User Tag List

Էջ 2 9-ից ԱռաջինԱռաջին 123456 ... ՎերջինըՎերջինը
Ցույց են տրվում 16 համարից մինչև 30 համարի արդյունքները՝ ընդհանուր 122 հատից

Թեմա: Համո Սահյան

  1. #16
    Dangereuse Lionne_en_Chasse-ի ավատար
    Գրանցման ամսաթիվ
    08.05.2006
    Հասցե
    Quelque part dans le monde
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    ԿԳԱՄ

    Եթե մինչև անգամ
    Լսած լինես, թե ես այս աշխարհում չկամ,
    Միևնույն է, կգամ, ինչ էլ լինի, կգամ,
    Ուր էլ լինեմ, կգամ:
    Եթե մինչև անգամ ես կուրացած լինեմ,
    Եթե մինչև անգամ լույսդ մարած լինի,
    Վերջին հույսդ քամին առած-տարած լինի,
    Առանց լույսի կգամ, ես այս անգամ կգամ
    Մենության մեջ լացող երգիդ վրա:

    Եթե մինչև անգամ
    Քո հավատի հանդեպ դու մեղք արած լինես
    Եվ համարած լինես, որ աշխարհում չկամ,
    Եթե մինչև անգամ հողս մաղած լինես,
    Եթե մինչև անգամ մտքով թաղած լինես,
    Եթե մինչև անգամ ինձ վտարած լինես,
    Վերհուշերիդ վերջին խոնավ քարանձավից,
    Միևնույն է, կգամ, ինչ էլ լինի, կգամ,
    Եվ կճչաս հանկարծ տարօրինակ ցավից...
    Կգամ, գլուխ-գլխի ու ձեռք-ձեռքի կտանք,
    Լաց կլինենք մեռած մեղքիդ վրա:

    Եթե մինչև անգամ հազար սարի ետև
    Հազար կապով կապված, խաչով խաչված լինեմ,
    Տքնած-տանջված լինեմ, միևնույն է, կգամ,
    Ինչ էլ լինի, կգամ, չկանչես էլ, կգամ,
    Եվ կբերեմ ես քեզ ուրախություն մի մեծ
    Անակնկալ դարձիս իրողությամբ—
    Քո տան ու քո հոգու տարողությամբ,
    Երազներիդ, կյանքիդ տևողությամբ:
    Կգամ և կդառնամ գտած բախտի ժպիտ
    Եվ հավատի ժպիտ` տառապանքից մաշված,
    Արտասուքից խաշված դեմքիդ վրա:

    Եթե մինչև անգամ մեջքս ծալված լինի,
    Եթե մինչև անգամ ոտքս վառված լինի,
    Եվ ճակատիս հազար հողմի հարված լինի,
    Միևնույն է, կգամ, ուր էլ լինեմ, կգամ:
    Գետնի տակից կգամ,
    Մի հեռավոր, անհայտ մոլորակից կգամ,
    Կգամ ու թափ կտամ
    Հարդագողի փոշին շեմքիդ վրա:
    Il y a des gens qui augmentent votre solitude en venant la troubler...

  2. Գրառմանը 4 հոգի շնորհակալություն են հայտնել.

    Agni (21.04.2010), Yevuk (10.03.2010), Արէա (09.07.2010), Արևածագ (01.10.2010)

  3. #17
    Dangereuse Lionne_en_Chasse-ի ավատար
    Գրանցման ամսաթիվ
    08.05.2006
    Հասցե
    Quelque part dans le monde
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    ՓՆՏՐՈՒՄ ԵՍ ԴՈՒ

    Փնտրում ես դու ինչ-որ հանցանք,
    Հեգնում ես ինձ ու չես ներում,
    Բայց կա ինչ-որ մի կարեկցանք
    Քո հեգնական ժպիտներում:

    Հեգնում ես ինձ ու նախատում,
    Բորբոքում ես կռիվ ու վեճ,
    Բայց կա ինչ-որ մի քաղցրություն
    Քո դառնագին խոսքերի մեջ:

    Ա՜խ, հոնքերդ ես հաճախ կիտում,
    Նայում ես ինձ այնպես մռայլ,
    Բայց կա ինչ-որ քնքշություն
    Քո անողոք դեմքի վրա:

    Հաճախ այնպես խայթում ես դու,
    Սրտիս այնպես վիշտ ես բերում,
    Բայց կա ինչ-որ մտերմություն
    Քո այդ օտար հայացքներում:

    Մերթ փարվում ես ինձ հովի պես,
    Մերթ հողմի պես ինձ չարչարում,
    Ա՜խ, երբ այդպես շոյել գիտես,
    Էլ ինչո՞ւ ես ցավ պատճառում:


    Բա ...
    Il y a des gens qui augmentent votre solitude en venant la troubler...

  4. Գրառմանը 3 հոգի շնորհակալություն են հայտնել.

    Yevuk (10.03.2010), Արևածագ (13.12.2010), Գանգրահեր (12.04.2011)

  5. #18
    Պատվավոր անդամ Վազգեն-ի ավատար
    Գրանցման ամսաթիվ
    27.03.2006
    Տարիք
    43
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    Դու չլինեիր այդքան անթերի,
    Ես չլինեի այսպես ավերակ...
    Դու չուշանայիր, ես չշտապեի,
    Եվ աշխարհ գայինք միաժամանակ:
    Եվ այն ժամանակ թող հանդիպեինք,
    Եվ ի՞նչ կլիներ, տես, այն ժամանակ…

  6. Գրառմանը 4 հոգի շնորհակալություն են հայտնել.

    Agni (21.04.2010), Yevuk (10.03.2010), Արևածագ (13.12.2010), Գանգրահեր (12.04.2011)

  7. #19
    Պատվավոր անդամ Վազգեն-ի ավատար
    Գրանցման ամսաթիվ
    27.03.2006
    Տարիք
    43
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    ԵՎ ՉԻՄԱՑԱՆՔ, ԹԵ ԻՆՉՈՒ

    Ես չիմացա, թե ինչու,
    Դու չիմացար, թե ինչպես
    Պատահեցին մեկ-մեկու
    Մեր երազներն - առանց մեզ:

    Պատահեցին մեկ-մեկու
    Ու կանչեցին ինձ ու քեզ,
    Ես չիմացա, թե ինչպես,
    Դու չիմացար, թե ինչու:

    Դու չիմացար, թե ինչպես,
    Ես չիմացա, թե ինչու
    Բուրմունք փռեց ծաղկի պես
    Դաշնությունը մեր հոգու:

    Ես էությամբ դարձա դու,
    Դու էությամբ դարձար ես,
    Ես չիմացա, թե ինչպես,
    Դու չիմացար, թե ինչու:

    Խառնվեցին երկու “ես”
    Ու դարձան մեկ՝ “ես ու դու”,
    Դու չիմացար, թե ինչպես,
    Ես չիմացա, թե ինչու:

    Բայց չներեց բախտը մեզ,
    Ես դարձա ես, դու էլ՝ դու,
    Դու չիմացար, թե ինչու,
    Ես չիմացա, թե ինչպես:

    Ու բախվեցինք մեկ-մեկու,
    Ու հեռացանք մշտապես,
    Եվ չիմացանք, թե ինչու,
    Եվ չիմացանք, թե ինչպես:
    Վերջին խմբագրող՝ Ուլուանա: 05.07.2006, 10:01:

  8. Գրառմանը 2 հոգի շնորհակալություն են հայտնել.

    Lílium (18.07.2013), Yevuk (10.03.2010)

  9. #20
    Dangereuse Lionne_en_Chasse-ի ավատար
    Գրանցման ամսաթիվ
    08.05.2006
    Հասցե
    Quelque part dans le monde
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    Այնպես ես գալիս, այնպես գնում,
    Ով դու արարող և ավերիչ,
    Որ դժվար է մարդ գլխի ընկնում՝
    Բերածդ ի՜նչ էր, տարածդ՝ ի՜նչ:

    Գալիս ես որպես իրարանցում
    Եվ անց ես կենում որպես երազ.
    Կյանք իմ, դու ձրի ներկայացում,-
    Բայց ինչքան թանկ ես նստում վրաս:
    Il y a des gens qui augmentent votre solitude en venant la troubler...

  10. Գրառմանը 3 հոգի շնորհակալություն են հայտնել.

    Lílium (18.07.2013), Yevuk (10.03.2010), Արևածագ (13.12.2010)

  11. #21
    Mixtum compositum (away) Riddle-ի ավատար
    Գրանցման ամսաթիվ
    05.07.2006
    Գրառումներ
    386
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    Ի՞ՆՉ ԱՆԵՄ ՄԱՅՐԻԿ

    Մայրիկ, ինձ հաճախ
    Ապտակում էիր
    Սխալիս համար
    Եվ սաստում էիր,
    Որ լաց չլինեմ:
    Բայց ցաված տեղս
    Համբուրում էիր
    Եվ իմ փոխարեն
    Ինձանից թաքուն
    Լաց էիր լինում:
    Ախ, վերջին անգամ,
    Չեմ իմանում ո՞ր
    Սխալիս համար
    Ինձ ապտակեցիր
    Կորուստով քո մեծ…
    Էլ սաստող չեղավ,
    Որ լաց չլինեմ,
    Եվ ցաված տեղս
    Համբուրող չեղավ,
    Եվ իմ փոխարեն
    Իմ ցավն զգացող
    Ու լացող չեղավ:
    Ի՜նչ անեմ, մայրիկ:
    Վերջին խմբագրող՝ Riddle: 09.08.2006, 00:43:
    Ne inducas in tentationem...

  12. Գրառմանը 5 հոգի շնորհակալություն են հայտնել.

    Agni (21.04.2010), Lílium (18.07.2013), Yevuk (10.03.2010), Արէա (09.07.2010), Արևածագ (01.10.2010)

  13. #22
    Mixtum compositum (away) Riddle-ի ավատար
    Գրանցման ամսաթիվ
    05.07.2006
    Գրառումներ
    386
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    ՕՐԸ ՄԹՆԵՑ

    Օրը մթնեց, ժամն է արդեն
    Իրիկնահացի,
    Տխրությունս կամաց-կամաց
    Փոխվում է լացի:
    Իջնում էին խոհուն, խոնարհ
    Դեզերի ուսին
    Մի կաթնահունց երկնակամար,
    Մի ծերատ լուսին…
    Մեկը մեկից ամաչելով,
    Եվ զուսպ, և հավաք,
    Նստում էին մերոնք կարգով՝
    Կրտսեր ու ավագ:
    Նստում էին և սպասում,
    Մինչև պապը գար,
    Մինչև բակում Ծաղիկ եզան
    Զանգը ծլնգար:
    Պապը գալիս, սուփրի գլխին
    Նստում էր շուքով,
    Եվ լցվում էր տունը դաշտի
    Բույր ու շշուկով…
    Ու երբ տատս ձեռքն էր առնում
    Շերեփը իր հին,
    Գդալները բնազդաբար
    Աղմկում էին:
    Թանապուրի տաք գոլորշին
    Գերանին առնում,
    Եվ սյունն ի վար գլոր-գլոր
    Ուլունք էր դառնում:
    Վայելում էր տաք թանապուր,
    Լավաշ ու սամիթ
    Աշխատավոր մի գերդաստան՝
    Պարզ ու միամիտ:
    Հիմա այդ մեծ գերդաստանից
    Ոչ մեկը չկա…
    Ես եմ մնում լոկ իբրև հուշ
    Եվ իբրև վկա:
    Օրը մթնեց, ժամն է արդեն
    Իրիկնահացի,
    Տխրությունս կամաց-կամաց
    Փոխվում է լացի:
    Ne inducas in tentationem...

