Լահմաջու կուտե՞ք
Խմոր՝ 1 շիշ մածուն, 1թ.գդ. սոդա, ալյուր, աղ: Պատրաստում ենք ոչ շատ պինդ, ձեռքերին չկպչող խմոր:
Միջուկը՝ 0.5կգ ոչխարի յուղոտ միսը (եթե չկա, մի ուրիշ միս, ինչ կա ձեռքի տակ, կուտվի, ուղղակի եթե յուղոտ չի, մի քիչ կարագ ենք ավելացնում ես ոչխարով չեմ սիրում), 4-5 գլուխ սոխը, 2-3 պճեղ սխտորն անցկացնել մսաղացով: Ավելացնում ենք սեւ, կարմիր պղպեղ, աղ, մի քիչ տոմատի մածուկ, մաաաանր կտրատած մաղադանոս ու լավ խառնում ենք:
Խմորից պատրաստում ենք մեծ ընկույզի չափի գնդիկներ, գրտնակով բացում ենք դեսերտի ափսեի չափով... Վրան քսում ենք միջուկը բարակ շերտով (եթե մսի շերտը հաստ լինի, խմորը կվառվի, իսկ միսը չի հասցնի եփվի), թխում ենք նախապես տաքացրած՝ ոչ շատ բարձր ջերմության ջեռոցում: Թխելուց հետո, որպեսզի չչորանան, լահմաջուներ դնում ենք փակվող ամանի մեջ, կափարիչի տակից կարելի է գցել սրբիչ, որ գոլորշին մնա ներսում
Բարի ախորժակ
Էջանիշներ