Սպորտային նորություններ

[Venus]

Սպորտը կյանք է՝

[Venus]

Ռուս թենիսիստ Միխաիլ Յուժնին Դուբայում պարտվեց եզրափակիչին սերբ թենիսիստ Նովակ Ջոկովիչին 5:7 , 7:5, 3:6 հաշվով: Այսպիսով Ջոկովիչն ռեվանշի հասավ Յուժնիի նկատմամբ 2 շաբաթ առաջ Ռոտեռդամում կիսաեզրափակիչին կրած պարտության համար

[yerevanci]

Հաղթանակ Դուբլինում. 2-1՝ հօգուտ Հայաստանի

Դուբլինի «Տալագտ» մարզադաշտում երեկ մեկնարկեց Իռլանդիայի և Հայաստանի մինչև 21 տարեկանների հավաքականի հանդիպումը։ Ինչպես տեղեկացնում է ArmSport.am-ը, իռլանդացիները անչափ մարտական էին տրամադրված հանդիպումից առաջ՝ նշելով, որ իրենց համար այդ հանդիպումը պատվի հարց է՝ հաշվի առնելով Երևանում գրանցված ջախջախիչ պարտությունը:
Խաղի 34-րդ րոպեին Լևոն Հայրապետյանը ձախ ոտքի հարվածով բացեց խաղի հաշիվը։ Երկրորդ գոլը չուշացավ: 40-րդ րոպեին Գևորգ Ղազարյանն անչափ գեղեցիկ հարվածով գրավեց մրցակցի դարպասը։ 80-րդ րոպեին իռլանդացիները կարողացան մեկ գոլ խփել:
Այսպիսով հաշիվն ավարտվեց 1-2՝ հօգուտ Հայաստանի:

[yerevanci]

Ռուսաստանի օլիմպիական կոմիտեի նախագահը հրաժարական է տալիս

Ռուսաստանի Օլիմպիական կոմիտեի նախագահ Լեոնիդ Տյագաչևը այսօր կհայտարարի իր հրաժարականի մասին։ Այդ մասին Весь спорт գործակալությանը մարտի 4-ին հայտնել է անձամբ Տյագաչևը։
«Վաղը ես հանդես կգամ Ռուսաստանի Օլիմպիական կոմիտեի նախագահի պաշտոնից հրաժարվելու մասին գեղեցիկ հայտարարությամբ։ Ո´չ Օլիմպիական խարտիայով, ո´չ Ռուսաստանի օրենսդրությամբ Ազգային օլիմպիական կոմիտեն պատասխանատվություն չի կրում հավաքականին Օլիմպիական խաղերին նախապատրաստելու համար։ Բայց Վանկուվերի Օլիմպիական խաղերից հետո իրավիճակն այնքան է թեժացել, որ ես՝ որպես մարզիկ, մարզիչ, ղեկավար և պարզապես որպես հայրենասեր, հրաժարականի որոշում եմ կայացրել»,- մեկնաբանել է Տյագաչևը։
Հայտնի է, որ մարտի 11-ին կամ 12-ին կկայանա Ռուսաստանի Օլիմպիական կոմիտեի գործադիր մարմնի նիստը, որի ընթացքում կնշանակվի Օլիմպիական նիստի արտահերթ ընտրության ամսաթիվը։

[yerevanci]

Իսպանիայում պայքարում են «Բարսելոնայի» և «Ռեալի» գերիշխանության դեմ

Իսպանական Լա Լիգայի գործադիր տնօրեն Ֆրանսիսկո Ռոկա Պերեսը հայտարարել է, որ անհրաժեշտ է միջոցներ ձեռնարկել՝ առաջնությունում «Բարսելոնայի» ու «Ռեալի» գերիշխանությունը կանխելու համար։
Վերջինիս կարծիքով` մրցակցության մակարդակով Իսպանիայի առաջնությունը զիջում է եվրոպական էլիտար առաջնություններին։
«Մեզ պետք չէ առաջնություն, որում հաղթանակի համար պայքարում են միայն երկու ակումբներ, իսկ 7-8 ակումբներ պայքարում են բարձրագույն խմբում տեղը պահպանելու համար», - մեջբերում է Պերեսի խոսքերը АР-ն։
Միևնույն ժամանակ, Պերեսը հայտարարել է, որ իրավիճակը փոխել այնքան էլ հեշտ չի լինի, քանի որ «Բարսելոնայի» ու «Ռեալի» ընդհանուր շահույթը կազմում է Պրիմերայի բոլոր ակումբների շահույթի 47%-ը:

[Venus]

Մի քանի տվյալներ հենց այսօրվա մրցումներից՝
Ֆուտբոլ Արգենտինայի առաջնություն՝
Բանֆիլդ 3-1 Կոլոն
Ատլետիկո Տուչուլման 1-1 Նյուլս Օլդ Բոյս

Ռիվերտ Փլեյթ 1-0 Սան Լորենցո

Բասկետբոլ NBA
Ֆինիկս 108-116 Յուտա Ջազ
Չիկագո 96-105 Մեմֆիս
Մայամի 114-111 Լեյկերս

Հոկեյ N.H.L.
Բոստոն 3-2 Տորոնտո
Ռեյնջերս 4-5 Պիտսբուրգ
Վաշինգթոն 5-4 Տամպա-Բեյ
Կարոլինա 4-1 Օտտավա
Ատլանտա 6-3 Այլենդերս
Նեշվիլ 4-2 Լոս Անջելես
Դալլաս 1-6 Սենտ-Լուիս
Ֆինիկս 3-1 Կոլորադո
Սան Խոսե 3-2 Մոնրեալ

[yerevanci]

Կմասնակցի

Մարտի 12-ից 14-ը Քաթարի Դոհա քաղաքում կկայանա թեթեւ ատլետիկայի աշխարհի 13-րդ առաջնությունը, ուր Հայաստանը կներկայացնի հեռացատկորդ Արսեն Հայրապետյանը: «Հայաստանը միայն մեկ մարզիկ հայտավորելու հնարավորություն ունի« եւ Արսենը կմեկնի Քաթար՝ շնորհիվ բարձր արդյունքի« որը նա ցուցադրել է հունվարին Հայաստանի առաջնությունում: Հեռացատկ վարժությունում Արսենը ցույց տվեց 7«93 մ արդյունք»« տեղեկացրել է Հայաստանի ատլետիկայի հավաքականի գլխավոր մարզիչ Միշա Հայրապետյանը:

[yerevanci]

Բանակցում են

Ռուսաստանի ֆուտբոլի միության նախագահ Սերգեյ Ֆուրսենկոն նախնական բանակցություններ է վարել Անգլիայի ազգային հավաքականի գլխավոր մարզիչ Ֆաբիո Կապելոյի հետ, ում պայմանագիրն անգլիացիների հետ ավարտվում է 2010թ. աշխարհի առաջնության ավարտից հետո: Մարտի 3-ին Ռուսաստանի ընտրանին իր վերջին հանդիպումն անցկացրեց հոլանդացի մարզիչ Գուս Հիդինկի գլխավորությամբ. ընկերական խաղում ռուսները 1-1 խաղացին Հունգարիայի հետ: Բայց եթե Գուս Հիդինկը տարեկան ռուսներից, որպես աշխատավարձ, ստանում էր 7 մլն եվրո, ապա Կապելոյի աշխատավարձն Անգլիայում կազմում է 10 մլն եվրո: Հետաքրքիր է, որ Հիդինկի ծառայություններով ներկայումս հետաքրքրվում է Կոտ դ’Իվուարը: Աֆրիկացիները հոլանդացի մասնագետին ցանկանում են տեսնել իրենց հավաքականի ղեկին` Հարավաֆրիկյան Հանրապետությունում կայանալիք առաջիկա աշխարհի առաջնության ժամանակ:

[yerevanci]