  14. Գրառմանը 6 հոգի շնորհակալություն են հայտնել.

    Agni (21.04.2010), Lílium (18.07.2013), Yevuk (10.03.2010), Արէա (09.07.2010), Արևածագ (01.10.2010), Մաեստրո (19.03.2011)

  15. #23
    Mixtum compositum (away) Riddle-ի ավատար
    Գրանցման ամսաթիվ
    05.07.2006
    Գրառումներ
    386
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    ԿԱԾԱՆՆ ԻՆՁ ՏԱՆԵՐ

    Կածանն ինձ տաներ անտառը՝ ցախի,
    Անտառն իմ գլխին ուլունքներ թափեր:
    Սուլոցի փոխվեր սարսուռն իմ վախի,
    Եվ ոչ մի շշուկ ոտքս չկապեր:
    Կացինս թողած կաղնու փչակում,
    Պարանս ժայռի փեշերին թողած,
    Շապիկիս թևքը՝ մասրենու ճանկում,
    Փեշքը՝ մոշենու փշերին թողած,
    Թռչեի թրջված հավքի ետևից
    Եվ չբռնեի մինչև իրիկուն…
    Հարցնեի հողից, ջրից, աստղերից,
    Գտնեի կածանն ու դառնայի տուն:
    Հայրս ինձանից բան չհարցներ,
    Չնայեր ոչ մի խնդիրք ու լացի,
    Ինձ «պարան, կացին ու ցախ դարձներ»…
    Եվ մայրս կանչեր իրիկնահացի:
    Ne inducas in tentationem...

  16. Գրառմանը 3 հոգի շնորհակալություն են հայտնել.

    Yevuk (10.03.2010), Արէա (09.07.2010), Արևածագ (01.10.2010)

  17. #24
    Dangereuse Lionne_en_Chasse-ի ավատար
    Գրանցման ամսաթիվ
    08.05.2006
    Հասցե
    Quelque part dans le monde
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    Ես ինչ-որ մեկին զրկել եմ քեզանից,
    Ես ինչ-որ մեկից զրկել եմ քեզ,
    Բայց դու հասկացիր , հասկացիր դու ինձ՝
    Այդ ինչ-որ մեկից փրկել եմ քեզ

    Դու ինչ-որ մեկին զրկել ես ինձանից,
    Ինձ ինչ-որ մեկից զրկել ես դու,
    Բայց դու հասկացիր, հասկացիր դու ինձ՝
    Ինձ ինչ-որ մեկից փրկել ես դու:

    ՈՒ չեմ իմանում փրկե՞լ ենք իրար,
    Թե ամեն ինչից զրկել ենք իրար

    ----------------------------------------------------------------------

    ԱՆԾԱՆՈԹ ԱՂՋԿԱՆ

    Լույսն էր մեռնում, օրը մթնում.
    Մութը տնից տուն էր մտնում.
    Ես տեսա քեզ իմ ճամփի մոտ,
    Իմ մտերի՛մ, իմ անծանո՛թ։
    Աղբյուրն անուշ հեքիաթի պես
    Իր լույս երգով ժպտում էր մեզ.
    Դու մոտեցար մեղմ, համրաքայլ,
    Որպես քնքուշ իրիկվա փայլ։
    Անակնկալ բախտի նման,
    Հայտնվեցիր պայծառ-անձայն.
    Անջատվեցինք համր ու հանդարտ,
    Կյանքի ճամփին մի ակնթա՜րթ...
    Վերջին խմբագրող՝ Lionne_en_Chasse: 10.10.2006, 01:34:
    Il y a des gens qui augmentent votre solitude en venant la troubler...

  18. Գրառմանը 4 հոգի շնորհակալություն են հայտնել.

    Yevuk (10.03.2010), Անտիգոնե (11.01.2014), Արևածագ (01.10.2010), Մաեստրո (19.03.2011)

  19. #25
    Dangereuse Lionne_en_Chasse-ի ավատար
    Գրանցման ամսաթիվ
    08.05.2006
    Հասցե
    Quelque part dans le monde
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    Կա մի թուլություն,
    Որ ինձնից վանել
    Չեմ կարողանում,
    Քո չարության դեմ
    Բարություն չանել
    Չեմ կարողանում:
    Բայց դեռ չգրված
    Երգիս տողի պես
    Անգիր եմ արել...
    Անգիր եմ արել,
    Բայց արտասանել
    Չեմ կարողանում:
    Ես քեզ մոռանալ
    Քեզանից հեռանալ
    Չեմ կարողանում:
    Ինձ քեզնից խլել,
    Ինձնից վերանալ,
    Չեմ կարողանում...

    ---------------------------------------------------------------


    Դու ինձ թողել էիր մենակ,
    Նորից գնում էիր հեռու...
    Հաշտվել էի քո մեղքի հետ,
    Բայց ուժ չկար քեզ ներելու:

    Քո հայացքից նայում էիր ինձ
    Մի անհագիստ հանդարտությամբ,
    Եվ զանգն արդեն մեղավոր
    Հեշտությամբ էր մեզ անջատում:

    Եվ ժպիտ կար քո աչքերում,
    Եվ տագնապ կար ուղևորի,
    Եվ դողում էր քո շուրթերին
    Թաքուն մի ահ մեղավորի...

    Դու ինձ տողել էիր մենակ,
    Նորից գնում էիր հեռու
    Գնում էիր մեր դաշինքի
    Խոսող հավատը բերելու...
    Il y a des gens qui augmentent votre solitude en venant la troubler...

  20. Գրառմանը 4 հոգի շնորհակալություն են հայտնել.

    Agni (21.04.2010), Yevuk (10.03.2010), Արէա (09.07.2010), Արևածագ (01.10.2010)

  21. #26
    Dangereuse Lionne_en_Chasse-ի ավատար
    Գրանցման ամսաթիվ
    08.05.2006
    Հասցե
    Quelque part dans le monde
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    Երազիս մեջ ինձ տեսա քո աչքերով,
    Քո աչքերով, քո աչքերով ճանաչեցի:
    Երազիս մեջ ես մեռա ինձ անիծելով,
    Երազիս մեջ ես ինձանից ամաչեցի:

    Երազիս մեջ քեզ խղճացի հազար անգամ
    Հազար անգամ քեզ ներեցի երազիս մեջ
    Եվ զարմացա, ավելորդ է ասելն անգամ
    Թե ես ինչպես համբերեցի երազիս մեջ

    Երազիս մեջ համբերեցի, բայց արթնացա
    Եվ հասկացա, որ վաղուց ես ինձ սպանել...
    Ես մեկն էի, ինչպե՞ս որ երկու դարձա,
    Միտք եմ անում... ու չեմ կարող լուսաբանել:

    ---------------------------------------------------------------



    Բնություն

    Ես ծունկի եմ գալիս
    Խոնարհվում եմ ահա,
    Ասա, ինչ որ կուզես...
    Օգնիր տառապյալիս
    Ողորմություն արա,
    Եթե աստված ունես:
    Օգնիր ինձ իմանամ,
    Ինձ քեզանից զատեմ
    ՈՒ խառնվեմ քեզ հետ:
    Օգնիր, որ դիմանամ,
    Չբարձրանամ քո դեմ
    Եվ չդառնամ աղետ:
    Օգնիր, որ արգելեմ
    Արհավիքրները նոր:
    Օգնիր, որ ես ջանամ...
    Օգնիր իրար բերեմ
    Բևեռներս բոլոր,
    Օգնիր ամբողջանամ...
    Il y a des gens qui augmentent votre solitude en venant la troubler...

  22. Գրառմանը 1 հոգի շնորհակալություն է հայտնել.

    Yevuk (10.03.2010)

  23. #27
    Dangereuse Lionne_en_Chasse-ի ավատար
    Գրանցման ամսաթիվ
    08.05.2006
    Հասցե
    Quelque part dans le monde
    Գրառումներ
    541
    Mentioned
    0 Post(s)
    Tagged
    0 Thread(s)

    Re. ՀԱՄՈ ՍԱՀՅԱՆ

    Իմ ոտքերի տակ հովիտն է ծաղկած,
    Եվ գլխիս վերև ամպեր են ոսկի...
    Չգիտեմ ինչո՞ւ հիշեցի հանկարծ
    Վաղուց մոռացված խորհուրդն այն խոսքի,
    Որ դու ասացիր ուրիշ մի հովտում,
    Երբ հրաժեշտի ամպն էր որոտում:
    Ամպերն են լողում մայրամուտի մեջ
    Գնում են գալիս, գգվում իրարու,
    Հորիզոնն ի վար ձգվում են անվերջ,
    Անջատվում նորից և գնում հեռու:
    Երկու ամպ եկան, հասան իրարու, -
    Մեկը ոսկեմորթ եղնիկ թվաց ինձ,
    Մեկը լեռներից փախած եղջերու...
    Փարվեցին նրանք քնքշանքով մի մեծ,
    Հետո հեռացան անհոգ ու անփույթ,
    Վառվեցին ոսկե հրդեհների մեջ,
    Կապույտների մեջ ծուխ դարձան կապույտ...
    Բայց վաղը անձրև կդառնան նրանք
    Եվ կհանդիպեն ծովերում հեռու,
    Իսկ մենք աշխարհում ինչ էլ որ դառնանք,
    Էլ ոչ մի անգամ չենք հանդիպելու:
    Այդ մասին գիտե հովիտն այս ծաղկած,
    Եվ գիտեն անգամ ապերը ոսկի...
    Դրանից չէ՞ որ հիշեցի հանկարծ
    Վաղուց մոռացված խորհուրդն այն խոսքի,
    Որ դու ասացիր ուրիշ մի հովտում,
    Երբ հրաժեշտի ամպն էր որոտում:
    Il y a des gens qui augmentent votre solitude en venant la troubler...

  24. Գրառմանը 2 հոգի շնորհակալություն են հայտնել.

    Yevuk (10.03.2010), Արևածագ (13.12.2010)

  25. #28
    ... aniko-ի ավատար
    Գրանցման ամսաթիվ
    09.11.2006
    Գրառումներ
    210
    Mentioned
    0 Post(s)
    Tagged
    0 Thread(s)

    Սիրտ Re. Համո Սահյան

    Վաղուց ցանկանում էի գտնել մի կայք, որտեղ գրված կլինեն իմ ամենասիրած գրողի բանաստեղծությունները, եվ պետք է Շնորհակալություն հայտենմ այդ մարդուն ով ձեռնարկել և իրականցրել է այս հրաշալի գաղափարը:
    Հույսով եմ համաձայն եք ինձ հետ, որ "Համո Սահյանը - Մեծ Մարդ" է
    եվ մի ...

    Բախտի խորհրդով եկանք մոտեցանք
    Եվ մոտենալով այնպես հեռացանք
    Որ միանալու հնար չմնաց

    Բախտի խորհրդով թողինք հեռացանք
    Եվ հեռանալով այնպես մոտեցանք
    Որ բաժանվելու էլ տեղ չմնաց

    կներեք, եթե մի քիչ խառնեցի բառերը, անգիր ասելով եմ գրում, ձեռքիս տակ հիմա գիրքը չկա
    Վերջին խմբագրող՝ aniko: 10.11.2006, 13:18:

  26. #29
    Mixtum compositum (away) Riddle-ի ավատար
    Գրանցման ամսաթիվ
    05.07.2006
    Գրառումներ
    386
    Mentioned
    0 Post(s)
    Tagged
    0 Thread(s)

    Re. Համո Սահյան

    ***
    Մեր տան պատից մի քար լիներ,
    Նստեի վրան
    Ու պատմեի անտուն կյանքիս
    Հեքիաթը նրան:

    Պատմեի, թե այս աշխարհում
    Ինչեր եմ քաշել
    Եվ գլխիս տակ քանի՜, քանի՜
    Քարեր եմ մաշել:

    Ու լսեի վերջին անգամ
    Խորհուրդը նրա
    Ու մեռնեի ապուպապոտ
    Այդ քարի վրա...

    Ավելացվել է 17 րոպե անց
    Ո՞ւՐ ԵՍ ՇՏԱՊՈՒՄ ԴՈՒ ԱՅՍ ԼԵՌՆԵՐՈՎ

    - Ո՞ւր ես շտապում դու այս լեռներով,-
    Ասաց մասրենին փեշս բռնելով,-
    Ի՞նչ է պատահել, չե՞ս մտաբերում,
    Մոռացե՞լ ես ինձ հեռու ափերում:
    - Միայն ցավերն եմ մոռացել այն հին,
    Որ քո փշերն ինձ պատճառել էին,
    Իսկ շշուկներդ, տեսքդ ծաղկածուփ
    Սրտիս մեջ են միշտ, հայրենի իմ թուփ:
    Ne inducas in tentationem...

  27. Գրառմանը 4 հոգի շնորհակալություն են հայտնել.

    Yevuk (10.03.2010), Արէա (09.07.2010), Արևածագ (13.12.2010), Մաեստրո (19.03.2011)

  28. #30
    Mixtum compositum (away) Riddle-ի ավատար
    Գրանցման ամսաթիվ
    05.07.2006
    Գրառումներ
    386
    Mentioned
    0 Post(s)
    Tagged
    0 Thread(s)

    Re. Համո Սահյան

    ՊԱՊԸ

    Իմ պապը տնկել է
    Մեր գյուղի շիվերը,
    Իմ պապը պայտել է
    Մեր գյուղի ձիերը:
    Իմ պապը մեր գյուղի
    Պատերը շարել է
    Եվ բոլոր կամերը
    Մեն-մենակ քարել է:
    Ջրել է իր այգին,
    Ու մարգը բահել է,
    Եվ արդար քրտինքով
    Իր տունը պահել է:
    Իմ պապը վարել է,
    Իմ պապը ցանել է,
    Իսկ հնձի ժամանակ
    Ձեռքի մեջ մանգաղի
    Դաստակը ցավել է:
    Իմ պապը հողի հետ
    Խորհել ու խոսել է,
    Ամպի հետ արտասվել,
    Ջրի հետ հոսել է…
    Մի օր էլ, երբ հանկարծ
    Ծալվել են ծնկները,
    Զարմանքից քարացել,
    Ամոթից շիկնել է:
    Թողել է նա մաճը
    Եվ շունչը պահել է,
    Եվ հետո քրտինքը
    Ճակատին պաղել է:
    Եվ պապը ակոսում
    Պառկել ու քնել է,
    Խառնվել այն հողին,
    Որ իրեն սնել է:
    Ne inducas in tentationem...

  29. Գրառմանը 3 հոգի շնորհակալություն են հայտնել.

    Lílium (18.07.2013), Yevuk (10.03.2010), Արևածագ (01.10.2010)

Էջ 2 9-ից ԱռաջինԱռաջին 123456 ... ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Ստեղծագործական մրցույթ. «Ոգեշնչվիր Համո Սահյանից»
    Հեղինակ՝ Chuk, բաժին` Թեմատիկ մրցույթներ
    Գրառումներ: 174
    Վերջինը: 27.05.2011, 07:51
  2. «…Հայաստանին վտանգ է սպառնում…»,– ասաց Համո Մոսկոֆյանը
    Հեղինակ՝ Հակոբ Գեւորգյան, բաժին` Զվարճալի
    Գրառումներ: 45
    Վերջինը: 14.04.2009, 13:26

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •