Հայ ժողովրդի ռազմական Տարեգիրք

[Lion]

Bergmann ջան, երևի ուշադիր չկարդացիր գրածս

Գերիշխանությունը ավելի լայնացավ, երբ Խոսրովը պայքար սկսեց Սասանյանների դեմ - Նրան հաջողվեց իր տիրապետության սահմանները հասցնել մինչև Քուշանական թագավորության արևմտյան սահման /Միջին Ասիայի հարավ/ և Կենտրոնական Միջագետք,

կամ ես հստակ չարտահայտվեցին: Նկատի ունեմ, որ նա ՈՂՋ ՊԱՐՍԿԱՍՏԱՆԸ գրավելով հասավ Քուշանական թագավորության արևմտյան սահման

Ավելացվել է 18 րոպե անց
Ի դեպ, Գիրք արդեն կա Հրապարակի վրայի <<Փոքր>> գրախանությում...

[Vishapakah]

Lion ջան, քո 10 հատորներն էլ ինձ համար մերոնք գնել են, բայց մինչև հիմա չեն ուղղարկել:

[Lion]

Lion ջան, քո 10 հատորներն էլ ինձ համար մերոնք գնել են, բայց մինչև հիմա չեն ուղղարկել:

Անսահման ուրախ եմ, եղբայր, ուրախ եմ, որ իմ գրքերը հետաքրքրում են քեզ, քանզի եթե նույնիսկ մեկ սովորական մարդ է հետաքրքրվում գրվածքովդ, ուրեմն դու իզուր գործ չես արել... Սակայն դու ամենևին էլ սովորական մարդ չես
Երբ կստանաս գրքերը, անպայման գրիր քո կարծիքը, այն ինձ չափազանց հետաքրքիր է

[Vishapakah]

Անսահման ուրախ եմ, եղբայր, ուրախ եմ, որ իմ գրքերը հետաքրքրում են քեզ, քանզի եթե նույնիսկ մեկ սովորական մարդ է հետաքրքրվում գրվածքովդ, ուրեմն դու իզուր գործ չես արել... Սակայն դու ամենևին էլ սովորական մարդ չես
Երբ կստանաս գրքերը, անպայման գրիր քո կարծիքը, այն ինձ չափազանց հետաքրքիր է

Lion ջան բավականին համեստ արտահայտվեցիր, քո աշխատությունները գրվածք անվանելով: Երևանում բնակվող տատիկս, առիթից օգտվելով քո գրքերը կարդացել էր և բավականին գովեց: Կարծում եմ, նոր տարուց հետո կուղարկեն: Անպայման տպավորություններովս կկիսվեմ, կարդալուց հետո:

[Tig]

Հարգարժան Lion, ճիշտ է ծանոթ չեմ քո աշխատություններին, բայց մոտավորապես պատկերացում կազմեցի դրանց մասին և ցանկանում եմ շնորհակալություն հայտնել նման կարևոր ու մեծ գործին լծվելու համար:

[Lion]

[QUOTE=Vishapakah;498706]Lion ջան բավականին համեստ արտահայտվեցիր, քո աշխատությունները գրվածք անվանելով: QUOTE]

Շնորհակալություն, եղբայր Ինձ անսահման ուրախացնում են ձեր նման խոսքերը, որոնք նաև տալիս են ուժ ու եռանդ:

Երևանում բնակվող տատիկս, առիթից օգտվելով քո գրքերը կարդացել էր և բավականին գովեց: Կարծում եմ, նոր տարուց հետո կուղարկեն: Անպայման տպավորություններովս կկիսվեմ, կարդալուց հետո:[/

Խնդրում եմ անպայման ամենաբարի բարեմաղթանքներս փոխանցիր տատիկիդ և ասա, որ հենց նրա նման մարդկանց համար է նախատեսված այս գիրքը: Հիանալի է, որ նա էլ է հետաքրքրվում գրքովս...

Անպայման կասպասեմ քո կարծիքին, եղբայր

Լավ եղիր

Ավելացվել է 3 րոպե անց

Հարգարժան Lion, ճիշտ է ծանոթ չեմ քո աշխատություններին, բայց մոտավորապես պատկերացում կազմեցի դրանց մասին և ցանկանում եմ շնորհակալություն հայտնել նման կարևոր ու մեծ գործին լծվելու համար:

Շատ շնորհակալ եմ եղբայր... Ուրախ եմ ոչ միայն նրա համար, որ տարիների աշխատանքս գնահատում եք, այլև ավելի շատ նրա, որ իմացա - Ձեր նման մարդիկ դեռևս կան, իսկ դա նշանակում է, ամեն ինչ, որ այդքան մեր հասարակությունում ապազգային է ու ցինիկ ...

[Vishapakah]

Շնորհակալություն, եղբայր Ինձ անսահման ուրախացնում են ձեր նման խոսքերը, որոնք նաև տալիս են ուժ ու եռանդ:

Խնդրում եմ անպայման ամենաբարի բարեմաղթանքներս փոխանցիր տատիկիդ և ասա, որ հենց նրա նման մարդկանց համար է նախատեսված այս գիրքը: Հիանալի է, որ նա էլ է հետաքրքրվում գրքովս...

Անպայման կասպասեմ քո կարծիքին, եղբայր

Լավ եղիր

Քեզ նույնպես Շնորհակալություն նման Հայրենանվեր գործի համար:

Անպայման խոսքերդ կփոխանցեմ Մհեր ջան: Դու էլ լավ մնա և քեզ նորանոր հաջողություններ մեր պատմության փակ էջերի ուսումնասիրման գործում:

Առայժմ եղբայր:

[սիսար]

Բարև Ձեզ!

Ուրախ եմ Ձեզ հայտնելու, որ հաջողությամբ շարունակվում է <<Հայ ժողովրդի ռազական տարեգիրք>> մատենաշարի լույս ընծայումը: Նախորդ գրքերի վերաբերյալ ընթերցողներիս խիստ դրական արձագանքը ստիպում է ինձ ավելի արագացնել հերթական հատորների վրա աշխատանքը: Արդյունքում այս անգամ լույս է տեսել տարեգրքի միանգամից 4 հատոր.
1. Գիրք Տասներորդ (75-216)
2. Գիրք Տասնմեկերորդ (216-298)
3. Գիրք Տասներկուերորդ (298-337)
4. Գիրք Տասներեքերորդ (337-428)

Այս հատորներում քննարկվում է ռազմա-քաղաքական բուռն իրադարձություններով հագեցած մի ամբողջ դարաշրջան, որն ընդգրկում է Հայ Արշակունիների կրտսեր ճյուղի Մեծ Հայքի գահի վրա հաստատվելու ժամանակաշրջանի սկզբից մինչև Մեծ Հայքի թագավորության անկումը ընկած ժամանակահատվածը: Մասնավորապես.
1. Տասներորդ գրքում տրված է Երկուսի թագավորության ժամանակաշրջանի Հայ ժողովրդի ռազմական տարեգրությունը: Մանրամասն ներկայացված է.
• Հայպարթևա-Հռոմեական II պատերազմը (113-117),
• Հայպարթևա-Հռոմեական III պատերազմը (161-166),
• Հայպարթևա-Հռոմեական IV պատերազմը (186-198),
• ինչպես նաև Հյուսիսային I պատերազմը (198-199):
Գրքում արտացոլված է նաև Մեծ Հայքի թագավորության պայքարը Իբերիայի թագավորության վրա ազդեցությունը պահպանելու, ինչպես նաև Ալանական թագավորության սարմատների շարունակվող ներխուժումները կասեցնելու ուղղությամբ: Անդրադարձ է կատարվել նաև հռոմեական բանակի կազմում Հայ ռազմիկների մղած դաշնակցային մարտերին: Իրականացված վերլուծության և համաշխարհային պատմական սկզբնաղբյուրների հայտնած տվյալների համադրման արդյունքում տրվել է վերոհիշյալ իրադարձությունների ամբողջական համայնապատկերը, քանի որ հաճախ օտարազգի հեղինակներին խորթ են եղել հայկական աղբյուրները այդ իրադարձությունների վերաբերյալ և վերջիններս դրանք չեն օգտագործել իրենց աշխատությունների մեջ:
2. Տասնմեկերորդ գրքում տրված է Մեկի թագավորության ժամանակաշրջանի Հայ ժողովրդի ռազմական տարեգրությունը: Մանրամասն ներկայացված է
• Հայպարթևա-Հռոմեական V պատերազմը (216-217),
• Հայհռոմեա-Պարսկական պատերազմը (224-298),
• ինչպես նաև Հայկական Յոթերորդ համաշխարհային գերիշխանություն ծավալման և փլուզման տարեգրությունը (199-252):
Գրքում արտացոլված է նաև փոփոխված ռազմաքաղաքական պայմաններում Մեծ Հայքի թագավորության պայքարը Իբերիայի թագավորության դեմ, ինչպես նաև հռոմեական բանակի կազմում Հայ ռազմիկների մղած դաշնակցային մարտերի տարեգրությունը` մասնակցությունը մարտական գործողություններին Պալմիրայի իշխանության բանակի կազմում, հռոմեական բանակի կազմում Պալմիրայի իշխանության դեմ մղվող պայքարին, դեպի Հռոմեական կայսրության տարածք գերմանացիների, գոթերի, ֆրանկների, սարմատների ու գեթերի պարբերական ներխուժումների դեմ մղվող պատերազմներին և այլն: Հայրենական գրականության մեջ առաջին անգամ տրված և վերլուծված է նաև դեպի Հայաստան գոթերի արշավանքների տարեգրությունը:
Իրականացված վերլուծության և համաշխարհային պատմական սկզբնաղբյուրների հայտնած տվյալների համադրման արդյունքում տրվել է վերոհիշյալ իրադարձությունների ամբողջական համայնապատկերը, քանի որ հաճախ օտարազգի հեղինակներին խորթ են եղել հայկական աղբյուրները այդ իրադարձությունների վերաբերյալ և վերջիններս դրանք չեն օգտագործել իրենց աշխատությունների մեջ: Մասնավորապես նորովի է վերլուծված և նկարագրված Հայհռոմեա-Պարսկական պատերազմը, որի առանձին իրադարձություններ, որոնց մասին տվյալներ են տալիս հռոմեական հեղինակները, մասնագիտական գրականության մեջ բավականին հայտնի են, սակայն որոշ իրադարձություններ էլ, որոնք արտացոլված են հայկական աղբյուրներում, վերլուծված են ոչ բավարար: Գրքում փորձ է արվել տալ այդ պատերազմի ամբոջական պատկերը` օտար և հայ հեղինակների տվյալների համադրումով ու դրանց համեմատական վերլուծությամբ, քանի որ առաջիններին, ինչպես նաև նրանց աշխատությունները հիմք ընդունած ժամանակակից օտարազգի մասնագետներին, հիմնականում խորթ են եղել հայկական աղբյուրները այդ իրադարձությունների վերաբերյալ և վերջիններս դրանք չեն օգտագործել իրենց աշխատությունների մեջ:
3. Տասներկուրորդ գրքում տրված է Խաչի դյուցազունների ժամանակաշրջանի Հայ ժողովրդի ռազմական տարեգրությունը: Մանրամասն ներկայացված են.
• ընդհարումները, որոնք ծայր առան Մեծ Հայքի թագավորությունում քրիստոնեությունը, որպես պետական կրոն ընդունելու հետ կապված (301),
• Հյուսիսային II պատերազմը (313-315),
• Հյուսիսային III պատերազմը (335-336),
• Ինչպես նաև փոփոխված ռազմաքաղաքական պայմաններում Մեծ Հայքի թ

Հարգելի Lion մեծ սիրով կըգնէի Ձեր գրքերը, սակայն ես ապրում եմ ԱՄՆ-ում,
ինչպե՞ս կարելի է ձեռք բերել Ձեր գրքերը , նաեւ ունեմ երկու անհամեստ հարցեր:
Եթ՞ե գաղտնիք չէ, կըցանկանայի իմանալ Ձեր տարիքի եւ կրթության մասին:

[Lion]

Հարգելի Lion մեծ սիրով կըգնէի Ձեր գրքերը, սակայն ես ապրում եմ ԱՄՆ-ում, ինչպե՞ս կարելի է ձեռք բերել Ձեր գրքերը

Ողջույն

Շնորհավորւմ եմ Ձեր Նոր տարին, ցանկանում եմ առողջություն, հաջողություն և ամենայն բարիք

Եղբայր, գրքերը հնարավոր է ուղարկել փոստով: Ես արդեն նման կերպ գրքերը ուղարկել եմ մի շարք երկրներ, մասնավորապես ԱՄՆ /Լոս-Անջելես/, Հոլանդիա /Ուտրեխտ/, Ռուսաստան, /Մոսկվա. Պրիմորե/ և այլն:

Իմ փորձը ցույց է տվել, որ գրքերը տեղ են հասնում ամենաուշը 15 օրից...

