Օգտակար է առողջության համար

[Second Chance]

Այստեղ կգրենք այն ամենը ինչը գիտենք, որ օգտակար է մեր առողջությանը : Խոսքը հատկապես սննդի մասին է: Ցանկալի է, որ տեղադրված խորհուրդները լինեն հիմնավորված :


Առաջինը սկեմ ես:
Շատ օգտակար է առավոտյան խմել հետևյալ ըմպելիքը, որը համարվում է երիտասարդության էլիքսիր: Այն հարկավոր է խմել սոված վիճակում:
1 թեյի գդալ մեղր + 1 թեյի գդալ կիտրոնի հյութ + 1 ճաշի գդալ բուսական յուղ

[Second Chance]

Ահա մի շատ կարևոր բանջարեղեն մեր առողջության համար


Գազար




Բաղադրությունը: Ջուր 87%, ածխաջրեր 8,5-9% , ճարպեր 0,2%, աղեր՝ 1-1,2% , բջջանյութ՝1,3-1,5%, 0,64մգ երկաթ , վիտամիններ՝ A 6,3մգ , 5մգ C, 0,1-0,7 մգ B նաև D,E, H, K, ամինաձձւընէ«շ կա«ւտինշ ֆւսֆւ« կալիում մանգան . և այլ տարրեր :

Հիպոկրատը գազարը հանձնարարել է երկարատև խռպոտության, հազի, թոքախտի , թութքի դեպքում:
Վան Հելմոնտը գազարի հյությն ուն սերմերն օգտագործել է երիկամներից քարերի, ավազի արտաքսման, Դելա Կրոան՝ արյունոտ լուծի և ճիճուների դեպքում /օրական 2 ճաշի գդալ/:
Պիզանին գտնում է որ գազարը շատացնում է կրծքի կաթը , սերմնահեղուկը:

Ուոքերի տվյալներով՝ հղիության հատկապես վերջին ամիսներին մեծ քանակությամբ գազարի օգտագործումը խիստ նվազեցնում է ապագա երեխայի մոտ արյան վարակի ի հայտ գալու հավանականությունը, իսկ մեծ քանակներով գազարի հյութ օգտագործելու դեպքում / 100-500գ/ բուժվում են օրգանիզմում եղած խոցերը և քաղցկեղի գոյացումները, սրվում է տեսողությունը, հզորանում նյարդային համակարգը բուժվում անպտղությունը:

[Second Chance]

ԿԱՂԱՄԲ


Բաղադրությունը։ Ջուր՝ 92-93%, ազոտային նյութեր` 1-1,2%, ճարպեր` 0,1-0,15%, շաքարներ` 1,8-2,1%, էքստրակտային նյութեր` 2,4-2,6%, բջջաթաղանթ՝ 0,04-0,06%, մոխրացող մնացորդ` 0,5-0,6%, 0,03 մգ A, 0,16-0,26 մգ B1, C 25-61 մգ, P, K, B6 եւ U վիտամիններ, ֆերմենտներ, 118 մգ կալիում, 13 մգ մագնեզիում, 12 մգ ֆոսֆոր, 1 մգ երկաթ, պղինձ, ցինկ:

Կիրառությունը։ Վաղ հնադարից կաղամբն օգտագործվել է բուժական նպատակներով: Հյութն օժտված է ճարպերը ճեղքելու եւ մարսողությունը բարելավելու հատկությամբ: Հռոմեական գրող Կատոնը նշում է, որ կաղամբը հռոմեացիների համար ծառայել է ոչ միայն որպես սնունդ, այլեւ դեղամիջոց` բոլոր հիվանդությունների դեմ: Այդպիսով հռոմեացիները շուրջ 600 տարի առանց դեղերի էին ապրում: Համարում են, որ կաղամբն ընդունակ է վերացնել անքնությունը, գլխացավերը: Սննդաբաժնում մեծ քանակությամբ կաղամբ օգտագործած երեխաներն աճում են արագ, նորմալ, առանց հիվանդությունների:

Դիոսկորիդը նշում է, որ հում կաղամբը վերացնում է պնդությունը եւ կարգավորում աղիների աշխատանքը, իսկ եփածն առաջացնում է պնդություն:

Վերածննդի դարաշրջանում համարել են, որ հում կաղամբը վերացնում է ընդհանուր նյութափոխանակությունը: Բարտոլինին պնդում է, որ եթե թույլ աճող, վատառողջ երեխային սնեն կաղամբով եւ լողացնեն ջրի հետ խառնած մեզով, նա շատ արագ կառողջանա:

Ռուսական Ժողովրդական բժշկությունը նշում է, որ տրորված կաղամբը ձվի սպիտակուցի հետ խառնելուց հետո դրվում է ամեն տեսակի այրվածքների, խոցերի վրա, իսկ կաղամբի արմատի մոխիրը սննդի մեջ օգտագործելու դեպքում հալեցնում է քարերը:

Թթու դրած կաղամբի հյութն օգնում է ընկնավորության դեմ, թարմ հյութը` գորտնուկների, խռպոտության դեմ է: Սերմերը ճիճվասպան են:

Գիտական բժշկությունը կաղամբի հյութը կիրառում է որպես ստամոքսի ու աղիների բուժամիջոց: Թարմ հյութը նպաստում է խոցերի արագ փակմանը, բարելավում նյութափոխանակությունը, բարձրացնում ստամոքսահյութի թթվայնությունը, իսկ ողողումների ձեւով օգնում է կոկորդի բորբոքման դեպքում:

Կաղամբը նպաստում է նաեւ աթերոսկլերոզի բուժմանը: Հում ծեծված տերեւները ցավոտ տեղերին դնելուց հանգստացնում են ցավերը:

Բնաբույժ Ուոքերն իր հերթին նշում է, որ եթե կաղամբի թարմ հյութի ընդունումից հետո առաջանում են գազեր, ուրեմն աղիները բուժման կարիք ունեն` պետք է ամեն առավոտ սոված վիճակում խմել 0,5-1 բաժակ հյութ եւ 1-2 ժամ հետո հոգնայով աղիների լվացում կատարել: Նա նշում է, որ 50 կիլոգրամ եփված կաղամբն իր սննդային արժեքներով չի կարող համեմատվել 300 գրամ թարմ հյութի հետ: Նա թարմ հյութն օգտագործել է նաեւ ուռուցքների բուժման համար:

Ըստ Ամիրդովլաթ Ամասիացու, կաղամբը սրում է տեսողությունը, օգնում գլխի ցնցումների բուժմանը: Տերեւները քացախի հետ նպաստում են ատամնացավի վերացմանը:

[Դատարկություն]

Կառաջարկեմ ծանոթանալ Հայաստանի Դեղաբույսերի և նրանց նշանակության հետ
http://www.akumb.am/attachment.php?a...8&d=1256111279

[Second Chance]

1 թեյի գդալ մեղր + 1 թեյի գդալ կիտրոնի հյութ + 1 ճաշի գդալ բուսական յուղ

Մոռացա նշել, որ բուսական յուղը ցանկալի է ձիթապտղի լինի

[Nadine]

Դաղձը շատ մեծ թերապևտիկ նշանակություն ունի իր հանգստացնող, ցավազրկող, անոթալայնիչ, հակաբորբոքային հատկությունների շնորհիվ: Այն բարերար ազդեցություն է ունենում մարսողական համակարգի վրա. բարձրացնում է ախորժակը, լիկվիդացնում սրտխառնոցը, այրոցը, նվազեցնում ստամոքսում գազերի առաջացումը, օգնում է լուծի ժամանակ: Ունի նաև լեղին օրգանիզմից արտամղող հատկություն, որի համար կիրառվում է լյարդի մաքրման և լեղապարկից քարերի դուրս բերման պրակտիկայում:
Դաղձը հաջողությամբ գործածվում է բարձր ջերմության, տենդի և մրսածության հետևանքով առաջ եկող հիվանդությունների (անգինա, ֆարինգիտ և այլն) ժամանակ`որպես հովացնող, քրտնաբեր միջոց: Այն օգնում է նաև միզասեռական և շնչառական օրգանների բորբոքային հիվանդությունների ժամանակ:
Սրտի և արյունատար համակարգի վրա դաղձը խթանող ազդեցություն է ունենում, հանգստացնում է սրտխփոցները, գլխացավը, նպաստում է անոթային ճնշման իջեցմանը: Հիանալի արդյունք է խոստանում միգրեյնի դեմ պայքարում:
Նյարդային համակարգի վրա դաղձը կոմպլեքս ազդեցություն է ունենում. հանգստացնում է, նպաստում ուղեղի աշխատանքի բարելավմանը, օգնում ազատվել անքնությունից:
Այս հիանալի բույսը լայնորեն կիրառվում է ատամնաբուժական պրակտիկայում: Դաղձի թուրմը գործածում են բերանի խոռոչը ողողելու համար` որպես շնչառությունը թարմացնող, բակտերիաները վերացնող, բորբոքային պրոցեսները բուժող միջոց:
Դաղձն օգնում է նիհարել. եթե ուզում եք ազատվել ավելորդ կիլոգրամներից, ուրեմն պետք է ձեռքի տակ միշտ դաղձ ունենաք: 2 ժամը մեկ թարմ դաղձի բույրը ներշնչեք, և այն ձեզ կօգնի գործածել 23% ավելի քիչ կալորիաներ, քան սովորաբար: Թարմ դաղձի փոխարեն կարելի է օգտագործել նաև դաղձի յուղ:
Դաղձն օգտակար է դեմքի մաշկի համար. 1 ճաշի գդալ չորացրած դաղձը կամ 3 ճաշի գդալ թարմ դաղձը թրմել 250մլ եռացրած ջրով առնվազն 30 րոպե: Թուրմից սառցե խորանարդիկներ պատրաստել և դրանք օգտագործել դեմքը մաքրելու համար: Դաղձը օգնում է մաշկի գրգռվածության և քորի դեպքում,, ինչպես նաև առողջ և թարմ տեսք է հաղորդում դեմքի մաշկին:
Նյարդային գերլարվածության. 2 թեյի գդալ դաղձի վրա լցնել 1/2 լիտր ջուր և եռացնել: Խմել որպես թեյ: Նշանակալիորեն նպաստում է վիճակի թեթևացմանը:
Թունավորումների դեպքում. քանի որ դաղձն օժտված է նաև հակատոքսիկ հատկությամբ, այն լայնորեն կիրառվում է նաև տարբեր տեսակի թունավորումների դեպքում: Այս պարագայում ավելի մեծ խտությամբ թուրմ է հարկավոր պատրաստել. 2 ճաշի գդալ դաղձը 1 բաժակ եռացրած ջրով թրմել 2 ժամ: Գործածել օրական 2-3 անգամ` ուտելու ընթացքում:

[aerosmith]

մեղր ու ընկույզ, շատ օգտակար տեսողության, ու հիշողության, համար, ուտել մեկ չայի գդալ, ամեն առավոտ սոված փորին։

կանաչ լոբիօն խաշում եք, ու ջուրը խմում, շատ օգտակար տեսողության համար։

առնց սիռոպի ծիրանի չիր , օգտակարա սրտի համար, հիմնականում ուտել գարնանը

[Okamigo]

Կակտուսի հյութը ամեն օր մի ճաշի գդալ,ցանկալի է առավոտյան,շատ օգտակար է տեսողության համար,նախապես ասեմ,որ այդքան էլ համով չէ այդ հյութը

[A.r.p.i.]

Մաղադանոսը(ինչպես և համեմը) օգտակար է ցողունով, տերևներով ու արմատով: Այս կանաչին հարստացնում է սնունդը հանքային աղերով, կալցիումով ու ֆոսֆորով, ինչպես նաև C,A,E վիտամիններով: Բայց ժողովրդական բժշկության մեջ հիմնականում օգտագործվում է մաղադանոսի արմատը և կիրառվում է շաքարախտի դեմ: Այն նաև հիանալի միջոց է երիկամների հիվանդությունների դեպքում:Հյութը չեզոքացնում է գազերը աղիքներում, օգնում երիկամներում քարերի առկայության դեպքում, ապահովում երիկամային ու վահանաձև գեղձերի նորմալ աշխատանքը:
Բաղադրատոմսը:Մաղադանոսի արմատների վրա եռացրած ջուր լցնել, թրմել մի քանի ժամ, խմել սոված ժամանակ՝ լյարդի, երիկամների և աղիքների մաքրման համար:

