծիքով մեղավորը Let's Dance ալբոմն է, որ մոտդ սխալ տպավորություն է ստեղծվել Բոուիի մասին 80-ականներին բոլոր ռոք երգիչների նման Բոուին էլ դարձավ կոմերցիոն պրոյեկտ, որի հետևանքով ծնվեց իր ամենաշատը վաճառված Let's Dance ալբոմը: Բայց նախքան կոմերցիոն դառնալը Բոուին արդեն իսկ շատ հանրահայտ երգիչ էր ու իր ուրույն տեղը ուներ ժամանակակից երաժշտության մեջ:

Ալբոմներ խորհուրդ տալը մի քիչ դժվար է, Բոուին 25 ալբոմ է թողարկել, որոնք մեկը մյուսից խիստ տարբերվում են... Կփորձեմ լավագույնները նշել.

Space Oddity - որից սկսվեց Բոուիի կարիերան
Ziggy Stardust and the Spiders From Mars - շատերի կարծիքով լավագույն կոնցեպտուալ ալբոմը, գլամ ռոքի ամենաառաջին ու ամենաազդեցիկ ալբոմներից մեկը

Hunky Dory
Aladdin Sade
Pin Ups
Diamond Dogs - բոլորը մաքուր գլամ ռոք

Բեռլինյան տրիլոգիան
"Low"
"Heroes"
"Lodger" - այս երեք ալբոմը համարվում է Բոուիի լավագույն ձայնագրությունները, էլեկտրոնային էքսպերիմենտալ ալբոմներ են

Scary Monsters and Super Creeps - եթե սիրում ես new wave

սրանից հետո սկսվեց կոմերցիոն շրջանը, որը հետզհետե բերեց Բոուիի համբավի նվազմանը:

Իսկ նոր ալբոմներից ամենաշատը սիրում եմ Outside-ը

Ի դեպ Բոուիի գրեթե բոլոր ալբոմները կարող ես գտնել www.musicfond.com սայթում:

[AniwaR]

Հա, մեկ էլ իր մեջ էն ա դուրս գալիս, որ, անխոս, շատ սիրուն արտաքին ունի, մի տեսակ արիստոկրատական սառնություն կա մեջը... (Հա ի՞նչ, ես դրա համար մարդկանց սիրում եմ)

[Smokie]

Էս թեմայում ընդամենը 50 րոպե ա՞ գրառվել

Ես էս տարի եմ բացահայտել David Bowie-ին: Դրանից առաջ կարծում էի, որ Under Pressure երգը Մերկուրիի հետ Queen-ի մյուս անդամներ են երգում

Սիրեցի իր երգերը, բայց որ մի քիչ մտածում եմ, (մանավանդ Rwufwusի գրառումները կարդալուց հետո) էդքան շատ երգեր չեմ լսել, ուղղակի շատ եմ լսել հավանածս երգերը ու տեղում դոփել

Սկզբից շատ սիրեցի Drive in saterday-ը ու Changes-ը: Հետո շա՜տ սիրեցի ու մինչև հիմա ամենաշատն եմ սիրում Life in Mars-ը ու The Man Who Sold The World-ը: Վերջինս պապաս ա սիրել էն ժամանակ էլ, հիմա էլ՝ հենց էդ երգի ու պապայիս շնորհիվ ա, որ Բոուիի ոչ քիչ երգեր ունենք




Ուզում եմ նշել նաև Starman Space Oddity ու Sorrow երգերը

Եթե անկեղծ լինեմ Բոուիի սանրվածքը ու դեմքի գրիմը դուրս էնքան էլ չի գալիս... Այ երգերը ամեն ինչ արժեն


Շաա՜տ կուզեի, որ Բոուին համերգով գար Հայաստան

[Smokie]

Ընդհանրապես Վիքիփեդիան ասում է, որ Դեյվիդ Բոուին բազմատաղանդ անձնավորություն է՝ նկարիչ, պրոդյուսեր և վերջում նշեմ ինձ շատ ուրախացնողը՝ հնչյունային ռեժիսյոր: Կոլեգա

[Smokie]

Էս ինչքա՜ն ալբոմներ քաշեցի Բոուիից

Հենց էս պահին լսում եմ իր ամենաառաջին ալբոմը՝ «David Bowie»-ն: Ոնց հասկացա բավականին տարբերվում է մյուսներից, սա ավելի շուտ ռոմանտիկ ոճում է: Շաաա՜տ լավն է:

[Smokie]

Young Americans

Absolute Beginners

[Ruby Rue]

Բոուիից միայն ''Ziggy Stardust and the Spiders From Mars'' ալբոմն եմ լսել:Հենց անունը գրավեց ու միանգամից քաշեցի: Իսկ իրեն էդքան էլ շատ չեմ սիրում, բայց Զիգգին՝ :

[Ռուֆուս]

Ուֆ-ուֆ, ափսոս...