, նաեւ ունեմ երկու անհամեստ հարցեր:
Եթ՞ե գաղտնիք չէ, կըցանկանայի իմանալ Ձեր տարիքի եւ կրթության մասին:

Ես 26 տարեկան եմ, ավարտել եմ Երևանի պետական Համալասարանի իրավաբանական ֆակուլտետը և աշխատում եմ ըստ մասնագիտության: Գուցե և քեզ զարմացնի այն փաստը, եղբայր, որ ես ԴԻՊԼՈՄԱՎՈՐՎԱԾ պատմաբան չեմ…

Ես Հայոց ռազմական պատմությամբ լրջորեն զբաղվում եմ արդեն ավելի քան 11 տարի… Մնացածի մասին կարծիք կկազմես ըստ իմ գրքերի

Լավ եղի, կհանդիպենք

[սիսար]

Հարգեի Lion, նախ շնորհակալություն տեղեկությունների համար: Այժմ ասեք, ինչպես կարել է գնել Ձեր գրքերը, եթե կվստահեք, իմ մեյլ հասցեով ուղարկեք Ձեր հասցեն, ես կուղարկեմ գրքերի եւ մնացած ծախսերի գումարը: Խնդրում եմ արձագանքեք ինչքան հնարավոր է շուտ:

[Lion]

Եղբայր, իմ մաիլը սա

Lion1700@yandex.ru

է - ուղարկիր նրան նամակ քո մաիլից և ես կիմանամ քո մաիլը

Հ,Գ, Ես միայն այսօր տեսա քո նամակը, բայց այսուհետ ես ամեն օր կստուգեմ մաիլս, որ չուշացնեմ պատասխանը

[Lion]

Բարև Ձեզ!

Հարգելի ընթերցող, լույս են տեսել <<Հայ ժողովրդի ռազական տարեգիրք>> մատենաշարի հերթական հատորները: Ընթերցողներիս շարունակվող դրական վերաբերմունքը թույլ է տալիս ինձ պահպանել մատենաշարի հրատարակման բարձր տեմպը, որի համար ուզում եմ հայտնել իմ խորին շնորհակալությունը: Այս անգամ էլ լույս է տեսել տարեգրքի միանգամից 4 հատոր.
1. Գիրք Տասնչորսերորդ (428-502)
2. Գիրք Տասնհինգերորդ (502-572)
3. Գիրք Տասնվեցերորդ (572-590)
4. Գիրք Տասնյոթերորդ (590-629)

Լույս տեսած հատորներում քննարկվում է ռազմա-քաղաքական բուռն իրադարձություններով հագեցած մի ամբողջ դարաշրջան, որն ընդգրկում է Մեծ Հայքի թագավորության անկման ժամանակից մինչև արաբական առաջխաղացումը ընկած ժամանակահատվածը: Մասնավորապես.
1. Տասնչորսերորդ գրքում տրված է Ոգու փորձության ժամանակաշրջանի Հայ ժողովրդի ռազմական տարեգրությունը: Մանրամասն ներկայացված է.

 Վարդանանց պատերազմը (Մարզպանական Հայաստանի I ապստամբություն) (449-451),
 Մարզպանական Հայաստանի II ապստամբությունը (459-460),
 Իբերա-Բյուզանդական պատերազմը (464),
 Վահանանց պատերազմը (Մարզպանական Հայաստանի III ապստամբություն) (481-485),
 Սատրապական Հայաստանի I ապստամբությունը (484-488),
 Մարզպանական Հայաստանի IV ապստամբությունը (491-499),
 Սատրապական Հայաստանի II ապստամբությունը (493-496),
 ինչպես նաև հոների և կատիշների ասպատակությունների տարեգրությունը:

Գրքում արտացոլված է նաև Պարսից թագավորության բանակի կազմում Հայ ռազմիկների մղած դաշնակցային մարտերի տարեգրությունը` վերջիններիս մասնակցությունը հեփթաղների և մազքութների դեմ մղվող մարտերին, ինչպես նաև Պարսից թագավորությունում մղվող գահակալական պայքարին:
Այս իրադարձությունները վերլուծված և ներկայացված են նորովի` հաշվի առնելով ժամանակակից ռազմական պատմության գիտության վերջին ձեռքբերումները և օգտագործելով մոդելավորման ու տրամաբանական մտահանգման մեթոդները: Մասնավորապես իրականացված վերլուծության արդյունքում վերականգնվել է Ավարայի ճակատամարտի իրական պատկերը, Վարդանի և Վասակի կողմնակիցների կազմը, վերլուծված ու հիմնավորված են այս ճակատամարտում մարտնչող բանակների թվաքանակները, կողմերի կորուստները, ճակատամարտի արդյունքը, անդրադարձ է կատարվել մի քանի մոռացված ապստամբությունների, մի քանի տասնյակ ճակատամարտերի և այլն:
2. Տասնհինգերորդ գրքում տրված է Հավակնոտ հսկաների ժամանակաշրջանի Հայ ժողովրդի ռազմական տարեգրությունը:

 Պարսկա-Բյուզանդական II պատերազմը (502-505),
 Պարսկա-Բյուզանդական III պատերազմը (527-532),
 Պարսկա-Բյուզանդական IV պատերազմը (538-560),
 Սատրապական Հայաստանի III ապստամբությունը (539-542):

Գրքում հատկապես մեծ տեղ է հատկացված Հայ ռազմիկների մղած դաշնակցային մարտերի տարեգրությանը: Մասնավորապես արտացոլված է վերջիններիս մասնակցությունը Պարսկա-Բյուզանդական պատերազմներին, բյուզանդական բանակի կազմում Աֆրիկայում, Իտալիայում, Իսպանիայում, Թրակիայում, Կովկասում, պարսկական բանակի կազմում Միջին Ասիայում մղվող մարտերին, ինչպես նաև Բյուզանդիայում մղվող գահակալական պայքարին: Հայրենական գրականության մեջ առաջին անգամ տրված և վերլուծված է նաև դեպի Հայաստան սաբիրների արշավանքների, ինչպես նաև մեսխերի և ճաների ապստամբությունների ու ասպատակությունների տարեգրությունը:
Հիմք ունենալով կուտակված հսկայծավալ փաստական նյութը` սույն աշխատությունում, առաջին անգամ հայ իրականության մեջ, տրվել է ոչ միայն մատնանշված իրադարձությունների համակարգված, մանրամասն և ժամանակագրականորեն հստակ շարադրանքը, այլև առանձին ցուցակով ներկայացվել է ըստ մեզ հասած տվյալների բյուզանդական բանակի կազմում մարտերին մասնակցած Հայ ռազմիկների ցանկը: Առաջին անգամ համակարգված և հստակ կերպով ներկայացվել են նաև Վրաստանի վրա Բագրատունիների քաղաքական ազդեցության տարածման փուլերը և ձևերը:
3. Տասնվեցերորդ գրքում տրված է թուլացող հսկաների ժամանակաշրջանի Հայ ժողովրդի ռազմական տարեգրությունը: Մանրամասն ներկայացված են.
 Փոքր Վարդանի ապստամբությունը (Մարզպանական Հայաստանի V ապստամբություն) (572-590),
 Պարսկա-Բյուզանդական V պատերազմը (572-590),
 ինչպես նաև դեպի Հայաստան ու հարակից երկրներ ավարների, թյուրքուտների և խազարների արշավանքների տարեգրությունը:

Գրքում մեծ տեղ է հատկացված նաև Հայ ռազմիկների մղած դաշնակցային մարտերին` վերջիններիս մասնակցությանը Պարսկա-Բյուզանդական պատերազմին, ինչպես նաև բյուզանդական բանակի կազմում Թրակիայում և Կոստանդնուպոլսի պաշտպանության համար մղված մարտերին: Իրականացված վերլուծության արդյունքում տրվել է վերոհիշյալ իրադարձությունների ամբողջական համայնապատկերը, քանի որ հաճախ հայկական սկզբնաղբյուրների հայտնած տվյալները լիովին անհիմն հայտարարվել են <<հնարովի և վիպական>>, ինչը հնարավորություն չի տվել լիարժեք ուսումնասիրել դրանք: Մասնավորապես խոսքը վերաբերվում է Հովհան Մամիկոնյանի և Սեբեոսի հայտնած տվյալներին, որոնց հիման վրա հայրենի գրականության մեջ առաջին անգամ վերականգնվել է Փոքր Վարդանի ապստամբության իրական պատկերը: Միաժամանակ սույն աշխատությունում առանձին ցուցակով ներկայացվել է ըստ մեզ հասած տվյալների բյուզանդական բանակի կազմում մարտերին մասնակցած Հայ ռազմիկների ցանկը, ինչպես նաև Վրաստանում Բագրատունիների ծավալած ակտիվ գործունեության իրական պատկերը:
4. Տասնյոթերորդ գրքում արտացոլված է Ուժասպառ հսկաների ժամանակաշրջանի Հայ ժողովրդի ռազմական տարեգրությունը: Մանրամասն ներկայացված է.
 Մարզպանական Հայաստանի VI ապստամբությունը (592),
 Սատրապական Հայաստանի IV ապստամբությունը (593),
 Սատրապական Հայաստանի V ապստամբությունը (595),
 Սատրապական Հայաստանի VI ապստամբությունը (602),
 Պարսկա-Բյուզանդական VI պատերազմը (602-628),
 Մարզպանական Հայաստանի VII ապստամբությունը (620-628):

Աշխատությունում կրկին մեծ տեղ է հատկացված Հայ ռազմիկների մղած դաշնակցային մարտերի տարեգրությանը: Մասնավորապես արտացոլված է վերջիններիս մասնակցությունը Պարսկա-Բյուզանդական VI պատերազմին, բյուզանդական բանակի կազմում Աֆրիկայում, Թրակիայում, Կոստանդնուպոլսի պաշտպանության համար, ինչպես նաև պարսկական բանակի կազմում Միջին Ասիայում մղվող մարտերին: Հայրենական գրականության մեջ առաջին անգամ համակարգված ձևով շարադրված ու վերլուծված է նաև դեպի Հայաստան թյուրքուտների և խազարների արշավանքների ու ասպատակությունների տարեգրությունը:
Իրականացված վերլուծության արդյունքում վերականգնվել է այս իրադարձությունների ամբողջական պատկերը, քանի որ հաճախ հայկական սկզբնաղբյուրների հայտնած տվյալները լիովին անհիմն հայտարարվել են <<հնարովի և վիպական>>, ինչը հնարավորություն չի տվել լիարժեք ուսումնասիրել դրանք: Խոսքը կրկին մեծապես վերաբերվում է Հովհան Մամիկոնյանի հայտնած տվյալներին, որոնց հիման վրա հայրենի գրականության մեջ առաջին անգամ վերականգնվել է Մարզպանական Հայաստանի VII ապստամբության իրական պատկերը: Աշխատության մեջ անդրադարձ է կատարվել նաև Վրաստանում Բագրատունիների իրականացրած գործունեությանը, վերլուծված է քաղաքական անկախության վերականգմանն ուղղված հայ նախարարների պայքարի ընթացքը և այլն: Միաժամանակ առանձին ցուցակով ներկայացվել է նաև ըստ մեզ հասած տվյալների բյուզանդական բանակի կազմում մարտերին մասնակցած Հայ ռազմիկների ցանկը:

... Հարգելի ընթերցողներ. գրքերը կան.

 Հանրապետության Հրապարակի փոքր գրախանութում
 Մաշտոցի պողոտայի վրա գտնվող նախկին <<Բուկինիստ>> գրախանութում,
 Երևանի պետական համալսարանի կենտրոնական մուտքում գտնվող գրախանութում,
 Հարավ-արևմտյան թաղամասի նոր եկեղեցու դիմաց գտնվող գրախանութում:

Բացի այդ ես գտնվում եմ Երևանում, և, եթե ցանկություն կա, ապա կարող եք Lion1700@yandex.ru մաիլով ինձ նամակ ուղարկել, որից հետո գրքերը կստանաք հենց ինձնից` բնականաբար հեղինակային ստորագրությամբ:
Եղբայրներ, գրքերը լիովին հասանելի են նաև օտար երկրներում գտնվող մեր հայրենակիցներին: Այն ձեռք բերելու համար ընդամենը պետք է Lion1700@yandex.ru մաիլով ինձ ուղարկել հասարակ էլեկտրոնային մի նամակ և ես այն կուղարկեմ փոստով: Նման ձևով ես գիրքը ուղարկել եմ արդեն աշխարհի տարբեր ծայրերում գտնվող իմ հայրենակիցներին... …Արդեն գրեթե մեկ տարի է, որ ես շարունակում եմ սույն մատենաշարի հրատարակությունը: Այս ժամանակահատվածում ես զգացի, որ պետքական գործ եմ կատարում, քանի որ մատենաշարս հայաստանցի և հատկապես սփյուռքահայ ընթերցողների կողմից արժանացավ խիստ դրական գնահատականի: Հատկապես ուրախացնում է սփյուռքում գտնվող մեր եղբայրների արձագանքը, ինչը հերթական անգամ ապացուցում է, որ Հայ ժողովրդի անցյալի, ներկայի և ապագայի իմաստավորման խիստ կարևոր գործը գիտակցվում է նաև Հայաստանից դուրս: Բացի այդ ուրախացնում է նաև այն, որ սփյուռքահայ մեր եղբայրները, չնայած գլոբալիզացված հասարակությունների դաժան ճնշմանը, չեն կորցնում իրենց ազգային դիմագիծը: Հույս եմ հայտնում, որ այս աշխատանքը, ծանոթացնելով հայերին իրենց նախնիների արած գործերին, կհանդիսանա ևս մի հաղթաթուղթ գլոբալիզացված գաղափարախոսության ցինիկ արժեքների դեմ պայքարում:
Եղբայրներ, Ձեր օժանդակությունը ինձ համար անսահմանորեն մեծ նշանակություն ունի, քանզի երբ զգում ես, որ արածդ աշխատանքը դրական արձագանք է ստանում, գնահատվում է, իսկ հաճախ նաև հիմք է հանդիսանում նորանոր աշխատանքների ու գաղափարների լույս աշխարհ գալու համար, թափածդ ջանքերի համար քեզ զգում ես լիովին վարձատրված:

Հարգանքով Մհեր Հակոբյան

[Astgh]

Հարգելի Lion,
Ձեր գրքերը դասավանդվում են բուհերում? Եթե ոչ, ապա ինչու? Ինչքան հասկացա շատ ընդգրկուն են

[Lion]

Հարգելի Lion,
Ձեր գրքերը դասավանդվում են բուհերում? Եթե ոչ, ապա ինչու? Ինչքան հասկացա շատ ընդգրկուն են

ՉԷ, գիտեք, գրքերը ԲՈՒՀ-երում չեն դասավանդվում, չնայած ըստ իմ ունեցած տվյալների ուսանողության շրջանում դրանք շատ հարգի են և տարածված: Պատճառները բազում են, սկսած նրանից, որ ես պրակտիկ աշխատող եմ և անմիջական կապ չունեմ ԲՈՒՀ-երի հետ, վերջացրած նրանով, որ ինքը առարկան /Հայ ժողովրդի ռազմական պատռմություն/ դեռևս ընդամենը ձևավորման փուլում է, ընդ որում, չեմ ուզում պարծենալ, սակայն դա այդեպս է, ձևավորման փուլում է հիմնականում իմ ջանքերով...

Այսպիսի բաներ

[Astgh]

/Հայ ժողովրդի ռազմական պատռմություն/ դեռևս ընդամենը ձևավորման փուլում է, ընդ որում, չեմ ուզում պարծենալ, սակայն դա այդեպս է, ձևավորման փուլում է հիմնականում իմ ջանքերով...

Պարծենալու բան չկա, ինչը ճիշտ ա, ճիշտ ա