Բոսինգվան բաց կթողնի աշխարհի առաջնությունը

Լոնդոնի «Չելսիի» պաշտպան Ժոզե Բոսինգվան բաց կթողնի ընթացիկ մրցաշրջանի մնացած հատվածը, բացի այդ, Պորտուգալիայի հավաքականի կազմում չի կարողանա մասնակցել Հարավաֆրիկյան Հանրապետությունում կայանալիք աշխարհի առաջնությանը:
Ընթացիկ մրցաշրջանում 27-ամյա պորտուգալացին իր վերջին հանդիպումն անցկացրել է հոկտեմբերին: Նոյեմբերին ֆուտբոլիստը ձախ ծնկի վիրահատության է ենթարկվել և այդ ժամանակվանից վերականգնողական շրջան է անցնում:
Վերջերս Բոսինգվան սկսել էր թեթև մարզվել, սակայն խորացված հետազոտության արդյունքում բժիշկները հայտնաբերեցին, որ խնդիրը չեզոքացված չէ, և Ժոզեն ևս մեկ անգամ պետք է վիրահատվի: Վերականգնման համար ամիսներ են անհրաժեշտ: Այս մասին տեղեկացնում է premiership.ru-ն:
Այսպիսով` Բոսինգվան չի կարողանա օգնել «կապույտներին», որոնք շարունակում են պայքարել երեք ճակատում` Պրեմիեր լիգայում, Չեմպիոնների լիգայում և Անգլիայի գավաթի խաղարկությունում: Դրան զուգընթաց լրջորեն կբարձրանա Բրանիսլավ Իվանովիչի արժեքը, ով այժմ փոխարինող չունի:
Ավելացնենք, որ «Չելսին» Բոսինգվայի տրանսֆերը «Պորտուից» գնել է 2008 թ.` 16,2 մլն ֆունտ ստեռլինգով: Ամռանը պորտուգալացի այդ ֆուտբոլիստի ծառայություններով հետաքրքրվում էր գերմանական «Բավարիան», սակայն լոնդոնցիները հրաժարվեցին վաճառել այդ պահին իրենց հիմնական աջ պաշտպանին:

[yerevanci]

Վյաչեսլավ Կուրղինյանը` Ռուսաստանի չեմպիոն

Շորտ տրեկի Ռուսաստանի առաջնությունում, որն ընթանում է Սարանսկում, հայ մարզիկ Վյաչեսլավ Կուրղինյանը զբաղեցրել է առաջին տեղը 500 մետր վազքատարածությունում: Նույն տարածությունում կանանց մրցաշարում հաղթող է ճանաչվել Վալերիա Պոտյոմկինան:
Ինչպես տեղեկացնում է «Ինտերֆաքսը», Ռուսաստանի առաջնության արդյունքների հիման վրա որոշում կկայացվի, թե ովքեր են մասնակցելու բուլղարական Սոֆիայում կայանալիք աշխարհի առաջնությանը:

[yerevanci]

«Ռոման» ցանկանում է անվճար ձեռք բերել Գալլասի տրանսֆերը



Իտալական «Ռոման» ամառային միջմրցաշրջանային շրջանում ցանկանում է թիմի կազմը համալրել «Արսենալի» պաշտպան Վիլյամ Գալլասով, ով շուտով ազատ ֆուտբոլիստի կարգավիճակ կստանա: Այս մասին գրում է sportbox.ru-ն:
«Արսենալը», կանոնակարգի համաձայն, 30 տարեկանից բարձր ֆուտբոլիստներին մեկ տարուց ավելի պայմանագիր չի առաջարկում: Այդ իսկ պատճառով «Ռոման» 32-ամյա ֆուտբոլիստին պատրաստ է առաջարկել երկարատև պայմանագիր, որը կարող է շահագրգռել Գալլասին` Անգլիայից տեղափոխվելու Իտալիա:
Հիշեցնենք, որ ընթացիկ մրցաշրջանում Գալլասն «Արսենալի» կազմում անցկացրել է 26 խաղ և խփել 3 գոլ:

[yerevanci]

Իգուաին. «Նիստեռլոյն ինձ օգտակար խորհուրդ է տվել»



«Սովետսկի Սպորտը» գրում է, որ Մադրիդի «Ռեալի» արգենտինացի հարձակվող Գոնսալո Իգուաինը ասել է, թե իր նախկին խաղընկերներից մեկը` հոլանդացի Ռուուդ վան Նիստեռլոյը, ակումբից հեռանալուց առաջ իրեն օգտակար խորհուրդ է տվել:
«Գոլերը կետչուպի նման են: Դու որքան թափահարում ես շիշը, այն, միևնույն է, դուրս չի գալիս, բայց երբ դուրս է գալիս...»,- Նիստեռլոյի խոսքերը կրկնում է Իգուաինը:
Հիշեցնենք, որ 22-ամյա հարձակվողը բավական լավ է հանդես գալիս Մադրիդի «Ռեալի» կազմում և, ամենայն հավանականությամբ, շատ շուտով կերկարաձգի պայմանագրի ժամկետը:

[yerevanci]

Ֆրանսիան` ընդդեմ Դոմենեկի



Ֆրանսիացի քաղաքագետների կարծիքով` իրենց երկրի ֆուտբոլի ազգային հավաքականի գլխավոր մարզիչ Ռայմոն Դոմենեկը ճգնաժամի այս դժվար ժամանակահատվածում ավելի շատ վնաս է տալիս, քան օգուտ: Որքան էլ փորձում ենք սպորտը չքաղաքականացնել, ֆրանսիացի քաղաքագետներն այլ կարծիք ունեն այս մասին: Դեռ ավելին` նրանք չեն պատրաստվում ձեռքները ծալած նստել և նույնիսկ այդ առիթով նամակ են գրել Ֆրանսիայի սպորտի նախարարության քարտուղարին` Ռամե Յադին: Նամակում գրված է եղել, որ հարկավոր է արագ փոխարինել Դոմենեկին, քանի որ խաղից խաղ Ֆրանսիայի հավաքականը ծիծաղելի է դառնում:
«Մասնագետները և երկրպագուները վաղուց հասկացել են, որ դա Դոմենեկի պատճառով է: Ֆրանսիան դժվար է տանում համաշխարհային ճգնաժամը, և մեզ հարկավոր չեն ավելորդ հոգսեր»,-նշվում է նամակում:
Եզրակացությունները թողնում ենք Ձեզ, միայն հավելենք, որ ՖԻՖԱ-ն արգելում է քաղաքական ազդեցությունները, իսկ Ֆրանսիայի ֆուտբոլի ֆեդերացիան բազմիցս փորձել է հասկացնել, որ Ռայմոնը պայմանագրով կաշխատի մինչև աշխարհի առաջնության ավարտը:

[yerevanci]

Պուտինը շնորհակալություն է հայտնել Օլիմպիադայի մասնակիցներին



Ռուսաստանի Դաշնության վարչապետ Վլադիմիր Պուտինը վանկուվերյան Օլիմպիադայի մասնակիցներին շնորհակալություն է հայտնել արժանապատիվ ելույթների ու նվիրվածության համար:
«Ճիշտ է` նախորդ տարիների համեմատությամբ արդյունքները բավական համեստ էին, բայց մեր մարզիկների մեծամասնությունը ինքնամոռաց պայքարեց: Ուժեղը միշտ կարող է եզրակացություններ անել, գտնել սխալների սկզբնաղբյուրը, ուժեղը ձեռքերը չի իջեցնի, չի դավաճանի իր երկրպագուներին»,- նշել է վարչապետը մամուլի ասուլիսի ժամանակ, որը նվիրված էր ձմեռային Օլիմպիական խաղերին:
«Մեր մարզիկներն արդար պայքարեցին, արդար հաղթեցին: Մենք հպարտանում ենք Ձեզանով և վստահ ենք, որ առաջիկայում նոր ու փայլուն հաղթանակների ականատեսը կլինենք»,- Պուտինի խոսքերը մեջբերել է ԻՏԱՌ-ՏԱՍՍ-ը:

[yerevanci]

Դել Պիերո. «Նույնիսկ հաղթանակը չի կարող փրկել հիասթափությունից»



«Յուվենթուսի» հարձակվող Ալեսանդրո դել Պիերոն խոսել է այն մասին, թե ինչ հնարավորություններ ունի իտալական ակումբը Եվրոպայի լիգայում:
«Ի՞նչ կարող եմ ասել Եվրոպայի լիգայում մեր թիմի հաղթանակի մասին. բնական է, որ այդքան հեռու պետք չէ այս պահին նայել: Ամեն դեպքում` «Յուվեն» ունի այդ հնարավորությունը, սակայն նույնիսկ եթե այդ հաղթանակը մերը լինի, միևնույն է, այն չի կարող փրկել դառը հիասթափությունից, որն ապրեցինք` Սկուդետտոյի համար պայքարից դուրս մնալով: Համարում եմ, որ դա մեծ հիասթափություն է»,- «La Stampa»-ի թղթակցին ասել է աշխարհահռչակ իտալացին: