http://new.aravot.am/am/news/27001/viewԶԵՄՖԻՐԱՆ ԵՎ ԱԶԳԱՅԻՆ ՓՈՔՐԱՄԱՍՆՈՒԹՅՈՒՆՆԵՐԸ
Ռուսաստանում մեծ ժողովրդականություն վայելող երգչուհի Զեմֆիրան օրերից մի օր որոշել էր անձամբ առեւտուր անել սուպերմարկետում: Ըստ «Իզվեստիա» թերթի՝ խանութում նրան նյարդայնացրել էր հատկապես գանձապահների դանդաղկոտությունը: Ի վերջո, երգչուհին չդիմացավ եւ հարցրեց. «Ավելի արագ չի՞ կարելի», որին ի պատասխան՝ գանձապահը ազգությամբ թաթար երգչուհուն ուղարկեց շատ հեռու՝ ոչ վարժ ռուսերենով: Բռնկվեց կռիվ, որին մասնակցում էին նույնիսկ օժանդակ բանվորները: Դրանից հետո ցուցմունքները տարբերվում են. մի մասը պնդում է, որ երգչուհին է առաջինը հարվածել բանվորին, մի մասն էլ, որ Զեմֆիրան սկսեց հայհոյել բանվորների կովկասյան ազգությունը, ինչի համար էլ հարված ստացավ: Երգչուհին բողոքեց ոստիկանություն, իսկ Զեմֆիրային նեղացնողի ինքնությունն ու ազգությունը չեն հրապարակվում: Սուպերմարկետի ղեկավարությունը չի պատրաստվում աշխատանքից ազատել վաճառողներին եւ բանվորներին՝ գտնելով, որ երգչուհին ինքն է սադրել միջադեպը՝ վիրավորելով աշխատակիցների ազգային արժանապատվությունը:
Էջանիշներ