[Yeghoyan]

Խաղողի առողջարար հատկությունների մասին հայտնի է եղել դեռևս շատ վաղուց: Ըստ Աստվածաշնչի ջրհեղեղից հետո Արարատ լեռան ստորոտին աճեցված առաջին բույսը եղել է հենց խաղողը: Իսկ Հին հույներն ու հռոմեացիները դեռևս մեր թվարկությունից առաջ կիրառում էին խաղողաբուժությունը՝ որպես ուժերի վերականգնման եվ օրգանիզմում նյութափոխանակության կարգավորման միջոց: Այն նաև լավ միջոց էր համարվում անգինայի, բերանի խոռոչի խոցի և այլ հիվանդությունների բուժման համար: Իսկ խաղողի հյութը միշտ համարվել է թուլացնող, ընդհանուր ամրապնդող, խորխաբեր և միզամուղ միջոց: Մասնավորապես, չհասունացած խաղողի հյութը շատ լավ միջոց է մարմնի ջերմաստիճանի իջեցման, ինչպես նաև՝ կոկորդի ողողումներ անելու համար:
Այս յուրօրինակ հատապտուղը պարունակում է մեծ քանակությամբ միկրոէլեմենտներ և հանքային աղեր (ցինկ, կալցի, երկաթ, պղինձ և այլն): Շնորհիվ կալիումի մեծ պարունակության՝ խաղողը հատկապես օգտակար է համարվում սրտային հիվանդների համար: Այն կարգավորում է սրտի բաբախումների ռիթմը, կանխում է շնչահեղձությունը, իջեցնում է բարձրացած արյան ճնշումը: Խաղողը խորհուրդ է տրվում սակավարյունությամբ տառապող մարդկանց, քանի որ նպաստում է էրիտրոցիտների քանակի աճին, հեմոգլոբինի բարձրացմանը և այլն:
Խաղողի չորացրած տերևներն օգտագործվում են բուժական նպատակներով: 1 ճաշի գդալ խաղողի չորացրած եվ մանրացրած տերևները լցրեք 1 բաժակ եռացրած ջրի մեջ և թողեք մոտ 20 րոպե: Ստացված լուծույթը օրական 2-3 անգամ 1/2 բաժակի չափով խմելը շատ օգտակար միջոց է անգինայի, ֆարինգիտի, լարինգիտի ժամանակ:
Այնուամենայնիվ, խաղողի հիմնական հարստությունը նրանում պարունակվող գլյուկոզան և ֆրուկտոզան են: Խաղողի հատիկների մեջ պարունակվող շաքարը էապես չի փոփոխվում մարսողության ժամանակ և անմիջապես ներծծվում է արյան մեջ, ինչը բարերար ազդեցություն է ունենում մկանային տոնուսի վրա՝ ուժեղացնելով սրտամկանի կծկումներն ու արագացնելով օրգանիզմի նյութափոխանակությունը, ինչպես նաև՝ լայնացնելով արյունատար անոթները:
1 բաժակ խաղողահյութում պարունակվող B վիտամինի պաշարը բավարար է ողջ օրվա նորման լրացնելու համար, ինչն էլ ձեզ կօգնի ոչ միայն խուսափել դեպրեսիաներից ու բազմաթիվ ստրեսներից, այլև թույլ կտա իսպառ մոռանալ ատելի թարախաբշտիկների ու թեփի մասին, ձեր մազերին կհաղորդի առողջ փայլ, իսկ եղունգներին՝ ամրություն:
Չնայած խաղողի կալորիականությանը (100 գր-ում պարունակվում է 65-85 կկալ)՝ այն հանդիսանում է բազմաթիվ դիետաների հիմնական բաղադրիչը, քանի որ օրգանիզմից արտամղում է վնասակար արգասիքները և օգնում է ազատվել ավելորդ կիլոգրամներից:

Հիշեք, որ խաղողի համար վատ դաշնակիցներ են կաթնամթերքները, ճարպերով և աղով հարուստ սնունդը, չորացրած մրգերն ու բանջարեղենը, ինչպես նաև՝ ոգելից խմիչքները և գազով ըմպելիքները: Դրանց համադրությունը ստամոքսում կարող է իսկական հեղափոխություն առաջացնել:
Բացի այդ, խաղողի մեջ պարունակվող շաքարն ու թթուները, ընկնելով կարիեսով վարակված ատամների վրա, առաջ են բերում սուր ցավ եվ արագացնում են դրանց փչացման պրոցեսը: Այդ պատճառով ատամնաբույժները խորհուրդ են տալիս խաղող ուտելուց հետո անպայման ողողել բերանը:

Եվ չնայած բոլոր օգտակար հատկություններին՝ կան որոշ հիվանդություններ, որոնց դեպքում խորհուրդ է տրվում խուսափել խաղող շատ օգտագործելուց: Այդպիսիք են դիաբետը, ստամոքսի խոցը, քրոնիկ կոլիտները և այլն:

[Դատարկություն]

Եղինջ (կոնկրետ դեղատոմսեր)

1. Եղինջի հյութի պատրաստումը
1լ եռացրած ջուր, 1կգ եղինջ: 1կգ երիտասարդ եղինջը ցողունների և տերևների հետ միասին անցկացնել մսաղացով ավելացնել 0.5լ եռացրած ջուր, խառնել, քամել մառլայով, մնացորդը նորից աղալ, ավելացնել մնացած 0.5լ ջուրը, խառնել և նորից քամել: Երկու հյութերը միացնել իրար և խառնել ստացված հյութը օգտագործել տարբեր նյութեր պատրաստելու համար: Իսկ երկար պահելու համար լցնել 0.5լ-ոց բանկայի մեջ եռացնել 15ր և զակատ անել: Հյութը պարունակում է բազմաթիվ վիտամիններ:
2. Եղինջի հյութ (բնական)
Սոկասեղմիչով քամել թարմ եղինջը: Ուտելուց առաջ 1ական ճ.գ ընդունել օրը 3-4 անգամ միզաքարային և լեղաքարային հիվանդությունների ժամանակ, իսկ ներքին արյունահոսության դեպքում` 1ական թեյի գդալ 4-5 անգամ: Ավիտամինոզի ժամանակ ընդունել 1թ.գ. ջրի հետ օրը 3 անգամ:
3. Եղինջի հյութը կաթով
4ճ.գ եղինջի բնական հյութ, 1թեյի բաժակ մեղրը լուծել ջրի մեջ, ավելացնել եղինջի հյութը, կաթը խառնել և սառեցնել: Շատ համով վիտամինային հյութ է:
4. Եղինջի թերևների թուրմ
0.5լ եռացրած ջրում 2-3 թ.գ. տերևները թրմել 2 ժամ: Ընդունել օրը 4-6 անգամ 1ական ճ.գ. ուտելուց առաջ` հետևյալ հիվանդությունների դեպքում` լյարդի, երիկամների, թոքերի, ստամոքսի, աթերոսկլերոզի և սակավարյունության դեպքում:
5. Եղինջի չոր տերևներից թուրմ
1թ.գ լցնել 1բաժակ եռացրած ջրի մեջ թողնել 1 ժամ: Այս թուրմով թրջել գլուխը լվանալուց հետո և թեթև շփել, բայց չլվանալ: Այս պրոցեսը կատարել յուրաքանչյուր շաբաթ: Բւոժման կուրսը թևում է մի քանի ամիս:
6. Օստեոխոնդրոզի, ռևմատիզմի և հոդացավերի ժամանակ
Վերցնել կես լ. սառը ջուր, 200 գ եղինջի ընդձյուղը տերևներով, առաջին օրը դնել պատուհանի առաջ, հետո 6-8 օր մութ տեղ, որից հետո քամել սեղմիչով: Քսել ցավող մասերին
7. Եղինջի տերևների եփուկ մազաթափության դեմ
100գ. կտրտված և մանրացված տերևները 30 րոպե եռացնել 500մլ ջրի և քացախի խառնուրդում /500մլ ջուր, 500մլ քացախ/: Լվանալ քնելուց առաջ
8. Եղինջի սերմերից եփուկ անքնության և հազի դեպքում
Եղինջի սերմերից պատրաստել եփուկ: 200գ ջրին ավելացնել 25գ սերմ, եփել 10ր, թողնել մեկ ժամ որից հետո քամել, ավելացնել մեղր ըստ ճաշակի խմել քնելուց առաք անքանության և հազի ժամանակ
9. Եղինջի կոճղարմատներից և արմատներից եփուկ
Վերցնել 20գ արմատ և կոճղարմատ 200մլ մեղրի կամ շաքարի հյութ, եռացնել 15 րոպե, ընդունել 1ճ.գ, օրը 5-6 անգամ լեղաքարային մեիզաքարային հիվանդությունների, սակավարյունությոան, կոլիտի, գաստրիտի և հազի ժամանակ
10. Վիտամինային սնունդ
Եղինջի տերևներ, մասուրի պտուղներ, սև հաղարջի պտուղներ, գազարի արմատապտուղ: Բոլորը հավասար չափով վերցնել և խառնել: Խառնուրդից վերցնել 2ճ.գ. 2 բաժակ եռացրած ջրում թրմել 30 ր, քամել և ընդունել կես բաժակ օրը 4 անգամ, որպես բազմավիտամինային սնունդ
11. Վիտամինային սնունդ
Եղինջի տերևներ, մոշի տերևներ, խատուտիկի տերևներ հավասար քանակով վերցնել, խառնուրդից վերցնել 2ճ.գ և կես լիտր եռացրած ջրում թրմել, պահել ջեռոցում 2-3 ժամ: Խմել ամեն օր 2 շաբաթ անընդմեջ, որպես արյունը մաքրող և մաշկային հիվանդությունների դեպքում
Խորհուրդ
Հաղարջի, մոշի, ազնվամորու, խաղողի, գիլասի, կեռասի տերևները պարունակում են նույն օգտակար նյութերը ինչ որ պտուղները

[Farfalla]

Օրգանիզմի դիմադրողականությունը բարձրացնելու համար շատ օգտակար միջոց է դաղձի թուրմի, կիտրոնի հյութի եւ 1 թեյի գդալ մեղրի խառնուրդից պատրաստված ըմպելիքի ամենօրյա առավոտյան օգտագործումը: Բացի այդ, այն նաեւ կերկարացնի ձեր երիտասարդությունը, կազատի ենթաստամոքսային գեղձի ու լեղապարկի խնդիրներից:

Կարելի է օգտագործել կիտրոնայուղ. կիտրոնը 1-2 րոպե պահել եռջրի մեջ, ապա կեղեւի հետ միասին աղալ մսաղացով, ավելացնել 100գ սերուցքային կարագ, 1-2 ճաշի գդալ մեղր ու պահել սառնարանում ու քիչ-քիչ օգտագործել:

Ըստ մասնագետների` սննդի մեջ կծու պղպեղի չափավոր օգտագործումը բարձրացնում է օրգանիզմի դիմադրողականությունը: Հայտնի է նաեւ դրա` թոքերը կուտակված լորձից մաքրելու օժտվածությունը:

Տիբեթյան բժշկության մեջ հատուկ տեղ է հատկացված վարդագույն ռադիոլա կամ ոսկե արմատ բույսին: Ռադիոլան կարող է բարձրացնել օրգանիզմի դիմադրողականությունը անբարենպաստ եղանակի ներգործության, սթրեսների, հիվանդությունների ժամանակ: Այս բույսի պատրաստուկները կարգավորում են նյարդային համակարգի գործունեությունը նեւրոզների, գերհոգնածության դեպքում: Իհարկե, պետք է հիշել, որ գերդոզավորումը կարող է հանգեցնել հակառակ արդյունքի` քնկոտության, աշխատունակության նվազման: Հիպերտոնիկ հիվանդներին խորհուրդ չի տրվում օգտագործել այն:

[Դեկադա]

Նուշը-պարունակում է մագնեզիում, կալցիում, երկաթ և բնական հակաօքսիդանտ`վիտամին E:բոլոր վերոհիշյալ նյութերը կարևոր են սրտի համար:Նշի մեջ առկա չհագեցած ճարպերն օգնում են նվազեցնել խոլեստերինի մակարդակը:
Խնձորը-հարուստ է պեկտինով և վիտամին C-ով:Պեկտինը նվազեցնում է խոլեստերինի և գլյուկոզայի մակարդակը:Վիտամի C-ի շնորհիվ հակաօքսիդանտային հատկությունը պաշտպանում է օրգանիզմի բջիջները:Բացի այդ այն ամրացնում է անոթի պատը.նպաստում է երկաթի և ֆոլաթթվի ներծծմանը:

[Yeghoyan]

Խնձորը միաժամանակ և միրգ է, և դեղ: Այն օգտակար է և հիվանդների, և առողջների համար, սա մենք վաղուց գիտենք: Այնուամենայնիվ, խնձորի իրական օգտակարությունը գնահատել կարող են միայն նրանք, ում սեղանին այս միրգը հայտնվում է կանոնավոր կերպով:
Օրգանիզմի վրա խնձորի ազդեցությունը արտահայտվում է մի քանի ուղղություններով.
- այն նպաստում է արյան մեջ խոլեստերինի քանակի նվազմանը,
- կարգավորում է մարսողությունը,
- կրճատում է բազում հիվանդությունների, մասնավորապես՝ ինֆարկտի և այլ սրտանոթային հիվանդությունների, շագանակագեղձի քաղցկեղի և այլ քաղցկեղային ուռուցքների, 2-րդ տիպի շաքարային դիաբետի, ասթմայի առաջացման հավանականությունը:
Խնձորն ու խնձորի հյութը կանխարգելում են անոթներում խոլեստերինի առաջացումը: Բանն այն է, որ խնձորի բաղադրության մեջ պարունակվող բջջաթելերի չլուծվող մոլեկուլները կպչում են խոլեստերինին և նպաստում օրգանիզմից նրա արտամղմանը՝ այդպիսով կրճատելով անոթների խցանման, սրտային նոպաների առաջացման հավանականությունը: Խնձորի մեջ կան նաև լուծվող բջջաթելեր, որոնք կոչվում են պեկտիններ: Ահա այս պեկտիններն էլ նպաստում են երիկամից խոլեստերինի արտամղմանը: Խնձորով բեռնաթափման օրերը (1.5-2 կգ թարմ կամ եփած խնձոր՝ 1 օրվա ընթացքում) օգնում են պայքարել սրտային և երիկամային այտուցների դեմ:
Հետազոտությունները վկայում են, որ օրական 2 խնձոր օգտագործելու դեպքում խոլեստերինի մակարդակը նվազում է 16%-ով, իսկ այդ նույն 2 խնձորը մեկ միջին չափի գլուխ սոխի և 4 բաժակ կանաչ թեյի հետ զուգորդելու դեպքում 32%-ով կրճատվում է սրտային նոպայի առաջացման հավանականությունը:
Խնձորը նպաստում է մարսողության կարգավորմանը և վերոհիշյալ բջջաթելերի շնորհիվ, որոնք օրգանիզմից դուրս են մղում վնասակար նյութերը, կանխարգելում է փորկապությունը: Թարմ քերած խնձորը լուծի դեմ պայքարի լավագույն միջոցն է:
Կալիումական աղերի շնորհիվ այն հանդիսանում է թեթև միզամուղ և շատ արդյունավետ ազդեցություն է ունենում երիկամային հիվանդությունների ժամանակ: Խնձորը խորհուրդ է տրվում պոդագրայով, միզաքարային հիվանդությամբ տառապող անձանց:
Խնձորը շատ օգտակար է տարեցների համար, որոնց մոտ ստամոքսահյութի թթվայնությունը հաճախ նորմայից ցածր է լինում: Խնձորի օգնությամբ նրանց մոտ կարգավորվում է նաև աղիների աշխատանքը:
Վերջին 4 տարիների ընթացքում տարբեր կլինիկաներում անցկացված հետազոտությունները գիտնականներին հիմք են տվել եզրակացնելու, որ թարմ խնձորի պարբերաբար օգտագործումը զգալիորեն նպաստում է քաղցկեղային հիվանդների վիճակի բարելավմանը հիվանդության զարգացման տարբեր փուլերում:
Միևնույն ժամանակ, Մեծ Բրիտանիայի գիտնականների կողմից իրականացված գիտափորձերը վկայում են, որ խնձորը բարենպաստ է ազդում թոքերի վիճակի վրա: Օրինակ, Ուելսի գիտնականները պնդում են, որ շաբաթական գոնե 5 խնձոր ուտող մարդու շնչառական համակարգը գործում է շատ ավելի լավ, քան նրանցը, ովքեր բոլորովին խնձոր չեն ուտում: Հենց այդ նույն շաբաթական 5 խնձորը, ըստ Նոթինգհեմի համալսարանի հետազոտողների, զգալիորեն կրճատում են շնչուղիների սուր հիվանդությունների առաջացման հավանականությունը: Ավելին, Քրոնինգենի համալսարանի գիտնականները հավաստում են, որ խնձորը միակ միրգն է, որը կարող է օգնել ծխողներին՝ կրճատելով քրոնիկ թոքային հիվանդությունների առաջացման հավանականությունը:
Խնձորի դիետան շատ արդյունավետ է հիպերտոնիայի ժամանակ: Երկաթի բավականաչափ պարունակության շնորհիվ այն կարող է կանխարգելել սակավարյունությունը, և հենց նույն հատկության համար այն կիրառվում է որպես աղջիկների մոտ «անեմիկ» գունատության բուժման միջոց: Եթե խնձորը կտրելուց հետո այն արագ մգանում է, դա նշանակում է, որ այն շատ օգտակար է արյունատար անոթների փխրունությամբ տառապող մարդկանց համար:
Ի վերջո, խնձորը շատ լավ միջոց է նրանց համար, ովքեր որոշել են ազատվել ավելորդ քաշից: Այս միրգը բջջանյութի (ցելյուլոզա) անսպառ աղբյուր է, և հենց դրա շնորհիվ էլ նպաստում է մարսողական համակարգի աշխատանքին և ավելորդ քաշից ազատվելուն: Ընդ որում, խնձորը գրեթե չի պարունակում ճարպեր և խոլեստերին, այնպես որ կարող եք հանգիստ վայելել այս համեղ միրգը և, միաժամանակ, դառնալ ավելի բարետես:
Հիշեք, որ խնձորն ավելի լավ է օգտագործել թարմ և չեփած վիճակում, սակայն թեթևակի ջերմամշակումից հետո էլ այն դեռևս պահպանում է իր օգտակարությունը: Աշխատեք խնձորն ուտել կեղևով, քանի որ հենց կեղևի մեջ է խտացած պեկտինի և մյուս բջջաթելերի հիմնական մասը:

Հ.Գ. գնամ խնձոր ուտեմ

[Farfalla]

Ի՞նչ ուտել. գրում է «FORBES»

«Forbes» ամսագիրը կազմել է առողջության համար ամենաօգտակար ուտելիքների ցուցակը:
Առողջության համար օգտակար են խնձորը, ընկույզը, ոլոռը, որոնք մտնում են բոլոր երկարակյացների սննդակարգի մեջ: Նռան հյութը նպաստում է արյան ճնշման իջեցմանը և չարորակ ուռուցքի դեմ պայքարին:

«Forbes»-ը պնդում է, որ միսը մարդու առողջության ամրապնդման համար անհրաժեշտ է: Մարդու օրգանիզմի համար օգտակար են նաև թարմ կաթն ու ձուն:
Ամսագիրը հիշեցնում է, որ աշխարհում չկա «վատ» բանջարեղեն` հատկապես նշելով կաղամբի «արժեքը»:
Սոխն ու սխտորը ևս երկարակյացների սննդի բաղկացուցիչ մասն են:

Իհարկե, առողջության համար օգտակար է կանաչ թեյը:
Բոլոր ուտելիքներն իրենց բուժիչ հատկությունները պահպանելու համար պետք է օգտագործել հում կամ շատ քիչ վերամշակված:

Աղբյուր` Panorama.am